新富盈四川麻辣米線 (已搬遷) 新店位置

都說未入"局"之前,一向對麻辣菜式敬而遠之,幾年前大伙兒去台北旅行,成班人去打麻辣鍋作宵夜,我就在酒店倒頭大睡,同朋友去譚仔,友人叫中辣,我就要不辣...年前川味港一役後,原來小弟對此味,也不是完全受不起,其後也開始認真地對待川菜,辣蟹等以前不會吃的辣味菜式.一直隱藏的味覺,原來話咁易打得開.一眾以麻辣作主打的四川米線店,亦成為小弟之"射程範圍".當中在家中附近的"新富盈",如果是以前,一定不會去.記得上次來到這間在北帝街的麻辣米線店,來個小辣也綽綽有餘,事隔經年,一跳就上到去大辣.平日食客不算很多,不知何故這夜突然爆場.一檯三戶四姓人,絕不為奇.今次配料要牛柏葉,竹笙同"店自慢"的魷魚鬚,湯底跳兩級,要個大辣去挑戰自己的底線.食客多,要等上一段時間.上桌時,未吃已麻香撲鼻,急不及待嚐口湯,第一口感覺淡如開水,之後就麻辣攻心.大辣程度,勉何受到,起碼未辣到大腦麻痺.相信這個辣度,已經是小弟之極限,再上就受不到了.配料中的魷魚鬚,每一條也如手指般粗,吃落爽口帶甜,當中亦夾著麻辣香,牛柏葉也爽口不齦,每次吃麻辣米線也差不多要竹笙,貪其索汁力強,入口如海綿,一咬就將所有麻辣湯的味道溢出.事後

見到下面有位人兄...話...冇得去譚仔食米線，所以已過ssp 既譚仔時，食埋佢\!!咁我諗譚仔都應該唔差，唔係都唔會開到咁多分店，今日走佐去試...我叫番\"新盈富\"最拿手豬潤同雞肉，點知真係難食到...一味大碗，米線多，想點=.=\" 比較: 新盈富豬潤- 爽得里又冇苦澀味...正@@譚仔豬潤- 粉得里帶少少苦澀味新盈富雞肉- 有雞肉應有既彈口口感譚仔雞肉- 滑到似魚肉or 蛋花=.=\" 一patpat咁的確，土瓜灣呢個位...真係幾難去到食，不過真係好味!!佢\d 腐皮都好正...好欣賞!!

小弟呢排想食得清淡D, 所以成日同靚靚女朋友去幫襯.呢間店好專注, 只賣兩種食品: 米線同湯飯, 兩者可選o既配菜都係一樣, 只不過湯飯可以多選一樣時菜.有兩種配菜小弟十分推介: 炸魚餅同酸菜. 炸魚餅好有味, 又爽又彈牙, 有3 大塊架. 酸菜好新鮮, 甜甜酸酸咁, 好好味. 重有魚脯我都好鐘意.湯底就比較普通, 湯底有分小中大辣, 小弟自命算食得辣, 都覺得小辣己經ok, 中辣己經有少少太辣.呢間店逢係食飯時間都好多人架.

唔係成日出去食午飯，不過出親去都係會食哩間米線，因為本身好鍾意食辣&譚仔，去唔到譚仔，唯有嚟哩間止下米線辣癮。味道同譚仔完全唔同，湯底都ok，份量就比譚仔少，但女仔食已經夠飽，同事們鍾意食湯飯，因為菜唔洗加錢。鋪仔細細，午飯時間成日都爆，不過哩排暑假冇咁多人。

小弟對米線並冇特別偏好。就算係去到雲南試過當地地道米線，食完都冇乜大感覺，何況係响香港食到嘅港式冒牌貨呢?天口太熱，反而思吃，奇哉怪也...上次食過同街嘅雲軒居，今次再試埋呢度...價錢相宜，三餸米線只賣二十三大洋，加碟油菜都只係二十九，比之前去食軒食嗰堆嘢，好不知凡幾...呢排個人比較熱氣，就決定唔加辣，清清哋算la..豬潤牛肉炸醬米線，附上一個味精湯底...牛肉完全被鬆肉粉洗禮，肉味全無；炸醬味道温温吞吞；反而豬潤夠新鮮，夠彈牙而冇苦味，加番少少分...油菜竟然唔係普通嘅菜心及芥蘭，換嚟嘅係芥菜及勝瓜，夠特別。芥菜苦味剛好，我的摯愛^_^俾晒面D豬潤及芥菜la...

寫左十幾間北帝街食店,手頭上原來尚有此間四川米線小店,積壓著未出過食評.小店經營,賣點不算多,一味四川米線,一味湯飯,再加少少小吃供應,已經開得門做生意.專注去做一件事,一定得道/太過花多眼亂,反而沒大信心.其米線有多種配料選擇,有二十四種,有牛肉,豬肚,豬皮,魚骨等,亦有紅腸,魚餅這些選擇,兩"送"$19,三"送"$22,四"送"就$25,其後每樣加$5.辣度可選大,中,小這三個程度.每一碗米線也會有基本配料如腐皮,韭菜,芽菜.圖中所示的米線,有四樣材料,豬潤,豬肚,竹笙,牛柏葉.麻辣情度屬小辣.其豬潤片得頗薄,質感不錯.豬肚爽脆,牛柏葉同竹笙,吸味力強.吃得出味來.少辣的湯底,實在小兒科,在小弟尚未一百巴仙,成為麻辣狂人之際,還是以小辣起步,最為適合.你去打機,也不會一開始,就會選到去Advance mode嘛.昔日不好此道,今日竟然愛上,有些朋友睇我食評,也覺得驚奇.Am I wry? No.

我係新富盈o既長期食客，因為呢度o既米線實在太好味啦...佢o既麻辣米線不會只得麻的感覺，麻得黎又好夠味，佢d炸魚餅真係不得不試......鍾意食辣o既人就最好去呢間啦......每次食完一碗米線都會不自覺咁笑..實在太滿足啦佢呢間除左有米線外，仲有湯飯..18蚊..有2餸同油菜tim呀...好抵~

家庭式小作業四川米線每碗附有韮菜,芽菜同腐皮,湯底清甜(可揀麻辣湯底)。可以選擇不同既餸,有炸醬(好好味),炸魚餅,牛肉,手打牛肉餅,豬扒...等等,豬潤都有o忝!仲有湯飯叫架!值得一試!