新忠記打冷小菜館

營業中

休息中

朋友住呢頭，介紹食咗多年嘅潮州打冷菜館，不追求高質素但有地道風味嘅話都可以試吓。環境係幾擠擁，但朋友聚餐想食吓中菜都係一個選擇，而且仲可以叫多幾款餸菜☺️———————————————————————————.🥢正宗獅頭大鵝肝拼金牌滷水鵝片🦆💬大大片嘅鵝肝同鵝肉，啖啖肉入口即化，蘸醋同辣椒油，一齊食先至滿足☺️.🥢鎮店鹹香雞🐔💬唔知點解從來都係好鍾意食鹹雞，本身都係鍾意食雞，鹹雞可以伴飯同粥，最少可以食到半隻以上，咩部位都無所謂😅.🥢椒鹽九肚魚🐟💬次次都一定有椒鹽上枱，唔係鮮魷就係九肚魚，最緊要係走油，外脆內嫩，必定好食☺️.🥢涼伴青瓜海蜇拼爽脆魚皮🐟💬有鮮魚皮又點可以唔叫嚟食，一啖魚皮一啖海蜇，飲啖啤酒🍻，就係咁簡單☺️.🥢新鮮爽口大墨魚🦑💬一片片勁彈牙又有口感，豉油日本芥辣唔少得，又鮮甜又有嚼頭，超正😋.🥢豉椒黃蟮炒田雞🐸💬喜歡惹味嘅話可以點呢款，黃蟮嘅口感加上田雞嘅爽肉，唔係人人都接受到，真係不錯嘅配搭😅.🥢酥炸蠔餅🦪💬目測都係真心酥脆，食落中間又唔太油膩，蠔仔都唔少，不過少食多滋味☺️.🥢自製汕頭沙茶醬牛肉炒芥蘭🐮🥬💬呢個就比較失水準，醬汁非常稠杰，難以進食，味道過濃，唔太好🥹

新忠記打冷小菜館以其獨特的菜色和風味吸引了許多食客。菜單中的方魚肉碎粥散發著濃濃的海鮮香氣，入口滑嫩鮮美。脆薯燒汁牛柳粒是一道別出心裁的創意菜，牛柳粒口感嫩滑，搭配脆薯更加美味可口。潮州香煎雙面黃糖醋面帶有獨特的潮州風味，酸甜適中，讓人驚艷不已。沙茶牛肉芥蘭的沙茶醬香氣撲鼻，牛肉鮮嫩，芥蘭爽脆，絕配。凍烏頭清爽可口，適合夏日享用。最後，臘味煲仔飯以其濃厚的臘味香氣和多樣的配料受到食客喜愛，每一口都讓人回味無窮。新忠記打冷小菜館的菜色獨具特色，價格親民，是一個值得探索的美食店，絕對值得一試！

紅磡區嘅打冷選擇唔多，呢間平時都見到好多人排隊，今日終於同朋友嚟試下~ 入面都好多張枱，有啲迫迫地，但食打冷就係要有呢啲感覺~同埋夥計大大聲，都算係好有氣氛～嘢食方面，份量算大碟！所以性價比都算高。令我意外嘅係呢個天氣仲有煲仔飯食～不過我哋今次冇試到，下次再試！我哋今次叫咗鵝片，薯仔牛柳粒，薑蔥桶蠔，薑蔥魚腩煲，兩面王同牛頸脊，螄蚶！推薦薯仔牛柳粒粒薯仔好脆，而且塗上蜜糖，超級好食! 薑蔥桶蠔，每次必點，蠔係好脆身，配埋啲汁好惹味!鵝片嘅滷水汁好入味，潮州打冷必點！兩面王唔係度度都食到，仲要係整得好食嘅好難搵到，呢間真係好隨身配埋醋同埋糖好好食！呢度嘅螄蚶同泰國舖嘅唔一樣，而且而家好難買到，要去到九龍城嘅潮州舖先有而且呢度食係好味啲新鮮啲~

