新寧餐廳

營業中

休息中

去銅鑼灣一定來這間老字號的港式西餐廳食午餐，這裡已屹立幾十年的港式西餐廳，沒有分店。來幫襯的食客大多是長期客人。這裡坐位相當寬闊舒適。午餐有set lunch 每天不同的。有餐湯，主菜有2款選擇，甜品和咖啡或茶。餐包有幾款選擇如餐包，法包和多士等。若當日的餐湯不合口味，可改羅宋湯或忌廉湯的，而主菜也可選魚等。甜品我會選最喜愛的雜果啫喱。-大蒜蒜茸湯 湯味香濃creamy-焗鰻魚飯 用了炒飯底，原條鰻魚，原汁原味-燒肉眼扒 扒肉淋軟，黑椒醬汁惹味-甜品（橙味布甸餅/雜果啫喱） 這裡的啫喱做得很好，軟硬適中，加 入雜果增加口感。還會送上淡奶。-凍咖啡

呢排好多餐廳做唔住所以就去下啲懷舊地方抱住一個唔食下次仲有冇機會食到嘅心態叫咗啲招牌菜真係有點失色首先啲麵包硬到幾乎可以掟傷人餐牌啲價錢加咗價係可以理解嘅但係唔可以揸流攤個沙律完全係搵笨金必多湯風光不再裝修照舊冇乜特別牛柳係冇問題，依然咁啱老人家都係好林個肉眼扒就唔得囉肉質唔得同埋好薄裏面真係冇乜人幫襯我估晏晝lunch 可能好啲生意希望佢能夠改善食物嘅質素帶返以前嘅風味俾大家食同10幾廿年前比真係好唔同😭🥹

位於利舞台16樓嘅新寧餐廳，係舊式扒房嘅格局，感覺雅緻，店員服務親切，店內好有舊式西餐廳嘅感覺，食物價格普遍係200幾至400左右嘅價錢，同朋友分別叫左一個法國田螺餐同埋牛菌汁牛柳扒，法國田螺有半打伴上薯蓉，田螺充滿香草牛油香，伴碟薯蓉都唔錯，餐湯加錢轉左酥皮海鮮湯，海鮮湯內有鮑魚，大蝦，帶子非常足料，田螺餐有好幾款主菜選擇，朋友選擇左龍脷柳，都ok,七成熟嘅牛柳，處理得唔錯，充滿肉汁，軟淋，牛味雖然唔太濃，但好食。

想食豉油西餐，才發現金雀已經關門了。最近也聽到美都也結束營業，雖然只係去過一次，但發現老字號越來越罕有，所以決定來新寧餐廳。打電話去訂位，接電話的服務員很有禮貌，感覺到他們真的很歡迎你光臨。我們點了牛扒餐，有餐湯羅宋湯，焗田螺，黑椒牛扒，和餐茶。就是小時候想吃的西餐。另外再點了焗豬扒飯，豬扒沒有炸過，飯沒有炒底，但酸甜的豬扒醬，和上面焗得焦焦的芝士，也很惹味。食物中規中矩，沒有特別驚喜，但足夠懷舊風情。而且服務員招呼非常熱誠，想食豉油西餐，可以試一試。

假期出街揾食，好食的地方一定人多，人少的地方一係好貴一係好差，這裡人不算太多，但限食一個鐘，都好過無啦。坐低馬上點餐，兩個一樣的餐，都係西冷扒加羅宋湯，麵包🍞籃任揀，可惜麵包唔好食，羅宋湯就幾好，好在不甜，好多餐廳的羅宋湯落茄糕，會好甜，無左食物本身的味道。這裡效率很高，未飲完湯主菜已到，西冷扒個樣都幾好，有甜豆，薯片和小甘筍伴碟，顏色鮮明，味道就一般，黑椒汁夠味，但牛肉本身淡味，要黑椒汁搭夠。最後一杯咖啡很香，但，奶是凍的，加左奶杯咖啡就不香了，可惜。😅45分鐘完成午餐。😉

愛情若是長久時，又豈在朝朝暮暮。有情趣的愛情，何止是朝朝暮暮。不是情人節，都應該有情人的情趣，情人節更是要多點情趣。😍在銅鑼灣打書釘，飽了靈魂，餓了肚魂，將近就步，進了這家港式西餐店。就當是情人節餐。😋心有靈犀一點通，兩人點了一樣的餐，來這裡本來沒有期望的，卻是有點意外收穫。首先是服務熱情，環境舒適，餐湯夠熱，麵包任吃，黑椒西冷牛扒也不錯，不是用低劣的食材配濃味的醬汁。餐茶也是認真的奉上。每樣事都是認真對待，這樣的餐廳值得再來。

Food was horrible, steak was dry and small. Escargot was salty, the place has gone downhill will definitely not eat there again . They did refund us the steak because we did not eat it as it (I had a mouthful) was horrible.

