新漢記飯店

營業中

休息中

預約左星期六食媽咪生日飯，時段 1800-1930（要交枱）5大1小 ，有大有細有孕婦，安排左個方角位⋯ 坐入面既肥小小都入唔到⋯要bb凳，係咁話我地bb對腳好長⋯但我地bb 得2歲⋯佢啲坐位又唔係高！安排左完啲坐位 已經唔太高興，坐左15分鐘，無人問津⋯⋯開口問係咪有人攞緊茶水俾我地？佢地先醒覺⋯好喇，叫左六道菜客家豬肉砵 — 肉好柴（鞋）位 ，分量極超勁少煎墨魚餅 — 有果皮味，分量勁極超少三杯豬大腸 — 無味，分量超極勁小 乳鴿 — 原隻奉上，配剪刀一把，無味，有肉汁珍珠有殻蠔仔蛋餅 — 味道正常 附送蠔殻魚漂爛勝瓜湯 — 分量勁極超少，勝瓜黑色，得個咸字6碗 砵仔飯 2歲bb都唔夠飽價錢極貴 分量超極勁奇小 每人好似試緊菜咁就食完好就好在唔會做到大晒鬼，因為想夾多一舊都冇⋯1850埋單食完嘴唇乾到變列柴，飲水飽

山長水遠入到粉嶺食呢間堪稱為之新界區「大班樓」果然係值得，今晚晚飯係由漢師傅安排嘅中式Omakase 🤣，十個人差唔多食咗差唔多二十道菜，餐廳招牌麻辣蟹撈麵十分出色，麵底吸收了所有麻辣醬汁嘅精華再配以鮮甜嘅蟹肉一齊食簡直係一絕。油浸筍殻魚大約三至四斤，大細非常適中，外脆內軟非常美味。平平無奇嘅孜然烤羊架肉質嫩而非常嘢味。另外呢度出名名菜之一白灼豬前腳筋，感覺有啲似食牛爽腩。太多美食不能一一盡錄，如果唔係喺粉嶺咁遠⋯⋯我應該每個禮拜都會返嚟食🤤麻辣蟹撈麵油浸筍殻魚孜然烤羊架白灼豬前腳筋香煎黃花魚麻辣豆腐煲正宗走地雞鮑汁鵝掌撈麵

CP值：4/5 價錢Price: - 珍珠蠔仔煎蛋 Pearl Oyster Omelette: $98 - 自家製黑墨魚丸煮津白：$138 - 正宗走地雞（半隻）Steamed Free Range Chicken (half): $168 - 鮮鳳梨山楂咕嚕肉 Sweet and Sour Pork with Hawthorn and Fresh Pineapple: $128 - 魚香茄子炆豆腐 Braised Eggplant and Bean Curd ：$88- 大肚婆炒飯Ginger Fried Rice: $98(加一服務費 +10% service charge) 呢間客家菜館喺粉嶺開咗好耐依家轉左新位，裝修都靚咗好多👍🏻事先聲明，尼間菜館比一般酒樓啲菜式貴，份量都細少少🤏但依然吸引到好多客人黎食，就知佢咩野料啦👏🏻我諗係因為菜式好特別，有啲特色菜仲要早幾日預訂😮而且每道菜都有返咁上下水準👍🏻 珍珠蠔仔煎蛋：有好多粒蠔呀😍而且都幾鮮味個蛋色水好靚，亦都炒得好滑，正👍🏻👍🏻🤤 自家製黑墨魚丸煮津白：本身以為平平無奇，點知啲墨魚

見到太多好評，又想試吓客氣菜，就揀咗呢間黎試⋯比想像中貴，又唔係好食，所以覺得性價比好低！啲野食一次過上齊晒⋯都未食得切⋯中餐最怕就係凍曬⋯1. 白灼魷魚冇唔係鮮甜⋯又un⋯2. 滷水鵝肝講到唔係日日有同好快賣晒⋯滷水鵝肝冇滷水味⋯3. 雞最差係隻雞⋯又un 又冇味⋯4. 豬油撈飯啲飯凍架⋯點撈都唔好食⋯5. 魚餅呢個算係最正常了⋯但都唔講得出好好食6. 蟹呢個算係第二正常⋯唔太特別出色7. 鵝掌撈麵頭一兩啖熱果陣都okay，一放耐咗⋯凍咗之後，啲味精同油味出曬黎。總結：可一不可再

食過的客家菜中最超差的一間，點所有菜式都是同一味道，店員重點介紹豉椒炒鵝腸，但出嚟是碟豉椒炒橡皮圈，另外價錢貴不是問題，是要消費者覺得花了錢有所回報。 唯一可以點讚的是地方及服務可以！

