新景記 (已結業)

:我係太古坊做野, 不過有一排冇去海堤街個邊食 lunch, 平時去都係去個間台灣野, 上星期又諗住去, 點知見到新景記係度開左間分店喎, 睇真d同中環店好唔同, 舊店係傳統既粉面店, 但呢間係有飯類的, 我們進去試試看, 我要了咖哩雞, 又 ok 喎, 我同事話佢個魚湯米線都幾好, d 湯有鲜味, 食完唔口渴, 個凍檸茶都 OK, 唔會淡而冇味! 今個星期再去, 吃了老板推介的鮮茄黑椒牛柳粒, 鮮茄配黑椒, 唔會只係一般咁得辣味, 有d番茄既酸甜配合, 用黎配飯, 味道的確不錯. 而且睇得出老板經營此店是很有誠意的, 吃東西, 去一間有試意的食店, 感覺是很好的, 而且老板會在中午飯市安排顧客入住, 很有禮貌, 這就是所謂的顧客之道, 不過亦坦白說, 那些夥計姐姐的服務, 的確有待改善, 希望老板留意下, 令店子更有發展空間 大家不妨去試試這間新店啦! 我想應該不會失望的

我係太古坊做野, 不過有一排冇去海堤街個邊食 lunch, 平時去都係去個間台灣野, 上星期又諗住去, 點知見到新景記係度開左間分店喎, 睇真d同中環店好唔同, 舊店係傳統既粉面店, 但呢間係有飯類的, 我們進去試試看, 我要了咖哩雞, 又 ok 喎, 我同事話佢個魚湯米線都幾好, d 湯有鲜味, 食完唔口渴, 個凍檸茶都 OK, 唔會淡而冇味! 今個星期再去, 吃了老板推介的鮮茄黑椒牛柳粒, 鮮茄配黑椒, 唔會只係一般咁得辣味, 有d番茄既酸甜配合, 用黎配飯, 味道的確不錯. 而且睇得出老板經營此店是很有誠意的, 吃東西, 去一間有試意的食店, 感覺是很好的, 而且老板會在中午飯市安排顧客入住, 很有禮貌, 這就是所謂的顧客之道, 不過亦坦白說, 那些夥計姐姐的服務, 的確有待改善, 希望老板留意下, 令店子更有發展空間 大家不妨去試試這間新店啦! 我想應該不會失望的

係則魚涌返工, 幫襯過幾次新景記, 次次都係叫牛腩河食, 牛腩好香, 湯底幾鮮甜, 其實食物方面我會比80分, 但我唔明開咗幾個月啦, 點解啲待應(通常都係四十幾歲既阿嬸)都係好似乜都唔知, 叫外賣又無人理, 你眼望我眼; 問一個餐有乜, 又好似唔知....咁都算, 有次同同事去食lunch, 見到個待應嬸嬸執我隔離張枱, 竟然將枱面果張唔知有無人用過既餐紙放返係櫃桶!! 跟住果位阿姐問我地食乜, 跟住又係個櫃桶攞筷子, 餐紙擺係我地面前........我地即時同阿姐講:" 唔要餐紙, 我地見到你地係張枱度放返落去, 都唔知上一手客人有無用過, 好污糟架!! " 跟住阿姐個樣又好似無野咁, 走咗去, 到我地埋單, 我見到第二個阿姐執枱時, 放返啲餐紙落櫃桶..... 既然講完都係咁, 我地都唔會再去呢度食野.....

比較中環老店, 這間只是靚裝版的新景記湯底又傳統的大地魚乾煲的變成鮮魚湯. 個人不太喜歡始終覺得魚蛋粉是應該配大地魚湯的午餐吃了魚片頭湯米, 米粉普通, 魚片頭有魚鮮味, 但肉質鬆鬆的, 不彈牙 麻麻地最大間題是整間餐廳充滿油煙未, 而且侍應唔醒目, 問佢有冇魚蛋粉類的下午茶, 竟然唔知的, 有冇搞錯?始終, 賣魚蛋粉的就是賣魚蛋粉, 加了其他快餐飯類小吃, 不倫不類, 而且令本來的招牌菜退步了, 可惜!短期內應該不會來了.

