新記 (牛頭角道)

營業中

休息中

本身好鐘意食粥，諗住觀塘新開張一間粥店，滿心歡喜咁去試下，先外買最簡單既碎牛粥同炸兩，點知伏到一個點，從未食過一間d碎牛少到好似無咁跨張，離晒譜，個炸兩淋到唔知食咩，本身價錢唔平唔緊要，但都比d質素囉

聽聞呢間茶記d粥同埋夜晚嘅飯菜都好豐富就約咗朋友去食！入到去坐d伙計都好友善咁推介菜式畀我地，有好多熱門菜式，例如蘿蔔糕、脆皮炸乳鴿、椒鹽豬扒、海蜇手撕雞同埋雞粥！飯量大嘅友人同我就點咗人氣較高嘅餸例如海蜇手撕雞、紅燒元朗脆皮乳鴿、XO醬叉燒炒蛋飯、菠蘿咕嚕肉～想講個脆皮乳鴿好有surprise，啖啖都係Q彈嘅肉，juicy又好味，意外佢一d都唔油膩！xo醬叉燒飯就因為有個醬領到d飯更香，同埋易入口！！！最後個人喜愛就係菠蘿咕嚕肉，菠蘿同肉嘅比例啱啱好，好適合送飯食😍 下次希望可以食埋佢哋嘅茶記系列，應該都好正！圍埋數兩條友300有找

放工到新記食晚飯，位於牛頭角牛頭角道347-349號地舖。 店內環境光猛而整潔，餐廳款式種類多， 亦是一間老字號店舖，以雞粥最為聞名。晚餐🥢 ～ 貴妃雞粥$59、 紅燒元朗脆皮乳鴿$76、 豉油王炒麵$34、 香脆炸兩腸粉$25、 炸蘿蔔糕$37、 海蜇燻蹄$58、凍豆漿$9。 🔸貴妃雞粥 ～ 雞肉嫩滑好味， 粥底味道濃郁，充滿雞油香。 🔸紅燒元朗脆皮乳鴿 ～ 乳鴿即叫即做，皮脆肉嫩。 🔸豉油王炒麵 ～ 炒麵夠乾爽，越食越香口。 🔸香脆炸兩腸粉 ～ 外皮軟滑， 內裏酥脆香口， 配上甜醬吃，好正！ 🔸炸蘿蔔糕 ～ 蘿蔔糕炸至金黃色，不沾醬也十足惹味！ 🔸海蜇燻蹄 ～ 燻蹄非常入味，海蜇彈牙爽脆。 🔸凍豆漿 ～ 豆味香濃，又大杯。 新記的菜式多， 價錢合理， 推介貴妃雞粥。🏷️溫馨提示～ 整個用餐體驗均屬個人分享意見， 只作參考😊。    

餐廳員工服務態度差，對客人冇耐性落單叫外賣，收銀員呼呼喝喝，好似我地欠左佢咁，叫左餐之後問佢跟餐有咩可以配就大大聲叫我自己睇，如果Menu到有顯示我一早自己叫左，就係睇唔到先問，你叫返我自己睇，咁你班樓面同收銀有咩功能？連Menu都冇做好，叫人點叫餐？咁差嘅態度，就算嘢食再好味都唔會再幫襯仲要啲嘢食又唔係好味，咁點解要貼錢買難受？請都唔食，大家自己小心或者佢係元朗真係老字號，食物同服務都好，但黎觀塘，完全冇呢回事，差評

「新記」係一間好受歡迎嘅餐廳，我哋叫咗好多款招牌菜，每一款都好好食！酥炸魷魚鬚，魷魚鬚炸得香脆，外層酥脆內裡多汁，帶有淡淡嘅海鮮味，令人回味無窮。香脆炸兩腸粉，炸得金黃酥脆，配上醬汁，味道更加豐富。貴妃雞粥係我最愛嘅一道菜。粥煮得濃稠滑順，雞肉鮮嫩多汁，每一口都帶來滿滿的滿足感。魚蛋片頭河，魚片頭新鮮彈牙，河粉入口滑嫩，配上鮮美的湯汁，味道十分鮮美。栗米魚柳外脆內嫩，栗米的香甜味道令人驚喜。秘製雞中翼則是鮮嫩多汁，烹調得恰到好處，每一口都帶來滿滿的美味。凍豆漿帶有濃濃的豆香味又一開飯好地方👍🏻

