新蒲坊 (已結業)

上星期到好運，遠遠聞到幾香，雞肉串賣晒，於是買了兩串牛試下，牛肉燒得太乾，冇乜味，沙嗲汁一般，不過好彩可以自己加蜜糖。第一次幫襯，負責串燒的女員工黑口黑面，同佢講唔該要兩串牛肉，唔應人。我以為未燒完佢唔應我，後尾見d人要主動俾錢佢先會遞d串燒俾人，剩同佢講要幾多串佢係唔會應你亦唔會俾你。可能佢大把生意，唔自在。

呢間價廉物美的小店，真係好鬼正，串燒要等就一定啦，我今次⑤想等，點左串魚蛋，魚蛋彈牙不在話下，仲好香咖哩味，口感好爽好彈牙，仲要系我喜歡食嘅甜咖哩，每一口都食到魚嘅香味，我加左甜醬和辣椒醬，更加惹味，真係好幸福，甘都穩到甘好味又經濟嘅串燒店，

17-5-2016 (Tue)晏晝返沙田處理一啲事,6點幾,重有時間,就落o黎食佢o既沙爹串燒,o黎到,好多人等,我就排隊等啦,叫o左豬頸肉同四寶丸各一串,每串$10.00.俾錢佢o地唔收,睇目佢o地燒好o既擺入電爐o度,有客人問佢點解放入去?佢答呢啲係人o地訂o左.啊,原來佢o地會記住之前個客要咩o野,燒好留俾佢o地.我等o左好耐,我問佢o地我可唔可以行開一陣,轉頭返o黎攞?佢o地答可以.約8分鐘後返o黎,我問佢o地得未?亞姐認得我,即刻o係電爐o度拎出o黎,重問我要唔要醬?我答要,佢就幫我搽沙爹醬同蜜糖,放埋入紙袋同膠袋俾我,然後至收錢,服務好好呀!我返到去要交吉o既屋企,就影好相食先.豬頸肉有五片又厚又大件,顏色好靚,食落,爽爽地口啦,沙爹加蜜糖真係好好味,可惜落得太少喇.味道: 4.2分而四寶丸呢,有黑椒牛丸,蝦丸,墨魚丸同魚蛋,黑椒牛丸都算幾辣,其他丸都正常冇問題啦.味道: 3分服務:其實燒o個位態度一般,可能對住個爐太熱啦,不過如果你唔該前唔該後,佢o地就會好好.抵食係2.5分

每次路過好運中心都會去食串串燒，因為好好味之餘又抵食呢串大大串嘅雞肉串都係10蚊咋，雞肉外面燒到小小脆，雞肉厚滑，但係燒甘耐，雞肉一D都唔'鞋'，配耐自製嘅沙爹醬和蜜糖，好食到暈吖，啖啖滑肉好滿足吖

10元一串串燒由遠處就聞到好香既bbq味所以次次經過都會食要左雞肉 牛肉同豬頸肉我最推介牛肉因為牛肉很爽而且配合蜜糖及沙嗲醬真係超野味而且牛肉都很大件及厚肉的所以都幾抵食而且雞很都不過味道就比牛肉清淡些而豬頸肉就覺得肥左啲不味道都唔差既

又來到這街坊小店，假日人頭湧湧，今次是吃串燒，食完得兩個字平和正，價錢俾別平好多,$11和$10，味道出奇好，份量都頗大份，雞肉好嫰，juicy 和吾乾身，肉腸燒得外脆內嫰，最好是沙爹酱，好重花生味，吾水好厚身，吃過再回味

街坊小店味濃，平民小吃車仔麵，最终都是小店好食三餸一麵$28，都0k，最欣賞是腐皮卷，好似是第一次再車仔麵見到，內裏是素的，煎得外皮微微金黄，加上湯汁更好味，豬红無異味，油麵都幾彈牙，吾會太諗，湯底好過某店車仔麵，吾口乾，而價錢和份量成正比。

同朋友係沙田行完街，想食啲野又唔想食太多，聽講好運中心有好多野食，經過見到呢一間小店，有串燒，又有車仔麵，見啲串燒嘅賣相唔錯，於是一試。叫左2串豬頸肉，1串煙肉腸仔同1串雞肉。串燒嘅份量都幾多，先講下豬頸肉，燒到好香，咬落去幾爽口，肉汁依然鎖係入面，實在好好味。煙肉腸仔係平日嘅串燒好少見，貪新鮮試下。煙肉乾身幾有嚼口，芝士腸脆皮爽口，芝士香濃，2樣野加埋好夾好好食！至於雞肉燒得唔會太乾，肉質依然鮮嫩多汁，連皮食頗有口感。順帶一提，串燒隔離有得加沙爹醬汁同蜜糖，2樣都唔錯，值得一試！！！

沙田食串燒 不得不提緊係新蒲坊啦點解？兩個字講完好正呀！佢D牛肉又嫩又JUICE仲有個豬頸似大大塊最不得了知唔知係咩？唔知？就係佢個醬佢有沙嗲同堆蜜糖比你搽個D仲要唔係稀冷冷個隻係勁稠不過係服務差dd 

