新記車仔麵 (已結業)

中午在銅鑼灣一帶，突然很想吃車仔麵，經過此店，擺在門口前的車仔檔挺吸引，於是便進去嚐嚐。就座後看看四周，才發現這店挺出名的，飲食雜誌亦曾報導過。客人只需在點餐紙上圈上要吃的食材，然後再交給侍應姐姐便可。記得要選好三種東西：配料、麵條及湯汁。最後選了三餸（唐生菜、魷魚及牛筋腩），要牛腩汁及小辣（這店以其辣汁大為受歡迎，當然要點來嚐嚐）。先喝一口湯，湯頭香辣夠味，牛筋腩滷得入味，肉質不鞋口；水魷魚夠爽脆；生菜吸收了辣湯汁的味道，挺辣的。喜歡吃辣的不妨來嚐嚐！

新記車仔麵呢個車仔麵最出色嘅地方就係佢個辣汁，可以話非常之好食，好香，十分惹味。假如你鍾意食辣的話，真係唔可以唔去試新記的辣汁。有時我行過，都忍唔住要食返一串魚蛋加佢哋嘅辣汁，真係好好食㗎。平時我入去食車仔麵，我都會叫冬菇和牛筋。我覺得依兩個係必食㗎。咖喱魚蛋、齋、雞翼我都覺得值得推介，有時候淨係帶餸都叫左六七八個，食個車仔麵都可能食咗70幾蚊呀，不過其實要幾多個餸都係自己控制嘅。平時都幾多旅客會過嚟食架，喺銅鑼灣都算出名。總括然而，嚟到銅鑼灣冇得唔食新記車仔麵！

Lunch係銅鑼灣揾食，同事話哩間車仔麵幾好，就想試下。都坐滿人，等一下好快有位。整體來講，平靚正。D餸係幾好幾入味，推薦猪大腸牛腩汁都幾出色既，下次再試其他餸

如果喺銅鑼灣想食平平哋，我第一間就會諗到新記車仔麵！😻永遠都係座無虛席嘅新記！牆上面貼住左好多唔同嘅報道，交代佢地點樣經營呢間經典車仔檔。有啲仲嚟自日本嘅旅遊書，難怪呢度幾時都咁多遊客啦！🍜支竹+豬腩肉+片頭配米粉（$36）🥢支竹份量好多，而且好滑，係屬於新鮮支竹✨🥢Menu寫住豬腩肉係秘製，的確係幾鹹香，不過怕肥人士就唔好食啦🥢片頭就好普通，好似魚蛋咁，唔係脆嗰隻-🥬腐乳通菜（$20）🥢喺腐乳醬上面再加少少甜豉油，原來又幾好食架喎！🥢通菜剪到細細條好容易食👍🏾新記生意源源不絕真係太好，雖然多咗好多遊客，成日都要等位，不過意味着佢哋長做長有！😸

下雨天晚風微涼，最適合就是來一碗熱辣辣的車仔麵🍜🍽 唐生菜、蠔油冬菇、牛孖筋配幼麵車仔麵一定要配上唐生菜，因為它吸湯力最強🙊冬菇份量很多，而且蠔油味十分濃，完全不會被本身很濃味的腩汁掩蓋👍🏻牛孖筋也煮得很「淋」，而且份量很多🤤當然少不了神來一筆的辣醬，它不算很辣，而且不是麻麻的，而是非常香、非常惹味，強烈建議大家一定至少要叫少辣，或者叫一些辣的配料好似辣豬紅☺️我選擇了幼麵，這裏的麵條份量非常多，而且蛋香味很濃，完全不是那種鹼水味超重的。而且最值得讚的是吃完完全不會口渴👍🏻

車仔麵受歡迎莫過於一碟麵入面有曬你想食嘅餸，三四五六個餸都得，俾錢就乜都得。銅鑼灣新記有兩間，但總統果邊果間無登龍街呢間咁好食，所以多數幫襯呢間。咖哩魚蛋、齋同雞翼是每次必點的餸，然後再加其他食。更多時是唔點麵底真接點六至八個餸加個菜就算，好食嘅！不過亦相對較貴，我記得我試過有一次點餸已經七十蚊，不過平貴你自己可以控制嘅，standard 三餸加麵是不錯糧尾之選！

通常自己去銅鑼灣做嘢，唔想排隊等餐廳，食車仔麵係一個好快又好味嘅選擇，都會幫襯新記車仔麵。特別鍾意佢哋啲蘿蔔，好清甜而且冇渣，仲要蘿蔔好入味👍🏻😋出邊好多車仔麵店d蘿蔔可以整得好清甜，不過有時會太大舊、或者容易有渣同埋煮得唔夠入味，新記就啱啱好🤤 腩汁墨魚卷好抵食，有6-7條，口感軟軟地又有啲墨魚香鮮枝竹好滑好好味，而且份量好多🤤腐乳通菜就有少少過咸，不過通菜好爽口分量對女仔來講啱啱好，男仔食就可能有啲唔夠飽la~

