新越越式料理 (已搬遷) 新店位置

因爲要聽音樂會的緣故，必須要吃得飽飽的。對於越南菜，我總是有一份信心，不會差到哪裏去的。點了一份豬排飯，豬排炸得剛剛好，沾著甜醬油，跟加了蔥油的飯一起吃，很有滋味呢。吃越南菜，又怎麼能不吃春捲呢，脆脆的外皮，熱辣辣的餡，用爽爽的生菜包裹，停不下來呀。喝著冰涼的檸檬茶，心想下一次聽音樂會，一定還來光顧新越。

趁著假期，跑到平時甚少踏足的九龍灣逛逛。收穫豐足之後就需要解決吃飯的問題啦，獨自一人時，總是將越南菜排在首位。看這碗火車頭湯河，材料有牛肉、豬肉，墨魚丸子、牛肉丸子、豬肉丸子、豆芽洋蔥和蘿蔔，算是很雜錦。味道不錯，也沒有什麼味精。喝一口酸酸甜甜的凍檸茶，疲憊盡消。再來一客炸春捲，外脆內香，包著生菜，一點兒也不油膩。一個人，也可以很愉快，主要是看你怎麼選擇呢。

响九龍灣返工已經三年幾，九龍灣國際展貿中心（九展）近年開咗好多新食肆，平日都會約埋同事一齊搵食！新越開咗差唔多半年，平日 lunch time 成日排長龍，一直冇機會試。今日趁假期加班，終於得嚐所願！第一次惠顧當然要試最多餸嘅火車頭粉同埋小食拼盤啦！火車頭河粉有齊牛魔王嘅最愛 - 牛丸，牛肉，牛腩筋，牛柏葉。熟牛肉有好多片，真係食極都有，牛肉味濃。牛柏葉一般，牛腩筋爽口彈牙，敗筆在於牛丸，冇牛肉味。可惜！河粉分量係壯男級，一般OL 最好最好搵人 share。再講吓湯底，係牛肉清湯，用洋蔥青蔥九層塔釣味，湯頭清澈味濃，味道鮮甜不油膩，淨飲湯都覺得幸福！至於越南小食拼盤，有兩條（4件）越式粉絲米紙卷，3件炸春卷，4片扎肉，一份生菜，一份雞粉椰菜沙津，份量足夠3~4人享用，賣$98 差唔多啦！服務方面，店員大姐彬彬有禮，為自己太忙服務不周，未及清理餐桌而道歉，態度好好！讚！

從未到訪過越南，對越南的認識只局限住飲食方面，撈檬、春卷、生菜包都滿有特色為左加深了解越南，今日下午便在短短的一小時午餐時間，進入了這間E-Max中的唯一(越南餐廳)燈光暗暗，座位尚算寬敞，而掛飾裝修也頗有越南特色。先叫餐，後送餐，一進店立即點了一客生牛肉湯檬，再加點一個龍眼冰點完餐、付了費，立即去預先安排了的座位坐下，頓時看見一個小小的藤籃藤籃上滿有新鮮的天然調味料，檸檬葉和青檸，唯沒有任何遮蓋，好像很易被污染先來一客生牛肉湯檬湯的味道頗咸，而且相當濃，牛肉肉味一般，像是一般火鍋的牛肉味正當滿口咸味時，再來一客清涼的龍眼冰龍眼冰看上去相當足料，龍眼肉超過六粒。正希望一杯清涼的龍眼冰能沖淡我口中的咸味，誰知一喝，口中的咸味頓時停留左口腔兩側，而舌頭卻被極甜的味道所侵襲整體而言，喜歡濃味的人可以一試，比較喜歡清淡的人可能比較適合撈檬類的菜式。

