日常料理 (已結業)

又一黃店推介🥰 店內有連儂牆同大量文宣，仲曾經參與過罷市，並多次出post表態，又開放比手足、學生同後勤人員休息💛 ⁣⁣仲有佢地既wifi密碼🤧🤧🤧⁣⁣今次試左好多款菜式，呢幾樣係我最推介嘅，其他就不過不失啦，不過定價有點高🙈⁣⁣日式三鰻狂炒飯Thx （$98）⁣賣相唔錯😍 炒飯粒粒分明，唔會黐埋一舊舊，不過略嫌有啲鹹，如果鰻魚汁落返少啲會更加好😋⁣⁣日式豬軟骨 （$90）⁣豬軟骨都幾入味，肉質夠淋⁣⁣千島單骨雞翼 （$40）⁣單骨雞翼最適合我呢啲懶人🤤 味道酸酸甜甜，都幾開胃！

旺角食嘢就搵緊係搵間黃店支持下，於是搵到日常料理！首先佢會俾張單你做menu, 圈自己想叫嘅嘢食，呢張係午餐menu，晚餐會有唔同！叫左雞翼，單骨方便食，甜甜哋不錯！小食首選！炸蠔熱辣辣炸起，正！下次會再叫！佢嘅炸物係好食😋再叫左個牛肉飯辣嘅，起初以為無料到唔辣，因為無咩色水，但食落又有啲辣，我自己都ok，如果有得再辣啲就好！唔記得影相🤪餐廳環境要無限加分，食都食得有良知啲！大家要支持下！唯一不足，就係嘢飲得可樂同檸檬茶，同一啲熱飲，可以有多啲選擇就更好！

支持黃店日常💛旺角呢間日常料理Mainichi 帶比手足家既感覺🥰主要係食住家飯 食物係偏日式的全店內都係文宣/連儂牆 連lift門都貼左🤩除左文宣 仲有防疫用品出售 同手足既義賣品👍🏻佢地既menu係就咁一張單😂不過最中意係連wifi密碼都係3個日子既相真香港人一定會知 一定唔會忘記😡🔥😔🍴椰子燉雞湯(大碗) • $68自己本身好中意飲湯 所以一見到就blingbling眼🤩好似番左屋企飲湯咁 好飲 但椰子味可以再濃少少我地叫左兩個 但係一個多雞肉一個得好少 呢點可以改善下🍴日式三鰻狂炒飯Thx • $98成個菜單唯一一個炒飯麵 如果唔係就要叫白飯 除左面層既鰻魚 入面都有幾多鰻魚😍 賣相同味道都唔錯👍🏻🍴日式豬軟骨 • $80煮到好淋 啲肉好易咬開 勁多軟骨!! jeng😋🍴蒜辣肥牛 • $80 可以揀辣/唔辣 我地揀左辣 都幾多肥牛同埋加左啲洋蔥幾香☺️🍴煙肉炒椰菜 • $70一上枱就秒清😂 份量唔多但幾香幾好食 不過鹹左d 送飯一流👍🏻🍴紅蟹肉忌廉可樂餅 • $30🍴千島單骨雞翼 • $40食落酸酸甜甜 唔似千島醬味 但又出奇好食 好香口🤭 略熑乾左少少🍴日式餃子 • $30——

我覺得 呢度好適合d 想約朋友食飯 但又唔想食街野既人 (即係我) 食物好有家的感覺 ( 仲有湯飲 但今次無飲到 )蕃茄蝦仁炒蛋飯 $55 餸既份量.. 也太多了吧 ! 炒蛋好滑 ~ 仲有好多爽彈既蝦仁 配埋新鮮蕃茄 令我好開胃 .. 秒清一整碟 完全無味精 唔油膩, 好岩腸胃差的人 !! (即係我) 蟹肉忌廉可樂餅 $30 即叫即製 熱辣辣 ~ 炸得好鬆脆 忌廉內餡 好綿滑 ~ 好受歡迎的 千島單骨雞翼 $40 比我地叫左最後一份 XD 加入左沙律醬既雞翼原來咁好味架 又係好快被清的一碟 ~ 朋友叫的 日式豬軟骨飯 $60 佢話呢個比想像中無咁腍身, 所以有點失望整體黎講 食得出食物有心做, 而且好健康 好岩成日要出街食飯既人款式又好家常, 好岩食 ~ 所以下次會再約朋友黎食呢 ^^

