新泰東南亞餐廳 (太子集團中心) (已結業)

很久沒有和女兒撐枱腳喇！今次她帶我到新泰東南亞吃泰國菜，可能是平日晚上，不用等位就可以入座先來馬拉盞通菜然後到冬蔭公湯，因為我比較喜歡辣，所以喝這湯特別喜歡串燒一定要趁熱吃，否則涼了就不好吃香芒軟殼蟹米紙卷，軟殼蟹不加菜苗，不錯日本南瓜焗海鮮飯，我女最喜歡吃芝士最後甜品一定要點我們2個入點了6個菜，竟然可以吃得曬，証明質素唔錯

今次同朋友黎到尖沙咀既新泰,一出地鐵站行下好快就到係門口登記完再潔埋手就入得座,餐廳好闊落,坐得好舒服,燈光強度剛好,同朋友們黎食野吹水岩岩好主食叫左個金邊粉,用料好足,D蝦大大隻又爽口,其他用料又夠哂香口飲品點左杯菠蘿特飲,甜度剛好,又有菠蘿既香味,一飲就知唔係糖水,如果可以大杯D就好啦再之後就係青咖哩雞+薄餅,青咖哩帶小小辣,但重點係佢超香,加埋香脆既薄餅真係一流食泰國野點小得馬拉盞炒通菜? 馬拉盞勁香,味又夠濃,通菜又新鮮爽口,成碟菜都好好食然後就係炸蝦餅同豬頸肉,估唔到兩碟小食都咁大碟,兩個人差d食唔哂呀!不過蝦餅炸得香脆,豬頸肉夠哂多汁,超好食!總結黎講,呢餐超抵食,十分推介!

我哋去咗一間尖沙咀泰國餐廳食晚餐 呢度無論環境裝修定係餐桌擺設 都非常有泰國特色👍🏻餐牌嘅選擇都好多 除咗基本嘅咖喱 粉麵飯 都有好多唔同種類嘅海鮮🤤我哋叫咗一個越南烤蔗蝦 有四舊 蝦肉好彈牙 一咬落去好多蔗汁🥰我哋叫咗個燒鱔 有四串 好新鮮 燒得啱啱好 上面鋪咗啲芝麻 旁邊嘅汁一定要點 雖然辣但味好夾😍 再嗌左個泰式燒豬頸肉 好香嘅碳燒味😆我哋叫咗一個馬沙拉咖喱(豬) 佢有得俾我哋揀豬雞牛 價錢一樣 碟薄餅就係另外叫嘅 黃咖喱味都幾香濃 入面有豬肉 薯仔 洋蔥🤩 薄餅好特別 比平時嘅厚身👍🏻我哋再嗌左個蝦醬炒飯 好令我驚喜嘅佢有好多臘腸 好揼本啊😆 上面仲有啲蛋絲 除咗有蝦嘅鮮味 仲甜甜地幾特別🤤我哋仲嗌左個芒果糯米飯做甜品😍

疫情咁耐都一直封關，一直都冇機會去旅行，好彩香港都有間好出名嘅泰國餐廳可以食。我哋叫咗嘅嘢都唔少，真係大滿足。1. 越南烤蔗蝦（8/10）蝦好新鮮，加上有蔗汁中和，唔會覺得太熱氣，另外配埋酸甜醬一流。2. 燒鱔 (9/10) 本來覺得價錢有啲貴，但係一上到嚟就覺得物超所值，每串到好多，加上甜甜地嘅燒烤醬，係我食餐最滿意嘅。3.燒豬頸肉（7/10）都好食，但係因為燒鱔，上先所以就失色咗啲。4. 豬肉椰香咖哩加薄餅(7/10)咖哩味好香濃，用薄餅黎點就啱啱好。5.蝦醬炒飯(8/10)本來一試個蝦醬，以為係偏鹹，但係食落係甜嘅蝦醬，又比想像中好食喎。6.芒果糯米飯(8.5/10)食到咁上下，梗係要叫返個甜品收尾，芒果好當造，食到好濃嘅芒果同椰香味

