新竹園軒

營業中

休息中

今日同屋企人過嚟飲茶，呢間我係第一次嚟，見咁多人寫食評講到咁好就嚟試吓。點知開頭就俾職員話。話說我填完點心紙交俾職員，我見個職員睇都唔睇張點心紙，我就同個職員講我叫左四款點心、一款炒烏冬。跟住個職員同我講「唔使同我講咁多野」，我當堂呆左，究竟係咩態度？老實講，我呢個level 4已經好耐無同人寫食評，但你迫到我要特登寫食評，你呢位職員都算世一。其實去到呢個位，基本上我介紹啲食物都沒意思，因為心情一定唔多唔少都有影響。但我都要公平啲講，食物方面有一定質素，特別係個芝士蝦球烏冬，芝士味濃，蝦球肉質彈牙，夠滑。蝦餃、燒賣夠大粒、足料，味道唔錯嘅，再配埋枱上嘅XO醬，更加好味。其他食物都不過不失，整體食物質素都係唔錯嘅。但想問大家究竟一個職員態度惡劣會唔會影響到你對呢間酒樓嘅觀感？你問我嘅話，我就話一定會，就算食物質素唔錯，但我要受職員氣，點都有影響，好難有下次。

新竹園軒 🎋 位於尖沙咀 🥢 主打中菜 ⛩️ 環境舒適 服務幾好 💫🐔凍藥膳鳳爪 軟糯嫩滑 豐富膠質 藥膳清香 🐥濃郁不澀 滲透入味 鮮美可口 🫘🐟 鹹魚蓉煎肉餅 總共六件 外表金黃 煎香酥脆 🐣鮮嫩多汁 配上鹹魚 鹹香四溢 🌊🐄 沙茶芥蘭炒牛肉 鮮嫩牛肉 份量不少 翠綠芥蘭 🥬脆嫩爽口 沙茶味道 微辣惹味 🌶️🍖 秘製欖角骨 酥脆外皮 肉質嫩滑 醃製入味 🐖欖角香味 微酸鹹香 油而不膩 🌱🐦 紅燒乳鴿皇外皮酥脆 肉質細嫩 嫩滑多汁 💫又有彈性 醬香入味 鮮美濃郁 🤎

嗰日我阿媽嘅遠嫁表姐返咗嚟香港，我媽就book咗呢度同佢一齊食晚餐。自從我開咗工，我好耐冇同阿媽一齊嚟新竹園軒食嘢啦，所以嗰晚就湊熱鬧一齊食。我哋點咗佢哋幾道招牌菜，特別係紅燒乳鴿皇同埋招牌小炒皇。 佢哋燒嘅乳鴿皇可以話係我食過最好食嘅， 外皮脆脆，但係肉質好juicy，而且仲食到肉原本嘅味道。佢哋嘅招牌小皇炒睇落去就好吸引我，裡邊有蝦，有江魚仔，肉絲等等，所以顏色非常鮮豔。裡邊嘅料全部搭配到超好食，超送飯。接落嚟就係我從以前到依家都鍾意食嘅蜜椒雞翼同埋黑椒脆薯牛柳粒，味道冇變過。蜜椒雞翼嘅味道仲係一樣甜甜嘅，最鍾意佢哋炸到雞翼外脆內嫩，好食😋 黑椒脆薯牛柳份量十足，黑椒嘅味道好香，而且牛肉柳的口感唔會好難咬，唔會驚老人家食唔到。仲有我特別記得佢哋嘅秘製欖角骨嘅味道，無知如何形容，但係係好食嘅。食入口嘅口感唔錯，肉搭配豆豉同芝麻味好香，好入味。椒鹽鮮魷鬚就一定唔使講，酥酥脆脆，椒鹽調味都啱啱好，佢哋知我鍾意食就卑晒我食😆 做細嗰個真係好，哈哈哈！

