新興泰國小食 (已結業)

自從尼度換左個老闆之后, d野好食左好多!我果日同bf 同佢個fd 又去食,叫左:冬陰公 正生蝦 2碟 正炸蝦餅 正泰式炒通菜生菜包 太辣了,不過都係敢食醃海鮮粉絲 正全部大大碟啤酒2枝埋單都係二百頭, 好平!講完都想再去食呀!唔想比人趕, 又想食經濟泰菜的朋友可以試下!p.s. 如果你唔食得太辣可以同佢地講少辣

H & K 相約放工後一齊食飯,沒甚麼主意下,記得此間食評OK,結果便來試這間的炸蝦餅由於H沒胃口及打算飯後去食甜品,於是只點吃了炸蝦餅 ==> 好大件, 幾好味炒金邊粉 ==> 幾大碟, 幾好味由於在街市裡面,故環境只是一般,但都坐得舒服,不太窄狹,我想下次有機會再來試食其他

細個爸爸公司係官塘, 我又係官塘讀小學所以成日都會黎街市食野~ 搬左後都無黎過lu~ 所以特地與男朋友仔黎懷念下...呢度係泰國人主理, 所以總係覺得好味d同正宗d...hee我地七點幾黎, 加上我食o個日都幾熱下, 我地係第一台客, 佢得d風扇, 如果夏天黎真係會汗流浹背!!! 入正題先...我地得兩丁友...叫左: 細海鮮冬陰公湯 - 非常足料+濃郁!! 酸度岩岩好, 我覺得可以辣多小小...好多蝦...仲有b至愛既菇~ 炭燒豬頸肉 - 嘩個汁好野味呀!! 不過唔好點太多如果唔係一定鹹死(<-我試過)...而且d豬頸肉烤得岩岩好~!! 幾juicy唔會乾爭爭~ 泰式酸辣鳳爪 - 呢個就比較失色了~ 好普通, 而且味比較淡, 可以濃味d 炒通菜 - 好美味呀! 好大碟...菜之中我最like通菜, 佢又炒得香辣野味...屋企完全做唔到~另外加左兩杯冰冰...八蚊好大杯呀!!!!! 食完胃腩即刻現形...縮縮先...始終都係wet market入面, 唔好expect個環境會好好...但係食物真係好ok啊~!!

見大家推薦此食府！上星期六與個兩位朋友相約試菜~我地就即刻點咗三杯大家推介的"龍眼冰"，我+1位朋友都認為ok！而另一位朋友認為太甜！冬陰功湯 - 比較甜，可能放咗好多番茄~ 無九龍城的泰國食府咁好味。柚子蝦沙律 - ok wor!香脆蠔仔卷 - 無想像中咁好味！ 蝦醬炒芥蘭 - 超好味！一定要叫！咖哩大蝦 - 好多汁，好多蝦，好味！煎薄餅 - 唔好食~ 我問阿姐食蒜蓉包定煎薄餅，鋪頭阿姐推介煎薄餅，唔好信呀！由於有好多汁再叫"蒜蓉包" - 超好味！一定要叫！朋友最後評論"覺得太油"

我視"食"為人生最大享受, 當食物滿足到味蕾的時候, 往往就忍不住咧嘴而笑星期四晚上, 同男友係街市盲摸摸的乘升降機到4樓搵野醫肚, 見到呢度全是泰國人做野, 一定要一試~冬陰功湯(細)$40 好耐未試過飲咁好味既冬陰功喇!!!!酸辣適中, 香料十足, 雖然唔係大頭蝦, but蝦球勁入味又爽, 仲好飲過去九龍城o個幾間!!!泰式炒通菜 $28 一d都唔辣仲有d甜添, 有d麵豉粒, 望落好多油but食落又唔覺喎, 仲好嫩添呀蝦羔炒飯 $30 唔好話望唔望到, 食落一d蝦羔味都冇, 同普通炒飯冇分別, 蝦球倒有幾隻, 不過就一d味都冇喇, 幸好炒飯炒得幾乾爽, 又小油, 都幾大碟架青咖哩豬肉 $40 個青咖哩唔得, 冇香味唔夠濃, 豬肉鞋口, 唯一可取之處係裡面既配菜, 全部都好好味, 有d好似迷你茄子既物體, 吸哂d汁仲好好味添~龍眼冰$8 抵到爛啦~唔知點解飲落有d椰青味, anyway唔太甜清清地幾好飲架, 仲有好多龍眼肉添, yummy~P.S. 響街市熟食市場食野你唔好期望有好乾淨既環境, 殷勤既招呼, 但以我呢日親身感受到既都係一個唔錯既經歷, 價錢又唔貴黎呢度食野真

