新坤盛食堂

營業中

休息中

工廠區食堂食物質素已經不可以有咩要求，但服務態度極之差👎🏻👎🏻👎🏻，嚟消費仲要包埋受氣😰😰我多數打電話嚟叫外賣自取，早幾日如常叫外賣，去到自取時，竟被收銀果位哥哥仔語氣極差叫我「可唔可以唔駛我每次問你仲有無嘢要？」我真是莫明奇妙，打電話叫外賣我叫完我要嘅嘢，就自然無嘢講等對對確認收到至收線又有問題？ 再唔係 我消費都叫做「客」，唔係要受呢啲咁嘅待遇呀！？ 👎🏻👎🏻👎🏻今時今日咁服務態度…..似趕客走多過做生意

【南區】【新坤盛食堂】中銀人壽香港超級聯賽又開季，我作為香港足球嘅忠實支持者，開季第一場賽事冠忠南區主場對香港 U23 就當然會入場支持。場波喺香港仔運動場進行，我就梗係安排自己嗰日過嗰邊做嘢然後順便食嘢啦，我慣常套路嚟。首先做嘢，然後食嘢，之後睇波，真係一個完美行程嚟，相當實在。不過可惜嘅係，上屆試過一次咁樣之後，香港足總居然喺全世界都復緊賽嘅情況之下將港超聯腰斬，而且冇得喺球場練波，連隨我都冇得入場支持港超聯呀。連鎖效應就當然導致埋附近嘅人流都減少咗，我唔敢講全部觀眾都會喺附近食嘢，不過點都會有影響。我今次講呢間影響就未必咁大，因為佢係喺外圍嘅工廈食堂嚟，我都係做嘢先會食佢。佢個門口喺大路，但都唔易去架。第一次去就係喺一個唔太肚餓嘅狀態，所以只係叫咗個下午茶餐，「牛油西多士」配「凍奶茶」。個西多唔算好特別，不過佢有夾花生醬，由於佢係用韓國嗰隻糖漿，我就轉咗煉奶。$33 嘅價錢有埋一杯正常餐飲，冇嘢挑剔。二訪嗰次餓啲，想食過工廠一人餐，點知要三點後，小雜窩又冇，咁唯有叫個「牛筋腩炸飛蛋米粉」配「凍檸茶走甜」。炸飛蛋即係即炸魚蛋，熱辣辣幾正，我見隔離枱都係叫佢，嘢飲正常，$48 唔算好

今日見有少少肚餓就去咗公司附近嘅新坤盛食堂度食下午茶啦，咁坐低就叫咗個牛腩河同炸魚旦加杯凍檸茶。佢哋嘅牛腩河既湯底味道都唔錯，牛腩炆得幾冧唔會太韌仲好入味，加少少辣椒油落去食就更好味。再來就講下個炸魚旦，魚旦外皮炸得非常香脆有少少鹽喺個外皮度，個鹹味提升咗個魚蛋嘅鮮味。咬落去非常之彈牙好好食，杯凍檸茶正正常常咁啦。

很久沒有來這裡午膳了，趁今天有充裕的時間，加上秋涼的季節，就算要步行十分鐘，還也是來了。我點的仍舊有我的最愛「炸蛋」加牛筋腩配米線，加凍檸茶，盒金$44，不愛湯粉麵的還有炒粉、麵、飯，選擇很多，而且均一收費，很方便化算。味道仍舊保持水準，服務也可以，這個價錢來說十分值。其實很想試炸脾，但下午茶餐是3:00開始，希望下次有時間去吧！

星期六又要返工，咁就梗係要食返個醒神早餐先，黃竹坑選擇真係唔多，連一間連鎖食肆都冇，茶餐廳又低質素，比較高質少少又好貴。今次就去試另一間茶記，睇到餐牌其實覺得幾吸引，於是就嗌咗份最貴嘅早餐，雞扒雙太陽蛋多士加叉燒通，飲品就揀茶走，盛惠46蚊。雞扒賣相唔多吸引，不過食落都有醃味，太陽蛋合格，多士唔夠熱唔夠脆。至於個叉燒通，完全唔掂，叉燒冇味，食落好似食擦膠咁，通粉湯底淡而無味。好彩杯茶走都幾好飲，茶味夠濃！整體嚟講，46蚊真係貴，如果有大快活大家樂，我一定唔會再食黃竹坑區嘅茶記，真係太失望。喺黃竹坑返工嘅朋友，都係帶飯好過啦。