一家人去尖沙咀飲茶，發現咗一間性價比超高嘅餐廳。餐廳裝修唔單止優雅，環境舒適，食物價錢公道，仲好美味。首先食咗蟹籽燒賣皇，口感好鮮美，外皮柔韌而有咬口，入面嘅肉鮮嫩多汁，加上蟹籽嘅點綴，食落去令人覺得脆脆地，非常爽口。之後仲有蜜汁叉燒腸粉，食一啖首先感受到蜜汁嘅微甜，咀嚼後口感肉質軟嫩，香味四溢，而腸粉皮滑溜嘅口感一下就滑入喉嚨度。再嚟就係豉汁蒸排骨，排骨蒸得又嫩又滑，仲帶住豉汁同骨頭嘅香味，豉汁味道鮮美濃郁，鹹香回甘，屋企人好鐘意。之後食咗蜜椒雞翼，甜甜地嘅雞翼，帶有一絲絲嘅椒辣味，雞翼咬落去好有彈性，咬口十足，充滿肉香嘅滋味，好食。我哋仲食咗山竹牛肉球，牛肉球口感滑嫩，充滿咗牛肉嘅香味，咀嚼之間仲有清甜嘅味道，真係一流。最後叫咗蛋撻仔嚟食，蛋撻酥脆可口，鮮甜好食，食落去成口都係蛋香味，完美咁結束我哋嘅午餐。

自己比錢！自己自費同屋企人去食呢間酒樓屬於九龍區酒樓好大間一眼關七一去到十分之熱鬧我覺得好多人都好鍾意食呢間我見到就覺得好靚呀佢哋有個種類型嘅唔同美食價錢我覺得相當合理份量有十足，所以我都幾滿意同幾鍾意呢一間同埋我覺得佢嘅服務質素好好好有親切感會主動同你傾偈完全係舊香港嘅感覺仲有呀佢哋唔需要等好耐就自己有得食我哋嗌咗幾個點心都食得津津有味再飲番杯中國茶完全係中國菜式嘅感覺如果有機會嘅話同屋企人再嚟去酒樓度食嘢，其實都好唔錯

邊個話午餐一定要食飯或者麵呀？好似我有時只想食啲輕盈嘅嘢，唔想食太飽，就會嚟呢間輕鬆解決我嘅午餐。朋友們信我，以下推薦嘅呢幾樣係我每次都必點嘅系列~🥒 手拍青瓜夏天最適合食嘅清爽解膩拍青瓜，低脂又開胃，呢間嘅青瓜食起嚟卡崩脆！唔係嗰種蔫蔫嘅，非常入味掛汁。🦐 招牌蝦餃皇新竹園軒嘅必點招牌蝦餃皇，4粒渾圓飽滿嘅蝦餃單睇就已經金盈剔透，薄薄嘅水晶皮包裹住鮮嫩多汁嘅Q彈蝦球，鮮味十足！🥬 蠔油芥蘭健康美味嘅蠔油芥蘭被佢哋拿捏得好準確，簡單汆燙得恰到好處，食起嚟非常清香爽脆。中途就需要呢道菜嚟平衡一下口感，先唔會覺得好油膩。🥕 香煎蘿蔔糕外酥內軟，雖然色澤睇起嚟白白嘅，但係食起嚟嘅味道絕對會令你驚艷！

今日同朋友聚會嚟咗呢間老字號食午餐，中餐館其實有好多間，但係呢間一直都係我首選🥳 唔論係食物味道、環境、服務仲有價錢都係一流水平👍🏻我哋得三個人所以點咗四樣菜咋，份量已經好足💛蟹籽燒賣皇：口感紮實嘅肉餡，鮮嫩多汁🤤 食落去超滿足，上面仲擺咗蟹籽點綴，食落仲會喺口入面爆開！皮薄餡足，入口肉餡鮮香濃郁，感覺超級過癮❗紅燒雞絲翅：知呢度出名雞絲翅，所以一定要點！湯底質地好濃稠，而且好鮮甜😋 一碗入面好足料，每一啖都係翅～ 放少少香醋味道更加香濃，好飲🤤蜜汁叉燒腸粉：最鍾意就係一道啦❣️蒸得晶瑩剔透嘅粉腸仲可以望到入面嘅料，叉燒經過調味已經好入味🤤 肥而不膩嘅叉燒同米香味嘅粉腸一齊入口，令我地食得停唔到口😍蒜蓉蝦春卷：金黃色嘅外皮已經炸得好香脆，餡料亦都好豐富～食得出蝦仁係好新鮮嘅，香脆嘅皮同鮮嫩嘅蝦肉好夹‼️記得要趁熱食～🤤

