新竹園軒

營業中

休息中

自己比錢！自己自費同屋企人去食呢間酒樓屬於九龍區酒樓好大間一眼關七一去到十分之熱鬧我覺得好多人都好鍾意食呢間我見到就覺得好靚呀佢哋有個種類型嘅唔同美食價錢我覺得相當合理份量有十足，所以我都幾滿意同幾鍾意呢一間同埋我覺得佢嘅服務質素好好好有親切感會主動同你傾偈完全係舊香港嘅感覺仲有呀佢哋唔需要等好耐就自己有得食我哋嗌咗幾個點心都食得津津有味再飲番杯中國茶完全係中國菜式嘅感覺如果有機會嘅話同屋企人再嚟去酒樓度食嘢，其實都好唔錯

邊個話午餐一定要食飯或者麵呀？好似我有時只想食啲輕盈嘅嘢，唔想食太飽，就會嚟呢間輕鬆解決我嘅午餐。朋友們信我，以下推薦嘅呢幾樣係我每次都必點嘅系列~🥒 手拍青瓜夏天最適合食嘅清爽解膩拍青瓜，低脂又開胃，呢間嘅青瓜食起嚟卡崩脆！唔係嗰種蔫蔫嘅，非常入味掛汁。🦐 招牌蝦餃皇新竹園軒嘅必點招牌蝦餃皇，4粒渾圓飽滿嘅蝦餃單睇就已經金盈剔透，薄薄嘅水晶皮包裹住鮮嫩多汁嘅Q彈蝦球，鮮味十足！🥬 蠔油芥蘭健康美味嘅蠔油芥蘭被佢哋拿捏得好準確，簡單汆燙得恰到好處，食起嚟非常清香爽脆。中途就需要呢道菜嚟平衡一下口感，先唔會覺得好油膩。🥕 香煎蘿蔔糕外酥內軟，雖然色澤睇起嚟白白嘅，但係食起嚟嘅味道絕對會令你驚艷！

今日同朋友聚會嚟咗呢間老字號食午餐，中餐館其實有好多間，但係呢間一直都係我首選🥳 唔論係食物味道、環境、服務仲有價錢都係一流水平👍🏻我哋得三個人所以點咗四樣菜咋，份量已經好足💛蟹籽燒賣皇：口感紮實嘅肉餡，鮮嫩多汁🤤 食落去超滿足，上面仲擺咗蟹籽點綴，食落仲會喺口入面爆開！皮薄餡足，入口肉餡鮮香濃郁，感覺超級過癮❗紅燒雞絲翅：知呢度出名雞絲翅，所以一定要點！湯底質地好濃稠，而且好鮮甜😋 一碗入面好足料，每一啖都係翅～ 放少少香醋味道更加香濃，好飲🤤蜜汁叉燒腸粉：最鍾意就係一道啦❣️蒸得晶瑩剔透嘅粉腸仲可以望到入面嘅料，叉燒經過調味已經好入味🤤 肥而不膩嘅叉燒同米香味嘅粉腸一齊入口，令我地食得停唔到口😍蒜蓉蝦春卷：金黃色嘅外皮已經炸得好香脆，餡料亦都好豐富～食得出蝦仁係好新鮮嘅，香脆嘅皮同鮮嫩嘅蝦肉好夹‼️記得要趁熱食～🤤

之前朋友同屋企人一齊嚟到呢度家庭聚餐，佢就介紹我嚟呢度食粵菜點心，因為環境舒服，食物好食。所以我就帶咗老婆一齊嚟呢度食午餐，確實如朋友介紹咁，食物真係好食。我哋叫咗一台點心嚟試一試，每一道餸都非常好食。其中叫咗一碗肉球，真係出乎我所料，以為牛肉丸只係好普通，冇諗到肉質特別鮮嫩，香氣十足，入面仲有一啲山竹，味道特別好食。仲有蒸排骨都係唔錯嘅，蒸出嚟嘅排骨特別入味，香氣十足，而且豉汁非常香，排骨嘅味道增添咗一啲風味。鳳爪都唔會輸，蒸嘅外皮一動就脫落，好軟好滑，唔需要咬就化開咗，特別好食！個人最鍾意仲係佢哋嘅春卷同燒賣，春卷入面包住美味嘅蝦肉，仲有蒜香，每一啖都係味道上享受。燒賣加上蟹籽，口感多樣化，肉好香甜，蟹籽再帶一啲鮮香，好好味！！我哋都食得好飽，跟住好多謝朋友介紹我哋嚟呢度食飯。

