日の苑西日式外賣專門店

營業中

休息中

經過佐敦，看到日之苑，想起以前曾在他們的其他分店吃過飯，決定買些東西帶回家當晚餐。三文魚五味賞 $45一共有五款三文魚壽司，但口味各異，尤其喜歡原味三文魚壽司，以及加了沙拉醬的三文魚壽司。牛油果天蝦卷 $50這是卷壽司，一共有六、七件，中間包裹著天婦羅炸蝦，表面再加上牛油果片，吃起來口感豐富。照燒雞扒便當 $68點了一份便當，選了照燒雞扒，除了有豆醬湯，還可以選擇一些小食，最後還加點了加州捲和芝士年糕。三文魚子手卷 $36大顆的三文魚子加上清爽的青瓜，富有口感。

收工唔想煮飯～天時又咁熱~食壽司就啱曬啦🤩平時收工會經過佐敦～幫襯開日の苑外賣壽司店～性價比高、質素幾好👍🏻份量都好大～我哋今次食咗🍣精選壽司Set C 14件 😋加州卷物😋三文魚加州手卷👍🏻👦🏻鰻魚手卷小朋友最愛鰻魚手卷～大人食嘅魚生都好新鮮肥美🤤除咗壽司、刺身、卷物、飯團之外，仲有沙律、熟食、炸物、便當🫢全家大細都啱食✨

--天氣咁熱～收工都唔知食咩！出去九龍佐敦😎見到呢排好多人講既平價抵食的外賣壽司店——日の苑🍣🍱真心推介比大家經濟實惠又好食👍-雙色火龍卷🍣兩隻飯糰外層紫菜碎/蟹籽，內裏包住脆口吉列炸蝦，口感十足三文魚壽司盒🍣價錢實惠，食材新鮮，肥美三文魚👍壽司盒SET B 🍱三文魚壽司*2 ，三文魚腩壽司*2，鰻魚壽司，帶子壽司，蟹籽壽司，北寄貝沙律壽司有驚喜既壽司盒，帶子大大粒超鮮甜😍三文魚牛油果卷🍱超肥美三文魚，飽滿牛油果，新鮮好味加洲卷物🍣超大件，豐富食材包滿哂！岩哂小朋友食📍地址: (佐敦庇利金街41號C鋪（佐敦地鐵站C2出口）@ninoen_sushi#日之苑 #外賣壽司 #壽司外賣店 #佐敦好去處 #佐敦美食 #日本餐廳 #親子kol

今次今日香港飲食界為服務承諾堅持而又承擔責任即時作出改善嘅買少見少，日の苑作為本地良心品牌，近日為系統故障作出公開澄清及重大承諾值得Repect，所以小編呢日就舉腳到佐敦分店支持下! Happy Friday訂餐到取外賣開PARTY!嚴選新鮮食材，親民到會價格，全港即日送貨可能係全香港最多款式的日式外賣到會品牌超過百種刺身壽司及派對和食提供，另有各式日式飯盒及便當可供選擇。訂購到會服務。即日3-4小時前落單，即日送貨!而且訂購滿$1000全港免運費，訂購$600起表地區收費送貨。為左開個完美嘅party, 小編一早訂定餐單準時到店取餐🍱刺身SET 4 $198三文魚8片、劍魚腩3片、吞拿魚3片、立魚3片、甘蝦4隻、帆立貝4片。CP值高到難以相信😱 8片厚身三文魚已經感覺回本，劍魚腩質素少有的厚身又鮮甜👍🏼3-4人份量十分足夠，多人食嘅話根本上重覆叫幾客十分推薦。🌺花之戀$22🌸蔥吞拿魚腩花之戀$30🌼帆立貝花之戀$30粒粒唔同口味唔同顏色，花之戀都有六款咁多。款款飽滿三文魚又夠厚身👍🏼🍣牡丹蝦壽司$45 | 🍣辣味螺肉壽司 $10🍣黃金魷魚壽司 $11 | 🍣 芥辣八爪魚壽司 $11🍣

今天到朋友位於佐敦的公司開會，時間很倉促，所以大家就決定買外賣來吃，天氣實在太熱了，不想吃熱辣辣的湯粉麵，所以就決定買日式外賣。日之苑這間分店就在寶靈街地鐵站出口旁邊，位置非常方便，相畀比其他 外賣壽司店，明顯地選擇比較多，壽司也明顯比較足料，除了壽司餐盒，還有沙律、飯團、手卷等等，另外還有很多丼飯、魚生飯及便當等等可供選擇。今天點了 “日之丸刺身飯” 有海膽、甘蝦、帶子及三文魚，帶子和三文魚肥美新鮮，海灘美味鮮甜。另外又點了 “和風牛肉便當”，加了芝麻八爪魚和螺頭兩款小食，牛肉味道濃郁，飽足感滿滿。