其實係沙田食「串燒」除咗泰國餐廳，要搵間又好味又抵食的店鋪廖廖可數！我首推E間「新蒲坊」！係好運中心算歷史悠久了，住沙田既朋友應該不會陌生。有時我途經附近，也忍不住過來食返串！位置係正「好運中心」馬會隔離，尤其跑馬日好多時都好多人幫襯。遠遠也聞到燒烤味！🔥如你無要求，佢有時會俾放係保溫櫃已燒好個串俾你，你或可揀佢燒緊個串（但就要等一陣了）！我個人覺得即燒就最好食，夠熱嘛！😜我叫咗「煙肉腸仔卷」和「雞肉串」，有蜜糖和沙嗲汁選擇，可隨自己口味，搽多或搽少。我自已就喜歡先搽上蜜糖係底，之後再係面搽上沙嗲汁。💖至愛「煙肉腸仔卷$10」～其實煙肉腸仔好少可話唔好食嘅，多數視乎個汁。E個沙嗲汁不算香濃、亦沒太多辣，味道算可以；但本身D煙肉都夠咸，所以味道亦算剛剛好！😋💖「雞肉串$10」分量都幾多下！賣相不錯，少少燶燶地！雞肉係細細嚿，同埋串得都好實下！肉質偏淋身，都幾嫩滑，可以。（我自已就比較鐘意偏硬少少，一片片嘅雞肉）食完兩串都有D飽飽地😋！ *這裡尚有其他小食及飲品供應*總括而言：E間雖然不算係我食過最好食嘅串燒店，但<b style="line-height: 1.6;">係

今天在好運中心閒逛及買送..沿途經過看見很多人出拿著一串的串燒食..看似很美味很吸引..於是沿著這個方向尋找這間店舖"果然不負所托..終於找到了..原來在一個很隱藏的地方..在未到目的地時已飄出串燒的香味了..肚子咕嚕咕嚕的叫我嘗試..叫了司華力腸,雞串,豬頸肉及雞軟骨串..想不到雞肉串是那麼大串的..豬頸肉很爽口..司華力腸很脆..雞軟骨沒有很多肥膏痴著..店舖門外還有沙嗲醬及蜜糖自助調味..令我這醬怪加了很多蜜糖呢!

今日去好運剪頭髮，行過見到面包舖，魚旦燒賣，雞蛋仔，下午茶癮起，不過無樣想食, 走入商場，撈撈小食早幾日都食左喇@@o係臨近放棄之時，見到有人食緊串燒，心諗呢度有呢啲野食嘅咩？開個op app 出黎搜尋一下附近食店，果然！o係馬會隔離o既「新蒲坊」，我印象中係食車仔面，原來呢個時間有串燒嫁喎。睇見咁多人等緊，有對小情侶仲買左8串，觀察左一陣，佢無menu , 淨係寫住「串燒$8，司華力腸$9」越企越香 , 睇落串串都幾大串喎 , 就睇住燒烤爐有乜就食乜啦 , 我見好多人行埋黎 , 直情係有邊樣最快有就叫乜 , 意味住每樣野都應該幾好味 , 大家都習慣左一係等一係是但叫一樣我選擇左等 , 反正有o既係時間 , 叫左雞肉 , 司華力腸同墨丸串燒阿姐可能因為太熱 , 態度唔係幾好, 我問佢墨丸要等幾耐佢答我唔知 .... 我再問 : 你唔知燒幾耐o家 ? 佢話 " 係呀 ><" 因為司華力腸己經燒好左 , 雞肉都差不多 ok , 最後等左大約五分鐘 , 墨魚丸睇黎佢係咁易烘下就比我 $ 8 五大粒 , 好彩阿左燒得唔夠香之外 , 都幾彈牙幾好味雞肉串好好食 , 有少少脆皮

呢度間車仔麵午市時間都幾多人食，買外賣都要排下隊等下，餸唔可以話有好多，睇下張圖就知：呢度有幾餸係特別好味，牛腩、雞翼、冬菇、雞翼尖，呢幾樣都係特別入味。今次我就叫左冬菇、山根同埋生菜加粗麵（＄23）同埋我每次都會加佢D辣汁，有分小辣同大辣，佢D辣係無甜味既，啱晒鐘意食辣既人～山根佢一般都係“新鮮”由一個波咁樣煮，鮮少係已經煮過入晒味，今日見到就試下。同佢一向既滷水都係好入味～不過又唔會死鹹。冬菇本身係幾大隻既，佢會將佢一開四，煮入味，口感好豐富。湯底唔會好油，粗面唔會話好焾好碎，＄23都有質素。＊呢度D餸都係賣完就無，所以想食要早D來買～ 我試過來既時候差唔多叫乜無乜，所有熱門既都賣晒；另外呢度坐位唔多，地方比較窄；下午四點過後仲有串燒。

唔講質素先講價錢(與同區比較)，相信已經吸引到唔小人。$18兩餸、$22三餸，相當實惠，也是我一再光顧的主因。我通常order三餸，其中腐皮卷必佔一位，此等中式點心通常出現在酒樓，但新蒲坊也有供應。另外都會order蘿蔔，蘿蔔吸收了不少湯底的味道，好過order烚菜其他試過的食材包括 腸仔、魚蛋、午餐肉，味道不俗、份量就略小。麵條只食過米線＆粗麵，米線似乎比較健康，但粗麵更好食。食過幾次，我都有試過全辣＆小辣。對於唔食得辣o既朋友來講，冬天可叫小辣，幾暖胃，全辣(for me)就太辣la。店內環境一般，如果許可的話，盡量避免堂食。

呢間既牛肉豬頸肉串燒都好好味 燒得啱啱好 牛肉好軟稔 曾經懷疑佢落過鬆肉粉 不過味道真係唔錯可以選擇搽蜜糖或沙嘜 個人較鐘意蜜糖 要三四點先開始賣串燒 如果要得四五串唔同款一定等超過十分鐘 㨂啲就快燒好既叫一兩串就快好多