新金湖海鮮酒家

營業中

休息中

因為趕船同埋得兩個人, 所以隨便叫左兩個(食送), 分別係豉椒炒聖子同蒜蓉粉絲蒸扇具, 扇具勁難食, 而且好細隻, 兩個人埋單 $137, 搞錯!! 蝕哂！

9人到長洲渡假晚上品嚐在長洲讀書的好友推介的金湖海鮮酒家期待新鮮的晚飯9人點左12人用既$700左右既餐有勁多海鮮(白灼蝦+賴尿蝦+蜆+2大條fish ect..)有湯送..飲得出住家老火湯^^ 飯野飲另加$一開始既芝士墨波好好味.出面係炸墨魚粒 勁鮮 入面係包住香濃芝士(流出)!!之後又有勁多賴尿蝦...好味唔好以為只有海鮮...仲有西蘭花 肉排等等真係抵食 不過我地去個日係平日..^^平d而且仲食到好飽...^^冇咁多人 如果唔怕熱可以坐出面feel下個海怕熱可以坐入面^^服務都幾好呀^^一人90蚊有找..^^平可以再多d人食都夠

今日為慶祝父親節，所以老遠來到長洲新金湖吃海鮮，我們還預先到海鮮檔自購新鮮海鮮來料加工。新金湖位於長洲北帝廟遊戲場（即長洲搶包山比賽的球場）旁邊。除了室內空調店面外，門外街道兩旁還放上數十張大圓桌，可容下超過三百位客人。今次我們被安排在海邊其中一棵大樹下用餐。我們連同大小合共十八人，自攜了六七袋海鮮來料加工，另外也點了其他幾道小菜。先說說來料加工的菜式： 果皮蒸鮑魚：大大隻鮑魚配合淡淡果皮清香，正！ 豉椒炒蜆：豉椒夠香濃，鑊氣夠，但很多蜆肉被炒至離殼，最後要出動湯匙食用。 薑蔥炒膏蟹：膏蟹很新鮮，亦有很多膏，炒得很香，出色。 芝士焗龍蝦伊麵底：我們選的龍蝦不是很大，所以應該以「開邊」形式處理，但最後忘了向食店說明，變了切成一件件的小塊，失去了淡淡肉的口感。味道不錯，但略嫌伊麵不夠多。 清蒸海上鮮：問了三次最後也是忘記該魚的名字！不過此魚蒸得夠嫩滑，很鮮味。 蒜蓉蒸帶子：蒜蓉粉絲卻很入味，但帶子略嫌煮得過火，不夠爽口。 椒鹽鮮吊桶：新鮮原隻小吊桶，配以椒鹽脆蒜，一流。 另外還有小店的菜式： 芝士墨魚丸：此店的馳名小菜。墨魚丸包著芝士拿去酥炸，配以沙律醬，推介之作。 菠蘿生炒

第一次到長洲食海鮮, 全條街都是海鮮食肆, 都不知揀邊間好, 最後聽途人說新金湖啦! 這樣我們四人便到了這酒家試試.下午飯食客不多, 只有兩三枱, 我們四人包了一張大圓枱, 點了套餐B $188 (二至四人).老火靚湯: 一般例湯椒鹽瀨屎蝦: 入口少少油膩, 但味道十足, 椒鹽惹味蒸扇貝: 暖暖的, 上枱時不是熱辣辣, 有點失望!清蒸海上鮮: 不錯, 肉質嫩滑炒菜心: 賣相不錯, 很清綠, 入口爽甜!另再加炒蜆, 很入味, 但大部份蜆肉與殼分開!整體來說, 四人約六十元左右, 這個價錢OK啦!

