新興食家

營業中

休息中

呢間西環嘅新興食家，咁係舊式裝修嚟嘅係啲飲茶食點心嘅地方，舊式嘅嘢真係買少見少㗎啦，而家呢個時代，就而家好多遊客係呢度食㗎排隊。早餐時間去都要排差唔多半個鐘，佢啲點心全部都係即叫即整好新鮮好食嘅不過就有時就要等得耐啲囉。咁唯一美中不足呢就係佢嗰個有個蒸飯呢佢嗰個今次食呢個北菇雞蒸飯佢D雞碎骨就係比較多。同埋佢嗰啲雞肉呢全部都係啲雞翼位就味道麻麻。食點心都好ok呀不過就個蒸飯可以唔使試 加前性價比都唔錯。咁都推薦大家去食嘅

裝修後首日恢復營業2025.01.11應停業一個月多首日恢復營業大概早上7:50到不用等位只有一兩個遊客未見到大學生基本上看不出裝修過可能廚房有小修蒸籠目測有部分比較新頗久未光顧一個人點了：鮮竹卷豬潤燒賣蝦餃雞扎非一般大早餐埋單 $120豬潤燒賣應該恆常化不用需要特別點味道還是好的會繼續光顧

傳說中只做早市及午市的新興食家，趕得及起床之際，終於能夠一嚐其美味，到達門口時已發現大排長龍，在現今的香港餐廳情況下實屬難得。裏面的環境異常擠迫，反映其受歡迎程度。我們點了燒賣，蝦餃，鳳爪，叉燒包，牛肉腸粉以及鮮竹卷。燒賣及蝦餃皮薄餡靚。然而牛肉腸皮厚同時卻又沒什餡料。實在有點兒可惜。另外值得一提的是新鮮出爐的點心都必須要金睛火眼地觀察着，否則便不可以吃到最新鮮的食材，也算是一種非常特別的親身體驗噢。

我本身不是住附近，亦不是住港島，但一年中都會特登搭車去新興食家食十零次，覺得佢既點心味道只此一家，第二度真係做唔到，又有好多懷舊既點心佢仲會做。每次去都見到好多遊客或第一次幫襯既人，有點狼狽，所以真係想分享一下自己既經驗。第一樣就係叫點心，遊客同第一次去既人都會用點心紙去點心頭好，我建議就不要🙅，用來參考睇下有咩食就好，原因是好多時見點了幾樣，可能都係得一樣有，有啲係賣晒，亦有啲係蒸唔切，唔好嘥心機，你可以睇左邊樣啱就叫樓面姨姨攞或者直接去點心檔睇下有咩，直接叫，有時同樓面姨姨講佢未有的，就會叫你等一下，幫你即刻蒸，我就仲簡單，睇住佢廚房推點心車出咩點心，啱就直接叫，新鮮熱辣。更重要是遂一叫的話，就可以享受到點心最熱辣美味既一刻，好過幾樣放枱面而唔知食邊樣好。第二樣就是叫既份量，好多時樣樣都想試，樣樣都想食，給遊客既建議就是不要點太多太飽肚既點心，好似蒸鳳爪排骨飯，糯米雞，糯米飽，雞球大飽等，每樣都非常飽肚，食一樣就食飽就無謂啦，若果無兩、三、四人分享的話，就真係要衡量一下自己肚量，而佢既蒸斑頭腩飯套餐都相當出色，本人就會叫走飯，以免食唔到其實點心，當然，其實都有一些隱藏🙈技的，就是有

以前未搬鋪頭嘅時候好嗡耷，但點心好食，坐到好迫，都特登搭車入來幫襯，搬咗鋪頭亦有幫襯過，但係味道好似不似預期了，就好耐冇再來過啦。今日瞓吾著，突然諗起呢間鋪頭開三點就飛的過來幫襯，果然沒有預期好食，服務幾好，收銀阿叔幫我攞點心友善招呼。流沙包～流沙咸又嗆喉而且皮爛。鳳爪～味道正常賣相有啲乾。咖哩牛肚～味道正常，不過裏面脂肪洗得唔乾淨。蝦餃～蝦餡係好食嘅，但水晶皮容爛。炸鮮奶～有D油一般。叉燒腸粉～粉皮鯰口一般。棉花雞和燒賣我覺得最好食架啦！糯米包無晒話要九點先再出，雞扎和鮮竹卷通通都無，保持我出乜你食乜，有D性格。總括來講味道一般，點心有D細件，所以兩人都食左九至十籠！