五人吃很早的晚飯, 六點鐘開飯, 好少... 所以我想各人胃口也不是太大吧....無法, 吾知邊倒聽返來, 做完運動後食飯仲肥喎 !!!鹹肉炒芥蘭: 好好味呀, 真係成碟都係菜, 但菜真係炒得好爽口.蝦醬炒飯: 蝦醫味不夠濃, 但可能會啱某些人的口味. 友人話, 如果吾係再提返, 都吾知這是有蝦醫在內....煎薄餅: 跟傳統的一樣, 沒有什麼特出之處.咖哩炒大蝦: 咖喱好香味, 送飯一流, 蝦就普通了一點.飲品: 一般...如果行經也可以一試, 但只限定幾款菜式....

有一晚，夜媽媽，同朋友係觀塘搵野食，朋友介紹呢間係瑞和街市上的食店，話d冬陰公湯好好味。呢間舖係由泰國人開既，我地估菜式應該算正宗。店主成家人都好nice，到差唔多11點佢地坐響我地隔離檯一邊食野飲啤酒，一邊睇電視，好家庭feel。位置唔難搵，差唔多行到最入，街市環境係一般架啦，雖然無冷氣，夜晚都唔算熱。如果太夜無電梯就要行樓梯先落到樓，樓梯環境比較惡劣。我地有三個人，叫左三個菜一個湯。冬陰公湯 - 好多料，好多蝦，湯好濃郁！唔辣但好酸，如果唔食得辣的人都可以一試。泰底炒粉 - 份量好多，好大碟，我地三個人都食唔晒，少少辣少少酸。我好鐘意食舖係粉上面的花生碎。馬拉盞炒通菜 - 第一次食唔辣的馬拉盞炒通菜。普通左啲，無乜特別。煮豬肉碎 - 呢道菜最辣最好味，用來撈飯一流！可惜唔記得叫咩名堂，老闆娘推介的。珍多冰 - 個人覺得淡左d，好抵，9蚊有一大杯。龍眼冰 - 有好多龍眼干，朋友覺得無乜味道。

睇d食評都話呢度唔錯, 上星期黎試下, 叫左個海南雞飯+珍多冰環境都冇乜特別喇, 街市鋪, 係咁上下喇, 雖然冇冷氣, 但有風扇, 而且果日唔係咁熱, 都頂得住~~嘩~~ 個無骨海南雞飯, 幾掂喎~ 雖然d雞肥d, 但係勝在無骨, 而且夠入味, 加埋個醬, 都唔錯喎~我諗夜市會試多d野, 搵夜黎試下先.

全世界都通脹, 新興泰國小食居然減價上年聽朋友講觀塘瑞和街市政大廈4樓17號C間新興泰國餐廳開咗20幾年, 就去試吓, 覺得食物都幾正, 果然名不虛傳, 今日剛經過觀塘, 又再去, 發覺餐牌換咗, 食物種類多咗好多, 飲品居然由原本9元減至8元, 炒飯由32元減至28元一碟全店包括廚師都係泰國人, D菜比九龍城嗰D餐廳大碟好多, 我叫左個冬陰公湯, D蝦幾新鮮, 老板娘推介青咖哩牛肋腩, 係此店新加菜式, 超好味豬頸肉是鎮店之寶, 一定要試

今日去新興食過LUNCH, 發覺D野好抵又幾好味我同朋友兩個人食左個青咖哩牛筋腩, 燒豬頸肉 飲左兩杯野青咖哩牛筋腩 - 少少SPICY, 我覺得好好味, D牛筋腩好爽 可以配飯或米線 (我簡左米線!GD!!) 最緊要係.. 佢LUNCH$26一份,咖哩米線分開上 一份夠2個人食 (我同朋友細食D) 真係好抵 仲包野飲 燒豬頸肉 - 幾大份 我地食唔晒 都係好好味! 就咁食同點佢個 酸&SPICY醬 都咁好味!!!推介!!