今晚老細因為升職， 所以星期五返工就請我哋全個部門去長洲食海鮮，一行10人一放工就乘高速船往長洲，約35分鐘船程。因為有長洲朋友極力推介這間海鮮酒家，雖然已看過open rice的食評， 真係好壞差半， 可以話差多過好，但懷著戰戰兢兢的心情去一試。早一日已打電話去book咗張10人枱，接電話的人都幾好，因為我特別要求張枱要單邊、戶外、同要給我一張要張16人大枱(因為可以坐得舒服一點), 當晚又真係比到張咁gei枱我哋。這裏一排都是海鮮酒家, 新金湖位處於最后的一間, 只得這間有附設游水海鮮買, 經老板"友gor"推介, 我哋叫咗以下食物:1. 椒鹽賴屎版蝦 --- 好野味, 但稍為細隻2. 豉椒抄蜆 --- 蜆好大隻好肥沒有沙, 老板話係大嶼山蜆3. 薑蔥抄蟹 --- 冇乜蟹高, 同好多油4. 白chor鮮魷 --- 好新鮮, 簿片鮮魷, 淋上油, 豉油, 薑蔥, 點日本wasabi同豉油一齊食, 正!!!5. 蒸魚 --- 蒸得剛剛好, 條魚好滑6. 蒜蓉西蘭花 --- 不錯7. 西湖牛肉羹 --- 夠材料8. 鴛鴦骨 --- 一邊椒鹽, 一邊酸甜9. 楊洲抄反

今日長洲太平清醮,,我地一行4人走入長洲凑凑熱鬧..差不多6:00pm...唸住出返市區食野..但見到D海鮮店有位..就留低食餐飯先走..我地一心希望食餐好味既海鮮餐..滿心歡喜之下..叫了4道菜..但…好失望!我地4個都不約而同地說..呢餐系我地食過咁多次海鮮以黎..最難食既一餐..個螺好汙糟..入面D肉仲癡住D黑色野..而且一D都唔入味..辣酒同D螺系分開2種味既..一D都唔match..更差既系..D螺好老..次次都只能整出半個..剩返一半既肉整唔出黎..個蜆><””..得D殼..超少肉..個蟹..淡到不得了..只能看到生粉水打既”獻”..十分馬虎!!!..而且冇咩肉..個雞..也是沒有期望的..肉質綿..冇雞味!每人一個飯..$6/碗食完呢餐..我們都說:”不如去吉返串魚旦lo!”一定冇下次!回家後..我同爸爸講我呢餐好難食..距話:”梗系啦..遊客區既野就最求其噶啦..都唔系做回頭客生意既!..

去長洲探朋友, 朋友是當地居民, 都強烈推介這間店.我們點了四餸. 有椒鹽瀨尿蝦, 炒蜆, 椒鹽魷魚, 炒菜.椒鹽瀨尿蝦和魷魚都好味. 椒鹽味香, 魷魚另外再點一些汁, 帶點甜又少少酸, 夠醒胃!

7條友坐低,睇menu冇餐喎,咁就散叫la,點知就出事喇。黎親碟碟都係二人份量,隔離枱枱都大碟過我地,跟住再睇,原來個menu係街牌擺咗響唔知邊度,再問番啲店員啲餸啲size有問題喎,佢答係例牌!! 有冇搞錯, 明知例牌咁細碟,見我地七條友,都唔俾個餐menu我地?同老闆理論,竟然答一句「幾十蚊碟野想點？」。叫咗8碟, 一個鐘只黎咗4碟, 仲要係一斷咁吹先得嗰4碟。碟聖子細碟不突止,仲要成碟都係殼,數埋唔夠十條。叫佢加份量又話要加錢又剩,但散叫五六十蚊碟野,平過叫餐好多咩?! 最後cut單走人!以後唔幫襯,佢唔休冇生意,我都唔休冇野食。