天氣熱辣辣唔想煮飯，係佐敦經過呢間日之苑見到壽司靚靚仔仔，定價又唔貴就試試佢～有飯卷、壽司、前菜、沙律或日式飯定食同刺身飯，價格相宜！喜歡全部都唔會好大盒，每樣幾件好岩我2人家庭12件就大概百幾蚊左右買左5盒埋單$198打開晒都有光澤幾新鮮甘薯仔沙律$30 底部有少量野菜蛋卷 附沙律醬 $30炸蝦卷 $40/6件 有蟹子同紫菜兩款 每件都幾有份量帶子壽司 $50 共有5件帶子厚肉亦食到鮮甜味道三文魚腩壽司 $48/5件件件都勁肥美，食落有魚油香，最推介！

今日出開佐敦交文件 醒起好多人介紹嘅日式外賣店喺附近一於買外賣慰勞吓自己同孝敬吓老闆知老闆鍾意食油甘魚 首先搜羅吓先舖頭入面有唔同嘅食物種類沙律 壽司 刺身喺晒雪櫃另外有便當 海鮮飯 手卷同和食飯類即叫即整 夠晒新鮮㗎 🤗🐟油甘魚刺身飯油甘魚每塊都好厚切 啖啖肉 肥美🤤飯量超多 男士啱啱好佢另外仲包咗個餐湯 🍣雜錦壽司盒 （14件）有三文魚 三文魚腩 帆立貝 鰻魚 吞拿魚壽司 同埋中華沙律軍艦每件都大大件 呢盒啱晒選擇困難症嘅朋友仔 乜都有啲價錢圍番一盒唔貴添㗎🍣腐皮壽司 （5件）腐皮係我最愛 甜甜哋

見好多人將日之苑同千之味一齊比較所以今次試埋日之苑價錢比較之下的確係平少少😎款式都幾多選擇，除左刺身、手卷、壽司，仲有丼飯、小食大部分都係落單廚房先整魚生都幾新鮮，甘蝦、三文魚同帶子會比較好👍🏾鰻魚口感幾特別，外皮有少少焦脆🤭醋飯一樣用返珍珠米，唔知係咪錯覺，丼飯醋味突出啲如果想平平地又有返咁上下質素嘅，都可以一試😆*壽司Set a $68(鰻魚、三文魚、吞拿魚、北寄貝、甘蝦、蟹籽）*u13刺身飯 $108(海膽、帶子、甘蝦、三文魚)

👨🏻‍🍳日の苑西日式外賣專門店 (佐敦)📍佐敦寶靈街41號地下C號舖 「已Encore多次的吉列豬扒便當😋」 日之苑系我地同事常點既外賣之一😆記得第一次食佢個吉列豬扒便當，已經愛上🤤 👍🏻🍽️吉列豬扒便當 $68配2款小食揀左👍🏻🍽️加州卷、👍🏻🍽️蟹籽沙律仲配有麵豉湯超抵食！！😆吉列炸得好酥脆，炸粉吾會好多，薄脆，豬扒肉質嫩，無雪味🤤仲配有帶子群邊、日本珍珠米飯😋 👍🏻🍽️三文魚油甘魚刺身飯 $88配麵豉湯厚切新鮮🤤幾大份 今次親臨門市購買，見到佢地原來有會員whatsapp群組，會員價再平D，好抵食🙈 #日之苑 #日の苑 #日の苑西日式外賣專門店 #吉列豬扒便當 #刺身飯 #加州卷 #蟹籽沙律

近來香港太熱，熱到個人都冇乜胃口，成日都唔知想食乜。準備係係佐敦坐地鐵返屋企，見到地鐵站對面有一間日式外賣專門店，黃色招牌非常搶眼，於是就諗可以買外賣返屋企食！外賣店雖然地方細細，但見到有好多種類嘅日式食品，有手圈、刺身、壽司、便當、小食、和食飯類同飲品等等。。。都算夠多選擇！我就揀左- 海膽吞拿魚刺身飯 $98 - 照燒雞扒便當$68(可配小食兩款)我就配左炸餃子(3件)+芝士年糕- 燒三文魚頭$40雞扒便當同三文魚頭拎到返屋企仲係熱嘅，便當份量好夠；而且三文魚頭，D魚肉又好滑！整體三款食品好味，性價比好高！喺平靚正嘅日式外賣店推介！

最近放工經過佐敦，原來日之苑喺度有分店啊～啱曬鐘意食壽司嘅我😋🍣除咗壽司手卷之外，仲有刺身飯，和食便當等價錢貼地，真心覺得幾抵食，質素中上～鐘意食三文魚嘅我一定要叫三文魚壽司🍣三文魚厚切超肥美~魚油豐富好新鮮大大件三文魚好滿足啊飛魚籽軍艦好大份每件軍艦裝住滿滿嘅飛魚籽，真系多到倒瀉啊🤣口感十足！炙燒系列有三文魚、左口魚、鰻魚、熟蝦、蟹柳左口魚食過返尋味，魚油超豐富，放入口即溶嘅感覺太幸福啦😋另外仲有便當🍱吉列豬扒即叫即炸，即使返到屋企食，外皮都系脆脆的仲可以揀兩款配菜，唔使加錢嘅分別揀咗小丸子同芝士年糕年糕香濃芝士味，口感煙靭😌下次叫到會仲可以試埋其他添🤤

