新森林焗之專門店 (英皇道) (已結業)

又要過港島區做野了，做完超肚餓即時搵下附近有咩食，見到有呢間焗飯專門店，就突然間好想食了。都未睇餐牌，就見到呢個今天之選，懶得諗之下就決定食呢樣啦。焗飯加五蚊有雜菜湯，但湯味道過淡，有d似茄膏溝水咁，而雜菜亦唔夠淋，比較令人失望。主菜焗意粉過左一陣就上檯了，由於我要求走芝士，所以即叫即焗。意粉份量相當多，雞扒兩大塊，雞扒非常嫩滑，唔會焗得太乾，蕃茄醬有濃郁蕃茄味，美中不足既係醬汁唔足夠，食到最後意粉已經無乜汁，如果可以加多d會更好。