一班同事係左近食到都唔知食咩好，行遠D去九展食，坐得舒服D，但有D同事怕遠，唯有我地幾個去，要食好野，當然要勤力DD。行了一圏，今次揀食越南菜，因為職員招待好，見我地，好快就幫我地安排好座位。我地order了咖哩豬扒湯檬和豬扒撈檬。可能是開放式，商場冷氣唔夠，食撈檬都好爽，材料又多，真係好味。而咖哩湯幪，湯底較濃又不會太辣，豬扒又爽。整體唔錯，因為平時食越菜，通常較甜，這間就不算太過份。味道唔錯，份糧又足夠，好滿足。

唔係第一次黎呢度食LUNCH，開業短短半年都無，而且佢第一日開業都有光顧，由佢安排坐位混亂，到依家尚算有一點點條理，可能依家已經無咩人幫襯。今日，本來已經病病地，唔係幾講到野，估唔到唔止我講唔到野，連餐廳上菜既侍應姐姐都唔識叫"小心睇後" .... 就係咁 ... 我係個位度，背向所有野，只係想要幫手移一移枱上面既野方便上其他食物。我隻手唔係伸我好高，但佢就係咁，聲都唔聲係我背後淋左碗出緊煙既湯河落黎，由上衣到腳。幸而我無咩事，無淥得嚴重，而且我都可能有一點點責任，但最可惡既係對方既反應，佢就然唔係即時謂"唔好意思"，而係一開口就怪責我  好大既架子 ... 唔優做 ... 叻!!! 你地叻晒!!!見同事都繼續食緊，當時我都算，繼續食埋佢，下次唔再黎就算。點知 .... 係碗野入邊.... 食食下 .... 竟然有一條長頭髮 ..... !!!!真係火都黎!!!

又到HAPPY FRIDAY, 一向LUNCH唔中意食飯的我,就去左食越南湯河,, LUNCH時間早到左所以唔洗等位之前已經食過幾次, 覺得佢好大碟同好好味最便的有$50蚊有找, 包一杯熱飲, 凍飲加$2呢度的形式係買完野食,拎個號碼牌, 侍應會送餐到台上所以都係免加一, 幾中意呢種形式, 客人又唔怕漏單, 餐廳又唔怕俾客人走單 winwin^^因餐廳入面同外面都好算多位, 所以忙起上黎真係睇唔到咁多.講返個湯粉, 今次點左牛筋湯河個湯一樣KEEP住水準, 好濃郁的肉味加上九層塔更加突出整個湯味好出色!!牛筋好軟身,好淋, 但呢度d牛筋係白色, 未夠入味不過份量比起生牛肉算多九層塔 , 辣椒同醬汁放哂係台上, 按自己需要加呢個價錢又食到一碗好味份量又多的湯河, 抵!!!

又來到九展的食街，真係越來越多好嘢食。行行吓就見到一間越式餐廳，在好奇之下就坐下來醫吓個肚。其實餐廳環境比較開揚，一邊是長枱和圓枱，燈光軟柔和。另一邊是幾張方枱，在走廊的另一邊，所以燈光軟通明。職員告訴我們餐廳是自助形式的，餐具和醬料都是要出去拎的。老公又點了可樂，隻杯好特別，而且同冰係分開上的。而我就點了熱朱古力，暖暖的而味道不太水，唔錯~豬頸肉湯河河粉很爽身，而豬項肉外面微焦而入面軟滑，加埋湯入面的配料，很香很香。海南雞飯雞飯的油份量適中，放入口之後已感受到它的香味。而雞的肉質嫩滑，如果份量多一點會更好。總括而言，5、6十蚊的的價格就食到，十分相宜。

