新宏利粥麵

營業中

休息中

端午節正日，就吃粽應下節啦經常人山人海的新宏利粥麵，不要看它裝潢簡陋，卻十分之多棒場客咸肉粽糯米軟腍，餡料夠足，綠豆蓉軟綿，入口甘香肥肉香口滋味，連糯米同吃，口感滿足炸兩腸粉即叫即蒸，粉皮厚度適中而軟滑油炸鬼吃落外脆內軟，配甜鼓油吃，正！小食 ( 蘿蔔、魚蛋、豬皮 )蘿蔔清甜沒有根，最怕蘿蔔吃到根，而且炆得夠腍魚蛋爽口、彈牙,配咖喱汁吃十分惹味豬皮已經盡吸咖喱汁，非常入味而爽滑平民美味的小食，一直擄獲不少吃客的心，包括Master L

冬天凍冰冰食碗粥就暖昱昱!每次經過呢間粥店都坐滿人，雖然是簡單的摺台摺櫈，大排檔的感覺，但仍然吸引一批一批人坐低食野。店子有幾款特定粥品，有炒粉面同各式油器以及蒸糭，只見大家都是嗌碗粥再加個配搭。店員很厲害地不用落單而且好快就送上你點的食物。是日，我叫左個皮蛋瘦肉粥同炸兩,個人喜歡軟綿的粥，而它煮得比湯飯綿一些，但未去到將米煲到軟化的程度，但唯一是它不稀,比連鎖店做得好的是而且不多味精(我真係好憎落太多味精而搞到你好口渴)皮蛋的份量都多，而瘦肉就煲到太老，有點難咬。炸兩睇落去已炸好1段時間，食落去已淋身，唔夠香口。埋單$26，雖然我覺得味道只算一般，但賣的是往日的情懷和地道而且勝在就腳同快手。

依家係香港既街道已經越黎越少見，都捲入街市或者係小型餐廳先食到。今日行過路德圍就見到呢間野，真係好多人食😂😂我地坐底就叫左“皮蛋瘦肉粥” “炒面” 仲有 “炸兩”😆😆叫完餐2分鐘就有野食，超級快趣啊😂碗粥大大碗熱辣辣，好暖胃^^ 但隔離有個大風扇，落胡椒粉既時候吹哂落我塊面，環境好唔得掂😕😕之後有人搭枱，又落胡椒粉，點知又吹左落我度，係咁打噴嚏!!另外個炒面真係好大碟，如果2個人食叫一碟都是夠哂😁但炒面味道就一般般，醫飽肚之選吧!! 而呢度既“炸兩”好香口，一定要叫黎配粥食，咁先至係享受(╯з╰) 成餐2人50蚊左右就飽哂~幾抵^^

家住荃灣，經常走過這個角落，這間粥店，每次都高朋滿座。今晚無乜胃口，兩姊妹決定吃清一點，決定光顧這間粥店，因為搭枱，所以都唔使點等位這是荔灣艇仔粥，用料就不怎麼樣，不多，也不明貴，可以填飽肚囉妹妹的「下火」，即是皮蛋瘦，都好清，也只得一兩小塊皮蛋再來這碟炸兩，攤涼了，油炸鬼都稔了。以前還在讀書時，自修室放lunch就會到這粥店坐坐，當時夠平又夠好味又夠快，以前一碗「下火」也只是10元，一個人，就無乜所謂，店員也夠可愛，夠人情味。現在嗎? 店員一樣夠可愛，價錢就累加四成，百物騰貴，無辦法，相對其他粥店，這裡算合理的啦!

