新高麗苑韓國餐廳 (已搬遷) 新店位置

性價比超高既午餐60蚊就有一份豬肉 牛肉 雞肉 墨魚仔開頭以為只係飯加一份肉叫左份雞同牛肉上菜係咁驚喜既份量雖然有寫有湯有配菜 但配菜既份量係絕不少擺到成枱都係 一份配2個配菜 有菜 豆仆 粉絲 芽菜佢係隨機分配的 其中一個配菜韓色炒粉絲 味夠 好好食 胡椒湯好醒胃 如果冬天飲應該會暖笠笠牛肉份量亦不簡單 亦相當好食 惹味 亦吾會硬 送飯一流 最後仲有甜品送 係喱哩 食完咸野食番甜食 真係性價比超高 又好味又大份既午餐而且大眾既價錢下次再試麵

The food choices were limited around 15 only and the cooked foods were cold, there were no desserts and they ran out of rice to serve. There were no drinks aswell. The $604 we paid was not worth it

今日同朋友食午餐，便去了座落灣仔駱克道的新高麗苑韓國餐廳。我們點了2個姜酒煮飯泡飯$60/碗及1個豬扒飯$60，另收加一服務費，合共：198。午市套餐包開胃前菜、牛骨湯及甜品。牛骨湯：香濃姜酒煮飯泡飯：雞，骨🦴比肉多豬扒飯：豬扒甜甜的，飯香軟。甜品是啫喱：甜度適中性價相當高。

同唔同公司嘅朋友們食個lunch，叫左3款唔同嘅野一齊試，套餐包牛骨湯，飯同甜品諗住叫好晒野食慢慢等佢地到，點知好快就上菜～前菜6小碟～（4個人）可以同侍應講你想要咩，我鐘意豆腐卜同薯仔～泡菜辣湯～有海鮮，味道ok～什錦飯X2～可以叫侍應俾埋韓式辣醬拌飯。3款入面，我地最鐘意食哩個，好彩我地叫左2個！推薦！牛骨湯幾重胡椒味，味道ok～牛排背套餐～有4-5塊牛排骨，又淋又入味甜品係啫喱（唔記得影），係細個自己係屋企整果種

經過越南餐廳天與地既教訓，我都係要保持番舊作風，食多幾次同一間餐廳先比評，如果唔係又會被fake左....呢間餐廳成日泥食，食品都無乜進同退食物質素比較穩定，都係午餐飯堂。平食韓國野同樓上間韓國野一樣都係有前菜小食，個人比較喜歡食薯仔個樣，小食仲有一款魚仔可以叫佢換，一般泥講呢到食飯一定係超飽，多數食唔曬。「韓式雜錦飯」無去過韓國唔知韓國係咪咁樣，都係一推前菜放埋一齊咁樣，味道正正常常都係叫多個選擇食餐，必定飽肚仲有碗湯飲下味道都ok係你食緊飯就會上比你既啫喱，小甜點還可以。午餐$60-70 坐既地方都算舒服唔迫，還有如果唔想比人趕你可以食慢d既。總結打工仔一拿365日都要食午飯，有時真係諗到唔知食乜，有正正常常飯堂坐得舒服食餐飯就算。

今天8個同事一起食午餐，同事選了好耐無食的韓國餐廳，這間離寫字樓有一段距離，要行大約15分鐘。好彩同事一早去取位和下單，所以坐下便有得食，不用等。其實都好抵，有湯，前菜，主食，飯和甜品，好味又不太貴。

每次有時間可以慢慢吃飯，又想食放題，又想食韓燒，便會到此光顧的了。喜歡這裡有舒適的位置，兩個人也有一個大卡位。每位的價格大約是$250元，所有食物都是自助形式任取的。包括多款肉類，其中肥牛和醃製的豬肉都是值得一試的選擇。另外亦有大量蔬菜如茄子，栗米，菜肉瓜等，金菇肥牛也是其中一項心水推介。店亦提供生菜和蒜片，辛辣醬供大家包烤肉吃，跟足韓燒傳統。配菜方面有約十種，麻油菠菜是必吃項目。它亦有提供壽司，糖水，炒飯，熱湯，西瓜，啫喱等甜品，麻將雖少，五臟俱全。

唔知食乜好，朋友就提意這間抵食的港式韓燒。這間餐廳雖然價錢經濟，但係食物種類都算多。有各式韓國泡菜，三文魚刺身、甜蝦壽司。各式各樣的燒烤㷈肉，肥牛、牛舌、豬頸肉、豬腩肉等，種類繁多，很適合食肉獸。海鮮方面，有青口、多春魚、蝦、魷魚、墨魚仔等。蔬菜方面，我就鍾意燒翠玉瓜，同埋各式各樣嘅菇菌類。餐廳亦有提供水果，有大大件西瓜，好啱燒完嘢食清熱。甜品方面有中式蕃薯糖水同埋湯圓，都叫做有甜品食。各款食物質素普通，味道不過不失，係經濟嘅選擇。

