新樂園魚蛋粉 (已搬遷) 新店位置

記得第一次食中式湯粉麵就係細個嗰陣爸爸帶我去屋企附近茶餐廳食嘅魚蛋米線，食第一啖就覺得呢種又淋又滑嘅粉好好味，自此愛上，所以好多時下午茶或者傍晚時肚餓都會食碗粉頂住個肚先。呢間粉麵店喺商場裝修後由2樓搬去1樓，每次經過都幾旺，由期繁忙時間一定要等位，不過呢類食店人流快，客人嚟得多食得快。呢間粉麵舖品質係唔錯嘅，而且職員人手充足，絕無態度差或黑面，今日放工返屋企前就同幾個同事一齊食碗麵頂吓肚先。餐具調味架都幾乾淨整齊。潮洲四寶米，米粉都唔算硬，魚皮餃唔錯，有一款唔知係唔係豬肉丸都好味，有少少淋淋哋。牛筋牛腸河，牛筋牛腸夠淋又滑，牛腸仲有油膩感，好味。牛雜米線(走膀)，咩內臟都有啲，而且粉量唔少。牛腩雲吞撈粗麵，牛腩要求肥啲，菜好淋，牛腩肥瘦適中，夠淋，牛味夠，麵爽滑，但有少少過鹹。雲吞另上，有三粒，蝦肉幾多，幾彈牙。加$14可配細炸魚皮一碟，好酥脆唔係硬脆，好新鮮。熱飲+$8凍飲+$9

將軍澳的坑口街市裝修完好一段時間，隔離多左個美食廣場，內裡有很多不同的小食店，多數都係做外賣居多。天氣開始轉涼，下午茶,想食啲熱辣辣嘅湯河之類，想起內裡有間(新樂園魚蛋粉)，所以就入去坐低嘆番碗先可能平日下午關係，店內不算多人。座位乾淨整齊，店員親切招待，看左餐牌一陣，樣樣都想試下，所以叫了一碗淨四寶。其中魚蛋係最吸引，彈牙有魚味，魚湯底也不錯，沒太多味精，吃完也不會有口渴感

這間位於將軍澳坑口區裡面的中式粉麵食店「新樂園魚蛋粉」，我在上手手提電話「開飯喇」戶口還在使用的時候，已經曾經跟老豆光顧過一次，還已經成為了老豆一直沒有忘記的食店。結果我換上新手提電話跟新「開飯喇」戶口之後，老豆對「新樂園魚蛋粉」這間中式粉麵店仍然念念不忘，還把它介紹給阿媽知道。結果阿媽最近曾經做過眼睛檢查，今日需要返回將軍澳醫院了解檢查結果。阿媽在將軍澳醫院覆診，看完醫生知道驗眼結果之後，就跟我，老豆三人在坑口區裡面食個簡單的下午茶，然後三人就坐專綫小巴，返回西貢墟去了。說回我們三人在坑口裡面食的「新樂園魚蛋粉」下午茶，我們每人各自點了一碗魚蛋河粉，阿媽為自己的「魚蛋河粉」另外加了「牛雜」，我的「魚蛋粉」就選擇了以「撈麵」方式，再加魚蛋成為雙併撈麵食品。阿媽再在點了魚蛋牛雜粉之後，再點了一碟油菜跟一杯凍檸茶，我就另外點了一杯樽裝「雪碧」汽水，今次「新樂園魚蛋粉」的點餐就此大功告成。在評論「新樂園魚蛋粉」的「魚蛋牛腩撈麵」之前，我想先講一下有關「新樂園魚蛋粉」跟「TKO Gateway」美食廣場裡面的近況。「TKO Gateway」美食廣場開幕至今，其實不是很多食店能夠長期營運下去。當

將軍澳高質魚蛋粉: 味道好，份量足，落單快，禮物好，價錢平！點左最中意食的牛肚河！牛肚煮得夠淋同入味，河粉品質有保證，唔會爛容容。真心喺出面食過啲一夾就斷嘅河粉，喺尼到係唔會發生！除左個快河粉，辣椒油都係令人盛讚嘅item!!!真心香辣好！另外個fd就叫左碗雲呑河！偷食左佢一粒雲呑，皮薄餡靚，大大粒蝦喺入面！友人仲提醒叫雲呑河時一定要加腩汁，會好味好多！地點其實喺街市出面個”food court”, 但都乾淨。不過就坐得有點逼同冷氣唔太夠。

