新金湖海鮮酒家

營業中

休息中

難得去一次長洲， 本來諗住食海鮮， 好揀唔揀揀著呢一間， 價錢係抵， 味道普通， 佢話每枱送一碟菜， 結果等足45分鐘， 我同隔離枱都催足9次…… 態度勁差， 一定唔會有下次， 如果唔想送可以唔好送， 好似我哋係乞兒咁， 要求佢畀碟菜我哋咁， 難得一次來長洲嘅雅興畀佢掃曬， 極度唔開心， 而且係人都同你講國語先， 呢樣都算， 我用字正腔圓嘅廣東話答佢， 總之就一定冇下次！

天朗氣清，全家坐艇入長州遊玩。到達長州碼頭，已是正午時分，要找個地方午餐。碼頭沿岸，有多家海鮮餐館，都是在路邊設置枱椅，搭起帳篷遮住陽光。無奈不知道各餐館有何分別，只好按餐館的客人多寡來判斷。這家的客人比較多，而店門佇立的餐牌，價格尚可接受，大家就在此午餐。在有蓋帳篷，其實是路邊的戶外座位，上方有風扇，吹呀吹！！又來到最重要的環節：點菜！　2-3人套餐，限定某几種菜式，卻不是家人喜歡的菜色。而超值多餸任選系列，有多款海鮮和小菜，反而更實惠。每人點一份，選了3款198元，再加其他食物。油鹽水粉絲浸蜆　　　湯內有菜頭，唐芹，蒜子，少量粉絲。湯底味道較清，胡椒味不重。蜆不算太大，但足以變為筷子托。　蜆肉不太新鮮，而且有沙。幸好蜆的數量不少，整個碟子都放滿蜆殼了！如果粉絲數量再多一點，就可以連湯都飲埋。    豉椒炒蟶子　有芡汁的蟶子！蟶子呎寸不大，可是肉質不霉，尚算爽口。蟶子肉已除去黑色的東西。由於豉椒味不濃，反而突顯了蟶子肉帶有甜味！　但豉椒汁很濃厚杰身，是否勾芡而成？   鹹蛋蒸肉餅　　　肉餅碎濕濕，不起膠＝無撻過！　就因為碎濕濕，不粘碟，無需太用力，就可以分件，肉餅撈飯一流。母親大人表

完全中伏，嬲到我要寫食評。佢d分量小到可憐，10隻蝦毛仔仲要去邊。等得又耐，店員服務又超差。真係一肚火，去唔去大家自己諗。以前去過附近兩間都冇咁少，直情痴x線。

秋風起，又系時候郊遊的好季節。今天一家大小，共四人行入長洲食海鮮。到達後，沿路有一排排的海鮮檔，中午時段，眼見這一檔海鮮餐廳特別多人吃，就碰碰運氣入去試一試。餐牌有分冰鮮及新鮮海鮮，一場入到來，當然要試一下新鮮海鮮。我們叫了一個二至三位用的套餐B，再散叫甜酸骨。首先來了一碟椒鹽賴尿蝦，大碟份量多，夠鑊氣，野味可口。再來蒜蓉粉絲蒸蜆貝，蜆貝很大隻，夠新鮮。之後再來清蒸鎗魚，新鮮不是冰鮮，肉質滑，蒸魚時間剛剛好。再來老火湯及時菜。最後散叫的甜酸骨，竟然有驚喜，汁甜帶少酸，排骨外脆內滑，送飯一流！誤打誤撞之下竟然搵到一間抵夾新鮮的海鮮餐廳，坐入面仲要有冷氣，下次去長洲可以試一試吖甜酸骨 ... 海上鮮！