行完街好累一定要食好野滿足自己嘅胃。欣女今日想食泰國餐，朋友強烈推薦呢間。果然無介紹錯。咁靚嘅環境食泰國野真係比較少有。通常食泰國野諗起九龍城，或者一啲裝修無咁靚嘅餐廳。但呢度嘅環境真係好加分。重點係咁好嘅環境，價錢仲好合理。都幾抵。好肚餓，叫左金邊粉黎食。靚靚擺盤，吸睛。有大蝦俾你，足料。金邊粉炒得夠火候，味道香，濕度啱啱好。口感彈牙，好耐無食過好味有鍋氣嘅金邊粉。香芒軟殼蟹米紙卷。有驚喜！首先口感香脆，味道係新鮮嘅軟殼蟹。同芒果原來好夾，加埋蔬菜係入邊，多左清新嘅味道。呢個真係要encore！泰國街邊豬肉串。去到泰國必食。今日終於俾欣女食到。除左惹味熱辣辣之外，只可以用好爽黎形容。好滿足好滿足。食完今餐都真係好似去左泰國咁。好東南亞熱情嘅環境，價錢又合理。性價比高嘅餐廳，欣女會返兜，因為欣女真係好掛住好掛住泰國。

想正正式式食個泰國餐，各方面最全面嘅，應該係呢間。吸引之處：1. 環境夠大，裝潢靚，好有格調嘅餐廳。泰國餐廳黎講，呢度環境夠grand。加上好耐無去泰國，呢個環境食泰國餐可以滿足下去泰國嘅慾望。2. 坐得舒服，唔會嘈，可以好好享受氣氛同野食。3. 酥炸香茅魚。第一次食呢道菜色。魚肉炸得熱辣辣，脆脆嘅出邊，入邊味道好鮮甜。香茅味道好足，而且口感好有層次。加左芒果沙律一齊食，酸酸甜甜，更加開胃，個味道昇華到另一個層次。4. 馬沙文牛腩。食落好惹味，咖哩同香料足，啖啖濃郁嘅味道。份量多，食得好飽。味道同出邊食嘅有少少唔同，有自己嘅獨特之處，而且好香。食得出好有心思。5. 擺盤都好講究。我諗廚師應該做個高級餐廳，擺盤靚，心情都靚。整體黎講，係泰國餐屬於上等嘅級數。無論環境，野食，份量，服務都做到足。不能挑剔，好滿足。希望keep住呢個水準。

泰隱起食靚菜冇得去泰國又泰隱起就緊係自己去搵食啦聽人講呢間泰菜好好食，但有靚景，環境好舒服，我就去試一試！上到去果然同我想像中一樣，入面四四方方，又有好多落地玻璃，都幾靚下。食泰菜一定要試試佢個冬陰公湯ge! （＄78）我地order 左個細ge 份量，2個人的話每人都可以飲到2碗呢個tom yum soup 非常足料，最小有2隻蝦，仲有好多茹佢唔會話好spicy, 但又好惹味馬拉盞通菜 （＄78）呢個又係必食之一佢個份量好多，加埋有小小蝦米係到，增加左個咬感串燒拼盤～雞、牛、豬，各兩串 （＄88）佢燒得岩岩好，加埋沙嗲汁嘅咸花生味，好好食日本南瓜焗海鮮飯（＄118）鍾意食芝士之人就岩曬喇！佢呢個焗飯份量好多，芝士好多～食起上黎仲可以且起到D 芝士，不得了！加埋佢仲有好多南瓜汁同埋粒粒南瓜粒，口感勁佳又有層次！千層糕（＄55）椰汁配埋暖粒粒嘅千層糕係最佳嘅結尾千層糕好煙韌，唔會過好甜，好食

新泰靚景食住chill!尖沙咀有2間新泰，一間係k11對面，另一間就係太子集團中心上面。因為想睇靚景，今次就同朋友揀左呢間位於太子集團中心8樓ge 新泰食正正泰菜！上到去已經覺得成個感覺好舒服，因為佢個空間感好大，而且非常闊落～入面有大概8－9張卡位，張張卡位都係對住個落地大玻璃，個景好稱心。上菜個速度係幾快～前菜我地叫左個香芒軟殼蟹米紙卷 （＄88）呢個配搭好好呀～米紙卷好煙韌，加埋芒果係入面，甜味可以配搭到軟殼蟹嘅小小咸香，仲有小小菜苗夾埋一齊食，食落好fresh!串燒拼盤有：雞牛豬各兩串，共六串（＄88）沙嗲汁有小小花生味，加埋肉質都幾淋，配合埋一齊，升華曬成個味道日本南瓜焗海鮮飯（＄118）呢個我見好多人都recommend，咁我就緊係要order try try 啦呢個日本南瓜入面瓖左好多海鮮，而且仲有切粒嘅南瓜，仲有好多cheeseeeeee，加埋D南瓜汁真係絕配好好食呀！好好好邪惡呀

