新蒲坊 (已結業)

因為去開沙田做facial, 經常要黎呢頭食lunch!!!!!!但係其實o係沙田搵好野食真係唔容易, 其他餐廳都食到爛晒, 唯有繼續周圍試下~呢間車仔麵之前聽過朋友講d串燒好食,今次終於可以試一試.叫左碗冬菇, 豬皮&腐皮卷加粗麵 – 多辣汁冬菇質素不錯, 夠厚身又重菇味, 不過切得略為零碎一點豬皮 – 味道一般, 咖哩味濃但可以接受腐皮卷 –賣相相當吸引, 但咬上去腐皮完全唔脆, 應該用煎既~而入面包的齋料夠多, 帶甜, 因為紅蘿蔔, 馬蹄太多, I don’t like it....辣汁 - 雖然唔夠辣, 但勝在夠香夠濃味, gd車仔麵主要做外賣生意, 堂食位置十分淺窄…真的輸蝕了一點!!!!!更可惜的是lunch time並沒有串燒供應, 要搵次下晝再黎試過~值得一讚既係, 20蚊三款餸既車仔麵, 而質素屬中上的, 依家已經唔多!!!!

成日要去沙田做facial, 已經食到唔知食乜好....自己一向鍾意食粉麵類, 無意中俾我o係openrice搵到呢間車仔麵...一於試試一去到得2張枱仔, 都已經坐滿哂人喇, 地方真係好細....睇得出佢主要都係做外賣生意~好好彩等左一陣就有位喇, 我叫左豬紅, 冬菇, 魚蛋粗麵豬紅入味唔腥, 冬菇爽口都唔錯, 魚蛋就比較普通, 下次食唔會再叫湯底夠濃味而且個辣汁都幾得, 不過再辣d就最好啦~食完已經諗定下次會叫乜餸喇, 因為都覺得唔錯, 可惜坐完就要即閃, 地方實在太細喇~

今日出左去剪髪.之前無食過野......味食車仔麫先環境好窄,更有點凌亂....店內更得3至5個位坐.....店員,服務一般我點左豬腸.雞翼.牛柏葉..米粉豬腸.雞翼鹵水汁整...甜甜地....豬腸好林....雞翼都好肥美同甜牛柏葉好爽....淥的時間剛剛好.反而呢個食物無調味衛生一般....我食完末剪完頭髪.就有少少肚痛.....哈...我仲話下次見完社工姐姐,去食恐怖壽司.....肯定入醫院.....哈哈

在沙田左轉右轉，行來行去，見到有間好多人排隊既串燒店，就買番串食下﹗要了牛串，$6﹗燒完即時自己加番0的沙爹汁，牛肉燒得不乾身，咬落很軟很嫩，牛味雖未算十分濃郁，在街邊小吃店可買到如此軟身的牛肉串，已很不錯﹗沙爹汁花生味濃，牛串肉汁夠多，好吃，如大家路過的話值得一試﹗

唔係 openrice 都唔知好運中心後面有一間串燒店哩。 是晚放工後好多人等，要了一份牛肉串 ($6)。 牛肉粒有梳打既痕跡，但黑椒味和咖哩汁夠濃唔錯。下次可以試試雜丸和香腸串燒加蜜糖

這是一間小小的車仔麵店, 沒想過這間鋪竟然可在OPENRICE找到他們多數做街坊生意, 已經有很多熟客我都係其中一個熟客, 因為D車仔麵實在太好食我本身並非住在沙田市中心附近, 因工作和轉車緣故經常會到果頭食飯(因為家附近係無好東西吃)等我推介下D好野食先啦~肚餓既話, 車仔麵係首選最欣賞係果度既腐皮卷, 全部都係老闆娘自己煮的果度有十幾個車仔麵餸可以揀~~ 樣樣都好OK~最好食就係車仔麵既辣汁~!! 果種辣味O係第二度係食唔到!我經常為左腐皮卷同辣汁而去幫襯佢地第二樣要介紹既就係門口既串燒, $6/串佢地好識做生意, 少人既話就唔會賣串燒, 因為攤凍左既串燒係唔好食有牛肉, 雞肉, 豬頸肉, 煙肉腸仔, 司華力腸, 什丸等等呢間唔同一般既小食店, 佢地唔係燒好晒先拎出黎賣而係O係你面前一路燒一路分俾每一位客人, 串燒既香味出晒黎由於太多人緣故, D串燒去得好快, 通常食串燒都要等佢燒好先得雖然等, 但係好多人都願意去等呢D串燒!! 尢其夜晚630後最為明顯!最好食既係牛肉粒串燒, 一串都有六粒牛肉好JUICY, D肉又唔"銀", 再加埋佢本店特製醬汁, 實在令人難以抗拒...街坊推

一間不起眼的車仔麵鋪，竟然改了個‘in’名，而且中英對照–真勁！不過，千祈唔好約人力黎哩道蒲。一段時間沒有吃過我最喜歡的街頭炸釀豆腐了。在家沒有滾油鑊，整晤到脆口。在酒樓，只有浸釀豆腐，或椒鹽炸。在小食檔，我是挺奄尖，要吃熱辣辣的，一大堆堆起，不知放了多久的，我甚少吃。一間不起眼的車仔麵鋪，竟然有個保暖爐，放進炸好的釀豆腐，這麽細心，一于幫趁。十塊錢十件。釀豆腐炸得乎合我奄尖的要求，使用很滾的油炸的，十分脆皮，也很甜滑；魚肉不是主角，味道及韌韌的質感也算過得去。今次吃得真暢快。