若要在九龍灣用膳，但怕人頭湧湧的場面，可以到離港鐵站遠一點的EMax，找尋心水餐廳。這夜，我們倆選擇了>>>新越越式料理<<<。偌大的空間，餐桌擺放不過擠，坐得舒適，心情也變得舒暢。 餐牌於電子螢幕展示，由於選擇不是太多，畫面不會跳動至下一頁，無須擔心看得頭暈眼花。 雖然已經是十二月，理應是寒冷的冬天，但全球暖化之，天氣還是有點熱，吃個撈檬仍游刃有餘，所以點了一碗炭燒香茅豬扒撈檬(HKD59)。豬扒燒得香口，撈檬彈牙，加上微辣的汁，食得開胃。當中最讚的是配料非常充足，花生及蒜粒等香口配料份量夠多，為整碗撈檬錦上添花。 先生想補點血，所以選擇一碗鮮茄牛腩飯(HKD59)。牛腩味道香濃，煮得軟腍； 加上鮮茄味道，伴著白飯吃，令人食指大動。 牙車快雞絲椰菜沙律(HKD42) 蔬菜量多，香辣美味，既健康又惹味，也很開胃。 飲品呢，我倆不約而同點了椰汁珍多冰，椰汁香甜，粉條軟滑具嚼勁，既是飲品，亦可當作飯後甜品，一箭雙鵰。 吃著開胃的一餐，不知不覺，是意料之外的飽足。

行開九展隨意揀間餐廳試下，天氣凍凍地總想食碗湯粉，就揀左新越試下。餐牌上都幾多特色越南湯粉，有蕃茄同咖哩等湯底，重口味嘅我叫左個咖喱牛腩湯檬，男友就要左個越式海南雞飯。係櫃枱點完餐就可以返位等食啦，唔洗自己拎。海南雞飯附送一個例湯，雞飯粒粒分明唔會一patpat，雞肉都去左骨，雞皮不膩，越式酸辣醬比普通海南雞醬多左香料，頗有特色。咖喱牛腩湯檬好大一碗，一個女孩子應該食唔哂，牛腩份量都多，薯仔煮得剛熟，不會糊成一塊，湯底好香咖喱味，唔會太淡，帶微辣，我不太食得辣都食到。青檸梳打係新鮮青檸，清爽解渴！椰汁冰濃度適中，不會愈飲愈渴。去開九展睇戲行街都可以試下！

E Max越開越多餐廳同同事見有新野入來試下我叫左個豬扒檬粉 $59豬扒份量唔少d味好夠同埋炸得好靚好香顏色味道都控制得好好d檬粉好好食加左魚露之後特別醒胃同事比較鐘意食飯佢叫左豬頸肉飯d豬頸肉切得薄薄地燒得平均同夠火喉食落幾爽口唔錯呢龍眼冰龍眼肉好靚好夠甜海底椰冰好多海底椰肉啊！d椰汁超香甜好足料勁解渴春卷炸得好金黃食落超脆啊蝦餅炸到金黃色蝦肉味濃加埋泰醬超惹味好正炸雞翼 好入味好香環境唔錯感覺好悠閒咁好舒服雖然食物選擇唔算好多但勝在味道同環境搭救另外呢度服務唔錯有個啊姐好熱心招待客人抵讚！

放工約了朋友去九展看電影，未開場還有時間可以先食晚飯，見到呢一間價錢唔貴，望落去整齊清潔，店前幾張相又映得靚，吸引左去食。叫了生牛肉湯河牛肉片多， 浸在湯裏即熟，入口軟棉，肉味鮮濃，再加上九層塔青檸， 簡直絕配 鮮茄牛腩湯河雖然是同一個湯底，但加了蕃茄和幾滴辣油 味道完全兩樣，牛腩入口融化，河粉細滑yummy, yummy芽菜雞絲椰菜沙律這個沙律是老闆推介， 做飯前小食增加食慾， 材料豐富, 雞絲、木瓜絲、 青瓜絲、 椰菜絲、 紅蘿蔔絲一大碟，加上秘製酸甜汁， 非常好味三色冰料已經有成半杯， 綠色珍多條自家製造， 食落特別爽滑， 紅綠豆軟腍， 椰汁味清香， 好飲！同事飲熱檸蜜潤喉最後想健康啲，都加多個青菜。快餐式小店有如此烹調水準， 不輸給有些星級餐廳，有機會再食過！