今晚同老公終於可以撐枱腳，行下尖沙咀，找間樓上泰式菜，好好嘆一嘆😎🤟🏼泰式炒花蛤材料有洋蔥，豆豉，辣椒，每隻花蛤都肥大飽滿，粒粒花蛤都掛上茨汁😋咖喱蝦蝦肉新鮮彈牙，咖喱汁香濃，滲出陣陣的椰香。蝦的炸粉沾上咖喱汁，十分惹味。印度酥餅酥餅鬆軟，不油膩。酥餅一定要配上咖喱汁食用，這樣配搭天衣無縫。蒜蓉炒貴妃苗貴妃苗鮮嫩，鑊氣十足。蒜蓉香氣令貴妃苗味道更加突出。下次來一定要再點。泰式甜品小拼盆餐廳內甜品款式眾多，選擇困難症得我點了個甜品拼盤😂拼盤中包括椰青大菜糕、椰青班戟、千層糕、椰汁西米糕。椰青類甜品食得出濃濃的椰青味口感清新，其他甜品都鬆軟可口。這裏的泰菜款式地道，座位舒適，下次再約其他朋友來😁😁🙌🏼

餐廳裝修富有泰國特色，有卡位，坐落鬆動舒適👍🌟泰國街邊豬肉串豬肉串外皮微微燒焦一上枱就聞到好香，表面有蜜糖嘅甜味咬落好juicy,醬汁酸酸地帶有辣味,開胃之餘味道亦幾豐富,串燒嘅肉質軟腍嫩滑又多汁，食完之後個香味仲停留喺口腔入面～🤤❤️🌟香芒軟殼蟹米紙卷比較fresh嘅一道菜,醬汁亦都係酸酸辣辣,因為落咗生蒜頭所以另外仲有陣蒜頭嘅辣味同香味，米紙卷嘅外皮煙煙韌韌，中間嘅芽菜青瓜蘿蔔絲好爽口，入面仲有口感比較軟腍嘅牛油果同米粉，最後係香脆軟殼蟹，口感層次相當豐富，裏面薄荷葉嘅香味都好突出，吾錯😋😋🌟泰國燒春雞釀香茅黃飯燒春雞一切開熱辣辣冒着煙，雞汁係入面流出嚟，賣相好吸引，跟住就聞到陣陣黃飯嘅油香味，釀喺雞入面嘅黃飯索晒雞嘅精華，所以除咗香料嘅香味之外，仲食到雞嘅鮮味，好好食，推薦😍另外雞肉都幾嫩滑，蘸上甜辣嘅醬汁會更好食👍

幫同事慶祝生日，想找間坐得舒服的泰國餐廳，之前曾經來過這間新泰泰式餐廳，食物和環境都很有泰式風味💓泰式炒花蛤花蛤多，有新鮮！配上香料羅勒葉、辣椒和洋蔥等等的配菜炒起後，很夠鑊氣。咖喱蝦先用炸粉炸好的蝦，外脆內軟，加上咖喱汁，好惹味😗印度酥餅特別喜歡這裏的酥餅，沒有油膩感，很乾爽👍🏼很鬆化，脹卜卜，點咖喱菜式，必點這酥餅。蒜蓉炒貴妃苗每次來必點，貴妃苗只需$75便有一大碟，份量之多，足夠三四人分享也不誇張。蒜蓉炒香的貴妃苗更有香氣，貴妃苗新鮮翠綠，爽口。泰式甜品小拼盆甜品拼盤有椰青大菜糕、椰青班戟、千層糕和椰汁西米糕。全部都是我喜歡吃的，其中椰青班㦸較特別，很煙靭😌，好重椰香味，不錯😃

