新百樂潮州鹵味專門店 (已結業)

上環大大盒飯盒，有雙拼餸，只係$25？結果係好滿意，飯多外，餸都夠多，又夠味而不過鹹，最緊要係小店老闆好好禮貌。.🎈餐牌:有飯盒，有淨餸腩肉大腸飯 $25飯盒勝在餸夠多，初時以為$25只會係飯多餸少，誰知食到尾都仲有餸，腩肉同皮都爽口，唔太肥，大腸乾淨，還有好味酸菜，仲有滷水豆腐，飯亦有滷水汁。而且我鍾意佢哋煮嘅飯，比較實正，唔會爛飯。.$25絕對抵，質素絕對滿意。👍😋.上環外賣好地方😊

BEST take away lunch EVER. Best worth of price, super affordable, $26 for a duck breast rice box with some tofu and pickled vegetables. Add $3 for a braised egg and $15 for a chinese "foie gras" The duck meat is well seasoned and soft, the egg as well, full of favor. the foie gras is slightly overcooked and a bit dry. But it's only $15!! THighly recommend this small family run restaurant, my favourite takeaway shop.

今日大年初二中午我們去咗上環濟公廟拜完神之後，去咗「新百樂潮州鹵味專門店」買外賣自取去舅父屋企食！我們買咗鹵水鵝同鹵水拼盤！鹵水鵝嘅肉質非常鬆軟，鵝味好濃郁，而且肥膏唔會太多！鹵水拼盤嘅豬耳相當爽脆彈牙，鵝掌炆得好腍好入味，鹵水醬汁嘅味道調教得恰到好處，唔會過鹹！店內嘅大廚叔叔非常親切有禮，開頭我話要第一隻鹵水鵝，但大廚叔叔話要第二隻啦，呢隻係我啱啱新鮮攞出嚟！真係好老實！

話說呢輪去開上環, 有次行過見到門口大大個牌寫住鵝肝, 鵝腸, 鵝賢飯廿幾蚊有找!哇~今時今日香港地搵食艱難, 要生存實在不易 - 今天又路過咁岩又要食飯, 就買個返屋企試下~~~今次買左個鹵水豬手飯都只係25蚊, 大大盒, 一盒有成十舊豬手, 飯既份量又多! 豬手其實做得不錯, 唔會太咸, 味度岩岩好, 而且又夠淋, 汶得幾好食! 另外佢既飯吸左豬手既精華 (汁), GOOD!下次想試下鵝賢, 返屋企食飯加送岩岩好 都係個句, 支持良心小店!

寫字樓的生活多是枯燥厭悶，尤其是午飯時間，大多是爭位子和打蛇餅的局面，所以多數會在辦公室解決，在偶得意外之財的情況之下，也會買一些外賣，對自己好一點時，也可以和同事大圍分享。前兩天托同事去了上環尾段的滷味店斬點料回公司開餐，位於蘇杭街街尾有兩間滷味店，我們獨愛紅色舖面名「新百樂」的那一間，每天由一對夫婦主理經營，每到午市或晚市，都會出現不多不少的人流，不花二百元之下，就買到兩大盒東西回來，半隻鵝、一副鵝肝、鵝腸數把、另有滷大腸、豬耳和一截腩肉等，陣容實在豐富。這裡的滷水配方不算太有特色，陳年浸製之下，色澤深黑，味道濃郁而不會過鹹，相對來說則少了一份清香；大多數人會將滷汁倒入肉類當中，好等更加入味，但我這一班好吃的同事，對吃有另一種要求，認為將滷汁分開，到進食時才浸一下，可會吃出肉類的原本味道，確有一定的道理。現今鮮禽難求，這半隻冰鮮鵝論肉質來說是爽嫩的，只是略欠了一點鮮味，而我們亦寧願選擇有骨落地，既吃到鵝肉本身的精華，亦不會像鵝片般揀選了不好的部位.........另外鵝腸的口感也很爽脆，不得不提那副鵝肝，十餘元切了件之下，口感鬆化之餘，味道豐腴，雖不是法國口味般的入口即溶，對老饕而

呢間鋪都算得上係我飯堂，鹵水鵝、豬耳、鴨舌，鵝腸都係我最愛，我一般唔多食豬耳，但呢間例外，因較淋身，無外面 d 咁硬。但佢地既調味係比較濃，我鍾意濃味既就如魚得水，但另一方面，的確有 d 朋友就話唔係咁合口味；呢 d 有時真係好難講，個個人口味唔同嘛。值得一提，去呢度買飯盒，有可能個價錢每次都略有一點出入，因老細會睇佢畀左咩你而略為調節番，頗有「師傅菜」的意味，但佢真係好老實的，寧願收少 d 都唔會收多；只不過依家既商業社會，下下講制度同透明度，就未必人人接受得黎喇。

又0係上環搵外賣食既時候，今次轉一轉來呢間買鹵鵝﹗返到屋企一打開已經覺得同其他地方買既唔同，就係0的鵝一0的都唔肥，平日0係鹵水店的次次0的肥膏仲多過肉，搞到我呢0的自號懶係健康之士都會飛左塊皮先食，到頭來即係無野好食﹗反而呢間肥膏超薄，大大夠鵝肉鹵得香，沾少少鹵水汁入口即溶一樣﹗好有口感亦都好滿足﹗正呀呢度0的鹵鵝，下次加料要試﹗

星期六放工一個人不想到外面吃飯﹐又有點吃鹵水鵝﹐所以就在公司附近外賣回家算了。其實附近有兩家這種外賣潮州鹵水店的﹐不過好像平時都是見這家比較多人幫襯﹐所以就先試試這家囉。一點半去到真的要排隊﹐不過不是太長﹐5 分鐘左右就到我。要了個鹵水鵝片鵝肝飯﹐份量都好足﹐$25 有3/4 個鵝肝﹐十多塊鵝肉/鵝片﹐還有酸菜作配菜﹐很細心呢。鵝肝當然不可和法國鵝肝相比﹐不過都算香同唔鞋口﹐幾好食。鵝肉亦算軟熟﹐不過鵝味和鹵水味都偏淡。不是什麼上品﹐下次可以試試另外那間﹐不過都算是午餐飯盒的一個選擇。