之前朋友同屋企人一齊嚟到呢度家庭聚餐，佢就介紹我嚟呢度食粵菜點心，因為環境舒服，食物好食。所以我就帶咗老婆一齊嚟呢度食午餐，確實如朋友介紹咁，食物真係好食。我哋叫咗一台點心嚟試一試，每一道餸都非常好食。其中叫咗一碗肉球，真係出乎我所料，以為牛肉丸只係好普通，冇諗到肉質特別鮮嫩，香氣十足，入面仲有一啲山竹，味道特別好食。仲有蒸排骨都係唔錯嘅，蒸出嚟嘅排骨特別入味，香氣十足，而且豉汁非常香，排骨嘅味道增添咗一啲風味。鳳爪都唔會輸，蒸嘅外皮一動就脫落，好軟好滑，唔需要咬就化開咗，特別好食！個人最鍾意仲係佢哋嘅春卷同燒賣，春卷入面包住美味嘅蝦肉，仲有蒜香，每一啖都係味道上享受。燒賣加上蟹籽，口感多樣化，肉好香甜，蟹籽再帶一啲鮮香，好好味！！我哋都食得好飽，跟住好多謝朋友介紹我哋嚟呢度食飯。

今日屋企冇煮飯，就帶咗弟弟妹妹嚟新竹園軒食晚餐，呢度已經係我哋屋企最常光顧嘅粵式餐館，唔理係點心定係中菜，都係呢區數一數二嘅。 可以參考下我哋平時食到嘅呢啲菜，瑤柱蛋白炒飯⭐⭐⭐⭐⭐ 妥妥嘅粵式風味非呢道莫屬，炒飯粒粒分明唔係嗰種黏黏地嘅，細細品嚐瑤柱蛋白炒飯仲可以感受到滲透住瑤柱嘅海鮮香氣，其混合使炒飯增添咗更豐富嘅口感。 黑椒脆薯牛柳粒⭐⭐⭐⭐ 呢一道基本歸功於特製黑椒醬汁，酥脆嘅牛柳粒包裹住香濃醬汁，一口食落去綿密酥脆，仲帶住微微煎香嘅味道。 秘製欖角骨⭐⭐⭐ 香脆多汁嘅秘製欖角骨鹹度剛剛好，秘製醬料有啲微辣，令肉食起嚟更難以抗拒，一口接住一口。 菠蘿咕嚕肉⭐⭐⭐ 酸酸甜甜嘅愛好者必點，非常開胃嘅一道菜，咕嚕肉嘅肉質亦都好鮮嫩多汁，酸甜汁嘅混搭令整體口感更提味，仲好適合下飯噢。 鹹魚蓉煎肉餅⭐⭐⭐⭐ 非常Q彈嘅鹹魚蓉煎肉餅，外層煎得剛剛好，一口食落去可以感受到爽脆口感加上鹹香嘅肉質，油脂分佈均勻，充滿嚼勁感。

今晚嘅家庭聚會嚟到呢間粵菜館，鍾意餐廳嘅裝修雅典，而且環境寬落，好啱朋友聚會或者家庭聚餐～ 粵菜都做得相當地道，菜品多種類而且分量都唔少😍沙茶芥蘭炒牛肉牛肉經過沙茶醃製已經超入味‼️再加埋新鮮嘅芥蘭好爽口，仲食得出花生嘅醇厚味道😋 牛肉食落去好鮮嫩，加上沙茶醬味道好正宗，簡直就係送飯神器🤩椒鹽鮮魷鬚炸漿包得好薄身，已經炸得好香脆😋 食落去外脆內嫩，脆漿入面嘅魷魚鬚新鮮彈牙～ 香脆同鮮嫩嘅口感同時存在，仲帶住微辣嘅口感，食落去椒鹽香味好濃郁🧡🧡招牌小炒皇呢道係一道味道層次好豐富嘅小炒～ 有韭菜、蝦米、蝦仁、菜甫等等，好足料～ 而且師傅火候掌握得好掂，鑊氣十足❗咸魚蓉煎肉餅我都係第一次食煎炸嘅煮法，以前食嘅肉餅都係用蒸嘅，用煎炸嘅反而多咗一層豐富嘅口感🤤 外皮已經炸得好香脆可口，咬落去啖啖都係鹹香味❗肉餅嘅肉質鮮嫩入味，調味得啱啱好👍🏼