上回講到在紅磡見到一個300元的煲仔飯，今天決定要去試一下。實驗証明，不要胡亂嘗新。星期四晚，這裡接近座無虛席，但又不約而同地沒有一桌有點到煲仔飯。最後和老婆決定點了個臘味煲仔飯和一碟椒鹽九肚魚，埋單$316。煲仔飯是大大一窩，兩個正常煲仔飯的份量，兩個大男人或者四位女士是差不多的。So far我還沒有吃過好吃的大窩煲仔飯，旺角那家不例外，這裡也一樣。首先飯和煲底的接觸面比例上太少，白飯的比例一多就很看臘味出不出味。其次這店切臘味是比較大顆的，這也令到臘味的味道不怎樣出來。結果就是白飯很白飯，沒有什麼味道。再說飯焦。煲仔飯上來時姐姐叫叫我們不要剷底，會把焦的東西剷出來。我是心想那這煲仔飯不就沒有靈魂了. 沒有聽勸的我還是剷底了，在煲邊邊的飯焦還好，但到煲底就焦黑得有點多了，算是外面正常的煲仔飯操作，也不算難剷。結論是兩個正常煲仔飯的價錢，還你兩個正常煲仔飯的質素。想試煲仔飯的建議就不用去試了。但椒鹽九肚魚真的很不錯，也許這會是一家不錯的潮州打冷，我建議老板專心做潮州打冷好了

四人等位超一小時，不按順序安排入座，只招待熟客，五人及八人，不知所謂⋯⋯永不再去，超西，服務態度，免費都唔食，處理先上岸，只照顧熟客街下驚你食唔起，黑箱作業，零分

等四人枱，等咗45分鐘，所有差不多時間到嘅人都入晒去，問佢幾時有枱，佢話枱細唔夠坐，大枱你又唔夠人…即係四個人唔好去幫襯佢！🤬🤬🤬唔好怪香港人北上消費！結論：請我都唔會去！

成班人去拎埋支酒去食飯個小炒王好好食個鵝肝一定要食個春菜排骨淡返小小就perfect服務員會問下你d野好唔好食位置會逼小小，不過食的係氣氛同溫度最正係個句🤣🤣🤣 冰唔收錢的

我大佬話想食煲仔飯所以我地去左呢間嗱，講明先我覺得有啲咸😂佢個份量就真係大份既，鵝片拼盤我覺得幾抵食味道又唔差，其餘既話可以再諗試唔試😂😂煲仔飯既飯焦係出色既🙃不過如果要好味既呢間未必太推介但如果成班人想吹住水食野又想有啲氣氛呢間我覺得ok同埋想請呢到都幾多poly學生會黎食，一黎近同埋啲野都真係大大碟唔係hea大家，所以見到附近果啲客有啲都係後生仔，成班fd一齊黎慶祝。所以我諗如果當成班gathering應該呢到都ok。

上星期見到某幾位藝人去咗呢度食打冷、醒起原來10幾年冇嚟過紅磡、馬上約班老友過嚟呢度試一試、早兩日訂枱，7:00晚上準時入席、全場爆滿、氣氛熱烈、傳統打冷格局、清潔衛生就一般打冷水平、呢個不可以投訴、招呼熱情、帶少少稀少老駡、都幾好玩，六個人食咗千6、食物正常水準特別一提佢嗰啲滷水拼盤同埋掌翼真係幾好味。另外煲仔飯有啲貴、不過一場嚟到就試吓啦，啤酒勁冰凍，凍檸茶都好好、食到9:30一路都有客入、非常人氣旺盛記憶嘅舖頭、大家不妨試試

今晚，三個人去食，食普通野。叫個招牌咸雞。$248半隻(極貴,貴過食半隻燒鵝)，水準好差， 求其在任何一間街邊燒臘舖買，都好食過佢 ，而且平好多。呢半隻鷄就算賣$68蚊我都覺得唔值。韭菜豬紅偏鹹， 最慘就係個潮州粥，根本就唔係潮州粥。 似廣東白粥多啲。水準很差，以後唔會再幫襯。。。唔怪之得咁多人北上消費，係有原因嘅

態度超級差錯咗唔夠一個鐘瘋狂趕人走我哋同佢講未食晒，碟嘢根本仲有好多佢就係咁行過嚟問我我哋呢樣食晒未嗰樣食晒未仲要一啲禮貌都冇我哋還未佢仲發脾氣我覺得一間食肆一個鐘都唔夠，就叫人哋走，真係好離譜，仲要我真係未食晒點都唔會再食下一次亦都想提醒大家唔好再去食因為服務質素就係超級超級超級差嘢食雖然係正常，但係未至於味道超級好同埋抵食，只可以話一半加埋個阿叔簡直想比負分好希望間舖頭嘅負責人可以睇到呢個post 不過雖然我永遠都唔會再試