星期六一早起床，天氣十分好不如去長洲走走影下相，吹吹海風悠閑一下，然後再食食海鮮，心動不如馬上行動，Go Go Go油浸筍殼魚 - 油浸筍殼魚(自帶材料代加工）筍殼魚開邊油炸，外皮炸得酥脆脆得連骨都可以食曬，魚肉卻嫩滑無比，一脆一滑實在妙再加上香葱和鼓油的調味即時食慾大增椒鹽瀬尿蝦 - 椒鹽瀬尿蝦(自帶材料代加工）瀬尿蝦煮得火喉十足味道微辣鹹香惹味，肉質彈牙實在無話可說西檸煎軟雞 - 西檸煎軟雞酸酸的西檸味帶微甜十分開胃醒神，軟雞炸得香脆肉質嫩滑有肉汁清炒時菜 - 清炒時菜大大碟味道十足

入到長洲當然要搵海鮮食，一家兩大兩小，因為有電視視，小朋友就要到這間店吃。天氣太熱想坐冷氣房，最初小職員唔想，到問了似大家姐的職員後就安排我地入裏坐。首先攞咗份兩百至三百幾有幾款的餐牌，但職員話這款餐的海鮮是冷鮮，所以推介我地吃其他海鮮套餐。我地叫了一個四個餸，另外一碟炒蜆同椒鹽九肚魚。最好味係我地自己另外叫的兩款海鮮！瀨尿蝦味道雖然很好，但每隻實在太細，食時很辛苦才可拆開肉，所以最好唔好叫這個菜！而扇貝味道都好好，但唔知點解肉太痴，阿女都扯了一輪先食到！哈哈！六歲細女因為不食辣，一個人吃晒成條魚！證明條魚應該係好吃！阿女自己話點魚的豉油好好味！還把豉油撈飯吃！

入黎長洲食個海鮮餐，食完今次唔會有下次。差唔多$60碟餸，雖然係海鮮，但份量少到咁離譜左D囉。椒鹽鮮魷算唔錯，份量都算接受到。蝦感覺唔多新鮮 仲好細隻。總括黎講3碟餸食完好似無野落肚，仲要收茶錢埋單$184，一肚氣。我唔識欣賞呢度既海鮮餐，亦破壞左長洲食海鮮既定律。

一班人到長洲度假玩兩日，為的都是食返餐地道海鮮，一行六大一小，就揀左海鮮檔最後一間黎食有套餐同散叫，我地想最終揀左個8人餐，因為店員話套餐份量較少，可以揀多人既餐食多d海鮮都抵，叫左個8人餐加個菜椒鹽九肚魚，外脆內滑，好鑊氣豉椒炒聖子，豆豉芡汁調味岩岩好，豉椒汁讚白酒煮螺 ok魚香茄子煲，好味，鹹魚香濃，入口後有紅辣椒的餘辣蒜蓉蒸蝦-始終係套餐，只有細隻的開邊蝦，每人一件就冇哂啦，味道也是不錯的咕嚕肉，皮脆肉嫩，炒的乾身，每舊都有肉食，好味總總括來說，幾百蚊嘅價錢可以食到呢啲海鮮，都算是物有所值的

叫左三個菜$168椒鹽鮮魷、腐乳通菜、豉椒炒蜆味道算唔錯，有啲似茶記個種味，上菜快，但啲菜量比較細碟，如果多啲會比較好。招呼幾好，相比起隔離個啲鋪。事關我係俾隔離個間「蘇X記」啲服務激親即走轉過黎食呢間。價錢方面，對於係長洲大街黎講，算普通價。位置其實唔算好，因為佢係大街最後一間，啲客俾第一間搶晒但味道我敢講呢間一定好過第一間，呢點大家要留意，唔好俾第一間啲甜言蜜語所吸引，佢會用送菜送湯做賣點，但其實送唔送都無所謂，成條街既菜都差唔多公價咁濟。有心想食好少少記住行後少少。

鄉村式的飯店 廚房師傅手工一流食出道地嘅風味 有街道村味， 來料加工便宜，又有特式海鮮套餐， 有呢個椒鹽九肚魚 椒鹽鮮魷 清蒸海鮮 魚湯 海鮮豆腐煲 清蒸帶子 豉椒炒蜆 價格相宜，海岸的微風道地色彩熱鬧， 遊人如鯽

order 4样菜，结果来到我面前时，吓死我，我以为自己看错，那些东西小份到.......，那些螃蟹和虾好像刚刚出生那样，味道也不怎么特别好吃，又要做优惠但是好像找人笨那样，以后我再也不会再来这里

