新宏利粥麵

營業中

休息中

年後久久都未能收心，個個星期都四圍去尋覓美食，是晚覺醒想吃白粥清一清腸胃（其實配炸兩並沒有健康很多）路德圍有間粥店，是不論附近開多少新店，一窩風熱潮也好，他都總有不少食客，每次光顧都滿座，皆因小店粥品種類多，美味而且抵食！平日愛叫艇仔粥加炸兩，今晚叫白粥加炸兩，只需20蚊，而且其油炸鬼都很好味！經過真要試試。

這間在荃灣鬧市開業，全開放式，地方偌大，甚多街坊幫襯的粥舖，店名雖是粥麵店，賣的主要只是粥，而非麵。麵雖是有的，卻只是伴粥吃的炒麵、炒米粉、炒河粉。這一天，特地來到荃灣尋找攝影題材的我，逛逛蕩蕩，蹓躂到這店舖附近，想起這間數年前曾光顧過的粥店，決意來這兒吃頓晨早粥餐。吃的是雙拼「皮蛋碎牛粥」（$19），伴吃的是「油炸鬼」（$12）。「皮蛋碎牛粥」雖然不太大碗，粥料卻有不少，味道正正常常，都過得去。皮蛋和碎牛都是我喜歡的粥料，把熱呼呼的粥送進肚子裡，感覺舒泰受用。「油炸鬼」只是一般貨色，因為不是即炸的關係，並不夠脆，不過把油炸鬼掰開放進粥裡浸腍吃，就還可以。這頓早餐，雖不算甚佳，但「皮蛋碎牛粥」與「油炸鬼」的組合，卻是我喜歡的配搭。

生日週加上年尾，食得太多好西搞到有啲滯，今晚又話食團年飯，決定午餐食返清淡啲。呢間粥鋪經過了好幾次，好似無論咩時間都一樣甘多人，坐無虛席。皮蛋魚片粥$19粥好綿，唔會水汪汪。配料都好多，食到底都仲有料。食魚片最怕片得唔好，會有好多碎骨，好彩呢度無👍🏻 皮蛋唔係流心皮蛋，但$19真的不能要求更多生滾粥多數三十靚蚊左右，都好多人叫，下次可以再試一路食一路見到師傅搓粉炸油器，真係好想叫個牛脷蘇食，但個胃好唔淨氣，皆因近排食得太放肆😭

又係上完普通話班堂，三個妃妃想輕盈食，又唔想食肥人，就去食下清腸胃的夜粥……朋友話這店很耐了……所以有了歷史的痕跡這晚我們去到已經晚上9點了，仍然見到好多人用膳……定係好似我們一樣，係食夜粥當食宵夜。牛肉粥豬紅粥皮蛋瘦肉粥炸两炒麵妃妃們好喜歡食地道的食物，唔係辛苦攞0黎自己受；而是真的想食地道又好味的食物。 外界如何評論好食或唔食，都要嚐試一下。 一樣米養百人，個個人的味蕾口味個個人都唔一樣，一個人話唔好食真係可以代表全世界的人的味蕾嗎❓話當年，有時我們妃妃為了就男友，食佢地喜歡的食物，有時候食番地道食物都唔錯。最抵死，記得係 d男人帶妃妃去食，後來咀刁左又話唔想食。

自去年開始，每年呢個時候都會陪毅行者行下，晨早由城門水塘出發。今年同舊年一樣，都係好早去到荃灣呢間粥舖，先食個早餐再出發。晨早流流唔想食得太飽，於是吃我最喜歡既豬紅艇仔粥，因為覺得好似多左餸食開心D咁。但一個粥又唔夠，所以叫多個腸粉。同朋友share，佢話想要無餡既腸粉，即係乜？即係齋腸囉！無乜好彈。後記：我地行到大帽山既時候，隊員同support team講想食餃子。但要食水煮既餃子。水煮既餃子??　第一下戚刻諗起水煮魚個D，但無理由呀都無聽過呢樣野。水煮餃子即係唔要煎既餃子....隱約係有個term for呢D餃子......傻豬！咪即係水餃囉！

只能講句⋯越做越衰！我親眼見過好幾次，有客人想問多句自己想買的食品需要等幾耐，老闆或者伙記都只會答一句⋯「唔好問，唔買就過主！」。所以如果其他選擇嘅話我都唔會幫親佢！

工作太忙 病倒了，朋友在荃灣買來粥，腸粉，炸麵及牛利酥給我午餐。之前食過舊店的出品，易手後食品好像進步了。我們吃碎牛粥和艇仔粥，粥身綿綿的，剛剛好，不會太杰，又不會過咸。碎牛粥是碎牛肉加上炸米粉混合而成，由細食到大。艇仔粥就再加上小魷魚鬚，豬皮等，很傳統，不錯。這兒的炸麵及牛利酥做得很好，香脆無油膩感，要趁新鮮吃啊！腸粉幼滑有米香，加上煑過的豉油，麻醬，甜醬 好好味。