點咗排骨臘腸煲仔飯，餓腸併墨魚，蒜蓉豆苗，獅蚶，脆薯牛柳粒.優點:1, 豆苗炒得夠入味，而且上枱極快，落單之後一分鐘已經上枱.2, 脆薯外層真係脆唔係得個名，牛柳粒亦夠甜夠入味.缺點:1, 排骨臘腸煲仔飯漏單.2, 鵝腸併墨魚俾錯大腸併墨魚，要彈鐘!3, 漏單煲仔飯局住轉單，轉點獅蚶，辣味酒味過重，蓋過哂獅蚶鮮甜味.4, 牛柳粒 size 太大粒，切細一半更易入口.5, 鵝腸同墨魚份量不足，墨魚唔夠彈牙，最失分係果碟辣油，無哂潮州辣油獨有香味，得果辣味，唔掂!6, 服務同樣唔掂，又漏單又錯單，D碗底部油膩又污糟! 交叉!愈做愈差得負評係理所當然!

一家人周末過嚟，諗住試下呢間出名嘅打冷店，聽講食物大份抵食。落單果下，真係谷鬼氣。語氣態度差好似唔想落單咁，老人家想問下幾個唔同嘅豆腐菜式有咩唔同都要俾佢串。落到最後有屋企人提議叫煲仔飯，但揀邊款煲仔飯未決定好，諗住轉過頭再落，都要俾佢串多句係落就依家落。大佬，知你急唔想你企係度等嗟，一陣諗多1分鐘就俾你再串多我哋幾句。真心嚟食餐飯，唔係要你服侍我哋，大家尊重大家嗟，最錯係咪我哋？唔應該叫你落單？唔應該嚟呢度食飯？

同朋友去開黃埔行街，突然醒起新忠記🤭即刻拉埋朋友一齊去開餐先🤩去到等左20分鐘就有位啦，好彩都唔算等太耐🥹坐低拿拿聲叫左幾味打冷必食嘅先😋蠔仔肉碎粥蠔仔大大粒又夠多，冇沙冇蠔殼，而且夠哂鮮甜，其他配料都好足料👍🏻脆皮炸大腸依個真係次次嚟都要食，炸得剛剛好，唔會太乾，食落好香口，唔會油冧冧😊而且仲有菠蘿伴碟，好清新🍍金牌滷水拼盤鵝腸好好食😋而且處理得好乾淨，鵝片肉味夠哂香濃；全部都滷得好入味，又唔會太咸👍🏻

一行十人👩🏻‍🤝‍👩🏼好難搵野食😂通常都係酒樓、大排檔、中菜館先有咁多位🪑所以今次試左呢間打冷小菜館✨朋友住左好多年紅磡🔴話呢間好食🤣人均百幾蚊💰以佢地嘅食物質素 我覺得幾抵食👍🏻除左下面個幾款之外 個日仲叫左好多野食🤣例如韮菜豬紅😋、青芥茉新鮮白墨魚🦑、脆薯燒汁牛柳粒🥔🥩等等 呢幾款都好值得叫！但係由於大家好肚餓嘅關係😂所以我淨係影低左幾款😂希望大家見諒😆❶ 金牌鹵水拼盤🧆呢個拼盤有唔同嘅內臟可以食 份量都幾多例如鵝腸、豬大腸、雞腎 仲有紅腸、墨魚等等內臟佢地處理得幾好👍🏻無臭味 而且滷得幾入味如果想一次過試下唔同野嘅朋友可以叫😉❷ 酥炸潮州蠔餅🦪實不相瞞 今次係我第一次食蠔餅😂好彩留左個好印象比我 呢個我大推！🤣蠔餅好大份 炸得非常酥脆😍但食落唔會好油蠔仔夠飽滿🦪無腥味👍🏻每一嚿都會食到幾粒蠔仔😋❸ 豉椒炒蜆🌶️好大碟 夠鑊氣 味道都惹味的但係有幾隻有沙 如果下次再嚟未必再叫～❹ 啫啫通菜煲🥬好惹味！入面仲有啲肉碎 餸飯一流 值得一試👍🏻❺ 脆皮炸豬手🐷外脆內軟 好香口👅出面好多炸豬手都好鹹但呢間調味適中 唔會太鹹 值得一試👍🏻🌟整體而言🌟食物有水準 之後一定會再訪🤣但因為好多人食