新森林焗之專門店 (英皇道) (已結業)

深海鱈魚柳芝士焗飯 ($47)評分：7.5/10.睇翻張相就知影漏咗啲咩，第一幅圖掙隻叉之前一直知道呢間餐廳嘅存在但係以為佢哋只係一間普通嘅茶餐廳。某日睇到佢哋嘅餐牌先發現其實佢哋係以「焗」為主題嘅特色餐廳 🤗 好似幾有賣點，嘢食嘅價錢非常試得過有一系列嘅焗飯好平好平～配搭方面基本上就似番港式茶餐廳碟頭飯，魚柳、雞扒、豬扒、漢堡、牛脷都有。有啲款式係鴛鴦飯嘅概念，會混合肉醬攞去焗，例如番茄芝士焗豬扒飯 😋 全部都好地道～其他好似金黃色嘅魚柳飯就系忌廉汁芝士嘅配搭 ❤️ 非常之飽肚，其實覺得鐵板焗飯冬天食會好暖胃。魚柳份量都幾多，咁嘅價錢非常值了，平平哋有得滿足吓芝士 craving 又唔貴都算係幾好嘅選擇

顧名思義這家餐廳係食焗飯為主。招牌焗飯不俗，融化芝士配漢堡扒或豬扒都很香濃，飯粒細滑不太乾。紅豆冰特飲甜度適中。蟹柳蟹籽沙律很好吃，蟹味與蔬菜的配合非常好，加了酸甜的醬真是好吃焗飯或焗意粉的選擇很多，價錢由$48 到 $58，有一個主食和一杯飲料，另外還可以加錢要湯、沙拉等等。食物新鮮，份量夠，價錢合理!比大家樂大快活的焗飯好食多了!上餐速度不錯，態度還可。價錢合宜，份量適中。一個人吃飯最方便,  不用等位。

又到北角工作，來到我與同事們的最常到的社畜飯堂。這一帶可以選擇的不多，可能我們不熟悉這一帶的餐廳，又可能光顧同一間已成習慣。這次嘗試了焗飯以外的餐點。⭐️日式炸豬扒拉麵拉麵的湯底跟平常外面茶餐廳沒有大分別，配料都是粟米+椰菜，所以沒有什麼大驚喜之處。麵底也ok,對於男士來說是剛剛飽不肚餓的程度。炸豬扒方面，外層炸得有點燶燶的，但脆口，尚算可以。肉質有少少偏硬，可以再好一點。不過，說那麼多，$47你想要求有幾高？可以填飽就很好👍🏻

一入到黎侍應十問九唔應，啲嘢食份量又少又難食，你想點嘅時候起碼講下呢碟系咩餸，佢直接一夜揼落張枱度好似餵狗食，最慘係啲嘢食餵狗都唔食，如果想體驗一下做狗就泥呢度食。完！

新森林近年都提供不少素食選擇，主要以素肉為主。雖然有部分素食人士認為素肉含太多添加成份，不甚健康。不過我認為一間焗飯快餐店肯在餐牌加推素食選項，已屬難能可貴，值得支持！今天下午茶時段到來，點了瑞士汁素牛肉炒意粉。上枱時還冒著煙，色澤望上去對版，份量不算太大，作為下午茶剛好。第一口就吃了素牛肉，唔。。。帶不新鮮的豆制品的味道。。。雖然未至完全變壞但肯定不是應有的食味。。。筆者明白在炎熱天氣下，豆類製品如沒小心處理特別易變壞，也沒作出投訴。只是悄悄把意粉內那幾塊素牛肉挑出來便算。幸好意粉的味道也沒有太大影響，意粉軟硬度合適，瑞士汁味濃但不太咸。洋蔥絲及蔥粒不但為意粉添上色彩也增加了爽脆口感。有時候，還是簡簡單單的比較好😜

曾經係我飯堂之一，但服務同食物都每放直下，所以已經有好一陣子冇再幫襯。見今日行過，即管入去重溫下啦。叫左焗豬扒飯，豬扒好淋，佈滿芝士蕃茄汁，可能太耐冇食，又覺得幾好食喎，應該會多番d 幫襯BTW, 呢度既奶茶唔錯，如果喜歡較甜味既可以一試。

紅日中午見間鋪少人，唔洗排隊我地未入去食。初時感覺都幾好，但係落order 時嚟料，待應態度真係好有進步空間食緊果時出面係無人排，但個待應見你啱啱食完就即刻收隻碟，心諗佢好想快d 趕我地走咁講返個餐廳的焗飯同羅宋湯幾好食中午平均消費約六十蚊。

最近黎返呢度食早餐，諗住回味下個熱香餅餐，心情幾好咁黎到。點知我行入去見到有吉位既時候，去坐，就即刻俾個waiter話你去搭枱坐啦，咁好無奈就去坐，明明仲有幾排吉位。2次以上試左，心情勁差。到今日，仲好笑。又係果位waiter點餐，咁我好識做啦，自動搭枱坐。之後我點個熱香餅餐，要魚柳咁。個waiter 就問"魚柳分開"?果下我只係gag到個餐既魚同熱香餅分開擺。點知張單原來係同對面食魚柳餐既人一齊擺，夾左單。意識到時我就話改返。之後個waiter態度勁差咁話"都話問左你係咪分開架啦"，好似想講粗口咁既態度。好彩對面既客人都無乜野，反而係個waiter有種執著想改又唔想改既態度，但我只係覺得何必搞成咁，個個都唔開心。真係好無奈，食個早餐都有氣受