因為要入院照腸胃鏡。所以要食清淡D嚟到依度食一碗魚蛋米粉 但係唔可以食我平時最鍾意嘅蔥佢嘅魚蛋又爽滑又夠林 加埋魚片配搭剛剛好我個人比較鍾意叫佢比魚露我。同埋加辣椒油食

早餐突然想食河粉，就去咗坑口美食街入邊嘅新樂園魚蛋粉食河粉，呢度無論幾早去到，都會見到餐廳入邊有幾多人喺度食嘅，餐廳環境尚算乾淨，裝修設計都唔錯，食嘢嘅環境都幾舒服。我叫咗碗豬肉丸墨魚丸河粉，墨魚丸彈牙，都食到有墨魚粒，佢嘅質地同埋味道我都幾鍾意，叫人一試難忘。至於豬肉丸，質地都唔錯，但相對墨魚丸來講，質地較遜色，但咬落都幾彈牙而且有肉汁，質素算唔錯。但可分就令我大為驚喜，唔會好似一餅餅咁黏，條條河粉都分明食落好滑溜，而且我加咗藍汁，成碗嘅味道更加突出。不過我覺得係早餐來講， $47一碗係有啲貴，如果價錢可以平少少會更加唔錯。

今天工作來到將軍澳，lunch得一小時，時間緊迫，經過見到「新樂園魚蛋粉」門前站了一堆人，以為在等位，原來都是等外賣取走。我和同事三人等了幾分鐘就有位了。我叫了牛肚河，牛肚份量都算多， 幼身河粉煮得比較淋同事叫常餐，豬扒麵配火腿蛋多士， 豬扒都有很多，分量足夠。另外同事叫豬扒蛋飯走汁，她忘記叫少飯，飯太多吃不完，豬扒都ok，軟硬適中。油菜煮得剛好，新鮮總括午餐的食物味道不錯，份量夠多，對女仔來說一定夠飽。

食完新樂園出面嘅真係冇得比！平時因為新樂園近屋企成日食都習以為常近來出去尖咀頹食魚蛋粉先知原來新樂園算高質呢日嗌左平時好少嗌嘅魚皮餃都唔錯但平時食開牛筋雲吞河呢個配搭一絕再加杯凍檸茶/奶茶無得輸！

延續老豆之前在「將軍澳醫院」覆診的時候，被醫生告訴肝臟出現問題，而需要進一步的治療。老豆需要不斷前往「將軍澳醫院」「日間醫療中心」覆診，接受專科治療中心人員的診治。而我亦盡我可以做到的事，就是每日隨傳隨到，陪他在平日中午以後時間，到「將軍澳醫院」「日間醫療中心」糖尿病中心，面見相關的醫護人員。雖然我通常都事先做好準備，先在舖頭食完午飯後，再陪他坐車到醫院去。但是老豆很多檢查，都需要事前戒食一段時間，直至檢查跟診治完成後，「禁食令」才能真真正正地解封。所以我即使還未至於很肚餓，但是老豆身體的能量，也會因為整日二十四小時未有任何食糧落肚，身體能量都已經被消耗至到近乎完全消失，所以絕對有儘快進食補充體力的必要。但是現在醫生對於老豆，一直都有苦口婆心地叮囑他，有很多食品都不能貿貿然放入口中。所以我跟老豆在離開「將軍澳醫院」之後，當務之急是找合適的食店開餐。回到將軍澳「坑口區」的商場，由於「東港城」二樓「一田超市」旁邊大部分的食店，都已經被試食完，又寫過了一次食評。所以現在我食的「坑口區」食店，主要都是「TKO Gateway」地下的食街「Food Link」。「Food Link」裡面除了有賣