今晚放左工去銅鑼灣做gym，次次都食一蘭好悶，又比我搵到係fitness附近有間車仔麵。放左工去到大約6點左右，店內又唔算太多人，即刻有位了。地方都算整潔，有d車仔麵檔污糟到唔敢入去。今日唔算太肚餓，運動前又唔想食得太飽，我只叫左通菜、牛柏葉、炸魚皮、油麵，腩汁，加支裝可樂，total $50。炸魚皮超級好食，食到停唔到口，下次要叫一碟。個湯底幾濃，味道都不錯。整體來說，味道ok的，炸魚皮推介！下次要試下辣汁先得！

新記車仔麵據我所知都好出名， 佢啲豬紅真係好好食， 而我每次來都一定會食豬紅同雞翼尖， 雞翼尖翼係我食車仔麵最鍾意嘅一個配菜之一， 因為要整到雞翼尖好淋好入味 其實好難 而豬紅都一樣要將呢兩樣咁難整得好食嘅嘢整到咁好食， 唔食都好難 通常我係食 40蚊三餸， 除咗豬紅同雞翼尖我另外會嗌通菜， 因為佢通菜過量好多， 好抵食， 而且佢個列亦不能不試。但唯一有少少 唔好嘅地方就係其實佢玩面有啲細碗 食完都唔算好飽， 如果你食開七成飽嘅話 咁佢嘅份量就應該夠你食啦。但係總括嚟講 新記車仔麵我個人係極度推介 除咗豬紅同雞翼尖 另外我都會推介豬皮同蘿蔔。

聽前輩講銅鑼灣呢間車仔麵店超～經典，食客無停過，原來真係好食！豬紅魚皮餃粗麵 $36其實menu得一張，自己揀餸食飯，我選擇咗豬紅魚皮餃粗麵，視覺上湯底咁深色以為好鹹，原來好清甜，完全無味精感覺。豬紅超爽口彈牙零腥味，拍得住台灣水準！魚皮餃普普通通，但個粗麵真係超水準之作！好爽口，韌力十足，呢個感覺會令你忍唔住一路吸食麵條，我呢碗其實算係清，平時食開重口味嘅記得要叫辣，因為呢度辣汁先係重點，當然無好漏咗腩汁啦～～

行行下街見肚餓諗起好耐無食新記車仔麵, 掛住佢個甜蘿蔔, 就去咗登龍街食車仔麵。一人前坐喺近門口位望住條街享受我既下午茶😂😂😂, 揀咗蘿蔔, 辣豬皮, 豬大腸, 五香牛腩, 油麵, 大辣。 三餸一麵$40, 我加多咗一個餸, 盛惠$50。🔸蘿蔔一於以往好甜無渣🔸辣豬皮炆得入味好淋🔸豬大腸細細舊無乜咬口, 味道一般🔸牛腩就好似五香肉丁既大小, 味道一般🔸湯底辣味夠同好味的老實說, 份量就係太少, 連午餐都不能填飽, 價錢貴少少都唔緊要, 但一碗車仔麵竟然食完都仲有空虛感。

今日又出去食lunch喇! 係登龍街見到間車仔麵都多人排緊隊，就即興揀左依間試下，餸既選擇都算多，2個餸($36)，3個餸($40)。我地入去既時候，個阿姐同我地講普通話，可想而知幾多內地人去食。我叫左3個餸，等左陣，阿姐就攞碗麵過黎。我第一時間望下個碗，乜咁少啊？我叫左米線但份量實在少到吾識形容， 如果同譚仔比較，依間既份量大約係佢既3分之1。至於湯底，我揀左腩汁，食落偏淡冇咩特別。不過佢既牛腩幾淋幾入味，算係咁啦。整體黎講，我吾係幾推介，可能吾岩我口味啦 。

店鋪非常小～12:15分營業，但今天是近12:30才開，我12點過來已經很多人在排隊了。等到鐵門拉閘，所有排隊的人，按順序進店～估計就坐個10來人已經滿了，後面的全要排隊，而且挺多附近的人都是提前把點單紙拿回家，過來排隊的時候，已經點好了。  新記的配件沒有分葷素價格，所有配菜一律10元。兩個配菜一個主食💰36。三個配菜一個主食💰40。所以還是點三個菜是最划算的。  他們家最低消費是36。 我點了兩個配菜一個公仔面～💰36，再點一個腐乳空心菜💰20。合計💰56  豬肥腸入口一刻我總算覺得，我這契而不捨的找它是值得的，鹵水肥腸非常入味～雞翅也是，超級夠味。我順手拿了幾張紙。打算下次有來銅鑼灣都來這家吃午飯了

D野好一般，要左个公仔面。好硬。分量好细，最紧要店家发钱寒。最近胃痛，出街都带住保温杯。点知俾店员指住禁止带外来饮品的牌勒令唔俾在店内饮自带保温杯里面的白滚水。要饮水10蚊一支。

聽講新記車仔麵平時好多人食要排隊等位！今日去開銅鑼灣見到冇人一於入去試試，車仔麵識食一定揀油麵，所以今次都冇例外，車仔麵最重要係湯底夠濃啲麵同餸先會入味，可能自己期望太高啦有啲失望，湯底偏甜怪怪地，又細碗啲餸同麵又唔算好入味，所以出名都未必好食，最緊要係自己試過，試過一次就算！😔😔