新漢記是我在疫情前便想試的中菜..雖然看見食評都不太好😅..但我始終都係覺得要自己親身試過先為準..今次網友們都頗中肯..性價比實在低😂😂😂..不是不好吃..但那個價錢這個質素都唔太平衡了(食客心裡🤣)..但有一味餸倒是有驚喜的～香煎墨魚餅..總算有一樣食到與外邊的不同了..應該加咗陳皮..好香哩👍🏼 ..三杯豬腸味道好但豬腸煮得硬咗dd..黃酒煮雞黃酒湯又甜又香但雞肉完全無味..臘味炒糯米飯一個字—油😝..其他的不過不失..

前幾日同屋企人係聯和墟訂左枱試下因為想食下客家菜一定要book 先有位我地叫左五餸一湯味道吾錯 幾中意佢個魚炸得好香 入面幾軟整體都吾錯 下次會再試下其他餸適合一家人食值得一試

疫情下揾食，環境衛生是優先考慮。星期天路過新漢記，只有兩三枱客人，午餐飲$50-$55不收加一，相比晩餐價錢，便宜極了。餐廳樓底高，空間感不錯，問侍應生拿了熱水洗洗餐具，提我小心燙傷，有禮細心，加分。點了:A~蔥油走地雞飯 $55 飯量不算多，雞皮脆肉嫩，配上蔥油豉油，一啖飯，一啖雞肉，滿足。青豆做配菜，爽口無青味，油不多，夠健康。B~涼瓜排骨飯 $50  排骨份量不多，有醃過入味，軟硬度剛好，涼瓜唔苦，少少甘味又索了排骨汁，味道不錯。午餐價錢親民，不加一，$115能夠試試新漢記味道，值得。

真係好好好好食，估唔到粉嶺有啲咁好食嘅客家菜，我夠膽話佢係香港最好食嘅中菜，最近同朋友講起先知道原來新漢記好出名，新界區嘅朋友真係好幸福❤️呢個自家製黃酒煮雞，真係必食推介，好味到喊😭呢個釀苦瓜好好味，不過我嫌啲肉鞋左啲d，但係連埋個湯一齊食好舒服☺️三杯雞食得多，3杯豬腸第一次食，好味😋相比之下呢個咕嚕肉就普通咗少少🤏🏻呢個胡椒豬肚湯仲可以揀大、中、小辣，味道唔錯，但係啲豬肚就唔夠淋另外我叫咗豬油飯，唔知係咪我唔識溝 搞到個味道怪怪地

外面望入去環境吸引， 個玻璃𥦬大大隻，有幾次晚飯時間行過都想試，但礙於價格屬中上以致猶疑，見星期六lunch set 都係HKD50~55包例湯就入去試。座位闊落而且座墊算厚， 幾舒服。叫左個蠔仔炒蛋d蠔算大隻(見圖)，味道就不過不失，飯同餸份量中等，唔係大大份個d， 如果係好肚餓既未必夠飽，我個日唔係好餓就份量岩岩好。友人叫左個豉油王煎魚配咸蛋， 我同佢都覺得偏咸(要送飯同飲水)，未必再叫呢個，值得一讚係煎得個賣相幾靚同脆口。利益申報: 自費午餐

繼續食🎂生日飯局🍴，與唔同品味嘅朋友，當然選擇唔同種類嘅菜式。今次朋友特別帶咗兩支靚酒🍾嚟賀一賀，所以特別揀咗呢一間「特式客家漁村菜」👨🏻‍🌾。舊舖多年都未曾有機會食過，如今搬到新舖，裝修有格調，環境亦舒服乾淨好多，最主要嘅美食嘅質素，果然沒有令人感到失望！😳———————————————————————————🍽鮮鳳梨🍍山楂咕嚕肉🐽💬見到餐牌已經好想叫，其實有幾多特色菜都係假，一款簡單經典嘅咕嚕肉就能看到廚師👨🏻‍🍳嘅功架，的確無容置疑，啖啖肉無筋，超好味😳.🍽豉椒炒鑽石蜆💬想不到鑽石蜆係咁大隻，新鮮嘅果然係肉嫩爽甜，時間控制得宜，餸飯一流😅.🍽生炒糯米飯🍚💬眼見都知道一定係好，糯米唔會太腍又唔太實，軟硬適中😎.🍽豆醬炒青瓜苗💬確實係無乜機會食到青瓜苗，幾有趣，口感爽脆，連花都食得，有驚喜😳.🍽油浸本地魚塘荀殼魚🐠💬皮脆肉嫩，火喉十足，果然係家鄉招牌菜式，魚鰭魚頭都可以吮出鮮味，好想再食🤤.🍽黑糖黃金糕🍰💬唔太甜，幾棉滑，熱辣辣為晚餐圓滿落幕🔚