星期六去銀行真的超多人，等左成個鐘先搞掂。仲未食早餐既我好肚餓呀。為免空肚食早餐，我決定食午餐，哈哈。去了附近既「新樂園」，之前已經去過幾次，每次都點牛什，發覺牛肚最好味，所以今次點牛肚麵。而牛什係無牛腩既，所以另一碗點了牛腩粗麵。等左兩三分鐘已經有得食啦，好香既牛腩味呀！有成六七塊既牛腩呢，正！牛腩夠入味，又唔硬，32蚊好抵食。牛肚都好食，好濃味，不過睇落牛腩抵食啲，因為差不多全部麵都係32蚊，我諗牛腩最抵食。其實餐廳仲有好多選擇，魚蛋都唔錯架！

TKO gateway重新裝修後多了好多食店。在G/F那層更有一個美食廣場，裡面有好多小食。不過今日係食正餐，所以去了新樂園。中午時段舖頭坐滿客人，要等一陣先有位。當我點了食物後才發現牆邊有不同配料既麵，魚蛋好似好吸引啊！好彩都點了個牛丸魚蛋河。有三粒牛丸同三粒魚蛋，36蚊都算幾抵食。湯係魚骨湯，不過魚味唔重，可能加少少腩汁會好味啲。魚蛋就好有魚味，而且好彈牙。牛丸就無咩特別，不過都幾好食。牛什河都係32蚊咋！好抵食！有牛肚牛肺同牛腸。加左腩汁真係好食好多！而且牛什好入味，可以encore!

以前此店在厚德商場一樓。之後厚德改名TKO Gateway，並大裝修，很多店舖都隨之消失了。因此店是罕有還能在將軍澳商場中䇄立的專門魚蛋，遠遠看見它的舊址也被本板團團圍著，心悔沒力在它消失前品嘗。 幸好，它原來搬去了地下前郵政局的地方。今日專程和太太一起去看看。原來商場將地下變身成食美食坊，而新樂園就在那區最角落之處，地方好像大了些，亦整齊乾淨。 我們叫了瘦牛腩魚蛋頭米粉、牛丸魚蛋米粉和一碟菜 （另加$16) 。通常我和太太都會再互分食料，一碗米粉頓然變了四樣餸菜。熟悉的味道和湯味，憶起之前在一樓的店舖，不過價錢好像又加了一點。美食坊還有一些不同菜式的食店，競爭會比以前大了，我們也打算下次試試其他店比較一下。

公司安排上堂，要經坑口站轉車，在附近商場搵餐廳食個早餐，呢間粉麵店早上有開，在店外圍起點地方加大堂食座位，茶餐廳格局，簡單唔焗促！餐牌都係大路麵食！好快落單又好快上菜！雲吞牛腩河（$38）份量幾大碗！賣相ok!蔥花同湯匙盛住，唔記得叫走蔥嘅都可以𢳂走！牛腩淋身，每件都半肥瘦，不過無乜牛味，雲吞皮薄蝦肉爽，加啲豬肉有肉汁，細細粒一啖一粒！河粉幾滑，可惜湯底太味精，頭將啖幾惹味，之後未食完碗麵都已經覺得口渴！食完成口嘅味精甜味仲留在口好耐！浪費咗成碗麵！店員好爽唔廢話，勁快手食完就走！

呢間新樂園真係唔好食，叫左個牛腩河，腩汁唔夠又唔香，淡茂茂!! d牛腩太瘦，好似煲湯d瘦肉咁，一d都冇咬口，唔香!! 成碗面用兩個字形容 "唔得" 碗雲吞河好小小，因為雲吞係現成，唔係新樂園自己整，所以味道還好! 但個湯底又係唔得掂! 淡過飲清水! 食飽就算既感覺! 而個芥蘭還好吧，算係最好味的了，但衛生就未必好了

是日6：00便肚餓了決定到久違的新樂園吃粉麵今次一如以往食牛腩河（$27）牛腩肉質好腍，而且不會痴牙但味道卻冇以前咁入味因此湯底的濃郁度也大減河粉質地滑身配上紅醋及辣椒油加回不少分但相比起以前真係差一大截