新發茶餐廳 (已結業)

2017年8月5號，一點鐘，兩人一齊來到餐廳食中午飯，叫了一個午餐豆腐火腩飯。你估都估唔到得四舊 肥豬肉 兩嚿豆腐 餐廳侍應態度一般欠積極，勝在冷氣夠！但下一次都唔會再來……因為食物真係好差、好唔抵！

我同太太復活節假期沒有外遊，一心留港消費，殊不知去了這間「所謂」餐廳，當日去到下午六時，沒有茶餐，要點晚餐，隨機點了晚餐C及D......上菜了，晚餐C的花枝片是霉軟，像吃沾了水的廁紙，說好的「XO」是找不到，西芹則好過冇。環境方面，一路吃，一路要用手撥開一直在飛嘅昆蟲，如果我再幫襯，睇怕應該係盲咗，永遠不會再來。

今早要去太子座直通車上中山，由於有行李，所以好求其揾一間茶餐廳食，我一直係茶餐廳粉絲，茶餐廳最重要係杯奶茶，一早之計在於晨，我既求其，見到呢間新發夠大，有d人吃，就入去，早餐選擇不多，最可取兩餸麵加送方包一份，成為31大元，如要吃叮麵，另加4大元，我點在沙爹牛肉加蛋公仔麵，牛肉三大片，幸好煎蛋及公仔麵煮得剛好，味道一般，可接受，但奶茶......無茶味，衹有奶，大x記奶茶，三合一奶茶重好過呢杯，聽到隔離枱講 "阿姐杯holick可吾可以落多d，好淡", 個茶水真係.....xyxz....個方飽見到隻碟底有水，方飽一拿起水就係濕水麵包，雖然有d人都未必吃，但甘求其加少少牛油當加在，今時今日食市競爭甘大，你都甘交呢d貨，我估呢間舖老板一定係業主，根本無心做。我下一次一定做功課check在間餐廳，無謂影響全日心情!

這間位於花園街近太子的「新發茶餐廳」食物水準可以，價格也是十份大路，比較其他的連鎖式快餐店的出品，也較為優勝🤓豬扒公仔麵 - 豬扒公仔麵配牛油方包加熱奶茶，豬扒煎得十分香口，邊邊有小小脆但肉質依然嫩滑有肉汁，食落冇渣值得一讚，麵也煮得非常好入囗還是爽口不會煮過火到至糊口，奶茶入口香滑茶味濃腸蛋麵 - 腸蛋麵配牛油方包加熱檸水，麵質爽口廚房能夠保持水準，每一碗也沒有太大差別，雞蛋也煎得不錯是即叫即煎，不是煎定那一種食後令人心情非常愉快😉

今天我們一行六人食了一個滿肚子氣的早餐！成條街有咁多間餐廳，偏偏走進一家受氣的食店。淨飲$30, 最低消費@位$20, 但每柸飲品是$17, 即是迫顧客要叫食物。我們要求食物打包，伙記即黑面😈伙記態度超超超超超差…… 仲叫d客以後不用去光顧，呢d服務影衰香港

係附近工作關係，都黎食過幾次。見佢門面裝修都幾光猛乾淨，以為都ok啦。有次叫左一份雞飯，真係絕頂。飯溫度同份量都ok, 係個雞出事：切開得三四片雞係三四片，唔係三四舊，仲要用菜擺係底托高d雞雖然味道ok，但性價比超低自此之後我唔會再黎

成日去完花墟，都去新發食個飯。今次第一次食早餐，冇乜特別，普普通通，不過不失。我叫咗個餐蛋治，而老公就叫咗個餐腸面連方包。依條街，其實冇乜邊間茶記特別好食。。。

焗豬扒飯，都等了十五分鐘左右，小圓鍋拿去焗，飯舖滿鍋底都不少，面頭大塊豬扒橫臥。可惜，不是是否將熟飯翻焗，不少（可能一半）飯焗得乾了，尤如暴暴飯焦一樣，乾而沒汁，餅乾一樣，還要痴牙，難以下嚥。豬扒不算太林，至少沒甚麼鬆肉感覺，但不夠林，也有少許柴，鞋口，不算美味。像經典茶餐廳的賣相，怎料到加$3的凍奶茶，又淡又沒茶香，叫了少冰還是有半杯冰，以糖漿提供味道，那有意義？

今日在食飯時間前經過太子，今天沒約人一枝公搵食，而眼前的旺角區食肆雖不少但人更多，就趁食午飯高峄時間未到前找地方，走到花園街見到不少餐廳，最後見新發比較好坐又有卡位便坐下。今天的幾個午餐中，選了豆腐蒸排骨配白飯，餐湯有中湯和羅宋湯，而午餐原來只可湯或飲品中二選一，想吃多點菜便選了羅宋湯。羅宋湯還可以，蔬菜類如椰菜蘿蔔西芹等湯渣真的不少，但肉類就一點也沒有，喝著也不太覺有肉味，就當是菜湯喝好了。豆腐蒸排骨上埸，除了排骨還有豆豉放在上面吊味，豆腐正常加上豆豉吃著不太寡，但上面的排骨就不行，鬆肉粉下得甚多，吃著排骨都沒甚肉味，咬下又有不自然的鬆散口感，受不了還是放棄，主力吃豆腐和湯渣算了。白飯沒有太硬或太淋，加點豆腐底的豉油汁撈勻吃更好。因為排骨的關係，今日的午餐注定跟吃green monday的素食午餐無異。