見咁多人排 上過去幾次都full咗 終於揾左個weekend去試無一個fixed menu 每晚會print一張單比你睇當日菜色 咁都無乜嘢見佢啲餸嘅分量都幾細 嚟咗一round之後差唔多叫哂全部有既餸先飽 點知越食越伏🤯啲餸又唔係話好貴 但係份量極少質素極差🤬🤬🤬首先最簡單既白飯 明明係飯煲拎岀嚟 仲要攞去叮熱返 硬得嚟都仲係凍凍地一碟豆腐$70 真係夠膽死比四舊好細既豆腐仔我地蝦仁炒蛋$70 上到嚟碎哂過熟蜆肉牛腩嗰啲又少又細舊 味道又麻麻都算漢堡排 可樂餅 $25@ 細過一隻手掌 又凍又乾又硬 唔煎揾去叮都唔係咁做啦 真係sell一口排咩👹未食過一間餐廳係會難食到嬲 日常料理 一個無煮開野食既人 自己係屋企整都保證可以好食一百倍 大家有錢既話真係唔好咁哂 可以用係更好既地方☠️

同朋友食lunch，想平平哋，又身處黃店嘅旺角，日常料理係一個唔錯嘅選擇！會俾張單你當menu圈野食，有啲野食要拆解吓先知係咩😂叫咗個炸豪，真鮮熱辣，正！千島單骨雞翼味道普通，都可以試吓！仲叫左紫薯栗子可樂餅，甜甜哋好味，佢哋嘅炸物不錯👍🏻仲叫左個辣牛肉飯，正！可能好耐無食過牛肉飯lu! 你知點解嘅！想食嘅話可以係到食，食得有良心先！餐廳環境都ok ，仲要有大量文宣，加100分！唯一係野飲加$2一定係要叫飯或者定食，叫左3個小食加一個飯，兩罐汽水，一罐要加$10🤪

雖然過咗一段時間先寫呢篇食評，但仲記得佢啲嘢食有幾吸引，好想搵機會再去一次我同朋友兩個人夜晚去食，地方舒適，傾計都幾舒服。第一輪嗌咗紅酒燉牛腩、蕃茄豬軟骨同埋千島單骨雞翼。紅酒燉牛腩雖然唔錯但比預期中失望；蕃茄豬軟骨就真係好有屋企嘅味道，我仲忍唔住飲咗啲湯佢。至於千島單骨雞翼，真係完全令我哋喜出望外！沙律加落雞翼好食不單止，呢個價錢有咁嘅份量，CP值真係勁高！但我同朋友都係覺得有啲唔夠飽，又見到隔離枱個蒜香肥牛賣相好吸引，於是就追加咗一個餸。佢嘅味道無令我哋失望，令我哋不斷講「好好味呀好好味呀」講到最後。原本我哋仲想試隔離枱果碟賣相唔錯嘅炒菜，但肚皮真係太滿足嗌唔到多一樣，惟有下次去再試啦

舖頭賣嘅同佢店名一樣，都係家常便飯😗 仲有呢度嘅Wi-Fi密碼有暗號，不過絕對難唔到同路人🤨，支持告急黃店💛/🦐🍳 蕃茄蝦仁炒蛋 $68如圖中所見，呢個餸真係好多蝦仁🍤 蝦仁食極都有而且爽口，配蕃茄炒蛋亦都好夾😗 送飯一流～/🐖 日式豬軟骨 $88豬軟骨炆得好淋，亦都好入味～ 旁邊嘅酸菜更加點綴呢碟餸😗 撈埋d汁又係好好送飯🤪/🍗 柚子雞翼 $40有5隻雞翼～ 每一隻都痴滿晒柚子蜜，好香口～ 而且雞翼亦都脆皮，好味✌🏻/食完都唔口渴～ 呢個真係好緊要🤨

#中意嘅請分享請點讚🍻----------💛#黃店💛店內有連儂牆和文宣 💛11/11, 12/11(開放予開放俾學生, 手足及後勤人員休息), 13/11/2019 罷市💛1/12, 7及8/12/2019, 19/1/2020(1/12, 8/12,19/1遊行日午市暫停)💛參與「黃色商界聯署」，表明願意聘請被捕手足及不招待警察----------紅蟹肉忌廉可樂餅 $30可樂餅係即叫即炸，所以表皮好脆，餡料好綿滑，形成外脆內軟，不過蟹肉味可以更濃。-日式豬軟骨 $90豬軟骨好淋好入味，份量多，重口味人士可以試下，撈飯一流。-蒜辣肥牛 $80肥牛汁好濃味，唔會過咸，又係撈飯一流。-日式饅魚炒飯 $98炒飯粒粒分明，夠乾身又唔會太硬身，饅魚汁分佈均勻，如果饅魚更大舊就正🤣。----------📍日常料理🔎旺角彌敦道575號Ladder Dundas5樓

