新雅苑餐廳 (已結業)

點咗豉椒排骨炒米, 焗肉醬意粉.優點:1, 主角紅白湯仍然咁正, 白湯夠濃郁, 紅湯有甜味有酸味有辣味, 唔似其他餐廳嘅紅湯咁單一味.2, .....數唔出添, 唉.... 所以近期已經少黎幫襯....缺點:1, 冷氣仍然不足! 只係開風扇邊有用呢?2, 豉椒排骨粉米味道偏淡, 排骨無哩味道, 而且份量偏少.3, 當食緊個清清淡淡嘅排骨炒米嘅時候, 突然殺出一碟咸到核爆嘅焗肉醬意粉, 即時由天堂打落萬丈地獄, 咸嘅原因來自肉醬, 食一啖包你即時開聲可以去高山劇場唱大戲.唉.... 連 OK 都俾唔落手囉....

點咗兩個套餐, 一個雙花蝦仁鮮魷, 一個香煎土魷肉餅, 紅湯兩個, 白飯兩大碗!紅湯 : 味道有少少辣, 雖然唔夠正宗無牛腩, 不過對於要少食牛嘅我就啱哂啦! 最可惜味道更濃郁更正嘅白湯無提供.雙花蝦仁鮮魷 : 雙花原來係西蘭花同椰菜花, 蝦仁同魷魚新鮮彈牙, 但最大問題係不論西蘭花定椰菜花, 蝦仁定鮮魷, 都係完全無味! 唔通忘記落調味?香煎土魷肉餅 : 外面煎香, 內裡肉嫩, 份量卻偏少, 將多出黎嘅豉油轉落雙花蝦魷,即時變得惹味!近期比較少去新雅苑, 原因係不論紅白湯定小菜, 總係油份過多! 另外餸菜份量又偏少, 冷氣又唔夠, 所以轉埸鳥

今日晏晝經過土瓜灣附近，匆匆忙忙食個下午茶，去咗呢一間叫新雅苑嘅餐廳，鋪頭冇華麗嘅裝修，典型嘅屋邨茶餐廳，叫咗個沙嗲牛肉包加杯熱茶走，食物尚算OK，正常茶餐廳嘅水平，匆匆忙忙一餐算係唔錯。

嘢食都未食完 就趕住收人哋啲碗幾次， 個碗仲有大量通粉同埋兩隻雞翼未食 ，我hold住隻碗唔畀佢收， 個侍應姐姐同我講， 一碗嘢食幾個鐘， 非常冇禮貌， 俾錢食嘢仲要受佢氣。 當時茶餐廳有一半座位仲係冇人坐。 道理何在？ 我只係坐咗喺度半個鐘頭就被人猛咁收碗，完全唔係服務人。我趕時間去食老麥，點解要去 茶餐廳食晚餐先？ 啲侍應唔想工作 就炒咗佢啦，唔好比客人受氣。 人哋畀錢入嚟食嘢，鍾意坐幾耐就幾耐。唔想人哋坐咁耐，自己寫明唔可以坐咁耐啦！

計一計，幫襯左新雅苑四年鳥....從外面睇，普通港式茶餐廳一間，的確，佢d野食同一般茶餐廳無咩大分別，無咩驚喜，甚至有時份量少d同重手左添！飲品又鬼噤細杯！但係我仍然幫襯佢，原因係個湯！好彩的話，佢會有三款湯提供，中湯，白菌湯同羅宋湯。我係西人，少飲中湯，中意飲西湯，對中湯無咩評價，對個西湯滿意係因為兩款西湯都夠濃夠味，唔似其他餐廳d西湯好似水噤鬼噤淡！由於兩個西湯都好好味，我都會叫齊兩款湯，如果有的話都唔會托手踭！最後，價錢同環境一般。

新雅苑餐廳剛剛裝修完，當然要來到試試吧，裝修後既新雅苑比以前有更多摩登陳設，而且有部全新既液晶電視，方便茶客電視撈飯，天花板也重新用白油油上，感覺更乾淨整潔。新雅苑既下午茶有好多選擇，除了薯條、西多士等小食外，也有米線、焗飯等選擇，我則叫了一碗雪菜肥牛米線，連凍飲只需 $30 ，但食物既賣相及味道就有點令我失望，米線無蔥花或炒蒜等伴菜，肥牛好少但雪菜好多，米線咬落有點硬好像未完全煮熟，湯底更加是淡而無味。至於凍奶茶就幾濃奶味，但就冰太多，好快飲哂。

