新釗記 (已結業)

忙了兩天，午餐出外吃，到了新釗記。對這食店的印象一向不差，常喜歡吃湯粉麵。是日來點新意思，叫了豬手水餃撈麵，飲熱好立克。不消一會兒，伙計便把食物捧來，好大的一碟麵。豬手有兩大塊，夠腍、不錯。水餃有三粒，菠菜餡。麵有一種奇怪的味道，請男友幫我試一口，他說是簡水味，而且十分重，要沾過湯或加醋再吃。最後，我只吃了三分一就沒吃了。接著一整個下午，我的胃一直感到不適。

我同媽咪剛食完雲吞麵，仲未飽；記得灣仔有條食街蘭杜街，街名好易記，因為與難度同音！呢條街有日式、西餐、港式、新加坡口味..... 任媽咪揀，最終選擇<新釗記>。<新釗記> 係港式茶餐廳，相信食物啱大家口味！叫咗一碟：XO 醬豬扒炒烏冬 $38 share 嚟食！聽起嚟好似幾好食， 不久，一大碟炒烏冬送上枱。起筷！ 豬扒 - 比想像中差，又乾又嚡！ 恐怕係返兜貨色！烏冬 - 起碼食落無酸味，炒得幾有鑊氣幾乾身，夠入味！熱好立克淡奶夠多，只係一大堆好立克粉喺杯底，都 OK 嘅。

十月上旬‧晴在開始全面加碳之前，要給自己適應一下，這個朝早，來個「小碳」。來這裡，本想吃生滾粥。但見即拉腸粉也十分吸引，就要了碟叉燒腸。腸粉夠熱，也滑，不過叉燒切了粒，吃起上來便沒有什麼口感。還好，個醬油味精感覺不太嚴重。熱咖啡香濃，這裡的港式咖啡，是很有水準的。

好耐以前曾經常到這間新釗記開飯, 一向覺得d炒嘢唔錯! 但就奇怪响開飯之食評麻麻?試過好多間茶餐廳嘅 鮮茄牛肉飯炒底 $39, 還是覺得呢度炒得唔錯, 蕃茄洋葱炒得入味, 酸酸地, 幾開胃! 炒飯底亦粒粒出色, 小公子食到舐哂脷! 大公子反而鐘情呢度嘅干炒牛河 $35, 顏色雖淡了些, 但味道唔錯, 炒得幾乾身! 價錢亦相當合理! 夜晚這區不是太旺, 所以多數都有位, 又唔駛迫, 係OT完醫肚嘅首選!

新釗記曾經有不錯的過去...........但近年老板似無心再戰..........招呼差不用說...食物水平每況愈下.........昨天下午不多客人...我與朋友坐了半小時才有人招呼...再等半小時才端來一碗雲吞麵....唉....湯淡麵鞋雲吞死實.......下次去隔壁味皇算了.................

因為本人向附近番工,所以經常來呢到食野我認為呢到d奶茶向呢條街算係數一數二,不過....呢個月加左價之後就冇左黎過了($15一杯奶茶)食物方面認真一般!同埋價錢比較貴(茶記黎講)但向呢頭黎講算係食得下,因為格離果幾間仲衰....!!

和男友逛完expo，在人海中找一個地方食飯，就去了這間茶餐廳，不過位置是在軒尼詩道。我倆點了雲吞麵和皮蛋瘦肉粥。雲吞麵麵的鹼水味都蠻重的，但雲吞內的蝦很爽，這是想不到的。皮蛋瘦肉粥就很普通，皮蛋很少，不太足夠。所以我食了沒一半就和男友換來食了。一般茶餐廳水準，一食完就要走，因為有人在身邊等著。

我0係灣仔反工, lunch通常都叫外賣, 試過叫兩次新釗記, 兩次都係叫牛腩撈面, 第一次叫0既時候order左要辣椒油, 結果送到黎係無0既, 我就打電話叫佢如果送開0野就補反比我啦, 佢已經ee呵呵, 又話唔關佢事, 係pack野果個0既問題! 結果都送反過黎, 咁好啦, 無事! 今日再叫過外賣, 我特登講得好清楚記住比辣椒油, 結果送到黎又係無, 已經唔係第一次, 我打電話去問, 佢就發爛, 話唔係佢錯, 又話繁忙時間, 仲話我叫d0野冷門(唔係下, 牛腩撈加辣椒油都叫冷門???) 我同佢講唔係冷唔冷門0既問題, 佢都唔洗同我講唔係佢錯, 我只係要一個解決辦法, 佢竟然話"你以後唔好叫啦!" 跟住cut線!!! 我火都黎埋, 以後唔叫就梗架啦, 但係佢d態度真係離晒大譜, 我打反去叫佢一定要補送過黎, 佢先搵人拎過黎! 大佬, 唔食辣椒油唔緊要, 問題係你兩次都錯, 仲要惡人先告狀! d野食又唔係好好食果隻, 仲要咁0既態度!!!!

我響附近返工，所以不時都會幫襯佢地，總結不過不失啦。覺得佢地粉麵幾好食，首推牛腩，夠夠入味，不過唔知點解牛筋極多，牛腩得一兩件；不過水餃同墨丸只係一般。茄蛋治都OK，但佢地三文治無落牛油，食落就覺得乾爭爭，但對於想keep fit的人或者係一件好事。炒粉麵好足料，都食得過的。美中不足的是價錢略貴，而且服務態度唔太好。

叫了雙丸撈麵. 唔得的. D丸只是暖. 魚旦好腥, 吐了出來. 好難吃. 若隨便吃些東西當一餐的話這裡也是來得過的.$26 incl drink 凍飲+$2

返老鄉回港後的第一出外餐，便是這裡的港式茶餐廳。牛腩撈麵＋凍啡：牛腩韌得很，有些更費牙力咀嚼，但給小量的牛筋挽回不少分數，勝在夠入味；腩汁用來撈麵，增添食慾。午飯時間的蘭杜街，周遭食肆人潮爆滿，這裡講求的是一個「快」字：落單要快、呈菜要快、吃飽要快、付錢要快．．．服務卻是零；若以三十塊錢吃這個餐，我覺得頗不值。回想老鄉四十多塊錢食翅、五塊錢午飯、三塊錢早點，已算是很「豐」的一回事。

tea既時候有時同d 同事一齊稷幾好呀d drink係好掂好夠味一般茶餐廳有既佢都有service幾殷勤架都幾舒服