Foodie IG @foodpilgrimage.gps ➲ 西環 新興食家係堅尼地城無人唔知無人未食過嘅老牌點心舖仲保留傳統推車仔出餐營業時間超長附近港大宵夜必去處超好食但係就要等佢逐款逐款出爐無得一次過等齊野相機食先撞正想食個款未出爐就要耐心啲等啦！！➳ 韮王鮮蝦腸➳ 懷舊糯米飽➳ 黃金馬拉糕➳ 干蒸牛肉球➳ 皇牌流沙飽➳ 新興蝦餃皇➳ 香菰燒賣皇⤵ 新興食家西環堅尼地城士美非路8號地下C號#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #西環美食 #蝦餃 #燒賣 #流沙飽 #點心 #新興食家

比大陸App帶旺曬，好食過呢間嘅點心，大把。聽過以前喺大學食堂，因為凌晨就開舖，所以有好多學生會嚟食點心。今日嚟到排隊排咗大半個鐘，滿心歡喜入去食點，點知1.枱面勁污糟環境好惡劣好迫2.仲未同姐姐講飲咩茶，佢已經拎咗一壺唔知咩茶出嚟，我話我要飲普洱，唔通我咩都未講你就知道我想飲咩？3.我想點流心包，姐姐話無曬，你寫點心紙都無用，轉個頭有架車推出黎話有流心包。4.態度勁差，同姐姐講完我想要咩，粒聲唔出轉個頭走咗去扮冇聽到做其他野。5.食物質素差，蝦餃皮黐住個蒸籠，仲要勁厚。燒賣又細件，又冇豬肉味，個蒸籠又舊有污糟。6.坐我對面位妹妹等咗個鳳爪大半個鐘，問啲姐姐有未，完全一副唔想你嘅心態聽完就算。俾錢受氣，係咪賺遊客錢賺到傻咗？咁樣嘅態度同質素我真係唔會比第二次機會。如果你一開頭叫我唔使寫紙仔，睇吓一陣間出爐會唔會有我想食嘅點心推出黎啊，我都冇咁嬲。你直接同我講叫我唔使嘥氣，我有無欠左你？

新興食家📍：西環堅尼地城士美菲路8號地下C號舖🚗：堅尼地城地鐵B出口 步行4分鐘📞：+852 2816-0616💲：~HKD50/head for teaFood quality✔️：香脆炸鮮奶、鵪鶉蛋燒賣、皇牌流沙飽👌🏼：黃金馬拉糕、新興蝦餃皇、蟹膏燒賣皇 總結：😋西環老字號舊式點心店 仲係行舊時模式開凌晨3點至下午4點 一入到去好似時光倒退數十載咁 仲係會有姐姐推車仔 而客人要走去覓食 食物就普通幾抵食 主要係食情懷同回憶🫡😋比較推薦嘅係炸鮮奶 唔係度度都有得叫 將奶凍蘸炸漿 炸起外層係脆嘅食入口嘅奶凍仲係凍就最完美嘅狀態 雖然就裏層嘅奶凍就熱咗 但幾香口 順德小點又唔係度度有 值得試👍🏼😋鵪鶉蛋燒賣更係超稀有嘅點心選擇 食落係流心狀態同其他燒賣比冇話特別出眾 都係食個情懷😎😋最好食嘅點心係流沙包 果然係招牌 一撕開流沙狀態 食落奶黃味濃 好食🤔港式點心🧆最基本嘅蝦餃燒賣就普通啲 唯一係大隻夠飽肚🤔大部分評論都係態度差 我覺得還好 主要係佢哋太忙所以冇辦法好聲好氣講 啲姨姨叫賣係好大聲 但大聲唔代表無禮貌 態度唔係友善但都唔算得上惡 佢哋收碟嗰陣幫手遞下過去啲姨姨仲讚我醒目tim😂🤔

位於堅尼地城呢間新興食店，歷史悠久，喺附近返學嘅港大學生，一定有幫襯過。之前比小紅書吹捧完，更加成為遊客熱點。大鄉里出城去堅尼地城搵嘢食，兩點幾去到唔算好多人，決定試試佢。由於街坊老店，整體裝修同埋環境都比較新舊，座位都好迫，更加要同人搭枱。如果對環境同衛生好有要求嘅就自行考慮要唔要嚟試啦。😃不過撇除環境，舖頭嘅提供好多傳統點心，質素都好有保證，熱辣辣真材實料。可惜就係因為當日下晝先去到，同埋佢地差唔多落場，所以有啲點心都賣晒。除咗Classic點心，想推薦糯米包，特別又唔係度度食到。食落有d似糯米飯，煙煙韌韌。炸鮮奶大件抵食，不過當日得貨尾，阿姐好好咁送埋最後一嚿俾我哋，好多謝佢😝舖頭食嘅係懷舊，基本上員工都係d 姨姨叔叔，佢哋都好nice。有時可能講野大聲左d，但可以體驗一下本土風情同埋人情味。會再回頭幫襯🙆🏻‍♀️

