日日蒸腸粉 (已結業)

今日要介紹一間小店日日蒸腸粉！是幾個年輕人的開的有心小店有時無乜胃口唔想食太多飯，購物完後行入旺角中心一樓美食巷的日日蒸腸粉，發現有全港首創芫茜皮蛋腸🤤腸粉即製，都好滑。入口成芫茜味，配皮蛋好清新的感覺，加了黑蒜䜴油又不會太咸，加了雞蛋，所以配料也很豐富。不過味道係淡了一點，但正正因為咁食到所有食材都好新鮮，食完成晚都嗝番芫茜味！喜歡重口味嘅朋友一定唔可以錯過。另外朋友的蝦仁雞蛋腸，蝦仁也很爽口彈牙！

潮流興掃黃，今晚放工後特意到旺角中心「日日蒸腸粉」，支持良心小店。餐牌有十多款選擇，價錢由$20-32不等， 想追加配料的話每款$3。我望了望，就隨意點了個蔥花蜆肉腸（$26）作light dinner。皺皮腸粉即叫即造，新鮮熱辣，皮薄又白滑，扭作一條的皺紋很有口感；蜆肉細細粒，甜豉油多得浸住腸粉，非常滋味。說實話，男生至少要吃1.5份量才夠飽。6月9日起，小店已支持「反送中」運動，期間更參與罷工和推出$20優惠，助養學生胃口；現場所見，收銀機屏幕有「加油」兩字。這麼有良心的小店，要多多支持，共渡時艱。

平時去酒樓食最多都係叉燒腸、牛肉腸、蝦腸等等，但係呢一間野有好多特別嘅腸粉。有芫荽皮蛋腸粉、雞蛋腸粉等等，非常之特別。之前上網見到呢間腸粉都已經好想試，但Bookmark咗一直都冇黎，今日咁啱嚟到旺中終於有機會試吓。我叫咗個五寶腸粉，其實都唔係好記得 exactly有咩，好似有粟米、生菜、雞蛋、蝦米同埋豆豉？我第一次食咁多材料嘅腸粉，味道唔錯，仲超滑。唔知佢係咪即叫即整嘅呢，我哋叫咗都要等一陣先有得攞，仲熱辣辣超好食。下次一定會試吓佢嘅芫荽腸粉

星期六去旺中行街同揾食~去到旺中一樓發現呢間小食店比起其他店好像相對"健康"因為主要都是賣蒸腸粉 其他都是賣煎炸食物為主腸粉的款式也很多 大概有10多款每款都是20多元 也不貴！最後點了一份雞蛋鮮肉腸 -$26熱辣辣的！！皮不算厚而且很滑配上豉油和小量的菜 很美味！！肉碎和蛋的組合永遠是我的心水！但是小食店附近的人太多而家檯也不多 很擠擁我們只好很去前幾步 去另一個小食店租下的檔攤食下次大家可以去那邊吃 比較鬆動

話說琴日畀小巴司機喺先達放低左一路行返去奧海城。中途經過旺角中心，記得有人介紹過呢間蒸腸粉唔錯，就去試下啦。佢開得晏，一直冇機會買嚟做早餐。反正都到lunch Time，就上咗去一樓買咗盒蜆肉蒸腸粉。我唔食蔥，店員就好友善咁話可以幫我走蔥。嗰時冇乜人，即叫即整都唔算等左唔係好耐。腸粉唔止夠滑，個汁都唔係普通豉油，有啲似我上次去廣島買嗰隻蠔汁，真係勁正！$26來講真係試得過，份量夠一個女仔食，男士們一份未必唔夠飽。下次可以試埋其他味！

旺角中心多嘢食，不過自製腸粉好似得呢間有做😲呢間小食店會做好多款腸粉：雞蛋、蔥花、粟米等等，仲有芫荽味！雖然唔係啱每個人口味，勝在夠特別❤而且每款都係28蚊左右，完全唔係覺得貴。😜個人推介試下芫荽皮蛋腸粉，因為佢菜味好香濃，仲唔覺得芫荽太碎，入口一定滑，仲有一陣皮蛋香 ！

日日蒸腸粉 #旺角呢間位於新之城，開舖短短幾個月，就已經係Facebook見過人介紹，佢最特別之處係賣皺皮腸粉，仲有個芫荽蒸腸粉，不過我唔係特別好芫荽所以就冇試。雞蛋碎牛腸粉配蜆肉 $29皺皮腸粉比起一般香港食到嘅齋腸粉薄，所以更加滑脫脫，呢間嘅腸粉都算滑嘅，不過個粉漿就有啲黐，食落去有少少一pat pat嘅感覺。好在佢碎牛同蜆肉嘅份量都唔算少，所以食落去都有返少少咬口。另外佢哋唔係用豉油作調味，而係加咗一支味道似XO醬嘅油落去，都算幾好味，不過就有啲油膩。另外有一個唔係幾好嘅位，就係佢嘅雞蛋分布唔平均，所以食嘅時候有一啲係完全冇雞蛋，有一啲就係好多雞蛋，啲雞蛋最埋一齊搞到嗰個部份會好厚，冇咗皺皮腸粉嗰種滑脫脫嘅感覺。味道: 3.8/5性價比: 3.5/5

芫茜雞蛋腸粉🍳($32)以腸粉黎計佢都算比較貴,而且味道唔算太特別,腸粉本身既芫茜味唔濃,芫茜既味道全部都係黎自腸粉面頭既芫茜,而且腸粉既皮本身唔滑,可能係因為佢係皺皮腸粉既關係🙈而且同個雞蛋完全唔夾🤭醬油味道偏鹹,不過好彩有幾條生菜陪襯,味道中和返少少整體黎講係唔推薦呢個腸粉😶舖頭都有其他口味腸粉不過價錢都偏高🙈