今日安排坐窗邊卡位，中間還有一些圓檯，目前最多可容納6人一檯，也有不少捧場客陸續入座，旁邊還有佛像和大象牆飾🐘省去了金碧輝煌的俗氣馬拉肉骨茶(L) $138 不過和常見的肉骨不同，這裏以排骨入湯，肉質軟嫩易食，湯底味道濃郁，鹹味更顯。 酥炸香茅魚配青芒果沙律 $168將原條紅鯛魚起肉，獨留頭尾，再將魚身連骨沾上炸粉下油鍋🍤之後再將分成魚柳形狀的魚肉下鍋，炸完後再組合一起。還有不容錯失的青芒果沙律和酸甜醬汁，淋在魚肉上，脆滑的魚肉和甜辣的芒果合力進攻我的味蕾🥭 泰式甜品大拼盆 $168 擺盤已經匠心獨運，色彩繽紛有美感，有齊椰汁西米糕、黃金糕、千層糕和大菜糕，中間則是芒果糯米紫米飯。當中最正的是熱辣辣的黃金糕😝有很香的椰子味和蛋味

最近天氣反覆，在秋夏之間來來去去，時冷時熱令人變得有點憂郁🥴幸好相約了朋友去吃一頓酸爽的泰國菜，將憂鬱一掃而空。 餐單合計共有過百樣選擇📒除了泰菜外也有其他東南亞菜式，一次過滿足多個願望，有沙律、燒烤、咖哩和海鮮等鐵板蠔仔炒蛋蛋邊有點焦香，下面墊著爽口的芽菜，沾上辣椒醬更刺激泰式烤豬手差點誤以為是雷神之鎚，旁邊有焯菜和醬汁。豬手經過滷汁滋潤，在上檯前稍為烤焗，令外皮帶點脆口，脂肪變得煙韌有膠質，豬味較重🤭出水時間久一點會更好，澆上醬汁再吃令層次感更豐富。 綠豆沙冰大大杯的飲品溢出悠然豆香，加上綿密細碎的冰晶口感，口感清涼有助消暑清熱🥵

新泰是香港規模頗大的連鎖泰菜店，品質有保證👍在尖沙咀也有兩間分店，今次來的這家是位於北京道太子集團中心8樓，有朋友誤以為是去加拿分道分店，因為那邊食肆林立。北京道附近多是奢侈品店和服飾店，在旅遊旺季時擠得水泄不通，現在卻步入寒冬🌀用餐時在卡位向下看人流也不多。 越南鮮胡椒炒牛展 $88 一到來就擔心會不會太辣，因為胡椒和籽遍佈牛肉上，但入口後就知道是香而不辣☺帶點酸味開胃。牛肉已經煮至軟爛，食落無渣好味道。 麵包焗咖哩軟殼蟹 $208 這裏的泰式蛋咖哩超級好味😋專注微辛辣的味道，沒有太多亂七八糟的材料。炸軟殼蟹無油溢味，像蟹棒般輕點食用。 泰式甜品大拼盆 $168 最後當然要來吃甜品，見朋友左挑右揀也未下決定，但小朋友才做選擇，豪氣地選了大拼盆樣樣都可以試🤑

太子集團中心是尖沙咀出名的美食大廈🏬有齊火鍋、西餐、酸菜魚、日本菜和印度菜等，新泰從其中突圍而出有很高評價。電梯門一開就見到兩條龍迎賓，加上木製招牌很有趣，多使用藤製和木製產品🛖既環保又有朴素之風🍳鐵板蠔仔炒蛋 | $98 | 7.5/10首先進場的蠔仔蛋飄出些許油香，正是精粹所在，經過煎香的蠔仔入口無沙🦪和炒蛋混在一起香口惹味🍞 麵包焗咖哩軟殼蟹 | $208 | 9/10本餐之星就是它了🤣真是一試難忘，在上菜時還有點失望，因為不是香口烤包，擔心和咖哩不匹配。採用了軟熟綿密的白麵包，每個分子都能吸滿了咖哩汁，食落非常滿足🥘馬拉肉骨茶(L)｜$138｜7.5/10意想不到有肉骨茶，正好需要進補一番抵禦秋風，湯底味道藥材味鮮明，有豆卜和冬菇配料🥰