今日中午朋友帶我去堅尼地城一家老牌點心餐廳，大概排了十分鐘隊就輪到我們啦～好多街坊在這裏吃～經濟實惠在這裏需要搭臺，小小四方桌竟然可以坐到三隊人馬，香港特色🤭 但是點心是不錯的😌皇牌流沙包朋友推薦，看上去沒什麼特別，但是咬開流沙真的可以流下來，好香滑，仲有鹹蛋黃在流沙內👍🏻炸鮮奶本身不想吃炸物，但隔壁點的炸鮮奶實在太香了，抵不住誘惑🤣 有驚喜 外表酥脆裏面嫩滑 甜甜的 就是太大塊了咖喱金錢肚色澤金黃 咖喱味香濃 金錢肚吸收了咖喱汁的精華 吃起來有嚼勁 街坊推薦🙌🏻北菇棉花雞本餐我的最愛😍，我吃過一些點心中，這個算是很鮮美的了，魚肚吸收了雞肉的肉香以及冬菇的菌香，下次還要點😋豉汁鳳爪粵菜點心必點😍 嫩滑脫骨，醬汁還可以再多少少🤏懷舊糯米包薄薄的蛋皮包裹着糯米、臘腸、花生等餡料，夠懷舊鯪魚球旁邊街坊點了三份鯪魚球，於是我們也試下，大粒厚身實在，Q彈鮮甜，爽口彈牙，麵粉不多😋

簡簡單單的點心食出人情味。呢一間食家其實係飲茶食點心嘅，去過就知道間舖唔算好大，成L形，搭枱搭到嚇死你，不過就係成日要排隊而且好多人Keep住黎支持，佢嘅點心味道係唔差嘅，尤其是佢地係自家製點心，不過味道又唔算好有驚喜嗰種。好似我今日叫了雞絲粉卷、雞扎同埋潮州粉果咁樣，呢3個點心其實都係中規中矩，雞絲粉卷的粉卷皮太厚，雞扎用黃牙白包住而唔係用腐竹黎包兼且唔知點解包埋條蟹柳入去九唔搭八，個潮州粉果算係最正常。但係老老實實，佢D野又真係幾新鮮，仲有見D茶客(應該係街坊但係唔係一齊黎)會互相幫助，連D點心都可以Share嗰吓勁。如果你問我會唔會再黎，會。

人多排隊冇問題，有人打尖冇人理就唔好，食物水準普通偏貴，點心紙上大部分點心欠奉、服務麻麻，只有普通點心及蒸飯，全程都係蝦餃燒賣叉燒包排骨飯，其他腸粉叫左都冇，如果有其他選擇，可以不去也冇所謂°

老點心老地方，四人枱坐六個人二人枱坐四個人，繼續排長龍，遊客路街坊比比皆是，還有像我們遠道而來的本地人，就是喜歡這裏的風味與及人手製作的懷舊點心。今天只點了三個點心，有我最愛的蝦餃，買少見少的懷舊點心臘味糯米包和炸鮮奶，蝦餃皮薄餡靚蝦肉新鮮而且是傳統有筍絲的那款舊蝦餃，糯米包真的好耐冇食過，薄薄的蛋皮配上香香的糯米飯，花生很脆臘味很香。炸鮮奶有點失望，可能不是新鮮出爐，而且粉漿比較厚，幸好入面的鮮奶很滑。

山竹牛肉球 $22- 牛肉球食落幾扎實，有汁有口感，唔錯。香脆炸鮮奶 $22- 大大件炸鮮奶一份有3件，每件都炸到金黃色，外層粉漿唔會太厚，入面好多奶同好滑，外脆內軟，好食。咖喱金錢肚 $25- 好多人叫依個咖哩金錢肚，個咖哩汁整得好濃郁，金錢肚吸晒D咖哩汁，少少辣，煮得幾入味。蟹膏燒賣皇 $28- 燒賣上嘅蝦彈牙，但燒賣肉少少偏硬。

睇咗食評都知道應該環境有啲差 有心理準備係傳統茶樓咁樣點知入到去 杯碟啲油用滾水洗完都仲好油 籠邊起晒污跡 貌似仲有上一種食物殘渣拼檯都預咗 坐唔落都要拼 但上一檯客人嚟嘅骨都仲喺度嘢食方面 點心唔熱 皮厚到黐線最後我連出名既流沙包都無叫 見到好多都係睇大众点评叫嘢食 好多遊客 香港茶客少 一百蚊 舒服坐茶餐廳仲好餐牌上面好多嘢都冇 要自己行出去拎地下油立立到黐線 嘢食都係好普通 普通酒樓都仲好 廿幾蚊個點心起 好多地方都仲做到 唔推薦衛生環境惡劣