新富盈四川麻辣米線 (已搬遷) 新店位置

小弟對米線並冇特別偏好。就算係去到雲南試過當地地道米線，食完都冇乜大感覺，何況係响香港食到嘅港式冒牌貨呢?天口太熱，反而思吃，奇哉怪也...上次食過同街嘅雲軒居，今次再試埋呢度...價錢相宜，三餸米線只賣二十三大洋，加碟油菜都只係二十九，比之前去食軒食嗰堆嘢，好不知凡幾...呢排個人比較熱氣，就決定唔加辣，清清哋算la..豬潤牛肉炸醬米線，附上一個味精湯底...牛肉完全被鬆肉粉洗禮，肉味全無；炸醬味道温温吞吞；反而豬潤夠新鮮，夠彈牙而冇苦味，加番少少分...油菜竟然唔係普通嘅菜心及芥蘭，換嚟嘅係芥菜及勝瓜，夠特別。芥菜苦味剛好，我的摯愛^_^俾晒面D豬潤及芥菜la...