影片
港鐵黃埔站 A 出口, 步行約3分鐘
繼續閱讀
電話號碼
94987344
開飯介紹
其特色湯底和新鮮食材深受食客歡迎，特別是招牌花膠雞湯鍋更是一大亮點。湯底採用古法精心熬製，把花膠與雞肉的精華完美融合，香濃郁而不油膩。
繼續閱讀
營業時間
今日營業
12:00 - 16:00
17:30 - 23:30
星期一至日
12:00 - 16:00
17:30 - 23:30
以上資料只供參考, 請與餐廳確認詳情
有關獎賞計劃
2024年12月17日 星期二今晚約左幾個舊同事喺黃埔食飯，之前無諗定食咩，決定一齊周圍行睇下有冇餐廳推薦咁岩行到黃埔天地就見到呢間餐廳，做緊四人餐優惠，海報上面有勁多嘢食，即刻俾佢吸引咗入去，反正我哋就係四個人啱啱好入去坐低咗見到除咗四人餐之外，仲有好多嘢食可以揀，甚至有抵食孖寶提供優惠價食到兩款唔同嘅食物添等咗一陣前菜就首先送上，有涼拌海蜇，海蜇整得幾爽口，加埋麻油一齊食幾開胃，仲灑滿白芝麻添之後有刺身拼盤，每一款刺身都好新鮮，特別係牡丹蝦，冇諗過會咁大隻，而且肉質夠晒彈牙，仲有象拔蚌刺身同帶子添，咬落去好鮮甜終於輪到火鍋登場，我哋加錢要咗花膠雞湯，嚟到嘅時候見到個湯底真係落足料，除咗有好多雞件之外，仲有唔少花膠，令到個湯底好濃郁，充滿骨膠原，雞肉都好嫩滑食物都開始陸續送上，擺到成張枱都係，冇諗過咁豐富！！呢個係水飼豚梅肉，紋路好清晰，每一塊都切得好平均，淥咗一陣就已經熟晒，食落一啲都唔韌配料方面仲有鮮蝦韭菜餃同鮮蝦水餃，每粒都好飽滿落足料，咬落去真係大大粒蝦，而且餃子皮好薄跟住有新鮮白鱔片，切到好薄，淥一陣都已經完全熟透，肉質爽脆，雖然有魚骨，但都好易咬得到出嚟之後有本地鮮乳龍蝦，睇落去唔算好大隻，不過肉質好飽滿，而且咬落去鮮甜，仲有龍蝦膏添最後當然唔少得本地手切肥牛，切得好靚，完全見得到脂肪嘅比例好平均，淥熟之後肉味好濃郁，打邊爐真係唔可以冇咗肥牛！！埋單每人三百幾蚊左右，真係食到勁飽，冇諗過唔係任食都可以食到咁滿足！！
繼續閱讀
新鮮圍煮抵食4人餐！今日約左老朋友去打邊爐，揀左呢間新餐廳試試，有d難搵，但食過就覺得值！我哋4個大人叫左個4人餐，竟然飽到食唔晒🙈首先有前菜涼拌海蜇兩大碗，味道好足，海蜇好爽口，食得出唔係平時一包包果d，好開胃！之後仲有一大盤象拔蚌刺身拼盤！冇諗過咁大盤…除咗象拔蚌刺身仲有赤貝、帆立貝同埋大蝦， 全部都好新鮮，好肥美！湯底我地加左$198升級做濃厚半隻雞加花膠湯！！ 見住佢足料放落去到非常煲！店員建議先人湯再打邊爐， 真心推薦要升級！花膠湯雞尾濃鬱好甜好夠味！每人飲到兩碗湯，好暖！開左個好頭！之後加湯打邊爐，打頭陣有鮮乳龍蝦！平時好少食咁細隻龍蝦， 點知超級鮮甜，肉質實而彈牙，又唔會好大舊要咬好耐，好驚喜！之後仲有手切肥牛、水飼豚梅肉同白鱔片！值得一試佢仲有手打墨丸，非常鮮味彈牙！食到有一粒粒墨魚肉喺入面，非常足料！水魷都好爽，好大份！ 仲有絲味肥鵝腸！ 響鈴都係打邊爐必備！另外鮮蝦韭菜餃同水餃都好高質皮薄餡靚，而且皮滑唔易散又唔粉，幾好食！ 仲有魚腐 鮮菌雜菜腩 粟米拼冰豆腐等等！另外手打檸檬茶都係值得一試真係大大杯！呢個四人餐真係物超所值，同朋友嚟可以慢慢食慢慢傾！大家都食得又飽又滿足！
繼續閱讀
