新記美食

營業中

休息中

可能銅鑼灣真係香港最貴租地方之一，我諗E間舖頭要食得飽，真係要超過一佰元，但貴唔係話比你知佢好食，對我黎講真係有太多好食車仔麵，中亦老得太耐牛腩冇味，但係又有好特別嘅音樂，同成日有烏蠅飛來飛去😰

一入去新記, 見到的就是大量老闆和明星合照的相片, 以及陳年雜誌的報導, 她的確是第一代的星級車仔麵店, 而的確有不少旅客因此慕名而來, 但在香港人眼中, 她在食物質素上給人不過矣矣的觀感. 對我而言, 她食物的定價, 說是六十元五餸一麵, 在車仔麵界是頗高, 而食物選擇和質素又的確是比不上如此的價格. 牛柏葉和水魷的雪味頗重; 豬大腸沒有任何脂肪, 如腸乾一般; 牛腩肉質也是又乾又柴....可取的也許只有待應的高效率及禮貌, 以及麻辣相間甚有層次的辣醬而已!

每次經過此站，無論幾趕急，都必要入去食番碗車仔麵，過吓癮！$10一串的小食，款式多多，抵食我的至愛係豬大腸、甜酸齋、魚片頭、著名滷水汁撈米粉...豬大腸，必食，夠林，入味，乾淨甜酸齋，甜酸味較得啱啱好，滑溜魚片頭，彈牙，爽口滷水汁，濃郁，香味四溢撈米粉，夠軟滑，浸滿滷水汁，正

放工之後去咗銅鑼灣行街,周圍都好多人等位食飯,所以去咗新記。新記嘅腩汁系好出色！簡直係成個銅鑼灣最出色嘅車仔麵😍😍😍而且D麵好爽口。我叫咗豬紅同蘿蔔，蘿蔔煮得非常之入味，唔會過林淋。

星期五晚 難得可以掉低啲細路😗😗就黎個2人世界掃街記👫👫👫第一站 就係我倆喜歡嘅新記車仔面次次想食 都因為帶啲細路 所以唔太方便始終小店較陝窄 照顧佢地唔夠空間一人一碗面 車仔面好處就係可以揀晒自己中意嘅嘢😏😏😏 我揀3餸 老公揀2餸🙌🏻🙌🏻🙌🏻我：辣豬紅+蘿蔔+雞亦+油面老公：辣豬紅+粉腸+公仔面辣豬紅好夠味 帶微辣蘿蔔夠晒「林」無渣雞亦入晒味加碟通菜 呢度啲自制辣汁真係好正 必加的極力推介

呢個車仔麵不得了。雖然價錢稍貴。但係味道真係好好食。可能喺遊客區啦。咁貴都有道理嘅。一定要食嘅係佢最出名嘅咖喱魚蛋同埋朱紅仲有蘿蔔都好好食仲要一定要腩汁！！！！！！！！！！！！！

每次黎銅鑼灣我都會黎依間新記車仔麵食門口既魚蛋,今次我地叫左2串魚蛋,1串魷魚,1串燒賣,仲一定要加辣汁我本身係一個唔係好食得辣既人,但佢D辣汁真係好好食,越食越想食魚蛋非常彈牙 魷魚非常爽口,燒賣配上甜豉油冇得頂呀打緊食評既我又想食佢既辣魚蛋。

新記的魚蛋被譽為係銅鑼灣最好食既一檔，前幾日見冇乜胃口，經過叫左一碗車仔小食。全部都係$10一串，點左麵筋、魚蛋、牛柏葉及生腸。魚蛋既辣汁好惹味，麵筋吸收曬汁既精華，反而生腸就有少少豬腥味，不値一試。.（堂食每人最低消費$40，所以如果你兩個人既話就不如企係出面食）

小秘書每次落到銅鑼灣，都會捐窿捐罅去搵好嘢食🤩 今日咁啱路過「新記」，見到門口一串二串魚旦、八爪魚... 對腳已經不由自主行咗入咗間舖😝望住張點菜紙，樣樣都想試，可惜價錢對我小秘書嚟講有啲貴👉🏻👈🏻 唯有精選三個餸跟米粉，催眠吓自己小食多滋味😝 我點咗牛筋腩、豬大腸、水魷魚😋 牛筋腩同豬大腸都炆得又淋又入味，至於水魷魚就好爽口，我至like❤️平時小秘書會落些少辣油/沙爹醬吊吓味，但係呢排有兩聲咳，所以今次只係要求碗清湯做湯底，估佢唔到都夠哂味wow👍🏻👍🏻

