新興車仔麵

營業中

休息中

基本上每天都會路過，也經常都會幫襯，買最多是粉果和燒賣，味道一般啦，也會食吓車仔麵，但係經常也比錯餸或比漏餸，有時回到家後才發覺，試過返轉頭同佢講比漏左餸，但糸試過幾次都是這樣，就沒有再行番轉頭，為有吾再幫襯，服務態度就一般啦。

之前都買開小食呢間，今次就諗住試下車仔麵啦，點知一試就大單野😨平時出街食野有1,2條頭髮我都覺得好正常姐，最多撩出嚟吾食，但今次無辦法接受，嬲到即刻落去理論，退錢！一拎到過嚟，幾個阿姐好似無乜反應，吾多想理我甘，之後入去廚房討論左一陣，出嚟叫我換過其他餸，無得退錢，答我好難埋到數？？？請問你覺得我仲可以接受到？如果系個湯底有呢d不知明毛髮，換過系咪等如一樣呢？又話老闆吾系度無得話事，我提議打電話問囉，先拎得反錢。

之前叫過幾次外賣 味道唔係話出眾嘅車仔麵黎講味道比較甜低叫外賣就要留意一係比少 一係比錯 大熱天時身水身汗試過幾次攞到番屋企 一打開 明明叫左5餸點解睇黎睇去都得4餸又試過叫豬紅 跟手就比左豬皮之行行過果頭好心同佢地講番喇個職員同我講 呀姐隻眼唔係太好有機會汁錯 請體諒一下 跟手行番去做野我即時O左咀

有同事話黎試過車仔麵大大碗，料好足好抵食，所以今日拉大隊黎試，不過現實唔似預期，唔係唔好食既，不過無想像中咁驚艷，隻蛋真係令我失望，我係叫流心蛋，黎到隻蛋比人批左個頭，重要熟晒既，煙肉一般般唔難食既，河粉都係普通貨質，唔算滑，我習慣魚皮唔點湯既，所以食到佢唔太脆亦都唔算好香，價錢就30幾蚊3個餸，飲品就另加錢。藍田黎講呢個質素都算中價，坐既環境唔舒服，冷氣又唔夠，如果買外賣我覺得無問題既，堂食就可免則免啦。啲服務員姐姐態度都ok既，始終街坊生意。

藍田必食車仔麵， 第3次來吃這間位於藍田德田廣場地下的新興車仔麵， 超過60款餸可選， 就連酸齋、魷魚、漢堡扒、響鈴、鳳爪這些款式都有！非常有誠意～大大碗！醬汁多選擇，我選了麻辣汁和秘醬2溝，麵底也有八款可以選擇，四餸一面都只係$42！ 另外這裏還有什扒飯、豬扒煎蛋飯、肉餅蒸飯等多款碟頭飯可選擇，扒類都是即叫即煎！ 此外還有多款小食，例如腸粉、生菜魚肉、碗仔翅、韭菜豬紅等， 可以以麻雀雖小，五臟俱全來形容， 下次必定會再來

難得有間車仔麵好開心試下啦買第一次，俾錯就算啦，諗住新開，打電話無人聽，原來個電話廢既第二次，俾漏，，，，電話都仲未有用，就拎落去換俾多次機會佢，點知..............又漏我真係頂唔順，唔想再行，食左佢算，第二日同佢講聽，睇下有無得退錢問左無睇退唔緊要，想佢賠返個樣野食又話唔得，仲話，我地係咁嫁啦！大佬咩叫我地係咁丫!!!!!!我嬲嬲地講，你地次次都係咁，又唔認，擺明呃姐之後丫姐無理到就行開左永遠唔幫襯！垃圾

總括同幾個同事有幾個以下遭遇...第一次買4碗，有1碗俾錯餸；第二次買4碗外賣，有2碗俾漏餸，1碗俾錯餸；第三次買2碗，有1碗俾錯餸；最近第四次買1碗又漏餸。仲有d 我可能唔記得...成日都係甘，就連堂食都聽到有錯漏！我就打電話去問下啦！印係舖頭電話冇通過......惟有去開既時侯問下，大佬唔係錢既問題，係我想食既又俾漏，唔想食既又俾錯我，！點知。有兩三個阿姐超冇禮貌！同佢地講野扮聽唔到，又話我地應該即時返黎講，火都黎！行15分鐘去買個外賣，返到去係錯既，唸住打個電話講又唔通！話佢地電話唔通，佢夠膽同人講個電話未搞掂架！打唔通架！好威啊！個電話號碼有冇於廢！車仔面你又係都要pack 好晒先俾客，又唔同個客對下，發現錯都遲啦。唔通我一個鐘lunch 成日徘徊！最嬲係叫佢老闆娘覆，一次都唔覆，擺明當人係水魚！以後不會幫襯！

叫左個三餸車仔麵加底共40蚊（56號飛）......______________________________比漏左個豬頸肉......打極電話冇人聽......唔想為左個幾蚊又行返去同佢理論......完全唔係想小事化大...... 只係想你知啲員工錯左下次改善好......希望店主見到 ______________________________

所謂國以民為本，老納係食車仔麵起家。麵起源於魏晉南北朝，可謂任重而道遠.....一碗哪渣麵對民生嘅社會責任，係幾咁不可或缺？試問舉世有何麵可及車仔麵可同選多餸集於一碗？而彼此餸與餸之間係元素屬性相生相剋，我佔不了你便宜，你也奈不了我何。自新寺入伙，足及之處亦難有車仔麵踪迹，老納常鬱鬱寡歡，心結難解。但自早幾月，樓下商場地鋪，有車仔麵開張！！老納二話不說與老尼試試，優點實在說不上一二，但作為車仔麵達人，閒閒地都數到一大堆缺點，餸貴料少麵淋，湯底淡。唯一可取係佢個麻辣汁，算！我忍你！！醬汁如果講係車仔麵嘅靈魂實不為過，就算你湯底淡餸唔得，只要你配到份好醬，絕對可以借屍還魂起死回生！每次黎劃完飛仔點完餸我都叫佢多麻辣，但每次黎到我面前都係個一篤麻辣，我發誓，我真係求其吐篤痰都大篤過篤麻辣醬！咁搞到我每次碗麵黎到我都叫佢比多D麻辣吖唔該。事頭婆就會超嚴重X口X面另外拎多個兜比你。所以我次次黎親劃完飛仔我都特登提提佢，但佢照舊黎親都係一羹仔，我又不厭其煩叫佢比多D麻辣，佢又照舊同我角力另上一兜。如是者到左今晚.....一切超舊.......但呢次佢另上時，加多左句，當然都係X口X面啦：「喂靚仔，

新開業嘅車仔麵牛腩、蘿蔔、豬紅都係必食！牛腩份量算有良心唔係得兩三舊，而且好入味同夠淋身唔痴牙，脂肪入口即溶，正籮蔔清甜爽口無渣，連個籮蔔心都入味，唔係度度做到豬紅都算真材實料，食落有漿口感，唔係落重粉去整河粉配腩汁一流河粉夠滑溜薄身，唔會一夾就斷。不過炸蒜就太硬身，好影響個口感，建議走蒜或者少蒜就好大約$33左右，對得住價錢，檔野另外仲有好多食物選擇，有機會再試不過湯底味精都幾重手，建議食完飲多D水