新發食堂 (已結業)

葵涌的工廈食堂，有時候都會感覺上要尋寶般尋找，一個不留神的話很容易便會溜走了。老實說有些食堂確實不易找到，如果不是留下蛛絲馬跡的話，就很容易被忽略了。除此之外，工廠食堂多為在附近上班的人士，才會到這類食堂午餐，區外人也許未必知道。今天走訪的新發食堂，是一個很好的例子了，就連同事也不知道有這食堂存在。在下的發現，也是在乘車時發現呢！當在下進入新發時，正值午餐的後半時段，最繁忙時間可謂已過了，因此還有坐位坐下來，而且店子真的不大，只可容納五六張枱。在下正值研究餐牌時，正想吃惹味一點，還是吃炒粉麵好，店員便推介了一款炒麵給在下，於是便點來了。例湯是青紅蘿蔔湯，除了蘿蔔外，沒有其他配料。清徹而味道不濃，只有些微的蘿蔔味道。幸好的是蘿蔔也很軟腍。銀芽三絲炒麵是久未嚐過的炒麵，配料有火腿絲，肉絲，芽菜和些少的叉燒粒，還有紅蘿蔔絲。芡汁份量適中，不是稠繕到漿糊那種，三絲夠味得來也炒得好吃。麵條雖然被芡汁泡過後，變成軟腍，但是仍然有有脆口的地方，故此這麵炒得合適。凍奶茶明顯奶味不足，但喝下時卻又茶味濃郁，也夠順滑，而且又夠茶香，初時還想添加淡奶，但是再喝多幾口，其實都唔錯，如果再加奶的話，可能喝不到這

喺葵芳返工返左咁耐, 經過呢間食店嘅次數都唔少, 但見到入面地方淺窄, 裝修又舊, 所以每次都令我提唔起勁入內。今日行過時入面剛巧有人開門向我招徠,心諗食得太多其他食肆, 想試下新口味, 於是姑且入去試一試。一坐低就有人送上一杯茶, 叉和匙羮, 跟住問我想食點甚麼, 我望住牆上的餐牌正猶豫之際, 侍應阿姐就介紹食堂的當日午餐的其中一款, 就係糖醋五柳魚飯, 我見到天氣咁熱, 食啲酸酸地嘅食物應該幾開胃, 於是就聽取阿姐嘅意見。一點餐後阿姐就端來一碗霸王花豬骨老火湯, 一喝之下, 發覺好有住家風味, 阿姐話佢地煲嘅湯完全不含味精, 而且豬骨係嚴選, 並唔係cheap嘅豬骨。好快我點嘅飯就送到, 一看賣相不俗, 配菜亦多, 計有三色椒、洋蔥、紅蘿蔔等, 配以色澤鮮艷的甜酸汁, 令人食慾大增。再細味, 魚炸得很香口, 汁亦調較得恰到好處, 想不到在這間小小的店內能食到如此高水準的食物~套餐還配以飲品一杯, 若加$2則可以轉為罐庄汽水, 埋單只是盛惠$29, 已經有一飯、一湯及一罐庄飲品, 的確是物超所值呢~

日前才發現自己跟Oli也喜歡吃牛舌,月巴人沒有Oli的出色廚藝,想吃牛舌只能外求,這間小飯堂不時供應的牛舌午飯就是我的選擇。今次煮法是以黑椒汁燴煮,雖說是黑椒汁但味道像蕃茄汁多一點,除了點點黑椒在內,其實還有不少蕃茄、西芹和紅蘿蔔,甜甜的汁醬跟牛舌也蠻相配。牛舌切成長方形一口形式,進食當然比曾經出現過的牛舌扒方便,但又沒有咬著牛舌扮一見發財的樂趣;牛舌質感不俗,煮得柔軟不硬,好吃!月巴人快要完成這碗美味午餐時才發現碗底裡有著可多煎一顆蛋的油份!!相信是煮汁是用了不少生油同煮所致吧,還以為吃個無肉午餐,怎知變了吸油紙也不知道,增磅成功!是日例湯為青紅蘿蔔煲豬骨,廚師哥哥細心地將蘿蔔切成小片,讓每位客人都知道煲湯材料,也不會有大大件蘿蔔佔據湯碗;相比其他飯堂,這裡的例湯是蠻OK的,很有住家風味,只是相比以前已經淡了一點,沒以前那麼濃郁了。

lunch無乜胃口,等到下午茶時間食個tea代替午餐,在燒鵝瀨粉同羅宋湯之間,我今次選了後者。呢間既羅宋湯只係下午茶時間至有,個零鐘頭前既午飯時間都唔會供應,奇怪。羅宋湯相當足料,碗入面已經有牛展肉多粒、薯仔三大件、洋蔥、蕃茄、紅蘿蔔、西芹。今次味道似乎比以前淡,以前更加濃味帶辣,而家就唔覺有辣味,不過仍然係算濃味好飲!跟餐可選火腿三文治或牛油多士,以前我會揀三文治,但呢日突然想吃多士.....多士稍薄,不過都算香脆,牛油唔太多,正!!唔好睇少呢碗湯,飲完真係好飽飽!!

幫襯左呢間工廠飯堂好多年,睇住佢開業,今日至第一次寫食評。呢度午餐同例湯每日唔同,好少重覆,近期仲多左花款,有意式螺絲粉、中式雙餸飯、西式豬扒飯....真係實有一樣合自己口味,唔駛點傷腦筋。今日至寫食評係因為見到今日呢款飯幾有造型,係呢頭工廠飯堂黎講算有心思,所以就寫番一筆。燒汁煙肉腸仔卷墨魚餅飯: 腸仔一開三, 每份用煙肉分別捲好炸香,味道當然係腸仔、煙肉味,別無其他,不過係花左廚房哥哥心機; 墨魚餅幾煙un,問左老闆娘話係自己整,總之幾香脆彈牙,好味!紅卜卜燒汁加上七彩雜菜,成碟飯好色彩繽紛,真係食欲大增!!今日飲蓮藕豬骨湯,呢度既例湯好似阿媽煲既湯,落好多紅蘿蔔、淡菜、各類豆黎煲,唔錯。呢度最正係個個老闆娘、阿姐同廚房哥哥都好好人,行過時會問下你夠唔夠飯食呀?筆多碗湯你飲哩??上星期某日無心機食飯齋飲湯,第二日其中一位老闆娘特登黎裝下我,見我有食飯就話:呀...今日有食飯喇,幾驚你今日又唔食飯呀。有時唔食飯食公仔麵,廚房哥哥又走出黎問:做乜今日唔食飯??食麵邊飽架??好屋企feel,幾warm!!