我都係土瓜灣住左兩年，因為附近食店不多...所以差不多每早都去雅苑食早餐，有時放工都食埋晚飯。唉~~~ 老闆加完一次，又加一次價。我都明白物價上升，又最低工資。但係總括來講...食物係越來越差勁。大佬，您加一次多2蚊，加一次又多2蚊。KITCHEN 佬炸完D吉烈豬又唔隔吓D油，就咁上碟~!大佬，您個早餐$27蚊架...仲知吉烈食物就成碟油啦~! 餐廳環境... so bad.... 這兩年來，越來越 Dirty，時時都有一些 "up" 味咁 牆角又有dirt~! 我只係知道有兩個亞姐好幫得手... 我最唔 like 就係個 "肥妹"，以為自己係親戚就時時懶懶閒.... 又冇禮貌。唔係您家姐開嘅話，一早比人炒左九世~!! 有時，早上得番一個人係樓面..落單，執野，收錢..... 所以，宜家早上小左好客仔.... 最後，我要講一句.. "肥佬闆，唔該您唔好將自己生意下跌就賴落d 員工到~!! 係您 d 食物越來越唔OK，又係咁加價，所以先攪成咁~!!" 反省吓啦~!!!

Today i experienced really non professional bad service from one of the workers at this restaurant and probably will avoid ordering from here in the near future. Firstly, if you don't want to take a customers order you should just tell them if the situation is too busy in the restaurant instead of just giving bad attitude in person or rushing the customer to answer the door within 1 second which is impossible and unreasonable. As a customer who often orders from this restaurant, i've had extreme

五月下旬‧炎熱！天氣非常熱，要找個地方舒舒服服的坐下工作也不易。這一區沒有SB及PP，見這裡有卡位又有電視，就進來幫襯。要了個豬扒包餐，包熱，比豬扒還要好吃。熱咖啡幾香濃，滑身又不酸不苦，還不錯。在這個天氣最緊要還是空調夠涼，這裡就是了。

這間雅苑係土瓜灣都有一段日子, 起碼我細細個就見佢係道. 以前既雅苑算是一間不錯的西餐廳, 食物價錢比較貴, 不過質素廷好的. 不過其後相信轉手幾次, 質素下降之餘而價錢還是比較貴, 鋪也縮了一半, 伙記態度茶餐廳得很. 跟churchmates 一起去食lunch, 叫了午餐b, 有湯, 有洋蔥雞扒伴薯菜, 凍檸樂. 我問佢凍飲要唔要加錢, waitress 話唔洗, 問佢地可唔可以叫檸樂, 佢又話"可以, 點解唔得"... 我以為又唔駛加錢. 最終兩樣都要加錢... -__-.. 話說回來, 食物好一般, 杯檸樂d冰多得很.. 如果唔係咁近都唔黎.

踢波前食番餐,趕頭趕命.叫個set dinner,有餐飽,羅宋湯,主菜,甜品及飲品,主菜為帶子雞扒飯,所謂"帶子"實為雪藏假帶子,用魚肉所造,不知所謂.雞扒算ok,但肉質仍然非常硬.配菜之一o既白菜直情有陣"叔"味,痴線,主菜整體質素低劣.難頂!

將茶記加餐\廳再除二，就是雅苑的定位，這裡有全日供應的一丁麵餐\，但也有紅酒侍奉，有電視睇，但也有上花瓶插著的玫瑰，更奇怪的，是有些餐\要加一，有些餐\不用加一。打開餐\牌，對豬、牛、羊扒一概不作考慮，然後麵餐\和中式的即炒粉麵亦不考慮，剩下的差不多只有小菜套餐\和焗飯餐\。我點了鮮茄焗帶子蝦球飯，女友則簡簡單單點了海南雞飯。首先上的是跟餐\的羅宋湯。味道調得很好，很正宗，再灑上幾滴辣椒仔，very good！主角焗飯非常燙口，汁和料舖滿了整碟飯，賣相唔錯！汁好似淡o左o的，蕃茄又好少，但蝦同帶子就幾多，蝦好爽口，但冇乜蝦味，帶子係”人造帶子”，不提也罷！炒底的飯乾了點，其實我個人食焗飯唔係咁鍾意炒底，因為多數都焗晒o的水份出黎，好乾身。另一主角海南雞值得介紹，肉質很滑又有雞味，唔肥，就算最鞋口的雞胸肉都滑，而份量都幾多！但碗油飯就唔係好得，有少少生米之餘又唔夠香~埋單$103，整體不過不失啦……

忌廉湯- OK.焗石班意粉- D石班完全唔掂...無味!什菌雞扒飯- 雞扒有D唔熟, 又係無味(雪藏野你咁上下), 之後叫佢換個碟.餐茶仲有小昆蟲附送添!!!茶餐廳格局, 又唔好食, 每人要三十幾, 都幾貴!

呢頭無乜靚餐廳, 呢間都算係有D class街坊豉油餐廳, D卡位好闊落, 同埋好乾淨! 焗飯係穩陣選擇(仲好多花樣tim!) , 海南雞飯都幾受歡迎(不過雞同飯好多油!), D扒50零蚊個, 味道好過X王之王, 又唔洗排隊, 幾好丫!