鋪頭相片好吸引，又似內地出名嘅腸粉，今日試咗蔥花蝦米腸，賣相唔差，不過有點兒咸，太散好難夾，都比較多油，有一片生菜望落吸哂油唔敢食，辣醬好味食完有點濟住唔太享受

又係睇facebook推薦話有芫茜腸粉即叫即拉，好好食好特別咁平時去飲茶都會叫叉燒腸啊牛肉腸 加上男友係芫茜控咪試下佢到底係咪咁好食 明明OP話12點開門，我1215到都未有人大約係1230先有個收銀哥哥收錢其實以腸粉尼講佢都幾貴，我買左3盒腸粉已經要$9x收完錢店員就會比個牌你，大家都可以擇要唔要辣，多汁同蔥同埋要等10分鐘啦，因為即叫即拉嘛我今次叫左招牌既芫茜腸粉，八寶腸粉同埋蝦米腸粉其實每盒腸粉嘅份量都唔多，兩條腸粉一隻蛋加生菜我都係食左蝦米腸粉，浸住個汁有d咸又有少少甜，奇奇怪怪腸粉口感粗糙無咩味，一句講晒，同大家平時係酒樓食既手拉腸粉係2回事至於馳名既芫茜腸粉就交左比男友試佢話無咩特別，都有芫茜味既，但試一次好啦小結。係香港而言係特別既即叫即整手作腸粉，但真係無想像中咁好食 吹得太大啦建議大家如果真係食，試一盒好啦

位於旺角中心一樓小食集中區開了一間日日蒸腸粉。店內主打售賣近期內地都幾興嘅皺皮腸粉。皺皮腸粉與平時蒸腸粉最大分別是配料舖上面，而不是卷在內。十多款口味嘅腸粉，價錢分別由$26至$32左右。可加錢追加配料。今次過黎主要目的就是一嚐期間限定的芫荽雞蛋腸，看落圖片非常吸引。青靑綠綠，幾靠譜，盛惠$32 一打開盒蓋，芫荽香氣的確濃烈。但作為芫荽愛好者來說食落荽味唔算突出，而且雞蛋比例略嫌少左點，配料還有少量冬菇。以一個無肉腸粉索價$32,個人就覺得太進取!

🌿芫茜雞蛋腸($32)🔻推薦指數:🌕🌕🌕🌑🌑甜度:鹹味🌑🌑🌑🌑🌑質地:滑溜 嫩腍🔺新開係旺中一樓立食街嘅蒸腸粉🥢依到係賣皺皮腸粉同平時食開一碌碌蘸甜醬麻醬不同，腸粉即叫即蒸👍所以晏就去都預左要等候一下🙈(新開依家客源人潮都好旺！)皺皮腸粉入口嫩滑，幾乎不用嚼就滑入喉嚨🤤很滑溜，皮薄有淡米香，不會一夾就破，略帶少許彈性，但如果更有咬口會更合我口味~我選的是限定每日 三十份嘅芫茜雞蛋腸😛🌿我個人就好鐘意芫茜陣味，雖然將芫茜打碎混入米漿，但我都覺得唔算好重芫茜味😯望落個色水就好重綠😏淨望都好正🤭估唔到加埋雞蛋🥚增加咬口又幾夾，加埋自家秘制辣汁辣醬為清淡嘅腸粉變得惹香，吃著吃著🤭覺得現在整體感覺有點像吃蚵仔煎質感但無咁熱氣😛腸粉底還有些生菜🥬下次要試下五寶腸😍更多配料在內~~

近年新興皺皮腸粉，個個便跟風開腸粉鋪。前幾天在雜誌看到旺中又開了一間腸粉店，更以獨創的芫荽雞蛋腸粉及每日限定30份作為噱頭。講到咁吸引，當然要和為食隊友一試究竟啦。店舖關於旺中一樓，與其他小食店逼在一起。所有食客都聚集在衆店對出的狹小空間，擠得有點水洩不通。餐牌選擇不多，既然是慕名而來，便試雜誌推介的芫荽雞蛋腸吧！店內貼著雜誌報導，說負責人致力創作不同口味的新產品，以及芫荽雞蛋腸很足料。大概10分鐘，萬眾期待的腸粉便出來了！從翠綠色的外皮便可看出芫荽份量很足，但聞到的竟然是乾貨的海鮮味？！濃稠的醬汁用上蝦米，可能想彌補腸粉只有芫荽及雞蛋的單調，但這個醬汁完全蓋過腸粉的米香、芫荽香及蛋香 腸粉皮不算滑溜，也不煙韌，夾起來很快便斷掉。由於沒有其他餡料，吃起來口感較單調。雖然雜誌吹捧得很厲害，不過期望越大失望越大，試過一次就好^^”

近數月內地皺皮腸大熱，不需捲起裝扮直接由蒸櫃上檯，率性自然有鄉土味。無人認領是何市何村的風味小食，是野婆婆。早前吃過是內地人拉的出品，街邊檔口風格。今次是城市化的，在商場內立食。特色是醬汁，不用豉油，用了煮餸的豉汁，不咸，保持了米香。向店員說明你要求的辛辣度會更好，如微或小辣。醬汁不算頂呱呱，但有其特色，勝在汁液豐盈。很會做生意，服務好，款式多至10款。另有齋腸，加3元可加食材。我食牛腸，當然有蛋和唐生菜。牛肉粒很碎不滑。份量不算多。最吸引是荽茜雞蛋腸，似「史力加」，茜味澎湃，平生未嚐。