影片
食家推介
上次去啟德行完，順道去埋新蒲崗試咗心水list入面嘅Cafe——日日 Jourjour。呢間店一早就留意咗佢哋嘅甜品，今次終於有機會試，假日下午三點依然full house，可見人氣真係唔少。🍞法式西多士 $118賣相已經令人心情好好，選用自家手作生吐司，鬆軟有彈性。面層鋪上焦糖香蕉，外脆內軟；再配埋酸酸甜甜嘅雜莓蜜餞，口感同味道都非常豐富。最欣賞係佢唔會過甜，雲呢拿忌廉夠輕盈，整體平衡得好好，係水準以上嘅輕食。🍋日光檸檬撻 $60清新得嚟檸檬味十足，撻皮鬆脆、餡酸度啱啱好，唔會有假酸感，食落有少少醒胃作用。檸檬控絕對要試！🍳全日日早餐 $128主食方面比較普通，但整體都有水準。煙燻三文魚同英國豬肉腸鹹香得宜，炒滑蛋夠嫩；沙律新鮮爽口，牛油果同炒菇就略嫌少份啲。香煎蕃茄爆汁，令成個配搭多咗啲濕潤感。屬於穩陣發揮，不過比起甜品就失色少少。Cafe裝修走懷舊木系，樓底高，坐位闊落，感覺唔侷促，幾啱朋友聚會慢慢hea。甜品確實係招牌，今次雖然試唔到蛋糕同可麗露，但西多士同檸檬撻已經俾到驚喜，之後都會想再嚟試埋其他款！
繼續閱讀
開業大半年，過開黎新蒲崗，當然要順道潮聖。原本想去rommate，但係太長龍，轉道到JourJour，於舊區中有打卡cafe特別有情懷。ᦏMenu᪔ ⌺青醬扭紋意粉 $108有驚喜！同平時食開嘅青醬有點不同，配上甜酸亁蕃茄及少量水牛芝士，味道不再單調，而且一點也不油，還有parma ham咸香味，好多層次。⌺全日早餐 $128近期每次去Cafe都會試ADB，多左硏究，呢個正正常常，無乜特別𖡎⌺日光檸檬撻 $60小店主打𖤐ˊ˗美美外貌，喜歡酸既朋友一定鍾意！⌺Uji Matcha Latte $55拉花無乜特別，但味道不錯，抹茶香濃不苦，夠細滑～店內有很多冷勾杯墊及decor，與冰冷嘅水泥牆好有反差。見其他人都推法式多士$108，賣相吸睛，如果唔特別食正餐可以試吓！
繼續閱讀
由以前嘅Solight工作室到而家地鋪嘅日日，地方不大 風格偏向日系 裝修簡潔但每個角落都用心佈置，採光亦充足。無論係環境氣氛定食物味道，都好治癒身心靈青醬扭紋意粉呢個有驚喜！本身以為味道會較單一，但parma ham嘅鹹香同風乾蕃茄嘅微酸令意粉清新開胃 日光檸檬批檸檬醬嘅酸甜度調到啱啱好（個人鐘意偏酸少少），口感清新又唔油膩，而牛油餅皮都做得好好 唔會一拮就散哂。60蚊的確係貴 但值得可惜無預早訂黃油雞，唯有下次再黎食。整體環境同食物質素幾高質
繼續閱讀
🚩Solight班底落地 水準依舊🚩📍 日日Solight日光工作室一直是本地其中一個有名的飲食品牌，多年來創作出售不同別出心裁又用心選料的糕點，深受很多人的喜愛，也為它們自己打造出一定的名聲。早在上年的下半頁，它們暫停接受新的蛋糕訂單，沒有了消息好幾個月，再出來的時候已是宣布開店的日子。這間位於新蒲崗的地舖走日式裝潢，座位闊落採光充足，坐起來頗為舒服。店內無論燈光、植物甚至硬件都富有設計感，一進來的位置更掛著一幅今敏的電影海布，整間餐廳都瀰漫著淡淡的文青風。🍴紅酒燴牛肉配薯蓉 （$178）全日供應的熱食（不計多士）共有四款，但當日沒有千層麵，所以我們索性把另外三款全部試完。三個熱食當中這款最出色。先讚紅酒味非常濃郁，牛肉又燴得夠腍，把紅酒汁全然吸進去，口感十分好。看似普通的薯蓉亦有驚喜，裡面既有軟綿質地的也有一粒粒的，這樣的處理手法使它的口感層次更為豐富，配上紅酒汁簡直一流。🍴青醬扭紋意粉 ($108)意粉的生熟度控制得宜，加上風乾蕃茄和巴馬肉腿為意粉加上少少鹹和酸的味道，吃起來更為開胃。唯一缺點是這個菜式沒有其他配菜，所以會略為覺得單調。🍴全日日早餐 ($128)All day breakfast就是正常水準，唯獨想讚那手作生吐司非常軟熟，連我不太喜歡麵包的人也覺好味。另外炒蛋亦非常滑，配上吐司一流。🍴日光檸檬撻 ($60)在這裡不吃甜品實在講不過去，所以無論熱食已經多飽，還是要了份檸檬撻以解掛念Solight之愁。一如既往好水準的出品，特別要讚檸檬醬能平衡甜和酸的味道，是香港比較少見的。餅皮質地亦非常好，所以即使價錢有點偏貴，也十分建議大家試試。
繼續閱讀
一向唔寫食評嘅我，都忍唔住為呢間咁有心嘅餐廳出一個post！當日係啟德Airside 5分鐘左右就行到過嚟日日，佈置非常舒適💯前菜揀咗新鮮本地菜蕃茄沙律🥗配初榨清酒🍶非常完美嘅配搭！第二款揀咗青提芝士配炸蝦，🍇青提既酸甜同淡淡既芝士香味🧀配上外酥內嫩的炸蝦🍤非常驚艷！主菜揀咗紙包焗馬油🐟滑嫩既魚肉，完全媲美食左30年既中式蒸魚，可以睇出廚師非常用心既烹調手法🥹肉味濃厚的牛扒🥩搭配上特選醬汁，無論係肉質既鮮嫩定係調味既精緻，好滿足🙌另外仲有sourdough 同埋餐後甜品都非常正！非常滿足嘅一餐晚餐💯🥰
繼續閱讀