以前成日到荃灣食雄記米線，但都冇幫襯過呢間粥店。之前經過兩次，買咗個牛脷酥同油炸鬼，價錢＄6，味道唔錯，啱啱炸起, 好新鮮有機會一定坐低食野。但星期六日好多人，要食一定平日去食啦。

這間位於荃灣的老字號舖，冷氣？無。服務？無。私人空間？都無。有什麼？有著舊有的傳統粥店味道，裝修簡單­，座位都是以前大排檔的木桌木椅，餐牌？無。可以叫的全部寫在牆上，一目了然。坐下，點餐，幾分鐘後，餐到­，吃完，請走，不客氣的傳統一站式粥店。這間老店，冬天天氣寒冷，吃粥當然受歡迎，可是就連夏天，烈日當空­底下，這裡還是坐滿人，為什麼？食物質素是其中一個原因。綿綿的白粥，足料的配料，皮蛋爽口瘦肉彈牙，油炸­鬼脆卜卜，真的讓我找回小時候總是跟婆婆坐在大排檔的粥店裡，吃回一碗簡單的豬紅粥的快樂。其二，價錢優惠。所有成本全落在食材上，所有店員熟手的運送著粥店，價錢連吃一碗米線也做不到，可是卻可以­吃到一碗非常美味的粥店，抵讚。第三，亦是最重要的，是什麼？這間店跟很多老店一樣，有性格。暑假的時候有­時會全店關門，因為所有店員一同到日本去旅行聚會。這樣突然的安排，卻不會讓客人感到詭異，為什麼？就是因­為這裡，充滿著香港人舊有而又即將消失的最重要資產，人情味。

今日病病地,無乜胃口去清清腸胃,以而家天氣去食最岩。因為佢係無冷氣,基本上都係露天。荃灣黎講,平靚正的粥非呢間莫熟,最起碼佢d粥係無味精,唔知點解好多粥鋪d粥有味精,真係多手多腳。呢度d粥唔唔係話好綿,不過都幾多食,d料都好足,你見咁多街坊食都知,上次都見到個明星食,成日出現電影,tvb,就係唔記得個名叫左個白粥+咖哩雜錦+齊腸,有豬皮,豬紅,羅白,魚蛋,非常之入味,個汁唔會太辣,反而有少少甜甜地,好似都係10蚊度,非常平。白粥最喜歡落少少鹽調一調味,落幾粒盬完全唔同曬,食完個白粥好似洗完腸咁,又出左身汗,立即醒神左。齊腸佢係即拉,唔知平時係咪都係即拉,所以特別滑同有層次,好好食。如果d醬油靚少少更加好了,其他粥店d腸粉拉定,搞到d腸成餅野咁,最可惜唔係24小時,有時宵夜想食清d都無好選擇。

在附近辦完公事，於是便過來看看有什麼好吃。原來中午的荃灣不及晚上的荃灣那麼旺場，至少有幾間小店我本來想幫襯的，但中午不開門，果然"掃街"這玩意在夜晚進行才是正路...因為肚餓得很便求其食吧，行過一間粥店是非常多人，格局是大排檔，枱凳放得密密麻麻，但連年青人都吸引到去幫襯，而我看看價錢牌後，我就明白點解了﹗油器五元﹑白粥﹑齋腸，炒粉麵六元，連炸兩都不過十元，我已有多久沒遇過物價如此低的粥店呀﹖店方提供如此經濟的食物，所以環境及衛生就沒太著重，亦都是我預期之內不是好的喇。枱上有著上食物污積及紙巾，因為店員們忙得一頭煙，所以都很少會主動去清理枱面。見到人人都是食完即走，所以我唯有眼不見為乾淨。坐位非常渴市，人一走即有人插入，所以搵位絕對要眼明快手﹗而我在店旁觀察了五分鐘，知道了"運作過程"，坐下後要對著店員落單，不過他們不會企定定寫單，他們是邊聽邊行來行去做事，記著ORDER後便再對著廚房大叫，完全不會錯過每一分鐘的工作時間，好厲害﹗明火白粥$6，質感綿滑，充滿白米香。爽滑腸粉$6，味道好淡，不夠軟滑，豉油不夠量，令每條腸粉不可沾到有豉油，而且得微暖，食感稍遜。第一次見粥店有炒河粉賣，不過我