喺這家攤檔呢，呢一味「貴妃雞粥」嗰啲雞肉嘅鮮嫩，滑溜溜嘅口感，湊埋呢香濃又綿滑嘅粥，真系得喎！粥靚到連雞味都幫手襯托埋出嚟，食落嘅時候，個人都覺輕鬆左。不過啊，果陣真系希望個雞味再哂少少。話說返嗰「香脆炸兩腸粉」，真系一絕！啲油條炸得啱啱好，唔會太乾身，啖啖肉咁，同嗰皮係真系出奇嘅合拍，咬落去就係「嘶嘶」聲，錫住肚嘅滿足感，一流！嗰XO醬「叉燒炒蛋」蛋香四溢，叉燒又嘟嘟好食，XO醬啊，帶嚟咗唔少層次同埋深厚嘅味道，有種港味嘅老火，實在太正喇！對於末尾嗰「養顏蛋白杏仁茶」，入口緊緊滑，甜甜嘅感覺幾舒服，但我實講，如果杏仁味再濃郁啲，就無得頂！總體嚟講，呢度嘅食物都係真心好食，下次再嚟，一定要留啲肚嚟試多啲佳餚！🍲🐓🌿

第一次見到「新記」鋪面，心諗呢間係「茶餐廳」。但當再仔細睇餐牌，發現唔係一般咁喎🤩有多樣化食物，粥粉麵飯樣樣有。呢次晚餐時間黎食，檯面嘅紙已經介紹咗佢地嘅招牌菜，好多都想食呀！唔講真係以為自己係酒樓添😆好！就食招牌菜啦雞粥，勁好味🤤雞滑，入味，粥底綿，粒粒米都開花架。炸魷魚鬚，鬆脆香口，唔會變魷魚乾。炸乳鴿，都幾大隻，皮香肉滑。蒜蓉菜心，夠火候，條條菜心都掛滿蒜蓉。甜品：薑汁紅棗糕，煙韌香甜，襯熱食最正。今晚有啲眼闊肚窄，好在有杯泰式青檸冰，清新晒！

🔸貴妃雞粥 配炸兩   $62 餐飲檸茶加$3雞粥裏面有好多雞件，主要都係雞髀同雞翼肉，十分嫩滑好有雞味，啲雞皮就肥咗啲，成個粥上面有一層黃黃哋嘅雞油色，但係都唔會好肥膩，係有雞味嘅粥，而啲粥就口感好綿好滑，咁正嘅雞粥，難怪新記會攞嚟做招牌，不過粥裏面或許可能有斬雞件時碎出來的雞骨，所以食粥嘅時候唔好咁心急，以免食埋啲雞骨傷到喉嚨。 炸兩啲腸粉皮拉得比較薄，好滑有米槳香味😚 味道：8/10性價比：7/10🔸金牌貴妃雞例牌   $75 因為食完個雞粥覺得啲雞太好味，所以特別叫多個 貴妃雞例牌， 有差不多半隻雞嘅份量，不過冇咗雞髀同雞翼（可能畀曬啲雞粥用） 主要就係雞胸肉， 所以如果想食 雞髀肉嘅朋友就一定要叫番上面嗰雞粥。呢個例牌雞就提供咗好多 薑蓉畀你蘸雞， 雞皮係薄脆嘅，唔會有好多雞油，食落啲雞胸肉就唔似其他啲雞胸肉咁柴， 仍然保持到水準做到新鮮嫩滑又美味。味道：6/10性價比：6/10🔸香脆多春魚   $55呢個小食炸多春魚有十條， 炸得香脆，一上枱就香味四溢，聞到都流口水，蘸起啲喼汁一齊食，脆卜卜好惹味，炸粉跟隻魚都無落鹽好淡口，多食都唔會口渴。味道：6/10性價比：7/10🔸炸

從朋友得知有間馳名老店：元朗新記 ，現時開分店啦，有間開在牛頭角位置！好近我工作的地區🤩餐廳有多款熱門主菜：魷魚鬚，蘿蔔糕，脆皮炸乳鴿，海蜇手撕雞，炸兩，雞粥…..🤤紅燒元朗脆皮乳鴿 脆皮乳鴿果然水準很高，炸得剛剛好，肉嫩多汁好惹味的！香脆炸大腸🐷 炸大腸好多塊外脆內軟的香噴噴！粥品腸粉 其中皇牌有雞粥，而我點了黃鱔粥同樣不錯，新鮮熱騰騰出爐再配個蝦肉腸粉，滋味！新記 牛頭角牛頭角道347-349號地舖 ，

