新森林焗之專門店 (已搬遷) 新店位置

雖然呢度好食，但我就唔會黎得咁密，不過同事好鍾意.. 所以呢排真係成日黎...最近果2 次食左：廚師精選($31) - 薄牛扒跟薯菜跟白湯、多士、凍檸茶(+$2) 湯麻麻啦，多士仍然係硬。個薄牛扒又唔係我諗得咁薄，味道麻麻地啦，起碼唔係好\"un\" 果種。薯條有d 脆有d 好淋，淋果d 好難食，不過佢\好多，所以無所謂啦，可揀走淋果d 唔食。話就話薯菜，但只係有3 塊翠玉瓜，如果有d 粟米baby carrot 果d 就好d。凍檸茶仍然係ok。柚子沙律+ 軟殼蟹天使麵+ 熱咖啡($31) - 可能佢\無晒柚子果隻，整左個青蘋果沙律俾我... 但都ok 既。軟殼蟹磨菇天使麵- d 麵太淋啦，個汁又偏淡同稀，但個軟殼蟹炸得幾好食，可惜只係得一件，所以食完個軟殼蟹時，個天使麵好寡。熱咖啡- 好似burnt 左咁，唔掂。試左同事少少(青蘋果汁豬扒- 都幾好食播~~)呢間resto 都算幾多choice，但暫時我都係prefer 焗飯。由於我寫了幾次，所以我唔評分了^^

出開黎睇戲, 就黎左呢到食Lunch黑椒牛仔骨拼芝士雪魚什菌焗飯: 啲芝士真係好好好羶, 唔知個啲係咩芝士黎, 如果無左面頭啲芝士粉會好味好多. 個魚好好味, 好厚肉, 但係得兩小件. 個炒飯底都幾好味, 好多料, 唔會只係得啲蛋絲, 仲有埋蔥花, 但係食到個底好油, 即刻好有罪惡感!!!! 黑椒汁都好香, 幾辣下, 但係個牛仔骨我覺得都好羶下!!脆金菇豬頸肉飯: 呢個飯無乜特別, 只係好似日本既大碗飯咁, 啲豬頸肉只係得4-5小片, 而個脆金菇原來只係好似天婦蘿炸物咁, 但係上枱己經唔脆, 個汁只係鰻魚汁, 同埋都幾喊下, 整體只係一般!!!!另外個忌廉湯同蒜容多士都係同普通餐廰一樣, 無乜特別. 其實好多地方既焗飯都好味過佢, 又大份過佢, 一啲都唔覺得有啲咩咁好食!!!

早幾日同同事食完，點知今日又想黎。佢地兩個都order 左我上次食果個黑椒牛仔骨白汁魚柳焗飯。而我今次就order 左上次本身想叫果個- 芝士白汁海鮮蕃茄豬扒焗飯。今次要左白湯，味道比紅湯既好，起碼唔會太鹹。件多士仍然係好硬下。個飯，望落好吸引、好豐富。我比較鍾意白汁海鮮果邊，材料又豐富(有蝦、炸帶子、炸魷魚鬚、魷魚、魚塊、等等)，而另一邊就係蕃茄豬扒，豬扒已切條，約有5 條，幾多下。個蕃茄汁都幾好味。跟左杯凍檸茶，都ok 啦。

3 個人黎呢度食lunch。我order 左黑椒牛仔骨白汁石班焗飯跟紅湯同凍檸茶。2 位同事都係揀左煙肉蘆筍卷同牛扒跟薯茶跟一紅一白湯同一凍檸茶一凍鴛鴦。我無試佢地的．．　但望落似乎只係麻麻地，尤其是件牛.. 望落真係麻麻。我果份- 個湯唔係咁得，偏鹹。件多士好硬。但係個焗飯又真係幾好食。黑椒汁味道都幾好，牛仔骨有2 塊，份量算多，而且好好味。另一邊係白汁石班，白汁足夠，但塊石班無咩味。而飯底係炒飯底，味道唔錯。凍檸檬茶都幾好飲，但可惜既係.. 侍應竟然大意.. 無跟飲管，呢個係唔錯得架播..

晚上４個女孩子去食，環境唔駛多講，有快餐店的感覺。共叫了２個焗飯-- 吞拿魚同雞皇，二個天使麵--軟殼蟹同好以雜菇，重有加多每樣８蚊叫左個沙律同兩個酥皮湯。其實佢價錢ｏｋ，四十幾蚊連野飲，但要加一～我覺得焗飯好食ｄ，天使麵ｄ味好淡。本身我唔食吞拿魚既都幾得個焗飯幾好食～雞皇都唔錯～我覺得可以一試，但未去到話要時時食，好好食個LEVEL～

呢間野食lunch就可以接受。但有次同班fd去食dinner，等左兩個字位，入到去當然叫焗飯，價錢普遍要40蚊位，仲要成10先有杯凍檸茶。個焗飯一上，看起來很熱，但一吃之下，d飯只有微溫，我想他可能只是用火熗燒紅個面就上，不是真正焗至全熱。味道方面，和大家樂、大快活差不多，但份量就唔夠，女孩子會比較適合。都係一句，唔抵食。

雖然o係旺角區黎講算貴，但係如果計質素黎講係唔錯的~是日午餐通常有七八款到...價錢由$25 - $33 都有不過要$27 或以上o個d 先有餐湯+ 蒜茸飽食過佢既蒜茸牛扒飯、牛柳伴田螺薯蓉、藍莓汁燒豬仔骨配辣汁意粉等等全部都幾好味的....牛扒係難得地有肉味又唔韌加上環境乾淨waiter 服務又ok...所以lunch 係吃得過的夜晚係點就唔知啦@@~