今日屋企冇煮飯，就帶咗弟弟妹妹嚟新竹園軒食晚餐，呢度已經係我哋屋企最常光顧嘅粵式餐館，唔理係點心定係中菜，都係呢區數一數二嘅。 可以參考下我哋平時食到嘅呢啲菜，瑤柱蛋白炒飯⭐⭐⭐⭐⭐ 妥妥嘅粵式風味非呢道莫屬，炒飯粒粒分明唔係嗰種黏黏地嘅，細細品嚐瑤柱蛋白炒飯仲可以感受到滲透住瑤柱嘅海鮮香氣，其混合使炒飯增添咗更豐富嘅口感。 黑椒脆薯牛柳粒⭐⭐⭐⭐ 呢一道基本歸功於特製黑椒醬汁，酥脆嘅牛柳粒包裹住香濃醬汁，一口食落去綿密酥脆，仲帶住微微煎香嘅味道。 秘製欖角骨⭐⭐⭐ 香脆多汁嘅秘製欖角骨鹹度剛剛好，秘製醬料有啲微辣，令肉食起嚟更難以抗拒，一口接住一口。 菠蘿咕嚕肉⭐⭐⭐ 酸酸甜甜嘅愛好者必點，非常開胃嘅一道菜，咕嚕肉嘅肉質亦都好鮮嫩多汁，酸甜汁嘅混搭令整體口感更提味，仲好適合下飯噢。 鹹魚蓉煎肉餅⭐⭐⭐⭐ 非常Q彈嘅鹹魚蓉煎肉餅，外層煎得剛剛好，一口食落去可以感受到爽脆口感加上鹹香嘅肉質，油脂分佈均勻，充滿嚼勁感。

今晚嘅家庭聚會嚟到呢間粵菜館，鍾意餐廳嘅裝修雅典，而且環境寬落，好啱朋友聚會或者家庭聚餐～ 粵菜都做得相當地道，菜品多種類而且分量都唔少😍沙茶芥蘭炒牛肉牛肉經過沙茶醃製已經超入味‼️再加埋新鮮嘅芥蘭好爽口，仲食得出花生嘅醇厚味道😋 牛肉食落去好鮮嫩，加上沙茶醬味道好正宗，簡直就係送飯神器🤩椒鹽鮮魷鬚炸漿包得好薄身，已經炸得好香脆😋 食落去外脆內嫩，脆漿入面嘅魷魚鬚新鮮彈牙～ 香脆同鮮嫩嘅口感同時存在，仲帶住微辣嘅口感，食落去椒鹽香味好濃郁🧡🧡招牌小炒皇呢道係一道味道層次好豐富嘅小炒～ 有韭菜、蝦米、蝦仁、菜甫等等，好足料～ 而且師傅火候掌握得好掂，鑊氣十足❗咸魚蓉煎肉餅我都係第一次食煎炸嘅煮法，以前食嘅肉餅都係用蒸嘅，用煎炸嘅反而多咗一層豐富嘅口感🤤 外皮已經炸得好香脆可口，咬落去啖啖都係鹹香味❗肉餅嘅肉質鮮嫩入味，調味得啱啱好👍🏼

