新興車仔麵

營業中

休息中

一打開個麵都無見到，倒d湯落去個陣突然見到有d嘢浮咗上嚟，望真d見到係隻曱甴，好污糟，以後都唔會再食呢間嘢。拎落去同個阿姐反映，個阿姐完全唔當一回事，一句唔好意思都無講，可能覺得我係外送平台落單，外送平台會退翻錢，佢就完全唔當一回事，真心唔會有下次。

之前發泡膠飯盒收48蚊飯量ok依家用依啲盒又係收相同價錢…超級唔值味道可以 但係唔夠飽 店家應該考慮翻價錢 咁樣真係去餐廳食堂食算 無心寫差評 但係真係同之前完全兩回事 留意下有冇改善先再幫襯

講真，買得呢的都預左只係填飽個肚就算。但買個外賣一肚氣真係少試，佢的阿姐真係阿姐級，特別係燒賣位個女人，除左的阿叔撩佢會應下機，所有野都唔會理的客，野飲錯晒，奶茶變檸茶，掛住同格離位講野。個飯想要返個汁，已經唔該前唔該後，都反晒眼。辛苦唔想做，香港人有邊個唔辛苦呀？但做街坊生意做到佢咁。好野！呢檔野真係依家好似上晒岸，唔想做你生意咁。呢個女人一日係到真係搵鬼幫襯，以前的伙記都冇咩服務又慢但起碼唔敢黑面反眼，但佢直頭係西面冇禮貌。

這家店名在邨內已經有一段時間，但最初期的老闆，各樣出品都不錯，在轉手到現時的老闆，各出品都出現問題，如是來貨加熱的就沒有問題，例如：燒賣、粉果、腸粉、糯米雞；這些只是加熱，所以沒有大問題！但是，要煮的，如牛腩就是用鼓油水煮的，麵筋內裡是無味道的，鼓油雞翼雞脾用鼓油浸得死實實，豬大腸就是沒有鹵水味，清湯更是淡而無味！如不是這個管理不可多一家車仔麵，這家店早10年就要關門了

今日忽然想食車仔麵, 見到呢間幾平同幾多人幫襯就決定試下.叫左三送既車仔麵, 豬紅牛腩通菜油麵,先$36蚊, 都幾抵食油麵煮到岩岩好,幾彈牙豬紅都唔會太散,幾入味牛腩既量有D少, 多多幾舊會好D仲有得簡湯底,今次叫左牛腩汁湯底,叫做不過不失.下次會再食

想食韭菜餃，但呢排都無韭菜餃叫左5餸同埋2餸麵好欣賞佢個秘製辣醬，再配埋沙嗲醬汁好食😋車仔麵d餸黎講，魚肉份量多但漢堡扒得一塊牛吐同豬皮都痳痳地但魚肉同雲吞都好食今次食個雞翼有啲靭，之前食好食d粉果都好食😋油脾都好食蘿蔔糕如果再煎燶啲就好下次可以試下蒸飯/ 其他飯不過略嫌貴左少少，蒸飯附近有包點先生平好多🤣服務員態度無講到OpenRice咁差而且做野都算快手。新興車仔麵 (觀塘)觀塘秀茂坪寶琳路2號寶達商場街市地下26-27號舖

態度差，有4,5個員工係檔口，成排客排緊隊，完全唔會主動serve客，懶懶閑咁。又落咗野，講左2次先啱，返到屋企仲要冇比餐具，😞😞唔會再食，比左好多次機會。

好普普通通的車仔麵，價錢唔太貴，但食物質素亦都唔好期望太高。整體嚟講份量都夠，叫油面的話都幾好，恰嘅程度剛剛好，不過啲材料就麻麻地，例如鹵水雞翼就會有毛，漢堡扒就細細塊，魚肉就分量多，不過食得出好多粉。

今日同老公諗唔到食咩好所以諗住落街市買啲小食食嗌咗個司華力腸，炸雞髀一個豬紅韭菜 咁我就到點餐處嗰度嗌嘢食咁我就話要司華力腸一條，炸雞髀一隻 同埋個韭菜豬紅 一磅因為佢哋員工內部溝通非常之有問題佢地好似唔識大家咁明明佢地係同一個環境我做嘢囉你舖頭都唔係好大員工問咗個三次佢問完我又講佢問完我又講 人哋唔知以為我係機械人定係唔知以為我係青山病人點解要不斷重複同一句說話其實我都唔係嗌咗好多嘢食三樣嘢食我想問點解一間食店可以個客人嗌完嘢食又唔mark低又唔用電腦入低係咁不斷問個客要啲咩嘢食其實你會唔會覺得你身為一間食店開嘅時候冇諗過要問題係非常之有問題 除非你本身你嘅員工記性好好啦咁你冇可能要個客人不斷重複不斷重複重複order你自己唔記得咗個客嗌咩嘢食仲可以話個客人係啞㗎***大家認住黑衫短頭髮個位阿姐就係佢話我啞 ***請問家教何在如果你明知你嘅員工年紀大記性唔好一係你就唔好請佢請啲後生嘅一係你咪叫佢搵張紙mark低其實好簡單我只不過係嗌三樣嘢食點解要講咁多次仲鬧返個客轉頭點解我叫野食都可以叫到咁委屈咁受氣 唔係話開嚟街市就大曬唔係話你做獨市生意就係大曬 其實我都有老豆老母生

