日常料理 (已結業)

九個數字：唔見人、打死人、槍殺人。 答得出嘅話，恭喜你！你已成功連接呢度嘅wifi！ 日常料理賣嘅係家嘅味道，連wifi名都係「呀......手足~~~5樓有湯飲」，未食已經好溫暖。係木製餐桌同柔和燈光之下，開放式廚房不斷傳來炒菜聲，有種媽媽煮緊九大簋嘅錯覺。 無論老火湯定其他菜式都偏清淡，適合重口味到就快腎虧嘅朋友間中黎養生。原煲上嘅蕃茄牛腩($90)就係滿滿嘅肉，一丁點配料都冇，堆滿晒厚實又切到大大件嘅牛腩，就算同台全部食肉獸都唔使爭。 牛腩上只見零碎蕃茄皮，相信係煲到溶晒，難怪牛腩入味又鮮甜，如果再熱啲就完美。全晚最愛千島單骨雞翼($45)，千島醬味入晒骨好開胃，雞肉香口又嫩滑。不諱言衝着酒煮花甲($110)而來，單論賣相同口感係新鮮嘅，但奇妙地無論酒味定蜆鮮味都欠奉，咁大隻蜆唔好味有啲可惜。蕃茄蝦仁炒蛋($70)有少少過火，蝦仁係普通急凍貨，勝在足料食到食材原味，總括而言海鮮類屬一般水平。畢竟只係啱啱開業幾個月，有不完美可改善嘅地方，認住幾味拿手菜絕對會成為平時飯堂。 每日要預食材份量嘅關係，記得上去前要book位，六點截止。💛 良心行為：- 於蘋果日報公開表態- 11-13/

第 1 次嬲到開 account 打食評，首先無 book位 , 等左好耐，等到終於有位，個店員係可以唔記得你，俾左其他後來的人入坐先，跟住 d 野食上枱，可以唔俾筷子你，問佢拎，仲可以好似你拎來做咩個樣，就係果位藍色頭髮紋身姐姐，筷子有啦，無俾碗你，又無俾水你，佢其實都無咩做，好 hea, 老實講，唔好呃香港人的好心，做咁多表面野話自己黃，個服務態度差到一個點，食物難食，勁少選擇，又貴，完值唔值最驚佢扮黃呃生意唔好影衰其他真心的黃店唔該!我係唔會再幫襯，我會去返幫襯一 d 真心支持香港 d 鋪頭

話說嗰日係約一個無屋企翻嘅手足食飯🥺特登揀呢家 因為全部係煮家餸加上周圍都係手足 希望俾翻家嘅感覺佢😢.🧆日式豬軟骨$90🧆極推薦 超級好食 幾乎每枱都有肉質非常軟淋入味軟骨部分都燉成黏口膠質滷汁咸甜剛好 絕對不過濃膩淨食/撈飯都好正🥰 ·🥘爆炒蕃茄燉牛腩$90🥘又係幾軟熟入味鐘意佢有肥肉部分 咁先夠肉香食到蕃茄嘅甜味 都係必點•🍗千島雞翼$45🍗有6隻 性價比不錯其實係連千島醬一齊煎嘅雞翼酸酸甜甜幾開胃•🍳蕃茄蝦仁炒蛋$70🍳煮家飯不可缺少嘅餸正常發揮已經好食但呢個蕃茄甜味岀咗少少•🌱蜆肉炒椰菜$68🌱正常 可以少油啲.所有都好食同整炒嫁但假如多翻啲烚菜就好🥬🥬菜式偏重口味🤭🤭

今晚我地一行17人👫👭👬浩浩蕩蕩咁去左位於油麻地既一間小店食飯傾計。其中一位搞手揀呢間店既其中一個原因就係要支持香港小店🇭🇰! 我地當然舉腳贊成啦! 🙋🏻‍♀️由於我地人數好多, 而店舖內大概只有30個座位左右, 所以我地好早就已經訂左位。而訂座時店員表示希望食飯當晚客人盡量準時入席 (+- 15分鐘都👌🏻), 以便安排座位。我地都好明白佢地既難處, 所以都好乖咁準時到達! 哈哈!鋪頭入面都幾整齊, 四圍的環境都好好, 有香港人先明白的WIFI密碼😏, 有連儂牆同埋好正既背景音樂。我地到達時店員已經拍好8張枱俾我地就座, 感覺唔錯。佢地既餐牌都幾特別, 係用收據既形式俾我地睇的, 落單方式就係係「餐牌」上寫上數量。因為我地人多, 所以我地基本上每樣野都點左2碟先, 所以全部食物都試得到! 正!注：上載相片數量有限，部分菜式無圖眉豆花生雞腳湯 ($15)有分大碗同細碗, 我地費時分黎分去, 所以就叫左細碗。湯水無味精, 食到真材實料, 不過就唔算熱, 可能因為煲好左就熄左火, 唔係一直熱住佢。同埋其中一個朋友話飲落有少少酸…和風南瓜可樂餅 ($20) + 紫芋栗子可樂餅 ($25) + 吉

🔸是日湯水 $38南北杏雪耳蜜棗木瓜魚湯，一飲就知足料冇味精，咁凍嘅天氣有湯水滋潤下即刻暖返晒～🔹紫芋粟子可樂餅 $25喉嚨痛未好返但破戒食咗炸野，好彩冇浪費我quota😗紫芋同粟子都好甜，係外面脆卜卜入面軟綿綿嘅口感，仲有另一隻南瓜味揀。🔸番茄蝦仁炒蛋 $68呢道真係家常料理黎，不過個蛋炒得好過屋企食，好香滑～好多蝦蝦蝦，重手製作。🔹煙腩肉四季豆 $68煙肉同四季豆呢個組合我好少見，四季豆甜甜地加咗蜜糖咁，幾好餸飯。同朋友兩個人黎食咗一百蚊左右，餸嘅份量啱3-4個人share 又可以食多啲款，味道都好似屋企餸，冇乜味精好heavy嘅感覺，係好味又有愛個隻！wifi pw🤧🤧🤧日常料理旺角彌敦道575號Ladder Dundas5樓