約咗喺附近返工嘅舊同事喺呢度飲茶，呢度環境闊落，可以容納唔少顧客。我哋兩個人一共叫咗4款點心，始終人少食唔到咁多嘢。即叫即蒸嘅蟹籽燒賣皇梗係酒樓嘅必點之選，入面用咗蟹籽，好香，一咬落去漲卜卜好飽滿，肉質彈牙，無得彈💯 蜜汁叉燒腸粉，佢一上枱就香噴噴，仲要啲叉燒多到凸晒出嚟，足料到咁真係良心之作。腸粉皮夠滑夠薄，叉燒每一啖都會食到。仲有山竹牛肉球：鮮嫩多汁嘅牛肉混入馬蹄增加口感，肥豬肉份量適中唔會過分肥膩，口感滑溜無渣，又多腐竹👍 我最愛嘅蛋撻仔，熱辣辣新鮮出爐，外形好靚仔，蛋漿飽滿，味道唔會太甜，蛋軟呼呼d，酥皮鬆而唔油，食完唔會油淋淋！地方乾淨，點心都好精緻，價錢又合理。點心姐姐仲好細心，見我哋有咩需要，即刻反應，服務值得一讚。唔好成日話香港無好嘅服務員工喎。✅評分：味道 ： ⭐️⭐️⭐️⭐️⭐️【5】環境：⭐️⭐️⭐️⭐️⭐️【5】服務：⭐️⭐️⭐️⭐️⭐️【5】衛生：⭐️⭐️⭐️⭐️⭐️【5】抵食：⭐️⭐️⭐️⭐️⭐️【5】整體評分：😋【笑】

呢日同好朋友黎到尖沙咀一間老牌中菜廳《新竹園軒》試試佢地最近推出嘅【奢華珍饈2人套餐】原價 $1,080，依家做緊優惠 $580 /位，真係超級抵食架❤️，吃膩高質精緻日本菜就來吃吃高質有氣派既粵菜吧💫。🔸生拆蟹肉翅第1道既魚翅非常足料，一上枱已經聞到陣陣蟹肉香🦀，每一口都食到一梳梳魚翅 & 一絲絲人手拆蟹肉，加上湯底鮮甜，魚翅嘅粗彈口感，好滿足。🔸芝士龍蝦伊麵底第2道招牌菜之一，大大隻爽口彈牙既龍蝦🦞 肉質鮮甜，配上香濃黃金芝士，味道好濃郁同龍蝦肉好夾💛。撈埋伊麵底同吃，每條麵條都吸盡龍蝦汁 & 芝士醬汁，惹味又芝味。🔸清蒸海斑第3道原條大海斑🐟 簡單清蒸已吃到新鮮原味道。魚肉質嫩滑，熟嫩度剛好🖤，魚味濃郁配埋蔥花豉油，拌飯同吃很棒！🔸8頭禾麻鮑魚拼遼參第4道鮑魚炆煮入味又腍糯；遼參亦軟淋Q 彈，感覺補充了滿滿骨膠原喔。🔸帶子炒西蘭花第5道帶子外焦內鮮嫩，配搭爽脆西蘭花🥦，味道討好既不敗配搭。🔸瑤柱蛋白炒飯第6道既主食經典蛋白炒飯，有鑊氣又粒粒分明，瑤柱嘅鮮味 & XO醬香滲入每一粒飯好香口。🔸南瓜露及咋喳最後既飯黎甜品，中式糖水既甜蜜❤️。帶點奢華傳統木樓梯～..×××××ש尖沙咀漆

我大多數都係自己嚟食呢間新竹園軒，早上食啲好嘢心情就靚靚，上班都開心強烈推薦你哋點香煎蘿蔔糕！外酥內軟蘿蔔糕食起嚟超級噴香，我特別鍾意佢炸得恰到好處，主要食起嚟好爽脆，口感非常豐富，一啲都唔黏牙呢。鮮蝦腐皮卷嘅話比起常見嘅腐皮卷有啲唔同，呢間嘅皮比較厚，但係食起嚟卻意外地香脆可口，腐皮炸至金黃色後包裹住鮮味十足嘅清甜多汁嘅鮮蝦內餡，口味非常多層次。再嚟就係椒鹽鮮魷鬚，必點嘅經典小食，彈牙可口，又唔油膩。仲有涼拌黑木耳，亦都係非常開胃嘅一道點心，營養豐富之餘食起嚟嘅味道微酸又清爽，亦都係好食。

