新興食家

營業中

休息中

受盡疫情嘅洗禮，要喺西環尋找好吃的點心，實在不容易，用心製作的，已經買少見少，能夠有能力守得住的，仲有呢間以實力為首的點心小店<新興食家>。此店喺西環，可以話係歷史悠久，生意長做長有，人客不絕，點心質素，係呢區可以話係數一數二，不過由於店內環境比較擠迫，今次都係外賣十幾款點心返屋企慢慢歎！！～見到點心紙，係出乎意料嘅驚喜，因為真係有好多點心嘅選擇，而且無論大中小點都吾貴，小點價格都係19蚊起，真心超級抵食！！～鵪鶉蛋燒賣：宜家已經好少見仲有呢種甘經典嘅懷舊點心，值得回味。山竹牛肉球：牛肉肉質彈牙懷舊糯米包：糯米包入口煙煙韌韌好好食蝦餃同鮮蝦菜苗餃都好大隻，外皮晶瑩，入口啖啖蝦肉。韮黃鮮蝦腸粉同叉燒腸粉都用料十足，非常大份抵食。時菜鯪魚球入口非常彈牙，蒸蘿蔔糕用上好多臘肉同臘味一齊蒸，同樣非常好食。就連排骨都非常惹味。另外仲有雞包仔同炸鮮奶，都係必食之選。小店假日人客特別多，不過由於佢哋下午三，四點左右，賣曬點心就收工，所以要食到靚點心，下次再來一定要襯早，因為賣完就冇㗎啦！～

幫襯多年，間中要食吓呢庶嘅懷舊點心才安樂糯米包每次都必點，因都唔係太多地方食到。鴨腳紮就更加難有，好多酒樓都無做鴨腳紮，買少見少，重有得食，份外珍惜。香港疫情仍然嚴重，大環境改變唔到。唯有嚟搵啖食，開心一吓先特登九龍搭嚟堅地再行嚟呢庶，就係為左買四籠點心，好開心佢重有開緊，收銀伯伯有禮貌買左要帶住D點心，再搭叮叮落老同買埋其他嘢，回到家下午兩點幾再蒸返嚟食，就係太耐無食過，特別好味美食振奮人心多謝新興咁正嘅點心絕對要多多支持

真係好耐冇食過咁真材實料嘅牛肉球，真係食落去好扎實，唔係加好多生粉嘅空氣牛肉球，咬一啖有汁有肉味有口感，好香陳皮味，實正得黎又彈牙！馬拉糕一出籠即刻叫左一份超鬆軟，食落又唔「將」口，而且一d發酵嘅酸味都冇，又唔會好似酒樓咁不停翻蒸濕漉漉！另外仲有蝦餃同燒賣都好食，不過咖喱金錢肚有啲咸得滯，奶黃包新鮮出籠流沙香味好吸引，不過今日可能太搶手未發得夠就蒸差小小不過好少位，可能防疫規定下要隔開啲所以坐得鬆動好多，但枱櫈同地下都好污糟，衞生就可以改善一下

🇭🇰新興食家·黎呢間食野真係超級風風火火 搵位坐低之後就要一路留意住廚房有咩點心出爐 雖然真係有啲混亂 但係佢新鮮出爐既點心真係幾好食🤣🤣·蠔皇鮮竹卷$22 l 豉汁蒸鳳爪$22 l 香脆炸鮮奶$19四寶滑雞扎 l 香菇燒賣皇$25佢個鮮竹卷超級juicy 而且入面超多料 咬落去口感好好 而且唔會太油膩 我自己幾中意😍之後佢個鳳爪都炆到好淋 而且佢個豉汁都調得幾好味🤤🤤之後個炸鮮奶都好好味 佢中間既鮮奶超滑 甜甜地咁 新鮮炸起口感好好😌之後佢個雞扎 同燒賣都唔錯既 新鮮蒸起熱辣辣 呢個價錢好抵食😎😎·#rbyeat#rby港式#rby堅尼地城·📍西環堅尼地城士美非路8號地下C號舖

上網睇呢間茶樓好出名多傳統點心，今個星期日下畫13:30去到真係排晒長龍，等左大約半個鐘終於有得食！入到去係好傳統咁拎張點心紙去出面睇下有咩點心可以拎，又或者有人大叫「新鮮出籠」就可以即刻拎返籠！熱辣辣，手快有手慢無！有D似去左BID野XDD 間茶樓仲有個招牌大聲叔叔大嗌有咩「新鮮出籠」的點心，有時會搞下笑，氣氛幾好！本來想食佢個炸鮮奶、這不是春卷、豬潤燒賣，可惜已經賣晒，唯有下次再來試下啦。最欣賞佢出名的糯米包，之前真係未食過，呢啲天氣食下啖一口糯米飯好正！另外流沙包、鮮竹卷、燒賣都好足料好食。正，會再去食！

