影片
以上資料只供參考, 請與餐廳確認詳情
🥢琴晚去咗親戚屋企聚會，夜晚向親戚屋企附近嘅一間中菜宴會廳食晚餐，叫左幾款餸，又幾有驚喜。🥢我哋叫咗一盅粟米魚肚羹，三個人分每人大約可以有三碗，都幾足料，羹底夠稠，唔會水汪汪。🥢我哋仲叫咗一條龍躉仔🐟，Size都幾大條，百零蚊都算抵，🥢見有片皮鴨，都係$138，食開出面啲酒樓通常啲餅皮都係一疊過上，等幾分鐘凍咗就會黐埋一舊，但呢度竟然每張餅皮都會用牛油紙分開，有成20張咁多添，每張都夠薄。而片皮鴨都有20件左右，每片都有肉連皮，鴨燒得好香口，超正👍🏼🥢片皮鴨加$40仲有兩食，我哋就揀咗茄子炆鴨，以為細細碟，殊不知一上菜超大碟鴨，三個人食唔晒都要打包食多兩餐。🥢仲叫咗個豆豉蒸帶子豆腐，清清地，仲有幾條菜。帶子夠鮮味，豆腐夠滑又飽肚。🥢整體嚟講，呢度坐得好舒服，食物質素都有一定嘅水準👍🏼
繼續閱讀