新同事Welcome Lunch🎊我地揀咗係公司附近呢間粵菜飲茶🍵平時都有幫襯開，因為貪佢抵食得嚟啲嘢又好食！lunch hour就全場爆滿，要訂位，餐廳裝潢好靚，最緊要係乾淨！叫咗幾款招牌點心：先上嘅涼拌黑木耳，細細粒嘅黑木耳相當爽口，每件大小適中，易入口，好啱做前菜嚟開胃🫡呢度蝦餃好大粒，蝦肉厚實彈牙，勝在皮薄，必食招牌點心❕青瓜蒜蓉醋調配適宜，唔會太酸亦太重蒜味。青瓜切得細粒狀，一啖一粒啱啱好，而且好fresh。食咁fresh 嘅野就係為左邪惡鋪路....椒鹽鮮魷不得了，魷魚鬚好新鮮，一咬就分開唔會好似香口膠咁。而且個外皮完全唔會好油，個炸漿好適中唔會太厚，唔會太淋，炸得又夠脆，椒鹽份量都好夠🫶🏻豉汁蒸鳳爪比起其他地方嘅份量比較多，令我哋好impressed，蒸煮得變得好軟糯，易脫骨。豉汁都好正咁滲透肉質入面，帶有微微嘅甜味同咸香。

老闆最近話要俾我哋升值加薪，我哋聽咗都特別開心，就打算去食餐好嘅慶祝一下！啱啱好附近嘅酒樓我哋之前食咗都覺得唔錯，就決定再去嗰度食晚餐。呢度嘅環境好有氣派，一樣乾淨寬敞，睇咗特別舒服！今次我哋每個人都揀咗一道菜，味道仲係同以前一樣好味！菠蘿炒咕嚕肉：酸酸甜甜嘅味道特別能增加食欲，咕嚕肉炸得非常香脆，配上菠蘿清新解膩，簡直係味蕾上嘅享受。而且份量好多，非常值得試！小炒皇：服務員介紹嘅招牌菜真係好掂👍👍👍呢道菜食起來非常清爽，唔會膩，蝦仁仲特別新鮮香甜，同其他配料完美配合喺一齊，非常入味！而且廚師炒出嚟嘅顏色鮮亮，睇住就好有食欲！芥蘭炒牛肉：芥蘭同牛肉加上沙茶醬後，味道非常濃郁。牛肉嘅肉香味配上爽脆嘅芥蘭一齊食，口感非常豐富。而且牛肉特別嫩滑，仲吸收咗沙茶醬獨特嘅風味，整道菜食起來真係一流！紅燒乳鴿：一大隻嘅紅燒乳鴿都唔夠我哋食！乳鴿外皮金黃，肉質特別嫩滑，一口咬落仲會爆汁，簡直太滿足啦！！！乳鴿嘅外皮亦唔會太厚，口感非常正！我哋呢餐真係食得非常滿足，完全符合我哋嘅胃口！第二次嘅嘗試亦冇令我哋失望，下次再嚟！

因為有幾個月冇見爺爺奶奶，前幾日就諗住去拜訪佢哋，順便帶佢哋去食點心。之前朋友介紹過呢間點心店嘅點心幾唔錯，環境又整潔乾淨，所以就約好帶爺爺奶奶嚟呢度食點心。我當時有叫咗一道炸魷須。見到隔離啲人食到津津有味，忍唔住自己叫嚟試下。好唔錯，外面脆脆，入面嫩嫩，我個人係好鍾意呢個口感我叫咗涼拌木耳畀奶奶，因為奶奶鍾意嫩嫩嘅食物，有彈性，又唔想畀佢食炸嘅，所以點呢個幾好。佢食到好開心，自己慢慢將大部分木耳都食晒。我哋仲叫咗另一道蔬菜都幾唔錯。用蠔油炒嘅芥蘭，好香，味道唔會太重，啱啱好適合爺爺奶奶食。芥蘭都好新鮮，青青嘅，冇泛黃嘅現象。佢哋嘅蒸鳳爪都好好食。嫩嫩嘅，食落去鮮嫩多汁，配埋佢豉汁嘅味道，真係好美味。一陣間就畀我哋食晒。最後一道就係我哋都非常鍾意嘅蝦餃皇。外面嘅皮黏黏，加上入面滿滿Q彈嘅蝦肉，一口咬落去，嗰種豐富嘅口感，美味嘅味道，真係好正！爺爺奶奶食到好開心，我睇到都非常開心。以後都想多啲帶佢哋一齊嚟食。