今日想食下點心，諗起新興食家好耐無幫襯，決定去買個外賣返屋企慢慢嘆。由於假日無論係堂食定係外賣都大排長龍，所以我哋用外賣app預先揀好食物同付款，去到指定時間入去一攞食物就走得，非常方便。兩個人叫咗六個點心慢慢嘆燒賣香菇味重，豬肉同蝦嘅比例均勻，傳統嘅味道蝦餃入面有筍，蝦嘅數量都好多，口感紮實鳳爪略嫌過鹹叉燒腸粉手快快影得唔好，可能因為外賣凍咗少少，腸粉皮有啲硬鮮竹卷好好味，餡料足夠雞扎好食，入面有豬肚，沒有芋頭，係我喜歡嘅餡料新興食家點心味道比較傳統，總括來講都值得一試。

This traditional dimsum house brings back many fond memories of good old days where dock workers and HKU students could self serve dimsum breakfast as early as 3am while the cooks busy preparing them in the open kitchen. By 6am, neighborhood residents start flogging in with newspaper in hand for yumcha catchup with friends and the dimsum is served steaming hot and very delicious . The ambience is nothing fancy like any posh restaurant but it is a place where local folks can embrace human touch b

新興食家位於港島地鐵堅尼地城站附近約5分鐘路 3點就開始營業,做到下午4點收工 每日都係新鮮即製點心曾經係遊客必到既打卡名店雞扎以前叫四寶雞扎 雞肉與棉花是必定有的扎住四寶的腐竹 最好食係吸收了肉汁的棉花與腐竹另外配料係豬肚冬菇 用了極度厚身的冬菇 腐竹用了超長札得很穩整體味道還可以 新鮮就是好食!肉餅蒸飯也非常好食 混合了大量梅菜碎打成既肉餅係接近老派做法既梅菜肉餅飯, 夠平民夠地道既味道消費$60地址： 西環士美非路8號美暉大廈

內容見OR多相好似唔錯，特突搭車去幫襯入到去其實都無人招呼，自己搵位坐低，地下同台面都唔係好乾淨，叫到D野無得食問多句又話都話無洛！態度超差，都係想黎食下好野〜結果咁樣被對待食物蝦餃燒賣都偏咸好似好多味精咁既服務，真係無下次〜而且附近都有其他點心店，唔會再幫襯佢。

新興食家, 西環🫖聽就聽得多，今次就真係第一次黎。呢到係非常地道既#飲茶 地點。坦白講我本身見地方比較污穢同地下好多垃圾都會有少少卻步，但係食物到左，見佢食物咁高質素就都覺得無咩所謂😆我覺得點心食物質素拍得住添好運。因為D點心唔係一早已經整好哂，所以難免要等你想食既點心出爐。我地叫左#鳳爪 ，#排骨 ，#黑椒 #豬肚 同#蔬菜 水晶餃。排骨算幾多，而且醃得好有味，鳳爪都好入味，但唔會好重味精😍黑椒豬肚一樣醃得好有味，聞落香噴噴，食落好惹味。本身好想食#馬拉糕 但等左10分鐘左右都未有出爐，又見有人排梗隊就決定下次有緣先再試👍🏽.📍 #西環 #堅尼地城 士美非路8號地下C號舖 #HappiMuffinHongKong🌟#HappiMuffin Rating: 7.5/10💰Price: $50-80 pp.#hkig#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

✨皇牌流沙包流沙包 包夠軟熟 內餡 幼滑起沙 甜度適中 帶鹹蛋黃甘香✨香脆炸鮮奶外層 香脆偏硬 炸皮略嫌太厚內層 冇乜奶香 偏糊狀 過甜✨新興蝦餃皇蝦餃皮 唔太厚 偏軟身冇彈性蝦餃內餡 蝦爽彈唔算好鮮味 有筍粒 ✨蟹膏燒賣皇燒賣 係豬肉燒賣 偏實帶少少彈牙✨咖喱金錢肚金錢肚 入味 有咬口 咖喱汁 微辣 惹味 非常推介點心自家製 唔係交貨仲有好多懷舊點心食物唔錯 街坊價錢好抵食但環境好迫 衛生都一般 服務欠奉 有需要落單搵店員 店員會話呢張枱唔關佢事 嗰張枱又唔關佢事最後要收銀伯伯幫我地