約咗喺附近返工嘅舊同事喺呢度飲茶，呢度環境闊落，可以容納唔少顧客。我哋兩個人一共叫咗4款點心，始終人少食唔到咁多嘢。即叫即蒸嘅蟹籽燒賣皇梗係酒樓嘅必點之選，入面用咗蟹籽，好香，一咬落去漲卜卜好飽滿，肉質彈牙，無得彈💯 蜜汁叉燒腸粉，佢一上枱就香噴噴，仲要啲叉燒多到凸晒出嚟，足料到咁真係良心之作。腸粉皮夠滑夠薄，叉燒每一啖都會食到。仲有山竹牛肉球：鮮嫩多汁嘅牛肉混入馬蹄增加口感，肥豬肉份量適中唔會過分肥膩，口感滑溜無渣，又多腐竹👍 我最愛嘅蛋撻仔，熱辣辣新鮮出爐，外形好靚仔，蛋漿飽滿，味道唔會太甜，蛋軟呼呼d，酥皮鬆而唔油，食完唔會油淋淋！地方乾淨，點心都好精緻，價錢又合理。點心姐姐仲好細心，見我哋有咩需要，即刻反應，服務值得一讚。唔好成日話香港無好嘅服務員工喎。✅評分：味道 ： ⭐️⭐️⭐️⭐️⭐️【5】環境：⭐️⭐️⭐️⭐️⭐️【5】服務：⭐️⭐️⭐️⭐️⭐️【5】衛生：⭐️⭐️⭐️⭐️⭐️【5】抵食：⭐️⭐️⭐️⭐️⭐️【5】整體評分：😋【笑】

呢日同好朋友黎到尖沙咀一間老牌中菜廳《新竹園軒》試試佢地最近推出嘅【奢華珍饈2人套餐】原價 $1,080，依家做緊優惠 $580 /位，真係超級抵食架❤️，吃膩高質精緻日本菜就來吃吃高質有氣派既粵菜吧💫。🔸生拆蟹肉翅第1道既魚翅非常足料，一上枱已經聞到陣陣蟹肉香🦀，每一口都食到一梳梳魚翅 & 一絲絲人手拆蟹肉，加上湯底鮮甜，魚翅嘅粗彈口感，好滿足。🔸芝士龍蝦伊麵底第2道招牌菜之一，大大隻爽口彈牙既龍蝦🦞 肉質鮮甜，配上香濃黃金芝士，味道好濃郁同龍蝦肉好夾💛。撈埋伊麵底同吃，每條麵條都吸盡龍蝦汁 & 芝士醬汁，惹味又芝味。🔸清蒸海斑第3道原條大海斑🐟 簡單清蒸已吃到新鮮原味道。魚肉質嫩滑，熟嫩度剛好🖤，魚味濃郁配埋蔥花豉油，拌飯同吃很棒！🔸8頭禾麻鮑魚拼遼參第4道鮑魚炆煮入味又腍糯；遼參亦軟淋Q 彈，感覺補充了滿滿骨膠原喔。🔸帶子炒西蘭花第5道帶子外焦內鮮嫩，配搭爽脆西蘭花🥦，味道討好既不敗配搭。🔸瑤柱蛋白炒飯第6道既主食經典蛋白炒飯，有鑊氣又粒粒分明，瑤柱嘅鮮味 & XO醬香滲入每一粒飯好香口。🔸南瓜露及咋喳最後既飯黎甜品，中式糖水既甜蜜❤️。帶點奢華傳統木樓梯～..×××××ש尖沙咀漆