之前睇呢度既食評好似幾好，今晚就同男朋友上左去試喇！我地叫左4碟野 :冬陰功 - 好味呀~ 有好多秀珍菇同埋蝦，D蝦好大隻，仲介左挑埋蝦腸~ 不過我覺得可以辣多少少~豬頸肉 - 薄切，好有炭燒味，D汁都好好味~ 唔辣~馬拉盞炒通菜 - 都算大碟，好有味又唔會好咸~干炒豬肉河 - 唔油膩，不過可能其他野較濃味，覺得好似淡左D~男朋友再叫左罐可樂~ 係355ml既~~雖然係冇冷氣環境爭D，但真係好好味呀！2個人都係食左$14X下次會再去~

又回到上星期日，全家都難得0係屋企，於是又在我強行的推介下，拉左老豆落觀塘食野﹗老豆依然係高呼要去美心快餐，真想拉佢去廚房扑暈佢推佢落觀塘﹗弟弟推介我地去街市食泰菜，佢話以前返工成日都落0黎食，咁就試下啦，我都未試過﹗瑞和街街市四樓的新興泰國小食，唔知係咪星期日既關係，無人來食﹗全泰國人主理啦﹗幾得意﹗鹹肉炒芥蘭，弟弟推介，芥蘭很嫩，一0的渣都無，鹹肉炸得脆脆的食落好香口﹗好味道﹗珠江beer十蚊支，超級凍呀﹗抵飲，不過氣比較多飲完係咁谷住﹗咖哩炒大蝦，0的蝦食落唔多新鮮，無咩彈口，大隻就係大隻喇﹗不過好似頭多過身，搵極都搵唔到個蝦身，shit﹗叫左個即煎薄餅來蘸咖哩，呢個味道一流﹗好有蛋香﹗我鍾意﹗老豆係飯筒一名，食飯無飯落肚返到屋企餓就一定鬼殺咁嘈﹗無飯食佢又點會鍾意﹗叫左個蝦醬炒飯﹗好香好味道﹗埋單又係咁岩都係二百二﹗弟弟生日我請客﹗一家難得食下飯是開心的﹗食完飯老豆雞咁腳咁走左去，原來馬會直播鹿島鹿角對唔知咩春，怪不得死都要去美心啦﹗原來有波睇﹗早知一人買個飯盒去馬會食好過啦﹗http://hk.myblog.yahoo.com/smallsmalllin/article?mi

一般既價錢,,唔錯,,哈哈D汁都幾多,,送飯唔錯:,,有4隻大蝦,,,,我諗已經係果度較OK既飯,,都OK,,個醬唔錯不過D野飲就唔多建議試,,雖則平,,但個味就麻麻幾好食,,係肉蟹,,正千祈唔好叫= =,,..好似用D菜頭同尾切粗粒,,之後炒埋一堆咁4個人叫左2個炒飯,,咖哩炒蟹,,蝦餅+埋4杯野飲都係每人70幾蚊

好好彩之下SEARCH到觀塘有平平地既泰國野食~~!之後就即刻去試下LA~話哂都係響街市既熟食中心入面,所以呢都唔多expect 衛生會係好好~但係呢度都算唔錯la~~至少冷氣夠~ (ar~~唔係,係風扇)之後諗左一陣就點菜,兩個人叫左海鮮冬蔭公湯, 泰式拼盤, 炒通菜,本來想叫木瓜沙律但係可惜冇哂~~!!唯有下次再食過~~!!海鮮冬蔭公湯40蚊好夠料~~!! 又夠味~我覺得可以再酸d~~!! 辣度就ok la~~!泰式拼盤既蝦餅新鮮炸起,彈牙爽口野味~~!!份量兩個人食0岩0岩好~~!!炒通菜, 好似係20幾蚊,但係個份量真係唔係兩個人食,係應該夠4個人一家人食~~!好野味~又夠辣口~~!!老闆娘成日都會黎問我地好唔好食~~!!勁好傾~~!!下次再黎過~希望佢會有木瓜沙律比我食~~真係再一次証明小店既實力唔可以忽視~~!!

是日再來試另一間泰菜, 地方較另一間潔淨點, 但味道差一班.點了:1. 豬頸肉冬蔭公湯粉 : 豬頸肉份量較少. 但冬蔭公一流. 夠濃, 這樣的湯粉, 一碗足夠一餐有餘, 既美味, 又飽肚.2. 炸蝦餅 : 比隔鄰的較弱. 蝦加了不少粉, 不夠彈牙. 份量也較少.3. 蠔仔卷 : 呢個唔錯, 腐皮上塗上蝦膠, 再捲住蠔仔, 味道唔錯之餘. 仲好有層次. 幾好.4. 青木瓜沙律 : 呢個超唔掂, 當中有d 蟹仔, 點知一咬, wa...係臭的, 有無搞錯呀?! 死蟹都俾人食. 算啦, 人地小本經營, 態度又無唔係差, 所以都無出聲. 試咗青木瓜, 超辣, 算啦, 都係放棄吧啦!