日之食放題館 (已結業)

和朋友兩個都非常喜歡吃放題，因爲貪選擇夠多，價格又成正比又可以食到好飽。日之食係我覺得平價放題中做得幾出色的餐廳。卡座座位寬之外，還有獨立電視，可以和朋友邊吃邊看電視聊天。食物選擇夠多，還可以自己烤肉。刺身和火炙壽司是我覺得最合我胃口，三文魚是厚切的，好肥美。最重要是每一份刺身的份量不會太少，上菜速度也不會很慢。牛肉及海鮮都很新鮮。飲品也非常多選擇，是罐裝的，一罐就足夠我喝了。

早前參加了FB谷友聚會, 位位百多元任點任食兩小時, 谷主首推這店, 我與熊爸都是第一次到。同時有「日式放題」及「日式燒肉」美食, 一個價錢吃那麼多款式。兩位共用一烤爐, 長方形的無火烤爐都是第一次見。飲品自助, 款式除了有一般的罐裝外, 居然有夏枯草及韓國紅蘿蔔汁, 算是特點之一。特點二是有自助沙律吧, 雖然都是那些罐頭食品, 不過有甜甜的椰果、提子乾、雜果, 就當作是頭盤吧!刺身切得多厚, 冰涼涼的沒有碎冰在刺身纖維內, 三文魚最肥美, 帶子卻未夠甜。至於燒烤的生料都是肉肉肉, 豬、牛、雞、三文魚頭、蝦等, 蔬菜通常都是菇、瓜、粟米, 因此吃得肉多也要靠擺放在外面的沙律。生料並沒有預先調味, 根據自己喜愛而把食物燒至熟, 反而無火烤爐更能掌握食物烤焦的程度, 把肉汁鎖住。最後是每人一客啫喱做甜品。

旺角有好多不同國家菜式的樓上鋪，多數都是一棟大廈都是餐廳的形式。所以來旺角根本不會擔心晚餐吃什麽這問題，實在太多選擇了。這次和朋友想吃日式放題又想有烤肉食，最後就黎左這間又有次身又有烤肉食的放題。   $173任食2小時，真的抵到爛啊 環境還可以，卡座都有專屬小電視，挺細心的 中間座位的還有2個大電視。就是燈光有點暗壽司類：選擇多，上菜又很快 特別推薦鰻魚壽司 自助烤肉-可以選擇烤雞翼，服務員會過來提醒你烤的時候盡量放爐的兩旁，中間是烤蔬菜類的，挺細心的~如果想吃又平又抵食的放題可以選擇日之食。                                                                                                                  

餐廳環境不錯 卡位有獨立電視 但係個抽風就麻麻地 多人會比較大煙 漏單情況可接受 飲品有百事 7up 道地烏龍茶等等。食物方面，刺身有分時段，油甘魚，帶子，劍魚腩，馬刀貝，甜蝦只供應$183&$173時段燒物方面，西冷片牛味不錯，但不能燒得太熟，否則會好韌。牛仔骨略為遜色，因為鬆肉粉味比較濃。牛舌件份量不錯，厚切但經熱水拖過，味道一般。海鮮方面，不過不失。蔬菜方面，菇類比教凸出。其他就不多說了。總括而言，拿著我不入名將誰入名將心態去挑戰，勇士門加油💪💪

同朋友經過，見到超平既放題，又見近糧尾，想慳D洗！原來有燒肉又有壽司！好多選擇！D野食黎得好快！呢D小食不過不失啦！刺身好快就到！本人覺得以呢個價錢食到咁既質素三文魚已經係驚喜！三文魚厚切！又新鮮鮮甜，所以食左好多轉！壽司都出奇地好食！特別係舊飯，醋味比較突出，但飯團又好實，好癡！好好食！到燒肉啦！基本上我地咩肉都嗌黎試試，肉類都好新鮮！出孚意料地好食，仲叫左第2 ROUND！！仲有3款唔同既汁比客揀，真係一D都唔馬虎架！仲有好多小食，都係出奇地好食！好似呢個蝦天婦羅，粉係厚左小小，但蝦肉都好新鮮！唔錯唔錯！呢款昆布湯蟹肉都係誠意之作！蟹肉好多好甜，好中意食！兩個人夾埋都係＄381咋！！真係好抵食！！！窮人恩物！