今日去了這間餐廳食lunch, 基本上一點鐘去到都不用等位，直接入得😂而且上菜速度超快我最喜歡它的牛肉和蛋包魚，每次去，都必叫在這兩碟餸😍😍其實都幾抵，每個lunch set有一個主餸，兩碟小食，再加一碗飯同一碗湯，越多人去食，小食就愈豐富😊👍👍

平日好少去灣仔,今日去灣仔做完d嘢，就喺灣仔食埋嘢先走，今日揀咗去食韓國燒烤放題。佢係屬於港式嘅韓燒嚟嘅。我哋同朋友一行四人，響自助吧度拎咗好多嘢食埋位燒，自助吧嗰度啲選擇都好多款式,我哋主攻海鮮，拎咗好多海蝦，多春魚，墨魚仔，魷魚鬚，青口等等，牛仔骨，牛肉，雞肉，魚柳，樣樣齊。仲有蔬菜類，冬菇，粟米，翠玉瓜等。另外，自助吧亦有三文魚刺身壽司等等俾人選擇而且仲有啲熟食嘅。甜品類有幾款糖水，有幾款生果，特別鍾意西瓜，食完啲熱氣野，食番啲西瓜，感覺好舒服。

早早訂左11個人,但係佢D枱得6 OR 4 ,所以我地就分左66兩張枱坐,仲要係前後,真心唔方便,只可以同同圍同事傾~食物種類都算多,但飲品就要額外收,同埋開瓶又收30蚊~拎左幾塊三文魚,發覺佢原全無味,無魚味,無腥味,食左一塊就唔食,怕怕~圖中心三塊係羊架,唔會好SO,燒起黎肉好甜,多汁!值得一提係佢地既蝦係去曬頭同SO,方便食,同埋D蝦好彈,所以OK另外,估唔到翠玉瓜燒起黎鎖汁同埋入面好林好好味既仲有由魚,好彈牙,好甜你會見到燒燒下中間好黑,記得叫人換板~最後食埋個雪糕,原來係香港製造,好難食,無雪糕咪,

呢間老牌子餐廳，一向印象唔差既中午黎食個飯，入到黎個侍應都未坐低就問係食咩決定咗未，講咗話未坐低等等先，隔兩秒再問，我話有咩食，佢又唔講，打開第一頁睇，就話唔哂睇後面，得呢度，呢度咁講係feel唔到語氣既急趕同埋無禮貌既, 之後問咗句睇一睇先，佢行開兩步就番轉頭問你想食咩。之後選咗個煮豬肉午市套餐。個點菜喺客人角度黎講，就疑惑d既，可能期望係俾三分中等等，而成個場12點大把位，真心諗緊係咪作為客人好怠慢，無既都好耐歷史，懷舊下佢既泡菜同白菜仔，以前既正宗既綿綿白飯都無咗了。午市60蚊，灣仔尚有選擇，大伙人另計啦～～～ 總算食咗餐好趕既lunch, 食物質素正常發揮囉

係韓國餐廳唔係食韓國菜真係第一次👏👏當你諗緊食咩嘅時間，waiter係咁推薦你食饅魚飯。心諗黎呢到食當然想食韓國菜先黎架啦，推薦我食日本菜咁我不如去食日式嘅餐廳。然後黎到嘅前菜，我以為我去左酒樓。前菜係唔會主動有泡菜比你，會有豆乾，咁仲唔係去食緊中菜😡😡

同朋友出灣仔 平平哋嘅茶餐廳都好多人所以轉戰韓國嘢一入到去 都仲好好問我哋幾位同帶位食物都上得好快 而且好樂意幫我哋換配菜食食下 我想去toilet 就係袋拎包紙巾起身出去個侍應好似驚我走佢數咁 即刻企係我前面唔俾我行 我話要去toilet佢先行開但明明我朋友同個袋都係個位度 佢驚乜嘢呢？好啦去完toilet返返位 間餐廳就分兩邊嘅由於我第一次上去食 人生路不熟 一出去行咗去另一邊 嗰時我已經知個侍應𥄫到我實一實之後我發現我行錯路 就轉身行 個侍應就話「係囉你唔係另一邊架咩」（好無禮貌嘅語氣）我話「係呀我認唔到路」之後佢個眼神好似好古怪咁自問自己做過服務業 亦明白lunch hour好忙會做到燥 所以我都會唔該前唔該後但真係第一次有種俾人當係食霸王餐嘅感覺去個toilet啫 唔係犯法下嘛？

好耐冇食過韓式料理，位置旺中帶靜，上到去唔算太多人，即刻安排坐位點餐，3個人送上6款餐前配菜，味道有點驚喜，即刻食指大動。3個餐，配6碟配菜，牛骨湯同白飯，最後仲有啫喱甜品，味道唔錯，配菜都好好味