難得同老公放一日假入到黎長洲，當然要食下海鮮啦！今日就黎到朋友介紹的新金湖海鮮菜館試下先，今日天氣好好，就先點左一枝啤酒先，然後我地就睇餐牌，選擇了一個價錢$238四個餸既餐。首先嚟咗椒鹽九肚魚，九肚魚炸得香酥，鹹度適中，配上喼汁，令人吃不停口再黎鼓椒炒（聖）子，香濃帶微辣的鼓椒汁配上（聖）子簡直一絕，可惜。。。。聖子很瘦小，未能有啖啖肉的口感。最後蒜蓉粉絲蒸扇貝，剛剛蒸好熱辣辣，充滿蒜香，不過有點略油。最後埋單302,也算是一滿足盡興的一餐

初秋的早上天氣清爽，便心絲絲好想入長洲行下，食下海鮮。記得有個住在長洲的朋友告訴我，他們會來這間新金湖海鮮酒家食小菜和海鮮，所以聽他介紹決定來這間店，自帶海鮮到這店加工，我們買了賴尿蝦，扇貝和花甲香蒜賴尿蝦 - 味道適中油泡時間剛好肉質鮮美蒜茸粉絲蒸扇頁 - 蒸的時間剛好入口嫩滑豉油落得準確不會過咸花甲勝瓜豆腐湯 - 勝瓜和豆腐完全吸收了花甲的味道西寜軟雞 - 師傅把雞炸得十分鬆脆，雞肉嫰滑西寧汁酸度適中十分開胃真的樣樣都十分夠火喉下次去長洲又可以再來吃個痛快

入長洲絕不能少了吃海鮮的環節！餐廳提供唔同既海鮮套餐，勝左夠平！椒鹽薑蔥炒蟹好入味，但鑊氣略有不足！蟹既size唔算大，但還可以接受，肉質實淨夠新鮮！炒蜆夠辣夠惹味，蜆肉冇沙，過關魷魚酥新鮮熱辣炸起好香脆，但粉醬比較厚，略有不足！

失望失望，山長水遠入到長洲食海鮮但無瀨尿蝦皇、無蟶子皇、無東風螺！好采剛才食左碗麵打左底啫，兜左兩個圍搵靚海鮮，好睏唔想再行喇，是但坐底。勁爆囉，等左陣仲要搭枱。薑蔥炒泥蟹，想食大蟹，但侍應嬸嬸話 one size 全部跟我手掌心差不多大乍，無都無辦法，蟹仔就蟹仔啦。鑊氣欠棒，撈出黎一樣。太細仔無咩肉食又無膏，咬到好多殼碎呢。蟹肉都鮮味滿意既，薑蔥味突出，合格。豉椒炒蜆，只有一種蜆，size 真係強差人意，偏細。好明顯飛完水先再炒，不是生炒呢。鮮味、蜆味、蛋白質全部流失，無味蜆。芡汁厚而杰又唔熱，只有甜甜豉椒味！烚熟再兜返個芡搞到過熟，質地橡膠一樣，無鑊氣都好正常。蒜蓉粉絲蒸扇貝，又係得 one size，仲係 BB 大細。薄衣衣好切無左半咁，真係片走左半隻？滿口蒜蓉，蓉味特濃，吃不到帶子呢。白灼活墨魚，我本想食活墨魚刺生，但侍應嬸嬸話太忙，廚房師傅唔做喎，話晒我都係遊客都唔肯。活墨魚無得頂，全晚唯一好食！鮮味出眾，墨魚味香甜，沾上清蔥蒸魚豉油將鮮味帶到更高境界，脆彈、嚥韌既混合體，好味！食少少算喇，想食既都無，返上水串燒妹補補飛食海鮮先可以按撫到我既心情。