九展食LUNCH選擇真係好多，今日去試下新嘢先，越南美食一樣有好多款式。講環境食店內坐位都算多，有圓枱或方枱，多多幾個人都無問題，算易搵位。佢好似快餐店模式買餐，都幾方便，但就唔需要自己拎，會有送餐服務，而且侍應都好有禮貌。今日食咗”雞絲撈檬”，味道都算滿意，雞肉都好食又算比得幾夠份量，配菜都好味，有生菜絲／酸蘿蔔絲咁，我最LIKE食酸蘿蔔絲，如果可以再多D就好喇！加入撈檬專用嘅酸汁，真係好好食。我覺得佢個檬粉應該唔係整咗好耐，因為分得開，曾經試過其他食店，佢個檬粉是一舊舊的，分不開，所以能分得開的感覺好好多。LEE度最吸引嘅地方係佢個凍飲杯，都真係幾靚，不過就細杯咗D囉！另外，其他朋友分別食咗”生牛肉湯檬”&”咖喱豬扒湯河”等，佢哋都話唔差，”生牛肉湯檬”佢就話湯底比較甜，所以佢加了很多辣椒粒粒，”咖喱豬扒湯河”佢就話咖喱汁好好味，小小辣都唔錯。咁下次我都可以考慮試下佢哋嗰D先。

九龍灣展貿中心的食店陸續開業了，對就近上班的人們可說是福音。放工後看午夜場可以連晚飯一氣搞定。今天試了食街盡頭的新越越式料理，要說越料在香港選擇也多，這家整體出品不俗，價錢合理，可作回頭客。店面相容寛敞，開放式廚房看上去就很清淨整潔，對面的小長桌看著很別緻。我和朋友分別要了海南雞飯和生牛肉河。又在店員的推薦下加了幾款小食。朋友的生牛肉河份量很足，特別一讚半熟的牛肉用料真誠，軟滑可口，有別於一般的簿切生牛肉，更不是敷衍性的肥牛。海南雞飯成色亮麗，雞件去骨，入口嫩滑，皮下不帶肥，黃澄的米飯香而不膩。最欣賞兩款醬料，甜辣醬的味道恰好，不會太辣，亦不帶酸，另有秘製醬油，味道香甜。越南春卷向來有名，卷上新鮮生菜，香脆之餘，內餡有淡淡的柚子香，半肉半菜，全無油炸膩味。另加了雞翼和另一款必食越菜-蝦餅，飲料方面試了椰汁綠豆冰，椰味極濃，綠豆軟糯，配搭新穎，值得一試。兩人化了不到200就已上了一桌子菜，樣樣嘗鮮，性價比中上。

今天有event要去九展做嘢，放工好肚餓，就直接喺九展搵食，因為有d凍想食d湯粉，就嚟咗呢間新越越式料理晚市都有套餐跟熱飲，加$15仲有小食越式春卷跟餐加$15的小食，即叫即炸熱辣辣，好多餡料，用生菜包著嚟食可以冇咁熱氣雞絲沙津想食d菜所以叫咗個沙津，雖然係沙津，但其實都好多雞絲，個汁酸甜微辣，十分開胃越式海南雞飯黃薑飯底呈金黃色，飯香撲鼻，粒粒分明，雞肉嫩滑，如果可以揀去皮仲好，加上兩款醬汁一甜一辣，有唔同口味生牛肉河湯底鮮甜，濃郁牛味，有我喺越南食嘅味道，牛肉味濃，應該係靚牛肉，份量都好多九層塔同埋青檸另上，加落牛肉河味道更清新雙檸蜜跟餐加$8轉，雙檸落得不手軟，甜酸鹹三重味道配合得啱啱好三色冰同相跟餐加$8轉飲，椰味香濃，有紅豆粒、綠豆蓉同埋珍多，每樣都好足料估唔到喺九展咁偏僻嘅地方都有呢間咁有水準嘅越南嘢，真係有驚喜