行去牛頭角道條街搵食，遠遠地就見到新記嘅招牌夠哂燈火通明，就決定同屋企人試下招牌貴妃雞粥 $59雞嘅份量帶相咁多，食落都唔hi，粥煮得夠綿不過偏淡紅燒脆皮乳鴿 $76脆皮是真的，調味空口食都岩岩好，不過肉質就冇咁juicy 豉油王乳鴿 $76個人鐘意食呢個多過招牌，個肉嫩滑啲❤️菠蘿咕嚕肉 $61酸甜度較得好，仲炸得脆口，真心真啲驚喜❤️蒜蓉炒菜心 $51有鑊氣，菜都新鮮總結：佢話招牌個幾樣我覺得正常水準啦，小炒就真係幾有鑊氣，價錢都合理；如果係附近都值得一試地址：牛頭角牛頭角道347-349號地舖評分（5⭐️為最高）：環境：⭐️⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

今日叫咗艇仔粥同埋皮蛋瘦肉粥外賣，都幾好食，算重料了，見到其他食評話雞粥好食，下次再試試，另外仲叫咗叉燒腸同埋炒麵，炒麵就乾爭爭咗啲，叉燒腸又係好多叉燒喺入面，正👍

元朗新記 久仰大名響牛頭角開咗分店曾為觀塘友嘅我尋晚去試吓先主食我嗌左：脆皮炸乳鴿 ，唔油又肉嫩，脆皮！必食！焗豬扒飯，重點係勁多芝士，足料！我like !海蜇手撕雞,冰涼前菜，醒胃！金錢煙鴨胸，呢個出面好難食到吖，要試！芝麻球+千層糕 ，兩款甜品，茶樓都未必食到見到即刻點，芝麻球好煙韌，餡唔死甜，好食！千層糕呢，就同平時差唔多，無乜驚喜！價錢方面係非常之大眾化我2個人，食咁多嘢，都係$300有找平日7點已全場爆滿，要等位㗎

🔖貴妃雞粥雞粥係佢地招牌 梗係想試試😙 雞粥好綿，有雞油，粥水有雞味。雞件幾滑，而且都多肉，但味道就不是太香雞味。整體不錯👍🔖香脆炸兩腸粉份量有三條，油條炸得幾香脆，而且皮不會太厚，點埋鼓油 甜醬 等等 好好食 食落都唔太油膩🫶🔖XO醬叉燒炒蛋蛋嘅份量極多 炒蛋幾香 有d牛奶炒滑蛋嘅感覺 另外配埋叉燒同蔥花 令整體味道加分 唔會只有蛋太寡 精髓在於佢個XO醬 令成個蛋更加惹味 餸飯真係一流～ 🥰🔖火腿炒米粉配料有火腿絲、洋蔥絲、蛋絲，米粉炒得幾香，食落好香咸香，令人忍唔住食多幾啖😋🔖養顏蛋白杏仁茶杏仁茶整體唔錯，蛋白同杏仁茶都幾滑，入口唔會有渣，另外杏仁味都幾香，不過就略嫌未夠重杏仁味，如果再重味d就更正😗🔖另外野飲就嗌左一杯熱柑桔蜜同一杯七喜話梅柑桔冰，兩杯整杯嘢飲都滋潤喉嚨，飲完幾舒服。

今日嚟到觀塘區嘅新記雞粥分店，喺觀塘站或者牛頭角站行過去都好方便㗎。而且餐牌上嘅食物多元化，除咗雞粥之外，炒麵、焗飯同小菜都好齊，可以話任君選擇。✨貴妃雞粥粥底綿滑，貴妃雞味濃郁，入口味道鮮甜，不過因為雞肉有少少骨，食嘅時候要慢慢品嚐呀🤤✨蜆介鲮魚球上菜嘅時候見到超大粒嘅鲮魚球，蘸少少蜆介汁食，口感彈牙！✨香脆炸兩腸粉食粥點可以唔叫炸兩，白滑滑嘅腸粉包住脆卜卜嘅油炸鬼，鬆化香脆😋✨海蜇手絲雞雞絲鮮嫩配埋爽口海蜇，有少少甜辣味，仲好大份呢！✨酥炸魷魚鬚🦑 炸熟後嘅魷魚鬚外脆內軟，仲啖啖肉，忍唔住係咁食～

今日同阿媽近近地去牛頭角食茶餐廳，一入去人氣都好旺。一睇價錢就知，原來都幾抵。我地即刻嗌了佢既雞粥，炸多春魚，魚香茄子煲，炸乳鴿，炸兩最值得推薦既係炸兩，魚香茄子煲同埋雞粥。雞粥用雞湯煲，有濃郁雞湯味，雞塊都比得五少，一畢有六七舊炸兩就唔係講，油炸鬼挺身，，好難唔好食魚香茄子煲意想不到好食，夠濃郁之餘不會過鹹，餸飯一流，好好食餐廳菜式選擇都好多，滿滿好厚一本menu，粥粉麵飯小食炒菜有齊，而且價錢真係好平，環境又乾淨企理兩個人一齊食個飯，夜晚盛惠百幾蚊，好抵