呢度啲炒野一向正，佢啲湯米都唔錯兩餸米粉加野食40蚊👍🏻佢嘅炸飛蛋好味👍🏻，其實即係炸白魚蛋，炸得好香好熱，叉燒偏瘦，質量都唔差新坤盛係黃竹坑真係平靚正👍🏻

午飯時間周圍都好多人 今日唔想食西餐 一於去呢間歎返個中式午餐先!呢間食堂午飯時間真係好多人下 有附近返工既亦都有做緊工程既依現場環境所見，幾乎座無虛席，搭枱是常事不過但求食個快飯又有乜所謂？而食堂除咗提供每日午餐比你揀，你仲可以係佢張menu度揀你所見既所有都係同價，只係差在熱飲同凍飲分別熱飲$40 凍飲則$42 相當抵食唔想食太油 就食 涼瓜炒蛋飯配凍檸茶$42份量都好多下 而且真係即炒 熱辣辣 蛋好滑下  好有蛋味 涼瓜都唔會苦 甘甘地 同埋都厚切凍檸茶茶底唔錯 甜度剛好 整體嚟講 呢度真係一個唔錯既選擇，又抵食又好味！唯一要講既缺點應該午飯時間要等一陣先有位

由同事介紹，中午去左外表其貌不揚既新坤盛食堂，但發現竟然出奇地有特色。一入門口，見到人山人海，成個食堂坐爆晒人，一位伙計大大聲叫埋黎「幾位啊」，呢個粗聲粗氣既感覺可能有人接受不了，但就係就係因為呢種直接了當既說話方式，少左重隔模，令我覺我倍感親切。而午餐種類好多，有快餐，有面，有雙餸飯，而且價錢唔貴，仲唔洗點等就有得食，絕對係快、靚、正！

之前聽同事講呢間茶記幾有水準，咁啱下午茶時間就諗住試下啲炸脾西多。點知入到去見到個餐牌寫住炸脾冇得跟餐，有啲失望，諗住照叫，點知伙記就話冇哂雞脾最後唯有叫咗個雞扒三文治烘底，普普通通，不過不失。

難得會經過黃竹坑附近嘅工廠區見到午飯時間嘅新坤盛都幾多人潮入去 決定試試佢！簡單嘅飯堂設計 幫襯嘅大多都係工廠區番工嘅朋友仔環境都幾「熱鬧」 不過多左幾份地道嘅親切感覺XD白飯大大碗 果然係男人嘅食堂當然我地都要入鄉隨俗 嗌番啲「男人嘅浪漫」啦～豆腐火腩飯就無嗌嘅嗌左一份口水雞 同一碟咸蛋蒸肉餅share  口水雞辣味十足 搞到我要嗌多枝樽裝可樂下一下火不過略嫌雞隻較肥 皮多過肉 無乜肉食。。。反而蒸肉餅就啱哂我口味 淋上面嘅醬油夠哂風味連平時唔係好鍾意食飯嘅小編都都食多左幾啖！正！

黃竹坑無咩餐廳選擇地鐵站旁邊既熟食市場最就腳易搵街外人通常係為左泰國菜而黎而新坤盛隱藏係工廈後面第一次去無人帶路好難搵到呢度比熟食中心更加抵食 乾炒三絲河$36配料落好多 女仔應該食唔哂一碟男士唔怕食唔飽炒河唔油 呢一點真係難能可貴真係做到「乾炒」好好食！午餐時間真係好多好多人都坐得好迫下 好彩大家都快食快走 俾少少時間會等到位既收銀阿姐好兇 反而樓面兩個阿叔雖然好忙但仲有笑容會開下玩笑留意番四月好似加左少少價

黃竹坑食Lunch 是一件恐怖的事，人超多，選擇少，幸好今日提早12pm 放飯，我們一行六日就衝去公司附近的新坤記食堂，去到已坐滿人，等左5分鐘先有位，去這裡毫不考慮一定是食炸彈米，即香港獨有的條型炸白魚蛋，熱辣辣炸起超級好味，套餐$40大大碗有野飲，但這𥚃環境較焗及大油煙味，食完快快走人🤓

The hotel is nearby and can not provide the lunch between the Christmas days. Lucky, I found out this restaurant and the tasty is rather good especially the icy lemon tea is amazing and the most important thing is that the price is so nice.

如圖上禮拜，食了一餐，肚痛了兩日，唔舒服了第三四日。t_t 睇相可以見到幾唔乾淨。慘在食到尾先見到。在食肆有小強痴住碟邊呢D喺香港好閒事，佢呢度勁嘅係隻小強係俾隻碟攔腰磨爛晒，伴隨住刮到成碟的黑邊，估佢D碟係喺廚房刮住地嚟行都好合理 ………

English menu available upon request. Friendly, Hong Kong local diner with lots of space and cold drinks available. Tv screens show Hong Kong drama series and a wonderful experience to eat here to observe everyday paisano life. cleanliness is questionable as there were bits of rice and leftover drink splotches left on table, the cups for drinking water also seemed not so clean