一入到店內環境真係好污糟， 地板， 檯面， 蒸籠。。。。 但d 點心真係好好好好食流沙飽， 一搣開就有好多蛋黃油流出， 咸甜度配合得好好蝦餃， 外皮煙硬， 咬開爆汁， 蝦肉彈牙， 有少許肥豬肉， 增加香口度魚肉釀豆腐， 豆腐很滑， 有豆香， 鯪魚略為調左少少味， 清清地， 不錯菜苗餃， 出面食到的通常菜多肉少， 呢度既出品係肉多菜少， 好味乾蒸牛肉， 出面而家好少有得食， 牛肉比一般牛肉球實淨， 好味蒸糯米飽， 糯米唔會蒸得啱啱好， 煙硬度足， 粒粒分明， 不錯咖哩金錢肚， 必必必必食， 好好味， 咖哩好野味， 金錢肚口感好好， 偏淋既做法， 索晒d 咖哩味， 真係好好食食物質素真係很不錯， 食完唔會覺口渴， 叫左咁多樣點心， 每款都好味叫了既鐵觀音亦很不錯， 真係可以講水滾茶靚， 茶味香而不濃， 店員方面， 服務都很好， 只係環境清潔度， 如果可以改善就真係perfect

講到CP值高又好食既點心老店一定係黎呢間✨無點心紙畫 師傅每次新鮮出爐點心都會大嗌 想要就出聲 所以食既點心都熱辣辣 特別好食😋大點都係$21真係非常抵食 而且凌晨3點就開門 飲個早茶 未訓想食個點心宵夜又得🤭因為實在太多點心 推介每次黎我都必點既點心！✾ 超入味又淋既咖喱金錢肚🥘✾ 大大粒蝦既燒賣🍤✾ 新鮮出爐既流沙包🥧✾ 炸到脆卜卜食落勁滿足既炸鮮奶🍼

自從大學year1既ocamp 去食過之後，就好耐無機會再去，但就對佢念念不忘。店內懷舊有人情味，系好傳統飲茶既地方。今日同羊咩拍拖就打算帶佢去食 下回味下，但無奈真系太多人排隊，我地唯有買外賣去附近海傍食，都幾有feel，我地以前成日去個度拍拖，坐下chill下。我地今次目標系食佢地既人氣點心：炸鮮奶，蟹膏燒賣皇，新興蝦餃皇同皇牌流沙包！但好可惜炸鮮奶一早賣曬，佢真系好好食，甜度啱啱好，出面炸到脆卜卜，濃郁奶香。🥟蟹膏燒賣皇 $24豬肉味香，口感肉質彈牙，就系個種特別既茶樓燒賣味道，蟹膏味唔太出，味道普通地好食。 配上辣椒豉油！無得輸！😋😋UMAI: 7/10🥟新興蝦餃皇 $24蝦好新鮮，彈牙，粒粒飽滿，皮厚度岩岩好，入面有少少筍尖，口感豐富😋😋UMAI: 7.5/10🥯皇牌流沙包 $21佢真系 非一般既流沙包，奶黃餡料加上鹹蛋黃，令佢有鹹鹹甜甜既味道，令人欲罷不能。甜度味道剛剛好，餡料飽滿，金黃，滿足！流曬口水😋😋UMAI: 9.5/10🌟整體CP值：7.5/10 每一樣點心都好味，感受到個份懷舊人情味推介：蝦餃，流沙包😆😆🌟

今次要介紹依間好近堅尼地城海旁、年曆超過30年懷舊茶樓，最特別係凌晨三點已經開舖，可以做宵夜or早晨，但下午四點就會閂門~廚房半開放式，可以睇到師傅好忙碌不斷出點心；亦有姐姐開中捧住出爐點心行過問叫賣；睇岩點心可以叫姐姐拎比你或者自己出去睇蒸爐拎。老實講環境唔算好好同埋比較迫所以唔會好舒服坐到好耐，不過茶錢點心價都好經濟而且好多款式食物，有時唔使下下都去嗰啲連鎖大型茶樓。例如包炸物嫌一籠太多都可以散拎單一個，例如我都係春卷拎一條、炸鮮奶拎兩條、叉燒包又拎兩個🤣🤣價錢都係計返$6一個$12兩個唔會有蝕底。☺️我係平日十一二點去到，仲早所以食物款式好齊！👓招牌流沙包 $21/3個出爐熱辣辣係好流心，黃金起沙，偏甜蛋黃味，不過唔係好重鹹蛋黃鹹香味。整體都好食，一個唔算好大個吾漏。👓炸鮮奶 $18/3條出面真係好少見！聽聞係必食，酥脆薄皮，唔油膩，包住啫喱膏狀嘅鮮奶條，味道偏甜覺得唔夠重奶味，係新奇唔錯嘅不過未算好有驚喜🤣👓懷舊糯米包 $18/3個第一次見🤣薄薄黃色外皮而不是傳統白色包皮，餡料係花生蝦米臘味炒糯米飯，正常濕潤度有煙韌。糯米飯其實唔算炒得特別香口惹味，不過呢款係好少見嘅懷舊點心好值