影片
港鐵元朗站 A 出口, 步行約10分鐘
繼續閱讀
電話號碼
25377228
25377298
營業時間
今日營業
07:00 - 02:00
星期一至日
07:00 - 02:00
以上資料只供參考, 請與餐廳確認詳情
而家好多食店去到夜晚10點都閂晒，想搵食除咗搵app之外，傳統嘅粉麵店都好唔錯㗎～喺鳳琴街體育館附近，雖然寫住係牛雜粉麵餐廳，但其實佢嘅雲吞、魚蛋同墨魚丸都大大粒同埋好好味㗎～完全食到係新鮮包新鮮做，如果覺得好食仲可以買一打半打返屋企打邊爐都仲得😋仲有係份量仲唔少添，一舊水兩碗麵仲有菜加嘢飲，CP值都幾高👍個人推薦嘅宵夜喜愛名單😄
繼續閱讀
近日廖孖記風波腐乳負與負評新聞成日講令我心思思好想食腐乳😆行過新寶牛雜粉麵餐廳見到單拼面加油菜加飲品只係$44非常抵咁就坐入去食🍜牛雜河走腸有金錢肚牛蒡同牛肺全部都炆得好腍，好入味河粉算滑溜，湯頭🆗不過嗰啲鹹菜真係超級鹹千祈唔好加油菜梗係揀咗🥬腐乳通菜🥬通菜鮮脆可口但腐乳醬汁太稀太少😅我鍾意杰身嘅腐乳醬凍飲就凍檸茶走甜茶味OK仲有4片檸檬
繼續閱讀
經過元朗。有的餓。見到新寶。但冇車位。唯有買外賣。講完食乜。聽到靚女事頭婆講幾錢。嚇我一跳。重以為聽錯。42蚊？腐乳通菜。牛什河多蔥。凍0茶。你話我知邊度有呢個价。食物都可以。又夠熱至系重點對我黎講
繼續閱讀
新寶牛雜係元朗好有名氣牛雜我覺得係幾好食 但其他例如魚蛋 雲吞 就正常發揮 OK啦食呢間 為既通常都係距坐得舒服少少 又價錢合理一個套餐33蚊 有飲品 有面 都OK呢間既姐姐侍應都幾有人情味算係平民之選
繼續閱讀
【元朗區】【新寶牛雜粉麵專家】行到元朗雞地嗰頭，上次我就入咗一間叫有米冰室嘅茶記食嘢，仲寫返嘢畀大家睇，希望大家冇忘記到。不過唔記得都唔緊要，今次我再行入啲，見到啲嘢都閂到七七八八。大部份開嘅，都係啲未必適合一個人食嘅。咁呢個時候我見到銀河粉麵，再耐啲之前寫過佢天水圍俊宏軒嗰間，今次未必想即時寫佢另一間，只做後備方案。皇天不負有心人，終於搵到另一間仲開住而且適合一個人食嘅餐廳，就算一樣係粉麵店都算啦，照殺，入去啦。見店名話自己牛雜專家，就用 $40 叫碗「牛腩牛雜粗麵」，質素唔算太差，以四十蚊嚟講我覺得算係幾有交待，只能詬病佢少咗啲，但都係嗰句，四草嘢算係咁。加 $5 要杯「凍豆漿」，味道都唔差喎，甜甜哋又有豆味咁。未飽，叫多碗 $45 嘅「淨四寶」，有扎肉、魚餃、魚蛋、墨魚丸、肉丸、魚角，味道都幾好，魚皮餃唔差，仲有紫菜喺側邊，我覺得唔錯嘅。上次見杯凍豆漿幾好飲，所以我都唔轉喇，$5 要多杯，五蚊杯凍豆漿，仲有咩講呢。食晒之後侍應哥仔走嚟收碗，佢忍唔住講咗句「嘩你真係食晒架，仲肚唔肚餓呀」，都幾爆趣，我答佢餓，不過冇錢食，佢笑笑口行開咗。不過係呀，呢餐都食咗我 $95，笑我茶記 foodie 嗰啲朋友不如幫我埋咗張單先笑，肉赤呀。。。（地址：元朗鳳翔路33-43號鳳翔大廈地下5號舖）#1amfoodie #foodie #hkfoodie #thatfoodiething #hkfood #food #foodies #tasty #globaleats #tastyfood #foodpics #followforfollowback #love #eat #1am元朗區 #元朗 #新寶牛雜粉麵專家 #粉麵店 #牛腩牛雜粗麵 #凍豆漿 #淨四寶 #扎肉 #魚餃 #魚蛋 #墨魚丸 #肉丸 #魚角 #1am0883 #1ambackup
繼續閱讀