老闆約咗我哋一班同事一齊食晚餐，今次老闆請客，帶我哋嚟呢間新竹園軒，講真我仲係第一次嚟。裝潢擺設俾我嘅第一印象就係一家高檔酒樓，幾有派頭，老闆的確俾足我哋呢班手足面子。老闆叫咗一隻乳鴿俾我哋幾個一齊分享，都好大隻嘅，非常之好食，仲保留乳鴿獨有嘅香味，跟住燒得外皮好香，肉都係一絲一絲，唔會柴，口感非常好。仲有炒飯，香氣十足，入面放咗蛋同瑤柱，每一啖食到瑤柱仲有彈牙嘅口感，放咗蔥香氣十足，更加美味！仲有非常甜美嘅咕嚕肉，口感好有韌性，放咗一啲青椒好清新，配住炒飯更加好食，我自己攞咗好多。然後就係老闆最鍾意嘅沙茶，佢叫咗一個沙茶芥蘭炒牛肉，味道非常特別，亦都非常美味，芥蘭唔會太硬，好好咬，加上鮮嫩嘅牛肉，炒得非常入味，好鮮甜。我當日食得好飽，多謝老闆請我嚟食，呢度真係俾咗我一個唔錯嘅體驗！

全世界嘅媽媽都會認為屋企煮嘅嘢係最美味嘅，但係喺新竹園軒，我媽卻意外地認同，仲成日喺周末家人相聚嘅時候嚟光顧~⭐就好似啱啱我哋又嚟呢度食晚餐，點咗招牌小炒皇、椒鹽鮮魷鬚、紅燒乳鴿皇（一隻）、蜜椒雞翼以及鮮蟹肉扒露筍。媽媽嘅味蕾係好犀利嘅，但係我哋點嘅紅燒乳鴿皇、椒鹽鮮魷鬚同蜜椒雞翼都被我媽稱讚食材新鮮，用料精細。🤗紅燒乳鴿皇，鴿味香濃可口，外皮香脆，肉質酥軟。椒鹽鮮魷鬚亦炸得好脆，冇嗰種厚重嘅油味，相反係酥化卻唔油膩，好食到停唔落。🥢招牌小炒皇同鮮蟹肉扒露筍亦係我哋嘅最愛，食肉食膩嘅時候就需要佢哋嚟協調一下味蕾。招牌小炒皇，口感酥脆清甜，搭配炸至金黃色嘅配料更加美味。新鮮嘅鮮蟹肉扒露筍亦相當脆嫩清甜，露筍清香爽口，鮮蟹肉彈牙風味十足，令成個用餐體驗值up up up！💯

朋友之前放我飛機，所以今次話要請我食晚餐，叫我揀間餐廳。我上網睇下，發現咗好評滿滿嘅新竹園軒，就決定去嗰度嘗試一下。呢度嘅環境非常高級，俾人一種好享受嘅感覺，而且位置寬敞，坐得特別舒服！我哋點咗幾道菜。黑椒薯仔牛柳粒炒得非常香，牛柳粒煎得唔會太硬或者太軟，咬起來非常滑爽，薯仔外脆內軟，加上惹味嘅醬汁，濃郁嘅香味喺口中，非常好味。芥蘭放蠔油，睇似簡單嘅一道菜，但係食起來非常清香爽脆，煮出嚟仲係亮青色嘅，非常吸引我！而且芥蘭唔會有苦澀嘅味道，非常美味。仲有鹹魚煎肉餅嘅份量好足，每一個都係大大個嘅，未食就見到金黃色嘅外皮非常酥脆，第一口咬落仲可以食到油香味，配上Q彈嘅肉餅同鹹魚嘅鹹香味，令我地胃口大開！呢度嘅蜜汁雞翼軟爛入味，好食到會舔手指！雞翼烤得非常香，加上外皮有住蜜汁甜甜嘅味道，每口咬落都特別香甜，真係食到停唔落嚟。仲有椒鹽鮮魷真係無得頂！服務員一送上嚟就嗅到香噴噴嘅魷鬚，非常鮮美，外脆內嫩，加上椒鹽作為調料，味道非常一流！鍾意魷鬚嘅朋友一定唔好錯過😍呢度嘅餸樣樣各有特色，我同朋友都非常滿意，下次換我請朋友嚟呢度食，繼續食更多美食！