好幾次紀念日都有黎呢度慶祝😊好食、唔貴、服務超級好👏🏼呢度好有舊港式情懷，侍應著住西裝，餐牌中英對照，菜式係西式材料，加入港式風味調味。當晚係除夕，見到有唔少老夫妻黎慶祝，燈光昏暗，枱頭有燭光，真係好浪漫呀💕新年晚餐 $6️⃣2️⃣0️⃣/位🌟餐前小食新鮮西芹、甘荀、青瓜 好hea既小食😂 有d失望不過好新鮮爽脆 但由於零技巧所以不評分😅🌟法國海鮮湯😋😋😋😋用龍蝦汁做基調的濃滑海鮮湯，入面有爽口鮮蝦、青口、蜆，認真真材實料！🌟香草大蝦😋😋😋😋洋蔥、番茄、蘑菇汁煮大蝦，隻蝦雖然大隻但食落屬一般貨色，但個醬汁拯救左成件事😊個汁味道好fusion，有啲似用酒樓中式調味煮西餐嘅感覺😂 廚師好用心地將蝦殻開邊，保留到蝦殼令外觀好睇之外亦保留到蝦頭精華🤤 唔知有冇人同我一樣鍾意食蝦頭啲膏呢😁🌟燒頂級牛柳配白菌汁😋😋😋酒店食buffet果d切片燒牛柳，肉質好腍，但脂肪較低所以牛味不算出色。由於係現成燒好的，冇得揀生熟度，食落係medium well，而我食開medium rare🥲雖然都唔錯但平時單點的扒類出色好多☹️ 起碼可以揀生d😀🌟美式芝士餅😋😋😋麵粉感較重的一款芝士蛋糕，芝士味唔算非常濃郁，但口感都幾滑🌟

今日一早去了寶雲道遠足，回程到銅鑼灣搵食，在利舞臺見新寧不是連鎖品牌，上網搜尋才知佢是開了多年如皇后餐廳類型的舊式西餐廳，一於試試。店舖裝修亦帶有古典氣息，尤其是其絨面梳化，以及有資歷的員工，很有特色。千祈唔好誤會，其員工熱情兼主動，服務比好多貴價餐廳好。餐牌有很多選擇，散叫或套餐都有。我們選了一個淡咖喱焗豬排飯套餐（$158)及蕃茄燴牛脷意粉($135)。落了單後，侍應會捧出一籃麵包俾你選，並可添加。👍🏻 餐湯我選了白菌忌廉湯，因常飲忌廉湯，它對我來説本是平常到不得了，並沒有什麼特別。但新寧的忌廉湯，第一啖卻已經令我嘩然，很香很香，帶有獨特的香甜味，而湯的濃稠度啱啱好，是我飲過最好味忌廉湯。雖然不是新鮮磨菇，也覺得好好飲。😍😍😍麵包是外脆內軟，同樣有水準，用嚟送湯一流。👍🏻👍🏻👍🏻淡咖喱飯的表面焗至金黃色，帶有微焦，很吸睛。這個飯同樣一試即刻迷上，咖喱很香，但因是淡咖喱，一點也不辣。但如果你是辣椒控，肯定這個飯不適合你。而雞肉是脾位，又滑又厚身，配埋飯及咖喱，好食到完全唔停得口。😋😋😋牛脷意粉上枱時有點失望，冇汁的意粉，直覺會煮得過火而變腍。食落卻完全不是這回事，意粉仍很彈牙，個汁有

其實好耐之前成日都係有幫襯開，但今次的服務係前所未有咁差！今日去到嘅時候，無訂位，想等walk in, 結果一直無諗住幫我登記walk in，直至到佢做完內場，又處理咗訂位果啲，先理下你。後面有兩組家庭問佢哋有無位，佢竟然回答，唔知，應該無位。其實比張飛仔啲walk-in食客唔得？一定要訂位先準係度食？但其實唔接受walk in都唔緊要，講就得！但原來其實係有walk-in位，由後來嚟嘅人接咗張台，三個家庭即刻爆發，無計地對住成間餐廳發晒脾氣。呢間嘢嘅系統，幾時變到咁樣樣？

今日又去食好西！揾嚟呢間有少少格調既懷舊餐廳同大家分享佢既焗豬扒飯。自從銅鑼灣金雀執咗之後，都食唔番好正既焗豬扒飯。可惜可惜。見呢間同區既懷舊餐廳，唔知佢D焗飯得唔得呢？先講醬汁，有好多番茄肉，唔酸唔甜，味道適中，最怕茄汁太酸又或者太甜。再嚟講豬扒，食得出係有醃既豬扒，上碟已切同無骨，啖啖肉，可惜唔似金雀係用豬柳整，更加淋同豬味濃郁。飯唔係蛋炒飯底，美中不足。再講個湯，好好味既忌廉磨菇湯，落咗好多磨菇落個湯度。加少少胡椒粉就更加好味道。牛油餐包唔熱，但鬆軟，有三款比你揀。