我大多數都係自己嚟食呢間新竹園軒，早上食啲好嘢心情就靚靚，上班都開心強烈推薦你哋點香煎蘿蔔糕！外酥內軟蘿蔔糕食起嚟超級噴香，我特別鍾意佢炸得恰到好處，主要食起嚟好爽脆，口感非常豐富，一啲都唔黏牙呢。鮮蝦腐皮卷嘅話比起常見嘅腐皮卷有啲唔同，呢間嘅皮比較厚，但係食起嚟卻意外地香脆可口，腐皮炸至金黃色後包裹住鮮味十足嘅清甜多汁嘅鮮蝦內餡，口味非常多層次。再嚟就係椒鹽鮮魷鬚，必點嘅經典小食，彈牙可口，又唔油膩。仲有涼拌黑木耳，亦都係非常開胃嘅一道點心，營養豐富之餘食起嚟嘅味道微酸又清爽，亦都係好食。

新同事Welcome Lunch🎊我地揀咗係公司附近呢間粵菜飲茶🍵平時都有幫襯開，因為貪佢抵食得嚟啲嘢又好食！lunch hour就全場爆滿，要訂位，餐廳裝潢好靚，最緊要係乾淨！叫咗幾款招牌點心：先上嘅涼拌黑木耳，細細粒嘅黑木耳相當爽口，每件大小適中，易入口，好啱做前菜嚟開胃🫡呢度蝦餃好大粒，蝦肉厚實彈牙，勝在皮薄，必食招牌點心❕青瓜蒜蓉醋調配適宜，唔會太酸亦太重蒜味。青瓜切得細粒狀，一啖一粒啱啱好，而且好fresh。食咁fresh 嘅野就係為左邪惡鋪路....椒鹽鮮魷不得了，魷魚鬚好新鮮，一咬就分開唔會好似香口膠咁。而且個外皮完全唔會好油，個炸漿好適中唔會太厚，唔會太淋，炸得又夠脆，椒鹽份量都好夠🫶🏻豉汁蒸鳳爪比起其他地方嘅份量比較多，令我哋好impressed，蒸煮得變得好軟糯，易脫骨。豉汁都好正咁滲透肉質入面，帶有微微嘅甜味同咸香。

老闆最近話要俾我哋升值加薪，我哋聽咗都特別開心，就打算去食餐好嘅慶祝一下！啱啱好附近嘅酒樓我哋之前食咗都覺得唔錯，就決定再去嗰度食晚餐。呢度嘅環境好有氣派，一樣乾淨寬敞，睇咗特別舒服！今次我哋每個人都揀咗一道菜，味道仲係同以前一樣好味！菠蘿炒咕嚕肉：酸酸甜甜嘅味道特別能增加食欲，咕嚕肉炸得非常香脆，配上菠蘿清新解膩，簡直係味蕾上嘅享受。而且份量好多，非常值得試！小炒皇：服務員介紹嘅招牌菜真係好掂👍👍👍呢道菜食起來非常清爽，唔會膩，蝦仁仲特別新鮮香甜，同其他配料完美配合喺一齊，非常入味！而且廚師炒出嚟嘅顏色鮮亮，睇住就好有食欲！芥蘭炒牛肉：芥蘭同牛肉加上沙茶醬後，味道非常濃郁。牛肉嘅肉香味配上爽脆嘅芥蘭一齊食，口感非常豐富。而且牛肉特別嫩滑，仲吸收咗沙茶醬獨特嘅風味，整道菜食起來真係一流！紅燒乳鴿：一大隻嘅紅燒乳鴿都唔夠我哋食！乳鴿外皮金黃，肉質特別嫩滑，一口咬落仲會爆汁，簡直太滿足啦！！！乳鴿嘅外皮亦唔會太厚，口感非常正！我哋呢餐真係食得非常滿足，完全符合我哋嘅胃口！第二次嘅嘗試亦冇令我哋失望，下次再嚟！