今晚約咗幾個朋友出旺角食飯,行過女人街見到有一間餐廳門口有人排隊,我地幾個人八吓八吓走過去睇吓有咩嘢食,原來係食焗飯叫{新森林}餐廳,再睇吓餐牌有咩嘢好食先,原來除咗焗飯之外,仲有大約二十款小食,都係8蚊咋.見到MENU都幾吸引,我地都決定一試,等咗大約15分鐘,終於等到枱啦,認真望吓MENU價錢都唔算太貴,但比較吸引到我食慾係果啲小食,有海虎蝦,鹽燒三文魚刺身連片皮鴨都有,我地決定叫哂呢幾款小食試吓,出到唻賣相同SIZE完全係意料之外--我地都覺用8蚊可以食到呢啲食物,簡直係物超所值,所以我地己經約定下星期再黎試吓食其他嘢,你地咪走雞呀

間唔中都會黎食下lunch, 呢度有焗飯焗意粉之類, 又有其他西式食物. 價錢都係$30左右, 有湯, 有蒜蓉包, 有餐茶.今次黎食左個焗青口田螺薯蓉配牛柳, 份量剛好,薯蓉幾好味, 牛柳外脆內軟, 好有水準~!呢度環境都唔錯, 以呢個價錢食到咁飽, 抵食~~

一行4人來到食lunch,大家不約而同咁叫左芝士焗豬扒鴛鴦飯, 首先來既湯比較細碗,蒜蓉飽亦唔香蒜蓉味,不過味道都ok,個飯好多料而且仲係炒飯底,有幾件豬扒,仲有好多海鮮,連炸帶子都有,蝦都有幾隻,真係落足料!!有個女manager服務好好,因為3個fd都想轉過吸煙區,有2個waitress只係敷衍了事,但manager就好有禮貌咁幫我地,後尾因為已經食緊所以唔轉..因為我想飲茶於是就叫淨茶,佢話不如比杯熱水我,我覺得好奇怪,間野實有人叫熱檸茶但點解會無熱茶??後尾佢問我其實果杯餐飲係咪想要淨茶,原來佢開頭誤解左,不過o係咁混亂既lunchtime都肯咁照顧我地d客人既需要,真係值得加分,所以4分係比個女manager

今次吃旺角分店的，每一間的分別都不大，不過挺抵吃，不會太貴。晚飯也只是四十多元一個餐，還可以加$8 加小食及加錢轉特飲。吃了日式鮑魚雞飯，本身不太餓也吃了大部份，味道不錯。

經過上次很難忘的情人節餐後(因為實在難食得令人難忘，可參考我以往的食評)，但不知為何看其他人的食評卻說它的焗飯好吃，於是星期六晚經過附近便給它多一次機會。行到門口見到入面都幾full，兩人非吸煙區只得長枱有位。打開menu都頗多選擇，兩人叫了一個白汁銀雪魚焗飯及茄汁煙肉野菌焗螺絲粉，兩人都加$15有多一個白/紅湯、餐包及一杯特飲。白汁銀雪魚焗飯：銀雪魚煎得幾香，但個抄飯底又硬又唔熱，真係驚食左會消化唔到呀！一定係抄定凍哂返焗啦….茄汁煙肉野菌焗螺絲粉：味道不過不失但覺得不夠香濃及材料少了點。紅湯：估唔到都幾辣，味道ok啦！但未至於好味。特飲：兩杯都好特別，因為係其他地方未飲過，分別係我杯蜜桃紅豆冰及他的蜜瓜益力多冰，兩杯都ok，可以一試！整體都好過上次，但未至於用好味來形容，只係可以食得下咁啦！

新森林係一間以焗飯做招來的餐\廳，星期六同友人到女人街的新森林dinner…我叫左個吞拿魚焗闊麵，芝士味都幾香，$33個，加$15有湯有杯drink…都ok抵…雖然環境比佐敦分店好，但我覺得都係佐敦好味d…

旺角同灣仔果間都去過幾次,次次點唔同既野食,都幾好味!!湯就ok,不過我係次次都飲白湯既人!!野飲就一般~~焗飯係好好味囉,我中意鴛鴦雞皇飯,仲有其他海鮮唔知乜,仲有豬扒唔知乜,d名太複雜,唔多記得~~同埋價錢唔算太貴,都值架!!如果純粹想試,可以試set lunch,大約30蚊左右,就有湯同飯同野飲~~夜晚食就大約60蚊左右,但會多好多choices囉,推介焗飯或天使麵!!同埋灣仔同旺角兩間d waitress都好好人,成日都主動問洗唔洗幫手,有frd生日,仲幫我地切蛋糕,又幫我地保持神秘,又唱埋生日歌咁~~

哩條街真係開多好多食肆，不過間間都有貴咁，行到最後就入哩間。三個人叫一個焗田園芝士螺絲粉、吞拿魚鴛鴦焗闊條麵&金菇牛肉薄餅。闊條麵麵身比較硬，肉醬果邊麻麻地，螺絲粉冇乜味咁，個薄餅就幾好。飯同粉都有餐湯或飲品，抵過叫set dinner。服務就麻麻，我地兩個粉都食淨半碟，諗住傾計再食，可能人多（不過冇人等位），個侍應竟然問我地仲要唔要，好似想趕我地走咁。