新聯燒味 (已結業)

下午茶$20一碗雙拼燒味粉麵，加埋凍飲都係$25時間去到6:30，放工去食黎做晚餐慳返好多錢。燒味質素、份量都正常，粉麵個湯就淡d，唔係好夠味，但咁既價錢算係咁。

今日假期後返工，堆積咗好多嘢做，做到下午5：45，肚餓啦，要落樓搵嘢食。經過依間新聯燒味，入去試下。 坐低之後，問呀姐有無下午茶，呀姐話：「有呀，想食咩嘢？」。真係好，過咗5：30仲有。拿拿臨叫咗個燒鴨+燒肉瀨粉唔跟嘢飲，張單實收$20。嘩今時今日仲有$20堂食燒味，神蹟呀唔知食物水平點？ 其實係唔錯既，皮脆，肉嫩，湯底好味。食燒味，最緊要快，要味道濃，肚餓嘅感覺一下子消失，依個時間價錢平，無咩人，下午茶燒味一定再食！ 食飽飽走人！

新聯燒味~其實呢間燒味店我真係冇乜點留意，不過點都好，有一日啱啱去完旺角豪華戲院睇戲，諗住順便買飯撘車返屋企，望過對面~見到有間燒味店，於是就入去買盒切雞飯，餐牌列明~單雙拼燒味飯同價$25元，幾抵喎，返到屋企打開盒飯之後，盒飯有一隻切雞翼同幾件雞胸，不過雞胸唔嚡，好滑，肉質相當好，葱油好夠咸香，而且D飯粒係令我最滿意嘅就係，D飯粒竟然係呈透明狀，口感非常煙un，有D似食緊糯米飯嘅感覺，但又冇糯米飯咁硬身，呢吓真係掂