禽晚玩完yoga,同波波去試吓lee間的晚飯,之前lunch食過都幾好....咁啱lee期飲食男女介紹佢, 所以夜晚嚟八吓~~嚟到8:40pm, 有幾枱客~晚餐配餐湯, 餐包 n 餐飲黑白龍利柳配哈蜜瓜沙律 - 龍利用黑白芝麻包住炸香, 幾新鮮的配搭,加蜜瓜, 番茄生菜, n 沙津, 好大份另加6蚊要杯紅籮白蘋果汁, 夠清新T 骨排配薯格 - Ｔ骨好大, 配豆和小紅蘿白, 味道不錯另加6蚊要caramel 咖啡波波食食吓不小心成杯咖啡倒晒, 佢哋即刻叫我哋轉位, 無黑面, 服務態度很好

同 d 同事打完波搵野食上次食既米線好似麻麻, 幾重味精下今次 order 左個蕃茄通粉餐, 餸要牛肉蕃茄好香, 唔會太酸, 屋企 feeld 湯無乜味精, 連湯飲哂好味個餐 $22, 要支可樂 $7埋單 $29 ....

要留o係公司 OT, 所以就去公司附近搵野醫肚同事話食過一次, 呢度 D 米線幾好, 所以就一試order 左招牌魚旦 + 柱候牛筋 米線 ($23 + $5)招牌魚旦覺得麻麻, 好似係鯪魚肉, 無乜咬勁牛筋淋, 不過又唔算得上好好味, 只算普通米線都係一般朋友試既幼麵話幾好, 如果下次黎, 會試幼麵湯底好似有豬骨同魚湯, 不過 order 果陣無問我, 我又唔記得問係幾好味, 不過偏咸同幾多味精下熱飲 +$4, 凍飲 +$6特飲(熱 +$5, 凍 +$7)

我係中環果邊食開既, 今次特登同女友試下新店, d 裝修好靚, 同舊鋪完全2 回事. 唔似魚旦粉店. 反而似新式餐廳. 因為我地都係中環返工既, 放工過去已經7點幾. 老闆會於晚飯時間特意熄左d 光既燈, only 開壁燈, 好似西式餐廳咁. 佢話因為間鋪係商業區, 想d 打工仔放工食飯可以 relax d.. 好有心思 女友order 左招牌魚旦粉, 味道同舊鋪差唔多, keep 到水準, 而且大碗左, 有d 菇既野係度, 比起 only 魚旦粉, 高級左.我試左個晚餐, 鰻魚雞扒三色木桶飯~ 好正!! 用木桶上好特別, 三色飯好健康. $50 有湯有飽有野飲. 好抵@@

一向係太古坊返工, 見到新餐廳, 裝修設備好舒適. 一於入去試下.一坐底, 阿姐就叫我試下魚湯粉. 魚湯通常係D 女仔至愛. 老闆勁強調佢地D 魚湯 OR 豬骨湯都冇加味精, 我 ORDER 左一碗. 點知真係有驚喜. D 魚湯好甜好鮮, 好有魚味.唔似出面D 味精湯, 食完好口渴. 而且碗粉好夠份量, 唔似出面D 粉麵店, 食完一碗粉唔夠飽, 叫多碗又食唔曬. 都只係22 蚊, 有靈芝菇又有菜一感覺好健康.