呢間新寧餐廳我已經支持超過10年，他一直保持良好水準，所以我經常推介給朋友.今晚我帶朋友去食牛扒，座位好軟好舒服，冷氣足夠，環境燈光較暗黑，氣氛係優雅. 簡單來講係高級版花x餐廳.我建議訂枱訂卡位，比較闊落.每逢星期六日都有招牌烤牛肉🥰🥩！他們的烤牛肉好多捧場客，要試就要7:30pm或之前好到餐廳，因好快賣晒，有時我8點幾都無得食～烤牛肉好好食 好軟滑 夠厚又大塊🥰哈哈哈剛才點餐點了一份烤牛肉+美國頂級肉眼。點了他們的招牌金必多湯+羅宋湯。之後會有侍應捧住麵包盤，有4-5款比你選擇喜愛的包包😆牛扒到啦你哋睇圖吧

晚上8:00 特別來此已出名很久歷史的餐廳吃晚餐。特意不叫套餐，叫了?三文鱼水果沙律，紅洒燴牛尾，也懷著期望地特別叫了一客馳名的羅宋湯。誰知來的湯賣相已不討好，$60一客湯，上枱也只用套餐用的小湯碗上，毫不吸引，湯是水般稀質，毫無羅宋湯應有的香郁濃感，牛肉味也欠奉，湯內的蔬菜似由煮熟後放下去，完全吃不到由有火喉湯料同㷛出來的!一間有水準的老店實不該有如此餐品給客人，尤其是一個招牌湯! 即時向在場的招待員反映後，說是可能因中午太旺，湯賣光了因此此輪的湯可以㷛不太久未有味透出!!這更令人反感，既未㷛出水準為何還給客order 飲嚐? 錢是要付但卻貨不對版，那是十分不尊重客人吧!既不乎質素標準，不如不賣讓客選擇其他吧! 幸而那三文魚沙律賣相看得出有心思，夠凍和新鮮，味道也好。至於燴牛尾味道俶賣相就沒驚喜，内中配料除少少紅蘿蔔外，只有磨菇兩粒。但餐廳環境很好，招待員工各人都很客氣有禮，值得一讚。

跟媽媽到這間歴史悠久的西餐廳午餐。吃的不是什麼米之蓮味道，而是更可貴的溫暖人情味。記憶中的新寧餐廳，在銅鑼灣已經很久了，因為寫這個食評的緣故，專登Google一下，驚訝地發現餐廳自1948年已經開始營業。新寧餐廳，有很多經典的菜式，田螺餐，酥皮濃湯及火焰雪山等。菜單上的菜式從不花巧，多年如一，歷久不衰，絕對是經典菜式的典範。今次我沒有點這些經典菜式，只是簡單地點三文魚作主菜。賣相工整樸實，味道平實樸素，十分乎合新寧餐廳的形象，務實穩健，實而不華。在等待食物之祭，我靜心地觀察著這餐廳的一切：老闆，員工，食客，甚至裝修，杯碟。發現來光顧的，大部分為熟客，而不少亦已經是上了年紀的銀髪族，幾乎每個員工都能叫出顧客的姓氏，不時對著客人微笑點頭。員工往往在每次招呼客人之際，都會捕捉短短的時間，問候一下客人，或閒聊幾句。有趣的是主廚亦不時穿梭廳面，向熟客打招呼。那些問候閒聊，在我眼中看來就像是舊朋友的交流互動。甚至不同枱的食客互相都似是相識，互有溝通。我坐在看著，反而覺得自己是旁觀者，有點格格不入的感覺。真心說，新寧餐廳食物出品不算誇啦啦，菜式變化不多，愛光顅的人，並不是要吃什麼星星米芝蓮的味道，而

幫襯咗好多年 一直都係幫襯晚市為主今日第一次食佢嘅lunch所以決定要幫佢寫返篇食評☺️☺️一行三人 星期六12點去到已經差唔多Full house 咁濟佢可以order A La Carte menu 亦都可以叫食lunch 我地叫左3個set 有餐湯、主菜同餐飲🥣係忌廉同羅宋🍴x2 1. 炸魚柳配粟米汁 $158 店員主動問唔食炸可以轉煎龍利柳我地當然ok 🤗🍴 2. 西冷牛扒 七成 $158 塊扒好淋同juicy 🤤亦都係煎到七成岩岩好店員照顧好周到，會攞濕紙巾俾我哋，亦會問我哋夠唔夠麵包☺️閒談之間員工會同我哋講佢老闆好好人好錫拒地💚係我自己眼中食一餐飯食物擺盤同埋環境衛生故然重要，但係另一方面服務包括左人情味食落都會更美味呢🥂