見到呢間有得燒烤又有刺身壽司食，而且價錢又唔貴就試下嘢食選擇都幾多，生熟食物都有手卷唔錯，紫菜都係脆嘅壽司質素都值得一食，不過飯就差少少，太腍刺身好新鮮，而且都很大件，真係必食呀最大特點就係可以燒烤，種類都很多，嘢食都好好食

尋晚去MK諗住食放題，行行下見到日之食的宣傳單張，就上左去食。初時都無咩，只係多多限制，甜蝦、帶子刺身要加錢，亦無甜品可揀，上菜時先發覺大！中！伏！吞拿魚同魷魚刺身未解晒凍就上碟，一咬落去全部雪。希靈魚魚肉呈瘀黑色，我地點左一ROUND刺身已唔想食，難食到核爆！唯有將D刺身落爐燒熟，但竟然會有侍應話刺身唔畀落爐燒熟，只可燒一兩舊!!!!!!!之後自燒物都係D質素好低既牛肉，呢度放題最好食既竟然係燒雞脾菇同埋個甜品奶凍。壽司用機壓到D飯扁晒，完全唔想食個壽司。總括黎講若係度食野，除非你想以$150食D好難食既放題，否則去元氣散叫都仲好。事後我食完野一個鐘後，即刻肚痛，痛到第二朝。

早前見到日之食既廣告幾吸引，食物選擇多而且價錢實惠，仲要位於旺角黃金地段，位置相當方便。一查Openrice詐見好劣評相當兩極化，實屬少見，一於少理，相信自己第一直覺。環境唔錯，座位都幾闊，七點鐘未有太多人，靜靜地幾舒服。每個卡位仲有獨立既電視機 味道和一般放題餐廳無異，但枝豆份量十足， 好夠食！食日式放題既話， 我一定會叫凍豆腐，好彩哩間都有offer， 嫩滑既豆腐配上香香的芝麻醬，簡直係欲罷不能，而且芝麻醬帶微酸，感覺清新，非常開胃，我一口氣吃了三碗！刺身方面分別叫咗三文魚同甜蝦，無加冰，都好新鮮， 特別是三文魚係厚切既，又可以任叫，一點都唔古寒，果然廣受食客歡迎。我略嫌哩個多油， 不過都好正常， 因為茄子都唔吸油既， 所以好有可能會食到成口油， 不過係新鮮炸起既，食起黎好香脆， 茄肉原汁原味， 好甜，對於鐘意食茄子既人黎講， 可能會鐘意食， 因為可以食到茄子既原味。見到隔離枱叫咗個賣相好正既沙律， 但係黎到我發現有好多洋葱， 沙律菜又切得好大舊， 最終食幾淡就算。咁多自燒牛肉入面， 牛仔骨係最好食既， 極力推介！！ 因為得牛仔骨係有醃過的，日式燒肉比較追求食物原本既味道，

又係時候為自己打打氣，約個fd出黎食放題，見開飯食評唔錯，相又好吸引咁喎，黎試下先。食宵夜時段，升級價錢$173，有刺身、壽司、燒肉等，都幾抵喎。主打無火燒肉，枱上仲有鹽、七味粉等可以自己調味。飲品自助，有各式汽水，夏枯草，熱茶等。點左唔少野食，等緊燒肉熟之前，食住啲涼盤先。點左牛、豬、雞、海鮮、蔬菜等滿滿三盤，上菜速度快又無漏單，急不可待要燒燒燒啦。除左燒物，仲叫左天婦羅，炸粉唔厚又唔太油，幾好味。一邊食其他野一邊燒，意外地唔多粘爐喎，個爐好熱都燒得好快熟，唔錯。等食其間食下刺身同壽司先，升左級有多啲刺身揀，帶子新鮮又爽甜，三文魚肥美，啲刺身好厚切大大塊，唔使點太多件數。壽司飯有少少醋味，火灸好正。仲點左手卷，唔太大條，唔使驚食一條就飽。燒物方面，個人覺得牛仔骨，牛舌件好正，有肉味又易燒，豬頸肉夠肥美，三文魚翼魚油十足，燒起上黎又嫩又滑。除左肉，梗係要食返啲蔬菜，冬菇，雞脾菇燒起上黎鮮甜多汁，估唔到本菇一粒粒咁又燒得喎，仲好香菇味添，正呀正呀。唔漏單，上菜快，收碟又快，唔使怕堆滿枱，加埋一差唔多二百蚊位，食到飽到上心口，哈哈，開開心心吹吹水又過左一晚