有晚放工完全冇mood煮飯，屋企冇人，朋友同事唔得閒，唯有食自己，好自然又諗到去新景記新店，試下上次個評論有冇偏差．嗌咗個蛋河魚皮餃雙拼，另上炸魚皮．來到嗰時，竟然送埋紫菜，而且冇加錢；有着數梗係加分．成碗河粉水準都好高，魚皮好香好脆．係等耐咗少少，不過值得．收碗時阿姐問魚皮夠唔夠，好似慌死我唔夠食，話唔夠就會畀多幾塊我，希望下次佢記得la.上次關於餐具個問題又再出現，多啲人去拍埋兩張枱就開唔到個櫃桶，攞唔到筷子．

上週在鰂魚涌工作, 行行下竟見結志街魚蛋粉老店新景記在此開了分店, 反正要食早餐沒有什麼頭緒,遂入去想食魚蛋粉, 阿姐話11 點後先有, 唯有食早餐。早餐是茶記格局的, 就要一個A 餐蕃茄煙肉通粉+ 煎蛋+ 牛油方包($22), 加$6 要了杯木瓜汁。蕃茄煙肉加通粉這樣的配搭比較奇特, 但其實食落是不錯的。其餘兩樣食物老實說是幾難吃的。杯木瓜汁漏了單, 要催兩三次才送來。過幾日再去, 今次專程來食魚蛋粉。我叫了碗「魚蛋粉」, 本來成個粉麵menu 只有一樣叫「招牌魚蛋粉」的東西了嘛, 不知怎的有位阿姐落了單後竟和另一位阿姐爭論魚蛋粉究竟是「招牌魚蛋粉」還是「淨魚蛋粉」, 講來講去都得不出個所以然來, 結果要由? 少東出面澄清, 原來招牌魚蛋粉是有魚片的(片頭河又是另一回事喇), 如果只是要魚蛋的叫淨魚蛋粉就成了。我看這可能是新店的磨合期都算了, 但有個阿姐但係企口係門口(本來企圖想招客?) 由我一入來至到我食完都俾個怒睥prize 我, 咁就唔係好得喇。啊, 原來如此, 咁唔該要招牌魚蛋粉啦($22) 。碗粉唔差的, 魚蛋和魚片都不算彈牙的類型而是看/食得出是真材實料用魚打出來, 所以

自己有食開中環老店,喜歡佢個壞舊風味,新派魚蛋粉無得比,心想鰂魚涌新店,方便可以lunch去食,點知lunch得d垃圾快餐,係無粉食,有冇搞錯,魚蛋粉老字號居然無粉食都算,d快餐仲要係無誠意勁難食,要比$35食d咁既快餐附近大把茶餐廳好過佢,都唔知佢地諗乜,如果無粉食一定唔會再幫襯

在中上環長大的朋友一定有到過結志街，亦或多或少食過景記蛋河，興記（已執．其中一個淥麵師傅曾於九十年代中受僱灣仔蘭杜街某大名氣茶餐廳）雲吞麵炸醬麵，還有好耐以前的楚記燒臘．到今日全香港的舊街拆下拆下，輪到中環這老街，將一堆老店街坊氣氛一鋪清袋．香港人一直秉承傳統，不會大動作抗衡，一眾小店另謀對策，有的既來之則安之，有的像新景記計算未來，繼上環巿政大的景記後，最近又開到魚涌．新店結合了舊舖同巿政分店的特長，賣蛋河又賣扒，十分’騎呢’．點了蛋河及魚皮，亦隨意跟了熱奶茶．蛋河保留舊舖的味道，甚至更好，份量亦較大，魚皮亦鬆脆．奶茶有點失色，但做到不苦澀．再來一碗根腩河，口感到位，顯示師傅有能力控制好烹煮時間．看廚房裏的都不過四十歲，這店大有發揮空間．食物不錯，裝潢配套卻很有問題．幽暗的燈光以及西餐廳的牆飾，與新景記的賣粉麵形象不配合；盛粉麵的碗是越南餐館常用的，不太合廣東菜式，而且這種碗太大，小舖用則顯得太霸道．最敗筆是現在茶餐廳常用的自助餐具抽屜，一拉出來便不方便鄰桌，有點無奈及不禮貌．為什不乾脆沿用又實用又有特色的舊式筷子筒呢？勺子可以隨菜上吧．莫要做壞老店的名聲．是日冷氣似乎開得不夠，吃粉