呢個位置間打邊爐近來轉咗名 唔肯定係咪同之前同一集團 但係賣啲嘢食都幾似 同樣係以花膠雞鍋做招來而家仲做緊一個新鮮四人套餐特價只係$888 就有勁多嘢食 仲可以+$198將湯底升級做花膠雞煲 啱曬而家天氣開始轉涼想打邊爐暖下胃打邊爐之前會有前菜同刺身拼盤 前菜我哋揀咗鴨舌 呢度嘅鴨舌係用酒浸過 只係醉雞嘅做法但係用就係鴨舌身上 味道非常唔錯 而刺身拼盤就有象拔蚌牡丹蝦等等嘅新鮮食材 非常鮮甜 而且冰鎮住 食落夠凍跟餐仲仲有魚類 龍蝦 肥牛 鮮蝦餃子 蔬菜拼盤等等嘅食材 非常豐富 尤其以龍蝦非常爽口彈牙 絕對係新鮮 放埋落花膠雞煲食 令個湯更加甜 鮮蝦餃子脹卜卜又爽口加上啖啖蝦肉 肥牛用嘅唔係平嘢 而係手切牛 所以食落好有牛味 仲有其他食材都好新鮮 呢個餐真係性價比十足酥脆蝦餅另外我哋加咗個蝦餅做小食 食得出係新鮮打起因為超級爽彈 唔會好多粉漿而係真係原隻蝦飲品當日做緊Hoegaarden買一送一 好抵飲 啤酒小姐仲會幫手用冰桶幫你冰鎮住啲啤酒 夠曬凍
繼續閱讀
呢間餐廳改咗名 而家做緊一個四人火鍋套餐$888 裏面有好多嘢食 超級抵食精選湯底 可以揀椰子雞鍋 花雕藥膳雞 野菌鍋 四川麻辣鍋 芜茜皮蛋鍋 沙嗲湯鍋 清湯鍋 但我哋就用優惠價$198叫咗呢度最出名嘅花膠雞湯 貪佢可以又飲得又食得仲可以打埋邊爐 濃厚半隻雞煲花膠湯店員叫我哋飲咗完原汁原味先 之後再加埋跟餐既龍蝦仔焗三分鐘再飲龍蝦雞湯前菜（2選1）可以揀海蜇或者鴨舌一滴入魂酒糟鴨舌 呢個味道係出面比較少食到 鴨舌用咗酒浸過 有淡淡嘅酒香味 食落去有少少咬口爽脆 係非常容易一口接一口嘅小食象拔蚌刺身拼盤 象拔蚌 帶子 北寄貝 牡丹蝦雖然呢度係主要打邊爐 但係呢度嘅刺身拼盤非常新鮮 象拔蚌爽脆鮮甜 帶子厚肉肥美 牡丹蝦超大隻 北寄貝口感爽彈 魚類（2選1）可選中山脆鯇背腩片 / 新鮮白鳝片 我哋揀咗白鱔片食落幾新鮮 有爽脆嘅口感另外會跟咗本地鮮乳龍蝦（4隻） 龍蝦就唔係太大隻 但係勝在夠曬新鮮同甜本地手切肥牛 牛肉都幾有牛味 而且係好有咬口 手打鮮墨魚丸 新鮮手打所以非常彈牙 仲有少少墨魚粒 增添煙韌口感鮮蝦韭菜餃 最鍾意食多菜少肉嘅水餃 呢度嘅餃子就夠韭菜之餘蝦肉都大粒鮮蝦水餃 入面啲蝦肉非常大粒爽彈 非常有水準沖繩水飼豚梅肉 我鍾意呢度嘅豚肉帶點肥 所以食落唔會乾柴 反而係爽彈另外仲叫咗鮮味肥鵝腸 爽爽脆脆 同埋 金紗魚腐 吸湯汁一流鮮甜粟米拼蜂巢冰豆腐 . 鮮菌雜菜籃 咩蔬菜都有啲 啱曬胃口之後仲有配料（6選2）可以揀牛柏葉 / 水魷 / 爽滑豬皮 / 鮮支竹 / 鮮味炸魚皮 / 自家炸警鈴 包你食到非常滿足夠曬飽
繼續閱讀
#美食日記之前11月係社交平台見到新鮮為煮嘅介紹已經一直好黎試，咁啱12月31日想去紅磡海旁睇煙花就通女朋友嚟咗呢間餐廳食佢哋出名嘅花膠雞湯火鍋。我預先喺OpenRice訂錯咗準時到達。你都發現原來消費滿$800就可以照價再-$200呢個優惠確實唔錯。餐廳環境我覺得係好寬敞同埋都乾淨冇乜嘢可以挑剔。重點推介：花膠雞湯佢哋個花膠雞湯勁好飲，飲到咁上下留番啲湯用黎打邊爐真係好正，一文之下原來知道佢哋每日都會一大早就已經返到舖頭去煲呢個雞湯一煲就10至12個鐘，所以先可以做到一個咁好飲嘅雞湯湯底。火鍋食材質素唔錯，對得住個價錢。整體真係唔錯，真心推介大家嚟試吓嚟緊二月同朋友聚會都會再嚟呢間👍🏻👍🏻👍🏻👍🏻最後我係自費真實食客，唔該OpenRice唔好再reject我個post😡
繼續閱讀