影片
中環交易廣場乘6X 或260 巴士至影灣園下車。
繼續閱讀
營業時間
星期一至日
12:00 - 14:30
18:00 - 22:30
以上資料只供參考, 請與餐廳確認詳情
招牌菜
食評 (30)
昨天跟4位同事去了食晚餐, 其實小妹對呢間餐廳就一定唔感興趣o既, 事關呢度主打賣勁食牛肉, 而我就係唔係牛肉o既人士o黎o既~但係個個同事都好想去試吓wor, 咁無理由永遠要別人就自己o架~ 所以就一齊去啦~ 廣告都有寫係有其他o野食, 包括雞, 豬, 日式料理等等......去到要走過一段好靚o既路, 入坐時都好期待, 到我o地點餐o既時候先知道原來係有分$99 同埋$399 之分o既 餐。$99 係人頭分量o既蔬菜, 豬, 牛, 雞就一小時內任食; $399 呢就係同上啦~ 再加一d刺身同壽司之類o既o野但係我睇報紙介紹o既時候又無咁講o個wor, 都無講到食壽司o個d係另外計呢?? 咁都算啦! o黎到就當然係食 shabu shabu 為主, 如果真係想食日式料理我o地都唔洗o黎呢度吧?! 同埋我o地各人都計一計要唔要叫2-3個$399呢? 不過計來計去都好唔化算,所以商量咗一陣我o地就決定5位$99了。我o地落單o既時候個侍應(定經理我唔sure), 但佢不屑o既表情就係我o地大家都睇得好清楚。以$99 為噱頭唔係我迫你出o個wor, 點解你d客人想用最優惠價錢去享用晚餐o既時候會遇到如此不禮貌o既對待呀?心諗我o地個個都開開心心咁來, 我唔想大家唔開心就忍住無出聲, 當作時運高睇唔到。到時食物上枱o既時候, 我見到世上最犀利o既刀功, d肉超薄, 薄到透光, 都唔緊要, 如果好食o既話都係無問題的, 魚生有時都係切到咁薄o架啦! 但係一食落口...... d 豬肉有腥味的...... d 雞又有雪味, 薄到咁都有咁大o既"味道"...... 一定無下次。個湯底都ok o既配合埋d清菜都尚可o既, 但係不停食肉但只有少少菜就真係麻麻o地, 我真係唔知宜家d菜係比肉貴......(我真係食米唔知米貴了!!!!) 總括而言呢一度好唔好食就各人口味, 不過服務態度咁"好"呢, 我就無可能接受到囉!!!!一係就做d $199 or $299 o既 promotion, 可能都會有人來, 但係就唔好用$99 吸引咗d食客來就咁對人囉!!!!!!!!
繼續閱讀
七月十一‧雨在外邊吃飯，我也算是有點經驗。在我的字典中，「抵食」，就多數不會「好食」，而這裡，是絕對的「抵食」。老早知道這裡天天也提供一小時任食shabu-shabu，一直沒機會試。是日放早，與同事心血來潮，就一起來吃吃火窩。周二的一時未夠來到，可以想像這裡人客不會多，說真一點，就只得我們一檯。坐下向侍應提出說要吃牛肉火窩，火窩爐及食具已立即送上來，然後就是雞肉及牛肉各一碟。正奇怪怎會有雞肉的？侍應已說出原來除了牛肉，也可以選雞肉、羊肉及豬肉的。那就每樣來一碟，看看有那些好東西。吃shabu-shabu也少不得要喝啤酒，這裡只得青島及朝日樽啤兩款，俱只要後者。牛肉吃起來不算是好貨色，油脂不夠，吃起來自然不會鬆軟。但以99蚊任食的價錢，已算是交足功課；反而羊肉很不錯，因為油脂夠，淥一淥就吃，夠羶香又軟腍，點起麻醬來吃，很滿意，我們也追加一碟；雞肉算是不過不失，當然我們吃慣新鮮雞肉的，吃雪雞自然不是味兒；豬肉就是最弱的一環，吃shabu-shabu吃的豚肉質數一低，吃起來就如煲湯豬肉的，是日就是這樣子。這裡的任吃是貨真價實的，吃完一碟，侍應已經立即問要不要再添。配套也是很認真的，有一大碟蔬菜，而窩底是用木魚清湯，再加一片昆布。到最後掏點湯才喝，清鮮可口。如果不是很飽，拿來一碗米飯及蛋來做個「雜炊」，必定好吃到不得了。服務很好，侍應們快手又醒目，值得一讚。埋單每人一百七十五，已經連啤酒了，吃得飽一飽，幾抵食。雖然看來看去，這裡也只港式日本料理一間，但這個99蚊任叮一小時的shabu-shabu，又真的是幾抵食的。