與友人於某夏夜到聯和墟的新漢記品嚐客家菜。小編的家鄉是清遠，以肥豬肉和走地雞的客家菜為名，當然要試試客家炆豬肉，雖然沒有家鄉的豬肉肥味和味濃，但也不過不失。最令我感驚喜的是自家製蝦子九棍魚腐和自家製墨魚丸浸瓜，一大塊的蝦子魚腐入口便是蝦子香甜，帶有魚鮮味，而我評分最高的是自家製墨魚丸，墨汁味濃，爽口彈牙!三杯焗新鮮豬腸也是不錯，焗得蠻香口，喜歡吃豬腸的朋友可以一試。我們沒有嘗試雞隻，始終在香港難以吃到完美的客家雞的了，有機會再來品嚐。

見父親節父親又係正宗客家佬所以去試吓尼間粉嶺出名嘅客家菜先~ 🥣🥣🥣商場可以泊車方便, 不過去到見到滿街泊滿車所以入鄉隨俗咗~ 😂😂😂一入去見新裝修咗所以好靚, 不過一坐底就覺得太熱喇~ 因為冷氣好似冇開咁, 熱到出汗呀, 佢在窗邊放咗部移動式座地冷氣但係唔涼又太大風吹住唔舒服~ 😑😑😑即刻叫咗幾個餸試吓~個豬油撈飯質地硬硬哋, 我就覺得粒粒分明幾好食, 但係我屋企人鐘意食軟飯嘅就話太硬了, 自己落豬油同甜豉油, 雖然係炸定但係豬油好香, 不過如果係先落鑊炒吓先落飯會重香, 甜豉油一啲都唔鹹, 落多多都唔怕~ 🐽🐽🐽 🍚🍚🍚三杯焗鮮豬腸好香皮又脆, 但係我屋企人話個皮太韌佢哋食唔到~ 😂😂😂客家黃酒雞~ 有「蒸」同「炸」兩種選擇, 我叫咗蒸因為想有啖黃酒湯大家飲吓~ 個湯身好濃郁, 香到爆, 好在酒精已揮發晒, 唔係我因要揸車就唔飲得㗎喇~ 🙈🙈🙈 雞滑唔韌唔鞋又多舊唔會得幾舊冇得食~ 🎉🎉🎉梅菜豬肉閔得好棯入口即融正宗五花又大塊好滿足, 梅菜又香又甜唔鹹, 尼個餸飯一流~ 唔怪得全場都叫啦~ 💪🏻💪🏻💪🏻黑糖蜂巢糕半份都有咁多, 質哋幾好白糖糕咁, 不過「太甜」喇~ 🤔🤔🤔 如果可以

尋晚補祝老豆生日，佢鍾意食小菜，所以就去粉嶺聯和墟搵到呢間新漢記同佢慶祝！入到去坐左一張好闊落既檯，侍應全程招呼好同到，讚！講返野食先，我地先叫左碟河蝦炒時蔬，就係用魚湯浸菜芯加上一Ｄ蝦仔，好清新又健康！然後黎個招牌梅菜扣新鮮豬肉，每件扣肉既肥瘦比例剛剛好，入口即溶，濃厚既梅菜味滲晒入扣肉度，正！我地又叫左個香煎墨魚餅，好大碟，每件都份量十足！至於呢碟茄子炆豆腐，都係非常清新，豆腐甜甜地好滑！最後呢碟黃酒煮雞真係一試難忘，黃酒獨特既甜味滲入每件雞入面，非常可口！不得不提呢度除左普通既絲苗白飯外，仲有砵仔飯食，撈少少豬油同豉油就好好食！

眼見係聯和墟紮緊多年嘅新漢記轉左新鋪位，緊係帶埋朋友一齊去一睹風采。作為一間標榜唔落味精嘅食店，香港真係少之又少。當日時間尚早，門口已經非常墟冚，建議有興趣嘅朋友記得預好時間或者提早預約。新舖位新裝潢，充滿客家風格嘅裝潢，加上光猛開陽嘅用餐環境，令人食得舒適安心。我當然叫左我最愛嘅魚麵同客家炆豬肉，再係老闆推薦下叫左時令菜式。有乜係比係寒冷天氣下，食住美味新鮮暖笠笠嘅食物幸福！同行3人係老闆嘅熱情款待下，食得樂而忘返。最後友人都不約而同話要再約時間返黎。