舊式粥麵舖越來越少，荃灣路德圍有間名新宏利粥麵，有好多人幫襯，不妨試試。店員說冬天的時候，生意比較多，因人們愛吃熱辣辣的粥品及炒粉麵，夏天生意比較遜色，因為他們沒有冷氣提供。下午時份有師傅在炸油條、牛脷蘇酥煎堆仔等等，本來想行近少少影下油鍋的狀況，但無謂阻住師傅工作啦。我吃了艇仔粥，粥身好糊，是一般舊式店的質素，料子如豬皮、濕魷魚、碎牛肉炸米粉和花生都足夠，可以啦。值得一讚是他們的腸粉，爽滑有米香，平民小食👍🏻

成日覺得粥品舖,老店就點都好食啲既, 咁呢間係荃灣都應該好多年,諗住無死啦。。。咁又未到食唔入口,但有得揀都真係唔想放入口,同好味相差好遠, 只係粥品不嬲都平,可取之處就只有平,但平在我黎講都吸引唔到。呢個好似叫皮蛋及第粥,有皮蛋有啲魷魚咁,我就無試啦本身想要白粥,但聽到人地叫皮蛋碎牛,咁我就跟人要左個。粥水粥水,真係好水, 皮蛋唔好食, 肉碎一pat pat咁,食完都唔飽既再要左個腸粉, 又係唔好食。。好厚好實,而落既麻醬,係任落,但好得意,無味既。當日就夜啦,賣晒炸量,無得試,希望老店都比啲心機整好食啲啦,街坊先有動力支持嫁!咁樣四十幾蚊,唉。。平都唔想再食

超好味嘅粥店一星期起碼兩餐早餐都係佢佢d粥真係好足料個艇仔粥真係不得了每一啖都有料 勁多豬皮 魷魚個粥吾係"粥水"平時第2 d粥舖d粥 食完好似無食過野咁呢個食左6個鐘之後都吾覺肚餓 證明真材實料試左佢個豬紅艇仔粥 同皮蛋艇仔粥好味食完又吾覺好口渴 超正足料到咁只係$17 外賣加$1 牛脷酥$8 超脆 大大個真係好抵食👍🏻👍🏻 宜家都好難搵到呢d粥店

呢間粥鋪由細食到大，簡直陪住我成長， 充滿回憶 。因為價錢平又好味，所以每次經過都見到人頭湧湧。 傳統的粥舖，係香港已買少見少，食物全部都寫在牆上，一目了然，非常懷舊。這老店，冬天時，人頭湧湧是必定的，可是就連夏天，烈日當空下，還是坐滿人，為什麼？食物質素係好重要的原因。 最近粥舖還推出生滾粥，價格還相當合理。我推介佢哋的豬潤魚腩粥同狀元及第粥，好味得黎又抵食夾大件。

This local resturant caught my eyes since it was full of people eating congee even in this hot weather!It must have some attractions and I decided to try. Of course, I wanted to be safe and ordered traditional congee with pork and thousands year egg. It is alright for $17 but it is not thick. The portion of meat and egg is not much too. I think it is a well known resturant for many locals and there are not many focusing on congee nearby.

和妹行過有粥品食店，人流也不少，心想也应不錯。我們叫了炸両($10)，魚片豬紅粥($17)，燒賣($6有六粒)，芝麻糊($13)。炸両外的腸粉，入口軟軟的，內的油炸鬼亦算脆口，結合來不錯。魚片豬紅粥的粥底綿綿，不糊口;豬红入口滑滑的，味重血腥味，是我小时侯愛吃的味道。魚片切得薄和大片，入口算新鲜，$17這價錢確很便宜。芝麻糊很大碗，重芝麻味，不太甜，不太糊口，質素更勝於一些甜品店。以小妹愛吃燒賣多年的經驗，應是陳記出品，所以水準是中規中舉。今天吃的味道全是童年味，而價錢亦非常便宜，真是幸福！

老店應對出品有要求吧，但來到的炸両預先做定不在話下，要命的是用蒸爐保温了一段時間，油炸鬼全淋'，阿姐推說一包粉皮便會淋的了！你以為我是第一次吃炸両？一期一會好了。

路過新宏利, 令人回憶童年時的粥店, 一間小小的店鋪, 掛著懷舊大風扇, 店面長期座無虛席, 很多街坊幫襯.炸両: 每條卷著油炸鬼的滑嘟嘟腸粉, 可隨意加上麻醬, 辣椒醬,令腸粉更香口, 油炸鬼也很脆口.芝麻糊: 在小店吃中式糖水, 另有一番風味, 在這裡吃很有懷舊感覺, 與現代新式甜品店不同呢! 甜度適中, 不會太甜, 好味!價錢抵, 老店鋪, 值得支持!