繼續閱讀
有兩款Shabu Shabu套餐，分別是$99.00的牛肉任食及$399.00的壽司刺身餐。$99.00個餐有牛肉及一盆雜菜，只有牛肉是任食﹗大約要在1小時內完成，牛肉就無其他食評講得咁好，不過$99.00你想要什麼﹗我去過好多食店，d雜菜會黑黑黃黃，這裡就好新鮮，樣衰的部份都切掉﹗$399.00個餐有4件壽司（三文魚、吞拿魚同另外2款魚類），4款刺身（一隻牡丹蝦、3片三文魚、2件帶子、2件不知名魚類)，一隻芝士焗大蝦，蝦+雜菜天婦羅，再有牛, 豬, 羊的Shabu Shabu，最後還有一個雪糕﹗Shabu Shabu、只係羊肉較好有臊味但較碎，其他就行貨。壽司和刺身，夠新鮮肥美。天婦羅炸得夠水準，炸漿夠薄少油。芝士焗大蝦非常好吃，芝士夠香，蝦夠熟但唔會煮過頭，有蝦膏。雪糕是綠茶味，夠香夠滑，佢地仲好細心，用兩個碟盛載，其中一個碟是冰了的，值得加分。另外點了一個西瓜汁，是鮮榨無加水的。最後評論：如果為了去吃Shabu Shabu，就不值得去咁遠了，但佢其他菜色，水準非常高，當然價錢亦較貴，如果散叫，應該會更貴。水準和收費，應該是一家高級的日本餐廳。個位置的確幾難找，佢在二樓，但行來行去，都看不到樓梯。你從樓梯入淺水灣酒店，上完樓梯向左邊行，會見到代客泊車場，見到前邊有惠康，就行過去，去到走廊，就轉左邊行到盡頭，一上樓梯就會見到間鋪。
繼續閱讀
行過皇悅酒店,見門口宣傳話原價299的日本料理自助餐而家做150,咁抵,講番食物,前菜壽司刺身手卷天婦羅炸物串燒樣樣有齊,仲有火鍋食,生料在自助餐紙自己剔,壽司雖然每件細左少少,但件魚生大過舊飯就好識做,食物都好新鮮,尤以赤貝同凡立貝味道最鮮,天婦羅的份量亦剛剛好,唔太粉又食到入面食物既味特別係蝦好新鮮!三文魚刺身一客就有五六大件,上菜速度都好快,侍應亦好好服務,成日斟茶同加湯,值得一讚!加埋整體環境燈光暗暗夠浪漫氣氛,衛生情況一流,咁既價錢,仲想點!每人平均$180左右。魚 生 好 新 鮮 , 壽 司 好 靚 好 精 緻 ,又 有 海 膽 壽 司 ,熟 食 都 唔 錯 , 幾 入 味, 雪 糕 味 道 又 多
繼續閱讀
早前見到雜誌寫又有99元的shabu shabu 食,而又咁去開淺水灣,於是便試下!不過間餐廳其實不易找,雖說是在巴士站上的商場,但不問人真的不知在那...入到去環境一流,服務也非常好~進去之後叫了個shabu shabu ,任食豬,牛,羊,雞肉,而菜只得一碟,限時一小時。可以當坐下他給你餐牌時...是不會比那張印有99元的shabu shabu你的...如果不是在門口見到有單張,也不知有沒有提供。而且,當叫了只值99元一個的食物時,他是會不停的問你需不需要叫點飲品...問也問了3次...的確扣了點分,不過當然是很有禮貌啦,也不會迫你..但感覺不好...不過服務真不可挑剔,當個火不夠時,他會幫你睇下,也會睇下夠熱未幫你開蓋,最好的是當你吃完一碟時,他會幫你上過另一碟,令你不用每次都叫他上。我也未吃過很好的牛..也不知這些是否頂級,但以價值計絕對是超值的,因為牛羊的肉地也很靚,咬下去也不是像茶樓那些全都肥肉。最後值得一提的是,其他東西也很貴...比較無咁抵..
繼續閱讀