呢排都好少出街食飯係網上見到呢間餐廳好似幾好味就諗住上去幫襯下星期五晚上到去一開𨋢門全部都係人🤣全場爆滿要等位😂呢間小店主打日式家常料理感覺勁窩心💛而且講真味道唔錯有驚喜💛呢個千島單骨雞翼勁好過無諗過千島醬同雞翼咁夾酸酸甜甜咁好開胃單骨雞翼比普通雞翼易食啲而且炸過後先落醬勁香口勁邪惡🤤略嫌有啲雞翼炸多左有少少乾不過味道補救返大推呢個日式豬軟骨！豬軟骨好腍好入味而且份量都唔少拎來送飯一流🤤不過就幾重口味同有少少油但都係可接受既程度😆呢個鴻喜菇炒露荀都幾好食但好老實呢兩樣野加埋一齊好難會難食😂露荀夠爽口菇菇夠入味食飯大家都記住要飲食均衡🥬.整體黎講小店幾有人情味而且真係有日式家常菜既感覺值得一去！

今日路經旺角買野，咁岩係地圖見到有間咁既小店，決定黎到呢度開餐。樓上舖可能大家會覺得比較難搵，但其實登打士街與彌敦道交界，搭lift上5樓就見到。職員服務熱心，非常客氣。仲拎左一張好可愛既菜單比我經過一留掙扎決定叫炸餃子，葱葱牛脷，香煎鯖魚，後來仲後加左一碟千島單骨。不得不說，葱葱牛脷真係好食，雖然份量可能會感覺比較少，但價錢唔算貴，可以多加幾碟慢慢歎。特別係千島單骨，炸得香脆，酸酸甜甜，非常下飯。蘋果薏米水清幽淡雅，對我黎講唔算好甜。不經不覺食左3碗白飯。呢度靚湯作主打，有機會再嗌返碗湯飲下先得。叫左3杯飲品，3個白飯，4碟食物埋單都只係250。

第一次開openrice寫食評，皆因外賣包裝實在太差，四個盒有兩個係爛嘅。仲要一睇就知唔係外賣員嘅問題，係本身個盒就係爛嘅仲用黎裝。肥牛和豬軟骨味道可以，但白飯真係太硬，我加水翻叮都真係咬唔落。外賣黎講價錢都唔平，唔會有下次。

［沙嗲香桃一口牛+手拍青瓜+可樂餅］--$125食物方面：每日的餐單都不同，有新鮮感 因為每每都要去到才知餐單手拍青瓜辣度為小辣 味道開胃😋令無法接受太辣的我亦可以完食！可樂餅為即炸 又香脆又熱辣辣一口牛味道方面為一般 不過三色椒入味 香桃亦沒有罐頭味 三者配搭對我來說是新奇餐廳選址方面:為樓上舖 上𨋢便直達店面 不用左找右找餐廳環境方面：乾淨舒適 坐位寬敞 服務方面:有立即安排入座 店員亦照顧到客人需要: 多給2個碗有提供檸檬水飲用總結：有再幫襯的意欲

首先要讚，店家好細心，號聽日安排座位一坐低，即刻奉上消毒啫喱同消毒濕紙巾。每日老火湯都會唔同，今日係花黨蔘椰子煲雞，材料十足，火喉夠，無味精，抵讚。老火湯配白飯，飲品，特定小食，午餐都係65蚊。正~今日小食，同朋友點左相同老火湯餐，一心以為大家食物相信，點知小食有小驚喜。今日特定小食紫薯粟子可樂餅，炸出黎溫熱，無油膩感(絕非反炸)，炸粉唔厚夠脆身，紫薯香甜(當然唔可以同貴價日本餐廳相比)，夾雜少量粟子粒，令口感無咁單一。而朋友既特定小食反而係黄金蕃薯薯餅，可惜太遲發現無試到。。另外，加點左紅蟹肉忌廉可樂餅，質感同味道似沙律，蟹肉味相比較弱，味道雖然都係好食，但真係唔多似蟹肉忌廉餅。飲品名稱，店家好挑皮咁改左其他稱呼，增加左唔少趣味性。最後要讚，可能飲左湯，加上中央冷氣，食到有D熱，只係同朋友講左句，結果，侍應窩心咁靜靜地打開隻窗，令外面風吹入黎降溫，抵讚。總括而言，不以政冶立場評分，純以食物質素，服務，衛生，價格，店家細心及窩心行為，絕對配得上五星評分。

7點半左右上到餐廳，當時餐廳坐滿左7-8成人，得返門口一張長枱。一行5人坐低左，因為無餐牌所以就比左張order 單比我地自己圈。揀左蕃茄薯仔豬骨湯（大），個碗得一個不時拉麵碗既size, 5個人叫左2碗，個湯唔係老火湯，好似滾湯甘，勁清，無咩味甘，似水。蒜香肥牛：就咸到不得了，肥牛好老，咬唔開。蕃茄蝦仁炒蛋：尼個真係好過分，啲蛋炒到燶哂又無味，完全失水準蜆肉炒椰菜： 正正常常甘雞翼：係唯一一樣覺得好食既餃子：都正常開放式廚房油煙大，食完之後成身油煙味服務一般，明明隔離有2個人，有人等緊，唔知點解唔俾人坐，重叫啲人去後樓梯等性價比不符，廚藝有待改善，唔會再去