星期六早上, 泊好車諗住食早餐, 見到呢間餐廳唔洗等位, 入去試下啦!落單係快既, 我地叫左兩份早餐. 我朋友果份早餐, 10分鐘左右到左. 大概再過左10分鍾, 我朋友差不多食完我果份都未到. 我地兩個都叫麵, 佢係牛肉蛋麵, 我係雪菜肉絲蛋米粉. 估計煮既時間差不多嗜, 點解咁耐呢? 叫個侍應問下係唔係漏單啦. 個男侍應態度差到呢, 見到你叫佢都唔行埋黎, 最後, 離開3丈遠問你咩事, 講完比佢聽, 佢居然回我地: 唔駛追!出緊喇! 咁既態度都得? 環顧4周, 見到都有個客人追緊單. 再過多5分鐘, 我份早餐到喇, 好失望因為D米粉係涷既, 隻煎蛋都係又硬又涷....食左一啖, "浪" 左個心口, 唔上唔落, 立即走人...好耐未試過食野食到一肚氣, 服務態度差, 食物質素差. 不會再去.

坐底咗先發覺下午茶嘅選擇相當少.. 失望也.. 炸雞翼沙津, 差!炸到勁乾 啡啡黑黑 除咗皮之外冇乜肉 豬扒包, 差!入邊嘅沙津醬冇味又唔香, 成個包淡而冇味好後悔入咗嚟, 浪費咗一個星期日嘅下午茶

咖哩牛腩飯, 難食! 又乾又咸. 叉燒意粉, 難食! 又粗又淡! 火腿奄列, 難食! 又乾又淡! 鱆魚蓮藕湯, 九成味精味, 幾乎無蓮藕味! 焗肉醬意粉很一般, 太乾了. 飲品全部都太淡, 孤寒!服務員脾氣暴躁, 懶醒咁款, 等唔切居然自己落單然後話就呢幾樣啦. 如果有得比負分, 呢間野一定唔會正數.

行花墟前本來諗住前一點心, 點知好多人, 就求其走入新發, 點知中伏!我地叫左個$53咖哩牛腩飯, 老公食兩啖已經大叫難食, (老公係超級咖哩迷, 唔太差嘅咖喱佢都會接受, 好少叫難食), 我望下D薯仔, 個邊乾到深啡色, 望到都唔開胃。自己叫左個泰式雞絲河粉, 中規中舉, 唯一可取係河粉好滑, 但湯底咸, 加舊蘿蔔叫泰式, 檯面放左枝泰式酸汁, 試下啦, 點知只有白醋味結論: 無下次!

在下有點奇怪，今天明明在旺角辦事，卻是走到太子開餐，可能是在下在太子一帶遊走過，很自然的來到太子，又或者在這裡開餐， 會較少人的。但無論如何，都要吃過午餐，才返回公司。來到西洋菜街，著實不少食店，可是在下卻想著吃客家菜還是茶記，最後選了後者。新發是在下的唯一選擇，因為它給在下是光猛和店子較大。在下還是草草了事盡快用餐後返公司，所以點選了燴豬扒煎蛋飯及咖啡好了。老實說，在下有點不明白何謂燴飯，但是今天的燴豬扒飯卻是很港式埸，茄汁是一般茶記的汁杰，豬扒很腍但不鬆化，不硬已經是好了；不過值得一提的，是這裡的煎蛋，是一個太陽蛋，但是蛋黃卻不是完全熟透，仍有蛋汁流出，可以用作蛋汁撈飯，這已經加了點分數。這裡的咖啡卻沒有咖啡香味，喝一口咖啡味也較薄弱，與其他茶記的咖啡來得較淡，並沒有那麼香濃，因此在下可說是最差的一杯了。新發的午餐的性價比來得較貴，三十八個大洋不包括餐湯，在下認為有點不值，味道休不是好過其他的。另一方面，侍者於在下旁邊守候，似乎要催促在下落單使在下有點忐忑不安，要急急落單。

下午行花園街自不然要食下tea好耐冇黎開呢頭了……周圍已經變晒。室內位置都算多，可能唔係假期啦！坐低order野食先豬包同豬烏冬+2杯熱菜蜜食物好快就黎lu....豬扒好淋好好味，烏冬湯底不太濃 good至於朋友的包比較少醬，多醬會好食好多。一個tea係旺角黎講40蚊內都算okay la....下次一定再幫襯！