我們山長水遠坐船到長洲諗住食(所謂全長洲最好食的海鮮酒家)想不到卻換來一肚氣!!!!!x___x當日我們點了五味送:1.白灼蝦---- 根本就是死蝦,肉質”霉”又唔新鮮,我朋友食了兩三隻已經好嬲跟火計理論,結果換了一碟給我們,這碟吃下去的確是新鮮蝦,無奈卻比一般酒樓遜色!!!2.豉椒炒蜆---- 成碟都是殼,食到滿口沙,完全冇鑊氣!!3.椒鹽魷魚酥---- 主要用料並不是魷魚酥,全部都是魷魚的其他部位,加上成舊野似炸麵粉多過似炸魷魚!!!4.蒜蓉粉絲蒸扇貝---- 味道冇乜問題,可是根本唔係比整件扇貝我地,每一件都只有扇貝入面既”丁”,個帶子唔知去左邊,擺明偷工減料!!!5.芝士墨魚丸---- 全晚唯一最正常既菜,可惜都食唔晒,因為已經嬲到冇謂口!!當時我們不斷的向伙計投訴,當中亦有好幾個伙計跟我們理論,每次他們都說叫老細同我地講,但最終老細從未”鋪過頭”,好明顯有問題!!!可能我們樣子較為”o靚妹”,以為我們好容易受騙,可是今時今日有邊個香港人唔識食海鮮!!!我們假假地都叫做遊客,落得如此下場,仲邊有人敢去長洲~~~~~~~~

與男朋友一早做早準備功夫上左去openrice search 定d 資料搵今晚既海鮮晚餐啦...大約5時我地滿心歡喜去book 張七點半既檯啦.個老闆話冇位啦....咁我地又見一場黎到, 早d 食就都冇所謂啦.(因為真係.都係想食下海鮮...一坐底想洗下d 碗碗杯杯啦..隻隻都有d 之前食過既野痴住左係d碗碗杯杯入面...嘔嘔嘔!!!之後點左幾個菜:1. 白灼蝦- 成碟都係蝦仔, d肉係"霉" ...2. 炒蜆- 有三份之一蜆都係未開.. 另外有三份之一係開左蓋,入面無肉....以為係哂底啦, 搵極都係得10隻係食得, 仲要有沙囉, (點食呀????) 3. 蒜蓉粉絲扇貝- 有6隻.....每隻都用左好多蒜蓉遮住左個扇貝肉, 砵開一睇,個粒扇貝只係得一個"一毫子"既size & 厚度...我男朋友係黎第一道菜"白灼蝦"勁頂唔順下, 同左佢地既待應講更換...換來既係加左4-5隻既中蝦仔上面, 下面既依舊係蝦仔& "霉"...! 之後食個兩道菜都唔知食左d咩落肚, 有既係食左一大肚火, 條氣極唔順!!!PS: 各網民, 如大家想入去長洲食下海鮮, 大家可以要睇清睇清楚....總括: 服

今個月好有食神,個fan請我去長洲食飯,因為係佢老人家指定,咁惟有漏夜入去囉!好彩趕得切,勝記海鮮檔未有收檔,原來「龍戥」只係假日至有得賣!買左隻斤幾重肉蟹,一條真正「海石蚌」,又走去隔離檔買「長頸瀨尿蝦」,剛剛淨料錢都要$300.0大元。即刻拎去新金湖,原來好勤力ge阿女叫阿芬!海魚真係好鬼正,肉味確唔同「海養」,肉蟹d膏好多,薑蔥雖然多油,不過好惹味!椒鹽瀨尿蝦好鬼大隻,兩斤至收$110.,仲會游水喎!當然食唔晒包走啦!再叫多一個鹽油水浸菜遠,夠晒清!當然喜力啤酒唔少得,閒日唔係咁多人,食完再去掃街,碼頭夜市d檔口唔係特別好食,試左「翅」,不過no La,炸魚蛋就粉過多,惟有一杯「奶茶」,阿「晨哥」幫我整,真係好夠味!絕對值得一試,不過係十一點後至有!只收九蚊雞!喜力大樽兩個俊男盡飲六碌!好鬼happy~記住要自己去買料,通常係唔多熟ge先至會係酒家叫海鮮!當然係唔like啦!總額$590.00