星期六想搵個地方食下午茶，見間嘢幾靜，咪入左去，點知就笑住入，嬲住走。成餐飯，有個侍應不斷喺身邊巡邏，成日想收左我地個碟，好似好想我地快啲食完走唔好講笑，明明未食完，只係同對面個朋友吹下水姐，個侍應都可以無端端伸隻手黎，一路收，一路問：「食完啦？」到我同朋友好驚訝咁望住佢時，佢先識停手。大佬，我地食餐飯，都未坐夠一個鐘，做咩咁趕客，明明間店就坐唔滿。做生意唔係咁做。食物質素方面，就係正常的餐廳水準，但係咁樣的服務態度，真係食龍肉都無味。

夜晚來到新森林食晚餐, 點了芝士海鮮焗黑椒雞皇鴛鴦飯, 芝士焗海鮮豬扒鴛鴦飯, 加了雞翼和餐湯餐包。呢度加小食非常抵食, 全部都係十零蚊, 選擇亦很多, 加餐湯餐包就$8。炸雞翼新鮮炸起, 脆卜卜, 餐包是蒜蓉包, 也是新鮮烘起, 很好吃。轉左特飲紅豆冰同乳酸益力多, 紅豆冰紅豆不夠淋, 有點硬, 乳酸益力多點了少甜還是有點甜, 兩樣都一般。兩個焗飯飯底都係炒飯底, 很乾身。值得讚的是鋪了很多芝士喺面, 芝士控必愛。味道來說黑椒汁是最惹味, 白汁和豬排汁就一般。份量很多, 肚餓來食會很滿足。埋單150幾兩個人, 總括來說很抵食。

冬天想食暖粒粒焗飯～一於黎到新森林試一試！芝士焗瑞士素肉丸意粉：48蚊/ 賣相不錯 但係味道就😅😅😅 芝士同茄汁無咩味 而且d素肉丸好奇怪 最後都食唔晒跟餐叫左熱華田 48蚊 係北角應該有更好既選擇🤔上湯魚肚豬骨湯拉麵：46蚊/ 味道又係好普通 自己煮可能仲好味🤦🏿‍♀️🤦🏿‍♀️🤦🏿‍♀️應該無下次嚕～

今日lunch食新森林未食過北角呢間同埋都未食過新森林嘅lunch不過lunch同dinner其實都係個啲款張枱係寫住Merry Christmas 我覺得整得幾好睇下張墊枱紙設計得幾靚 簡簡單單咁之後就坐底揀嘢食咁我其實都唔係幾揀到食咩好又唔想食牛脷又唔想食魚喎好似冇乜岩我嘅選擇但我都揀到個大胃王飯食佢係有雞肉 漢堡扒 仲有條長條型芝士腸碟嘢黎到佢有個缺憾就係個鐵板同底碟痴唔實用匙羹一路食佢一路轉 好難搞 好麻煩但個飯都幾好食嘅都有芝士香味 又有蕃茄汁但分配幾好唔會話好酸同埋都幾夾佢有雞扒豬扒漢堡扒漢堡扒麻麻 唔太好 特別薄同埋冇乜味雞扒同豬扒都可以 不過叫雞件同豬件岩啲不過唔錯嘅 入口口感唔錯 雞件都滑口嘅 豬扒都唔鞋 最後有杯紙杯裝嘅熱檸茶價錢都相宜

呢日去完行山，落番山就即刻同FD子去食飯，見次次經過呢間都未試過，於是就一於試下啦haha，叫左款新野，係芝士海鮮焗黑椒雞皇鴛鴦飯，另外我叫左杯菜蜜。MENU既賣相的確好吸引，但實物黎到既時候就知其實係兩樣野黎，中哂伏。因為真係好少餸!同埋D餸既quality又唔係好，極重鬆肉粉味，其實我比成50幾蚊，比番D正常野食我都得掛，佢D質素同美心冇咩分別，D價錢亦都差唔多，個汁亦都極鹹，如果唔係朋友叫，應該下次都唔會再黎食....

星期六放假，一早起身去食個早餐先，近近地嚟咗新森林焗之專門店早餐都有好多選擇，因為唔想食湯粉，所以揀咗吉列魚柳牛油粟米薯餅炒蛋（$29）加奶油豬（+$6）飲凍齋啡（+$3）凍齋啡係呢度叫咖啡都唔會有d咩期望，但係真係仲差過一般茶餐廳出品，得個苦字，完全冇咖啡味奶油豬味道正正常常，但竟然係一早整定，唔夠熱唔夠脆吉列魚柳牛油粟米薯餅炒蛋薯餅油溢味重，但都叫脆口，牛油粟米又係唔夠熱，炒蛋同吉列魚柳就正常水準整體黎講啲野食只叫放得入口，想食早餐絕對有其他選擇

又要過港島區做野了，做完超肚餓即時搵下附近有咩食，見到有呢間焗飯專門店，就突然間好想食了。都未睇餐牌，就見到呢個今天之選，懶得諗之下就決定食呢樣啦。焗飯加五蚊有雜菜湯，但湯味道過淡，有d似茄膏溝水咁，而雜菜亦唔夠淋，比較令人失望。主菜焗意粉過左一陣就上檯了，由於我要求走芝士，所以即叫即焗。意粉份量相當多，雞扒兩大塊，雞扒非常嫩滑，唔會焗得太乾，蕃茄醬有濃郁蕃茄味，美中不足既係醬汁唔足夠，食到最後意粉已經無乜汁，如果可以加多d會更好。