新寧餐廳

營業中

休息中

今日又去食好西！揾嚟呢間有少少格調既懷舊餐廳同大家分享佢既焗豬扒飯。自從銅鑼灣金雀執咗之後，都食唔番好正既焗豬扒飯。可惜可惜。見呢間同區既懷舊餐廳，唔知佢D焗飯得唔得呢？先講醬汁，有好多番茄肉，唔酸唔甜，味道適中，最怕茄汁太酸又或者太甜。再嚟講豬扒，食得出係有醃既豬扒，上碟已切同無骨，啖啖肉，可惜唔似金雀係用豬柳整，更加淋同豬味濃郁。飯唔係蛋炒飯底，美中不足。再講個湯，好好味既忌廉磨菇湯，落咗好多磨菇落個湯度。加少少胡椒粉就更加好味道。牛油餐包唔熱，但鬆軟，有三款比你揀。