今日工作比較忙， 放假後有啲累， 想快靚正買外賣， 食飽飽早啲休息.經過日之苑， 入咗去睇下啱唔啱食， 見到選擇都多， 有飯團，刺身，丼飯， 沙律徺，便當等等…. 價錢合理， 揀咗d 壽司同飯團同屋企人一齊食.糖心旦： 好味， 做到流心效果， 帶子飯團： 超扺食， 大大個都係$18， 比起出面其他地方大1/3， 入面有原食帶子， 交足貨火炙三文魚+ 帶子壽司： 刺身厚切兼大件， 三文魚油脂分布平均， 帶子肥美鮮甜， 推介雜錦壽司： 粒粒都足料， 食咗滿足感十足， 食物質素唔錯

日の苑🍣日式料理壽司專門店ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡佐敦有間壽司專門店✨日の苑見到壽司款式種類幾多 所以就外賣買咗啲返屋企食🧡▪️朝鮮風雞肉飯🐥本身一心食壽司 但估唔到佢哋嘅飯都唔錯！雞肉都幾多 啖啖肉唔乾柴夠滑💕佢有少少泡菜 辣辣地都幾惹味 配飯真係好開胃🌶️佢仲會有少少西蘭花呢啲配菜～▫️胡麻烏冬🩵烏冬上有滿滿蛋絲 加上蟹柳鮮蝦 都幾多配料🫶🏻胡麻醬係另外裝 可以自己決定加幾多～胡麻醬撈烏冬真係幾夾 加上係冷麵 岩哂夏天！不過份量比較輕盈 如果個日唔想食咁飽可以揀佢▪️大蝦拼玉子壽司🍣玉子嘅蛋味會偏甜少少✨蝦望落大大條好吸引食落都幾新鮮彈牙👍🏻▫️加州卷物🧡一盒有六件 估唔到都幾大嚿 最經典配搭蟹籽配搭青瓜x玉子x蟹柳 加上沙律醬 佢地啲壽司都握得幾實淨 好似特別飽肚▪️柚子大蝦田園沙律🥗呢個沙律勁大份 有巨量嘅沙律菜！食呢個沙律一定要點汁 如果唔係會好dry..佢個汁就酸酸哋咁 自己覺得如果加胡麻醬會再好味啲..加埋柚子令到成個感覺更加清新 好啱咁熱嘅夏天食～⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ

果日去開佐敦做野，做完嘢肚餓想買啲外賣返去食。行經寶靈街發現有間日之苑。有各式日式到會套餐可供選擇，仲有優質嘅日式料理 。仲有限定優惠。壽司全部大大件，刺身厚切。三文魚頭大大個。壽司拼盤魚生厚切，有口感，充滿油脂，甘香帶鮮，十分足料。三色刺身飯刺身厚切，鮮甜美味，口感好又夠香，醋飯酸酸甜甜，加上醬油食超正。生薑豚肉便當經典家常下飯菜，份量大肉片配上洋蔥和鹹甜醬汁，口感滑嫩，另選2款日式小食 ，非常豐富。火灸蟹柳壽司頂級蟹柳，鮮味突出，口感爽脆。

今日去佐敦咗整眉，整完諗住周圍行吓，但天氣實在太熱，冇乜心情想睇，不如買外賣返屋企嘆住冷氣食。經過一間外賣店叫日の苑，見店舖內放咗好多新鮮又好味的食物，有精美的壽司、刺身、沙律和其他日式小食。此外，店舖亦有提供各款日式便當。款式都有唔少選擇，仲係即叫即做。蟹籽沙律：日式蟹籽口感清脆，帶有一絲甜味，配搭清甜青瓜絲、蟹柳絲和沙律菜，再加上沙律醬和胡麻醬，無論口感層次和味道都一流！三文魚蟹籽刺身飯：飯面舖滿大大片的三文魚同大大粒蟹籽，三文魚新鮮，魚脂甘香，加上蟹籽增加口感，醋飯酸酸甜甜好開胃。三文魚帆立貝刺身飯：三文魚和帆立貝都份量十足，帆立貝鮮味爽甜，每碗刺身飯都放上少許壽司薑，口感清脆，帶有清爽的酸甜口味。燒三文魚飯團：用上特級日本飯糰，紫菜香脆味濃，新鮮三文魚碎燒至脆口，加埋蟹籽、芝麻、紫菜粉和醋飯，味道豐富。刺身飯奉送日式味噌湯，味道鮮美。