最近認識了一位朋友，為人頗慳儉又喜歡吃放題，所以就順著他意來到這間出名吃放題很平宜的日之食來~ 其實地方也非常方便，就旺角雅蘭中心附近~ 這裡真的好多年輕人來吃，偷聽附近的人說，這裡的東西真的很便宜，不單是放題，而且還有日式燒烤，雖然抽風系統明顯麻麻~ 不過還是可以接受~ 個人認為這裡的食物選擇不算太多，不過還是正常，畢竟要兼顧日式燒烤和放題實在不容易，相比起同區的另一日式燒烤放題店鳴橋已算是不錯了飲品方面比起一般放題店的飲品種類和品牌都別樹一格，除了普通的可樂和忌廉之外，其他如久違了的碧泉和蘋果汁也有~ 來得最快的要算是刺身拼盤，不過也讓我極速失望，除了聽說每天直送原條三文魚是正常外，其他都覺得有點腥.... 白鳥貝、希靈魚、甚至連帶子等，也有點腥.... 可能對其他人來說所有刺身放得那麽close不是問題，但對我來說，我就覺得不okay。這碗五目野菜豬骨湯拉麵要彈的地方很多，湯底淡，烏冬很碎，但總算是比較正常了~ 很少看見放題店有青尖辣椒天婦羅，所以毫不猶疑點了一客，溫度不夠，而且炸得有點過了火，天婦羅汁很稀，完全不像天婦羅汁.... 蘸了也不覺提升了天婦羅的味道。既然以上的現成食

今天剛巧與另一半來到旺角，隨意選擇了一間餐廳，這「日之食」的環境非常寬敞舒適，裝修也不錯，看起來應該不差。坐下來後本打算上OpenRice看看有什麼推介，但看到劣評的數目便隨即令我有點擔心。抱著戰戰競競的心情，可能正因如此，其喜出望外的質素卻令我有點驚喜。地方大，座位多，而且完全沒有逼狹的感覺。食物選擇足夠，清晰分成不同類別，包括壽司刺身、燒物、小食、一品料理類等等，基本上不可能全都品嘗，亦必須擁有明確的目標，爭取時間，在限時內盡量吃回本 先來便是Market Price高而又不飽的刺身類，顏色亮澤，亦頗新鮮，而且片片厚切絕不吝嗇，沒有將貨就價。甜蝦爽口清甜，一口一隻十分滿足；厚切的三文魚新鮮有且光澤，能展現三文魚的靈魂和鮮味；其他刺身類亦不俗，始終「鮮」才是刺身的王道。可是卷物只屬一般，沒什麼特別。醬料自己盛裝，有日式燒肉醬、黑醋等，沾肉也不錯。除蝦肉有點不新鮮外，其他食材也合格。雞軟骨爽口彈牙，非常「過癮」，令人食唔停口；羊肉片的肉味也頗濃郁，不沾醬也很不錯。食物質素屬於中等水平，如T骨牛肉和肉眼粒較為突出，肉味香濃，令我們追加了數次。厚燒玉子不好食，不用試。。。。。。牛舌味道不

看到街上派傳單的那後任點任食日式放題 $173 加燒肉2小時價格不算貴，就直接去試試看食物類種也非常的多汽水任飲環境還不錯到處都是電視機，冷氣也夠強，油煙味不算太重升級後有我最愛的帶子刺身非常的厚身，帶子也來得非常鮮甜外面可以自己去任拿的沙律這邊的火炙壽司很有水準我們都點了好多次肉就少不了牛肉，豬腸，五花豬肉雞軟骨，多春魚燒起來不覺不失啦味道不算太差最有驚喜的就是它們的天婦羅皮薄而且吃起來不油膩，很好吃！