突然好想食粥,我地三個人嚟到,其實天氣好熱,呢度冇冷氣架,叫左一碗豬紅艇仔粥,炒麵,腸粉,牛脷酥,蘿白魚蛋一齊食,家姐都係食豬紅艇仔粥,媽媽食白粥.食物好快送到,碗粥真係好熱,不過好多配料,又綿,好味呀,豬紅唔係粉的,有些豬皮,魷魚,肉碎等等,不過太熱,一路食一路流汗,牛脷酥好好味,係新鮮熱辣香脆架. 炒麵都OK的,乾身,腸粉都好滑架,蘿白好甜及大件.間中食下碗都感覺良好的呀.

今天與友人行經荃灣路徳圍,發覺有一間露天式的粥店,店外擺放了好幾張食枱,每張食枱都坐滿食客,心想多人光顧的食店,定必有其吸引力,剛好見有食客離枱結賬,立即填補坐下,隨即與點了兩碗熱綠豆沙,伙記好快就送到我地面前,綠豆沙多豆兼大大碗又熱,又香,又起沙,色香味俱全,每碗都只係10蚊,應真抵食!!!

又要見醫生~10時就可以走了,買點早餐回家,媽也應該起來了吧!又下大雨,就買外賣回家吧!點了一份叉燒腸,炒河,見到有白蘿蔔當然會點上一份這個店從小就開始吃了,不過小時候都是吃其甜湯,長大後吃這個店機會也少了叉燒腸($10+1盒錢= $11)叉燒份量不少的,問題出在醬料身上,醬油重味一點沒問題,但芝麻醬有陣"行"味,應該是益了,直接影響了整碟腸粉的味道,可惜極了炒河粉($6)其實一人吃一份這個就好夠,雖然這只是炒好一大盤中撈一堆出來,但味道是不錯的,不用再加甜醬就已經很夠味,加一點辣應會更好,不過媽不吃辣,就不下好了白蘿蔔($5)一份有3大件,加了一點點汁有微辣,吃下沒有渣,可惜有一點點很淡的苦味,整份都失色了,不過其實比很多車仔麵店都來得出色價錢上是實惠的,但奇怪在唸荃官時好像沒有來過這買午飯...哈哈,我都老了

近來因事先後去了荃灣兩次，兩次都不忘來到「新宏利」吃炸兩 這裡是大排檔格局，人流很多，在路德圍一眾食店中也算是頗受歡迎。$5 一碗的白粥，份量可不算少，粥底棉棉帶香。$8 招牌炸兩，因客量多，所以油條全是即叫即做。薄薄的腸粉皮，香脆熱辣的油條，配上鼓油甜醬，真的令人再三回味喔。 很喜歡傳統的舊式粥店，這裡已成為我們逛荃灣必到之處。

跟朋友逛街的時候忽然停步,說起這店原來在她小時候已經在了呢,而且很馳名啦.說起來也有一段時間沒有吃過粥品油器了,便趁這機會吃一下吧=v=這店是半露天的,有不少檯在街上呢,形成了一個舊式食肆的風景啦很有趣坐定定點了我最喜歡叫的食物"下火,炒麵".下火即是皮蛋瘦肉粥啦.朋友點了豬紅粥及油炸鬼呢.想不到那麼快便有東西吃呢.這就是平民化食堂店的優勢啦.炒麵味道不錯呢,但配料太少啦有點怪.皮蛋瘦肉粥足料呢,值得一吃.哎呀,油炸鬼我未吃你便搶住吃嗎肥雞?=口="難怪肥雞會搶吃啦.想不到這裡的油炸鬼那麼脆口,而且有點鹹味呢,用來送粥一流啦.腸粉也是粥店的特有品吧.點了一客蝦米腸呢,但不是煎的是蒸的我心知不妙啦@@"蝦米腸應該是外來貨啦,水準普通.而且這東西要煎香才好吃的呢,蒸的真是不敢恭維,不吃也罷豬紅粥卻有驚喜啦,其雖然那些豬紅是雞紅來的,但雞紅煙韌易入口,跟粥一起吃很配合啦,早知道我也叫這個好了.忽然見到有燒賣.我跟朋友也喜歡吃這個呢,便點一客吧.想不到又一次中計.又是外來貨色啦,傳說中沒有魚肉的魚肉燒賣就是這個啦,有興趣的點一客吧.最後見到有豆漿,忍不住又叫一枝來喝一下.味道也是普通,沒有什麼

