新記芝士麵 (已搬遷) 新店位置

今日同同事來食芝士麵去到門口先發現搬了好彩都有o係門口貼上告示同地圖教點行去新鋪據佢地所講, 新鋪坐得舒服過之前同事推介豬頸肉芝士撈麵, 就叫黎試下豬頸肉普通, 唔覺有同事所講o既甜甜地我覺得同出面差唔多不過芝士撈麵係幾好食似芝士龍蝦伊麵o個d芝士汁麵係即食麵, 但唔會煮得太熟, 仲有d彈配埋芝士汁簡直係絕配餐飲點了凍朱古力坦白說, 雖然我係朱古力狂迷不過甚少o係出面飲, 因為我覺得出面沖得好淡, 唔好飲不過哩度o既凍朱都算唔錯, 雖然唔可以話非常濃郁所以係之後d冰溶左, 仲有d淡不過整體都算唔錯, 好過唔少餐廳

記得早排報紙雜誌都好多報導話啲明星鍾意食芝士撈丁，嗰日同嗰friend去開灣仔，就遲左人地成幾年先去試芝士撈丁啦。我叫左太陽蛋加香腸，一上到黎枱已經聞到香濃嘅芝士味，麵的軟硬度適中，夠晒彈牙，碗麵黎度都真係幾大碗，送同麵都睇唔多到，比啲芝士覆蓋左，芝士濕濕地嘅質地，好輕易同啲麵撈埋，每條麵都有芝士連住，味道相當不錯，唔同嘅方法食公仔麵，無湯嘅撈丁，新鮮嘅嘗試，非常有趣。不過芝士就咁一大pat放係公仔麵上面，都幾肥下，哈哈

行過鋪面，見到好多名人相，心諗無死，差極有個譜睇個餐牌，見到個喇沙，圖片咩菜都有，好大碗，四十六蚊上菜點知同碗常餐麵，沙嘜牛肉米一樣樣，即刻嬲左，唔係咁搞丫，貴又貴過常餐，常餐仲多份腿蛋咬下，所謂喇沙味呢，去左邊，唔識整咪賣啦，害人害物，好好反省下定價同質量影衰哂啲名人

其實之前喺未搬舖嘅舊址都有食過。自從由佢地fb page得知一月搬左舖之後，今日終於有機會光顧一下。面對通漲貴租嘅大洪流，加價係在所難免架喇，最重要係保持到食物質素，好過有啲餐廳無加價但份量少左或者難食左吖。雖知道新記係用芝士汁撈公仔麵嘅始創，食芝士麵唔去新記仲去邊度吖？另外留意到餐牌似係搵設計師精心設計過，好有專業水準，亦都多左好多新菜式選擇。由於營業時間延長左，晚市仲特別加推中菜套餐㖭。如果下次再黎會試下芝士麵以外嘅嘢。最正嘅係卡位闊落，比其他大集團茶餐廳更舒服。

上次經過這店見多人，沒有時間排隊。今次同同事黎試下。我叫了一個豬排配c華力腸嘅鏍c粉芝士汁。估不到豬排好味，好香好濃芝士味飄出黎，好好味。但係我地兩個女仔食完都覺得未飽。39元有粉有熱飲，尚算ok。如果份量多D就prefect 啦！

「香港有四大奇食：澳牛光速餐、星座蕃茄面、新記芝士面同九記牛腩...」雖然此篇潮文出了一段日子, 但膚淺平庸的我點都要來這個Checkpoint, take個photo, fb打個卡, 再留句emotional句子來證明我夜晚有食晚飯, 最重要是我‧從‧未‧食‧過‧新‧記‧芝‧士‧麵‧架‧囉‧言歸正傳, 星期一夜晚到灣仔新記食麵, 位置唔難搵, 門口放滿不論是合照定獨照, 是望鏡頭定唔望鏡頭 (其中有張個相中人係望住芝士麵食緊的囉) 的名人相, 非常把炮。直入有位, 伙計都算親切, 坐下光速想好要咩餸配搭芝士麵.., 再光速(!)落order, 伙計光速(!!)送上芝士麵, 然後男友跟我則以龜速進食企圖打破傳統我叫了雞扒太陽蛋芝士麵嘩, 芝士汁好多呀, 還有濃烈芝士香味, 食之前一定要撈勻, 麵質都算爽同彈牙, 唔會好似發水麵條無咬感咁, 雞扒ok, 唔會韌食完唔會zip牙罅 (我估豬頸肉會…OPPS…SORRY, 我牙罅疏), 反而太陽蛋有少少失望, 初初見有蛋漿流出黎以為係流心蛋咁爽皮, 點知流左幾滴就完, 原來其餘係熟既, sosad.男友叫了芝士芝心丸雞翼撈丁 (個名好長好難記