飲品唔係即沖，係雪櫃拎出黎比我，仲要無問我介唔介意，我問呢杯係咩黎，態度勁差咁話(呢杯米凍奶茶囉)，因為我見到杯奶茶已經係差唔多見唔到冰粒溶冰嘅狀態下我就問可唔可以沖過第二杯，好強調話呢杯係啱啱沖出黎，我都仲有好禮貌話我唔想要呢杯可唔可以沖過第2杯，水吧個個男人就話無凍奶茶呀咁你飲過第二樣啦，之後我車仔麵要多一勺腩汁，因為我咁多年都係咁樣叫咁樣食甚至琴晚都係咁食，但今日竟然同我講無得再多，話公司規定！！好，我當你係今日定，但態度都無理由咁差囉！其實我幫襯好佢好多年，第一次咁樣被對待，態度差到咁樣！

食呢間車仔麵建議不要加底, 之前叫左個3餸加底, 佢話當收4餸價錢(好似加$8左右), 其實都晤係平, 不過肚餓冇計照去比, 比左錢企在門口等, 睇住個阿姐整, 佢見合晤埋個碗, 走去夾番走哂勁多麵, 夾完一次又一次, 足足夾走左2次, 等於冇打過底, 我眼都突埋, 錢就識照收, 麵就夾返哂出黎, 個刻錢又比哂, 真係晤知仲可以講咩, 明知個客係到都咁樣, 令我非常失望。。。

屋邨小店就唔好期望太好味，但正常嘅材料同面底都有得揀，正在手腳快兩分鐘就可以拎到嘢食，同埋價錢都合宜三餸就35蚊，兩餸就25蚊。叫咗個蘿蔔雞翼尖豬腸河粉， 蘿蔔都夠sweet,批得都夠深，冇渣嘅情況出現，雞翼尖有五隻，分量偏少，比較細隻，豬腸有啲味道，平時有時冇味，所以水平都比較飄忽,河粉份量都足夠，因為佢發水會漲,但如果買完試咗好耐先返屋企，河粉就會變到好淋，好容易夾斷。 叫咗牛腩汁加秘製醬汁，即係佢自製嘅辣椒醬，都幾好味，唔算太辣。

因為疫情關係，9:30pm左右去到小食區好多店已經關門。無奈之下打算叫呢間無乜味嘅車仔麵。店面圍住六個客，員工有四個。四人同一時間只能一齊做一個order（實在唔明其實落單整餸同收錢完全係分流。嗰四個天才要一齊等一個order做完哂先會做下一個🙄），搞咗五六分幾鐘終於到我...我點五個淨餸，豬紅蘿白金菇魷魚菜肉雲吞）我見佢落錯哂餸！ok，咁我重覆講多一次佢又記唔住叫我講第三次。Well, 最後我放棄落order，返屋企食杯麵算！建議大家都盡量唔好去，除非想受下氣。Good luck!!🤗

因為秀茂坪這個美食沙漠的地方實在沒什麼選擇附近就這一家車仔麵店我很喜歡吃車仔麵，所以來買車仔麵吃但有位員工上班實在是像發夢一樣我大聲說了很多次要什麼菜一點反應都沒有眼神渙散，一看就是在發呆忍不住再超大聲的說了一次她才緩慢的晃過神來，黑著臉點一下頭然後緩慢的放我要的牛丸牛肚在面上來這小店，不要求什麼服務但做人的基本禮貌要有吧說一個好或OK，甚至做一個OK的手勢很難？她不是啞巴，我清楚聽到她與其他員工談話我是什麼空氣要被你無視嗎？至於食物，普普通通，選肉類是安全的，但別選蝦餃和韭菜餃，很難吃

今日屋企冇煮飯, 去附近買個車仔麵食叫佢加小小辣 , 佢勁重手辣汁我諗係同咖哩魚蛋果D咖哩汁一樣成個麵得個辣味, 破壞哂雪菜冇咩肉 ,撈左一撈之後基本上唔會搵得返D雪菜牛丸幾好食,冇筋 米線有小小硬