元旦日和妹清清腸胃﹐是晚來這裡吃粥。大排檔式﹐見位就坐。一坐低咩都未睇呀姐就走過黎吹你落單。叫了白粥($5)油炸鬼($5)炒米粉($6)﹐妹叫了豬紅皮蛋粥($14)。唔洗兩分鐘所有野即到。妹話﹐比起元朗某出名粥店﹐呢到雖然平五蚊但細碗好多。味道OK﹐豬紅幾新鮮。(我唔食豬紅同皮蛋所以我唔知啦~)炒米粉可以講話係完全無其他送﹐見圖﹐白賴璽﹐雖然呢碟野個大名本來叫七彩炒米粉...陰公﹐連芝麻都無粒﹗檯面有辣醬甜醬花生醬你自己DIY。花生醬很希﹐真係頂多只可叫花生汁...應該撈了麻油﹐頗香﹐但非常油膩﹗﹗白粥又係無花假﹐一粒蔥都無﹐我唔知可唔可以問拒比蔥啦...環境忙亂總之係快上快落個種你都唔好意思問...油炸鬼睇住拒新鮮炸起﹐仲熱﹐但係窿到硬繃繃﹐一拍就斷開個種﹗我見呀伯係甘炸﹐好多一出黎已經分開變成“單條”﹐上架個個呀叔好熟手甘將D單條夾開準備做炸兩...相信個鑊野應該係萬年油﹐為健康著想﹐少吃為妙﹗﹗坐街﹐衛生欠奉。講食物﹐甘既價錢我都無得要求更多了。風味卻十足﹐那些年的大排檔粥麵愈來愈少了﹗支持一下啦﹗

新宏利晌路德圍都好多年，生意好旺，鋪內其實好細，而且係開放式，好多摺枱膠凳開晒晌鋪外，大熱天氣都只係牛角扇侍候，所以一般天熱都甚少嚟食。但初春或入秋，就幾鍾意幫襯，因為夠地踎，食得無拘束，而且粥品、油條都好有水準，份量又夠十足無欺場，難得仲係街坊價，故此新宏利甚受街坊歡迎。兩公婆是日午餐，就係碎牛粥、艇仔粥、銀芽炒麵同牛脷酥卷腸粉，無錯，係牛脷酥卷腸粉，即係炸兩嘅牛脷酥版，我都係第一次食。艇仔粥．碎牛粥 $12佢賣嘅粥品款式唔多，都係艇仔、碎牛、豬紅、瘦肉、魚片、皮蛋之間溝嚟溝去，一個牌十來款睇晒，除咗艇仔、碎牛、豬紅粥賣$12外，其他配搭都係一律$14，粥料甚多，非常抵食。今回我哋要咗艇仔粥同碎牛粥，相比之下，艇仔粥比較料多，豬皮、魷魚、炸米粉…，米粒爆晒花，粥底夠綿，而碎牛粥可能因為免治牛肉較為「碎濕濕」啲，所以感到料少啫。銀芽炒麵 $6份量足晒秤，不過銀芽肯定係偏少，可好嘅係麵條炒得唔油，幾夠味。不過，唔夠味都唔係問題，因為枱面放晒大大支嘅甜醬、辣醬、麻醬同豉油，想點撈就點撈。牛脷酥卷腸粉 $10貪得意，叫咗依個嚟試。一向我都鍾意食牛脷酥，既然有個牛脷酥卷腸粉，當然要試啦。好大碟