日本料理是我同屋企人的最愛，有時外出吃飯首先揀日本料理，下月又去日本旅遊，去日本之前又吃日本料理，旺角是我常去地區之一，昨天同屋企人去旺角行街,又要在旺角揾地方吃飯，旺角交通十分方便，旺角有眾多日本料理，而家上openrice做下功課，就見到日之食有不少負評，決定試下日之食是否咁差,每個人對食有不同要求，日之食走任食平價路線，日之食位於地鐵附近，十分方便呀,日式放題一向要book位,今次即興決定去日之食,我們上到店鋪時候，店員問我有冇位,我話冇book位,店員幫我看下是否full晒位,店員話今晚不太full位,可以安排我們入座,原來日之食有燒烤，今次主力燒烤，我同屋企人就開始點食物，屋企人点燒烤食品，我就点壽司/刺身,飲品要自行去雪櫃自取 ,玉子壽司味道麻麻,玉子唔夠甜味，三文魚刺身就不錯，味道夠鮮味,亦冇雪味,甜蝦都唔錯，鮮味十足，金姑都幾好味,牛肋骨味道好入味,這裡燒烤食品好新鮮，呢個燒烤爐亦都火力十足，又冇油煙味,日之食冷氣好足夠，又不會出現吃到出汗,地方又夠大,坐得舒適，價錢又不太貴，平均200元一個好抵食，服務又幾好,又冇出現漏單,真是幾好題外話我不清楚之前有食家認為日之食好

今晚同阿女去了旺角行衔,我們行到咁上下時間又到晚餐了,我同阿女去了日之食,近來成日同阿女吃放題,今晚去日之食原來亦有燒烤，今晚主力吃燒烤，由阿女話事決定點什麼食品，我們所點食品好快送到來，刺身味道整體幾好，鮑魚片味道好鮮味 ，牛肋骨亦都唔錯，我同阿女都覺得日之食都幾好 ，地方夠大又坐得舒適，服務亦幾好，我同阿女好滿意日之食，日之食好抵食呀,下次會再來

彌敦道613號飛達商業中心3樓旺角區多年青人, 食肆多以年輕消費層定價,升級任點任食 $173 , 日式放題加燒肉2小時,我雖然已3,4年不出旺角行街, 放工為餐食反而會專程出旺角。找到飯腳陪,不用一個人買飯盒回家孤單玩手機邊食,陳腔濫調說刺身壽司是必須, 友人專享一邊食一邊燒。弄成玫瑰狀的三文魚壽司，上面更舖了魚子，帶子壽司掃了層饅魚汁入味。雄雄烈火吞噬了, 注視著肉片轉熟, 而可供BBQ的食物不小,肉類有豬雞牛羊, 蔬菜等等，我叫了雪花腩片，豚肉棒棒餃子，韓式豬肉腸，雞軟骨，厚玉子，免治雞肉棒，芝心包。富油脂的肉類放兩邊，中間放蔬菜，好讓油脂流到中間滋潤著也防止燒乾。炸雞軟骨吃得多，自己燒一樣可口脆身，再蘸上四款專供燒肉的醬汁更惹味。韓式腸有胡椒香，多汁鹽甘燒過後異常美味。冬菇，粟米，甜蕃薯，青椒，翠玉瓜因沾了肉溶後的油，不乾具原味。夏天蔬菜都肥美清甜, 沙律是時令之選,和風田田園沙律，意式黑醋蕃茄沙律，海蜇，麻醬冷豆腐。本人大力推薦意式黑醋蕃茄沙律，甜黑醋與蕃茄超襯，而生菜滲了醋汁似吃梨片，爽口多汁酸甜開胃。另一道喜出望陫的是海蜇，，厚肉比一般更彈牙，qq口感我同友人都大讚。香蒜