自從某著名車仔麵店，水準驟跌後，已經無興趣再食車仔麵呢....今日，好友極力推薦此店，惟有姑且一試...此為縂店，燈光明亮，枱數不少，未算太擠迫...車仔麵餸配搭頗多，有點選擇困難朋友推介滷水汁撈粗麵，揀選：豬大腸 - 夠冧，洗得夠乾淨豬腩肉 - 三層肉，夠肥美甘香紫菜 - 不錯，無沙撈粗麵 - 夠彈牙，鹵水汁夠味，不過咸，很均勻撈在粗麵中非常出色的車仔麵店，值得一去再去後記：侍應一邊招呼客人，一邊忙著吃橙，攪到橙汁四濺，結果朋友背部中招，道歉都無句，要朋友開聲問攞濕紙巾去清潔

新記呢間車仔麵每隔一個月就想食一次過吓癮，以前係附近返工嘅時候幾乎日日食，裏面嘅員工態度唔係特別好，串串地！但咁食先有港式嘅味道，夠哂親切！我個人認為佢係滷水方面特別出色，例如雞翼、豬大腸、冬菇，牛筋腩等，夠哂juicy🤤另外辣豬紅超級出色，平時我係唔食豬紅嘅，但呢個豬紅非常入味亦唔會有任何嘅腥味。而食辣之人必定要選佢嗰個辣汁湯底都唔，辣得非常過癮。唔食得辣都唔緊要，另外腩汁都係唔錯嘅選擇。最後，如果唔係特別食車仔麵嘅話，係出面都有一個小食檔仔可以買小食。

佢d車仔麵湯底加車仔餸都好味的，重點推介：辣豬紅、鷄亦夠曬入味，還要加佢嘅辣汁 不過講到加辣汁，我每次都要加多辣 但每次d員工都好勞氣咁加比我，其實我係食得辣之人緊係想多辣😖

我同朋友經過入左去食，坐低後我先叫野食，朋友淋住過多陣先叫野食，但我落單果陣，個呀姐不斷話每人有最低消費，我講左ok一陣再幫朋友落單，但佢係甘催人落單不斷重複話每人都要叫野食，態度非常惡劣唔通我連一百幾十會比唔起？入得黎食我已經唔係期待會有咩好好既服務態度，只係想好好地食一餐，不過既然態度惡劣成甘，我當然會介紹政府部門去食唔洗多謝我，要怪就怪你地自己！我叫左碗豬紅、大腸、雞翼車仔面，湯底叫左牛腩汁，但老實講個成個湯底係得個甜字，其實都唔可以叫湯底，我未食過牛腩汁係甘奇怪既味，相比其他店鋪既牛腩汁係兩回事，再者價錢偏貴，如果好食既我唔怕比貴d食，可惜這間的食物完全唔值，用同樣價錢相信係附近都食到性價比更高既食物，再加上其他員工服務態度一樣惡劣，甚至同枱食客都話唔會再黎這間餐廳食，所以我同我朋友極不推薦大家黎食！係唔會再黎食！衛生：2/10抵食：1/10味道：2/10 態度：0/10 回頭率：0/10店鋪CP值：0/10整體：0/10

垃圾食店，如果可以俾負分，我會俾負分！價錢貴，阿姐態度惡劣！😡食品已經不是好食及出色！最重要係D阿姐態度惡劣,門外叫咗幾個小食，同佢講咗喺店內食麵，😡😡😡個阿姐只係不停同你講俾錢先、俾錢先！然後阿姐點都唔肯攞埋個小食入去店內，係咁話自己攞、你自己攞，一定要個客人自己攞入店！喂，你呢度食三餸個小食$30，叫個麵，只係二餸一麵都要$36㗎！一個餸亦要$10，但又只係得嗰幾件，地方又唔係乾淨同坐得舒服。隔離枱有2個人，叫咗小食入店坐底食，點知D阿姐就以呼喝聲缐話，「你唔係叫麵㗎咩？」個客話唔食麵，只食小食。幾個阿姐就一齊又呼呼喝喝話「你話叫麺先俾你入嚟坐，你唔夠數唔可以喺度坐呀！」仲話要學人有最低消費$30/位。所以點解店內得小貓三四隻，真係祝你以後生意興隆！

每當趕時間但又肚餓之濟, 我就必會選擇去食車仔麪, 因為貪佢夠快!新記車仔麪係有規定每人最低消費$36 的! 每個餸要$10 其實價錢都偏貴! 今次我嘅四餸麪再加罐可樂(食辣嘢再配汽水是會滿足到我), 盛惠$60!今次揀咗四個餸食魷魚, 魚蛋, 雞翼尖同埋辣豬紅再配油麪。最鐘意食呢度嘅辣豬紅, 因為豬紅好入味, 我覺得今次嘅辣豬紅比平時嘅辣咗(其實我只可以食小辣) 但就好好食魚蛋咬落去嘅感覺嘅質感比較實雞翼尖都好入味油麪就覺得偏硬, 可以再煮耐多一陣!