難得與家人同遊長洲，所以我早已先做準備工夫，看過此網站有關所有長洲食肆的評語才實地「考察」。看過有食家表示此食肆為最美味，可是我們嘗試食物後發覺味道並非如此好，服務也不是特別周到﹝而且出現了小錯誤﹞，也許\它真的是全長洲的海鮮餐\首選吧，那其他的就‧‧‧我想大概都可以不用浪費金錢了，還是到橫街小巷內吃碗雲吞麵比較實際。其實我想奉勸各位朋友，不要太盡信所有食評，或是對未親身品嘗過的食肆過於期待，畢竟每人對味覺要求或尺度不相同，如果全靠味精作調味的就可以看成美味菜餚，那就當我是要求過高吧。當日所吃食物：芝士墨魚丸─味道不錯，沙律醬也應記一功白灼蝦─最失敗之作，因為肉質已「霉」特色鴛鴦骨─其實只是椒鹽和甜酸豬扒，不過不失椒絲通菜─同樣不過不失清蒸海上鮮─蒸「倉」魚，因淋面生油未滾而更難吃薑蔥焗蟹─侍應稱焗蟹=炒蟹，沒有鑊氣，味道普通飯後糖水─椰汁西米，西米少、不冷不熱像孩子勞作贈送汽水─原有4支變3支，因侍應出錯關係希望此網站不會間接成為某些食肆的免費廣告，要客似雲來並不是全靠廣告和自製食評，而是先做好應份的事情來建立口碑。

朋友家姐是原居民，熟晒地頭，點名呢間是長洲最好，而且又識老細，所以一早預先訂定位。椒鹽瀨尿蝦-瀨尿蝦好多膏，炸得脆脆，基乎連殼都可以食埋。豉椒炒蟶子-炒得唔夠惹味、缺少一種大排檔鑊氣的味道。蒜茸蒜扇貝-扇貝好細粒，一啖一口，沒有鮮味。薑蔥炒蟹-蟹比較細，不過味道算唔錯。炸芝士蝦丸-又熱又脆又香，中間的芝士是流心的呈狀態，一咬落去，芝士就湧出來。酥炸鮮魷-又是惹味的一味。咕嚕肉-基本上煮得不錯，甜酸汁味道及濃度適中，肉又件件炸得脆口，只可惜係肉片。蝦醬炒通菜-反而蒜茸味重仲過蝦醬，通菜就幾嫩。奉送明火老湯，湯底又幾甜。雖然話長洲最好，我就應為一般啦，不過以9個人食了不$560，就係好抵食囉。

真happy,寫第一個食評!由於長洲自由行,搵左我auntie,又係佢舖頭食飽飽,跟住請教下佢邊檔食海鮮好,始終佢地係個邊d「地膽」,依照佢介紹,首先去「勝記」買海鮮,撻佢個朵有價減,買左一份新鮮龍戥,六十斤重,成件魚肉,減價後收220蚊,斤半沙蛤30皮,斤半瀨尿蝦60皮,斤半南沙蟹60蚊,auntie又指定我地去新金湖,佢話成個長洲最好味!我地為左等海邊二人檯,結果等左45分鐘,實在太多人,好似東寶咁,隔離大把位!一上檯,油鹽水沙蛤,連d湯都好鮮甜,瀨尿蝦用椒鹽夠惹味,薑蔥蟹又係無得彈,椒絲腐乳通菜仍唔錯,主角油泡班球,哇!魚肉真夠彈牙,碟底無油,味道鮮而不膩,鑊氣足,師父火喉控制恰到好處,與多年老友把酒言歡,海風輕拂,好不寫意!足足喝掉六支喜力,惟一無帶蚊怕水!呵呵!一定再來~油料錢加一個通菜同六支喜力才三百多元!超值!太超值!