新樂園魚蛋粉 (已搬遷) 新店位置

這一天的坑口早餐，又一次選中了厚德邨這一個小商場。是日的選擇，是這一家名叫《新樂園》的麵店，我一於食番碗廣東式的麵才上班去。這《新樂園》其廣告牌非常之顯眼，因為其大大的廣告牌，就是位於厚德兩翼商場的連接天橋上，那位置就是在所有車輛進入坑口的必經通道之上，是我每一天見到的廣告牌之一。在厚德街市下車，一上扶手電梯就會見到《新樂園》，早上在此吃麵的一不多，找了一個位座下才發現，這兒同以往食過的麵檔早市一樣，是不提供套餐的，麵同飲品，只好散叫，絕對不符合經濟早餐的原則。潮州式的麵店，其牛腩必定有點水準，所以我每一次到這一類型的潮式麵店，都會叫上牛腩麵，而且，每一次食麵，我總是貪心的，一雒配料總是不滿足的，而是次，我選擇了丸，墨魚丸。牛腩，爽口味道濃，一吃就知道是有點水準，每一條牛腩，肉質半肥瘦，肉絲分明，爽口而且有掛齒的感覺，而墨魚丸，夠彈已經不用多說，更好的是墨魚肉粒粒爽韌，味道香口，兩者都非常之可口。奶茶是這兒的副產品，苦澀味重了一點點，感覺未如理想。總結一下，這《新樂園》的確是一家不錯的麵店，其香香濃濃的潮式廣東麵，十分之吸引。

尋日(19-10-2013 Sat)晏晝,同男友到將軍澳見工,見完工係5點幾,周圍行吓就搵o野食.由於我仍未肚餓,而男友猛嗌攰,行o黎呢o度睇吓食乜先,原來係魚蛋河o個啲,而我亦嗅到童年時o既魚蛋河味,於是食呢間.我o地叫o左$32.00o既潮州四寶河,加$8.00o既熱菜蜜,$26.00o既手唧魚蛋河,加$7.00拼鮮蝦雲吞,加$8.00o既熱檸蜜,再加$9.00要細炸魚皮. =.=”好快,細炸魚皮o黎到,係一包包包好o既,店員剪開個口俾隻碟,自己搗落碟食.之後兩碗河都到o黎,冇耐兩杯o野飲都到埋,快到你唔信. 影好相開餐,先食手唧魚蛋,味道同口感都好普通,然後食鮮蝦雲吞,皮薄薄,內裡有兩隻鮮蝦同少量豬肉,好夠味,有驚喜;河粉亦平平無奇,冇乜問題,而湯底係好清o既.(但食完都係冇童年時o既魚蛋河味道.)之後食炸魚皮,魚皮脆口亦唔油,冇’益’味,都唔錯喎.然後逐樣試男友o既潮州四寶,有邊四寶,有手唧魚蛋(早知又有魚蛋我就叫手打牛太河),墨魚丸各兩粒,扎肉(佢寫潮安扎肉),魚皮餃(佢寫汕頭魚餃)同豬肉丸(係家鄉貢丸嗎?)各一件,加o左潮州地方名就話係潮州o野.魚蛋唔使再試啦,魚皮餃同墨