日本野 (銅鑼灣廣場二期) (已結業)

今日嚟到日本野食日本嘢🤣環境好闊落，咁啱坐卡位都好舒服～食物種類嚟講，佢唔算好多選擇，主要有啲壽司、刺身同有啲主食等等，而且價錢都偏貴少少～套餐都大約要$130起跳，$130叫個雞扒餐不如叫個貴餐😂我叫咗個石燒霜降和牛 ($218)🥩可以揀湯同沙律～我就揀咗沙律，略嫌沙律有啲太簡單，只有青瓜絲、蟹柳同蟹籽，個人覺得如果有啲生菜、蕃茄、粟米會豐富啲🙈個石燒牛就真係有返啲質素，大約有十塊牛肉🥩牛肉肥瘦均稱～入口都非常有香濃牛肉味同埋油香，我覺得係幾好食嘅～加上有隻溫泉蛋，我將佢加埋入個飯到食，味道冇咁dry👍呢個餐亦會有一杯飲品，食完成個餐都覺得係飽嘅～整體嚟講，我覺得價錢略為進取少少，同埋食物上都有進步空間～繼續努力！💪

改「日本🇯🇵野」呢個名都幾得意，同一集團下還有旁邊的西餐及泰國🇹🇭菜。 今晚就先來個日本🇯🇵野吧。隔局有點像居酒屋🏮，款式也算多樣化，我哋就點了：極上壽司拼盤🍣精選壽司拼盤🍣火灸三文魚味付帶子裙邊脆味雞軟骨🐥炭燒牛舌串🍢和風柚子雞翼🐥炭燒黑豚腩肉串🐷🍢炭燒雞腎🍢和風炒野菜🥗🥦🥬🥕石燒霜降和牛🐮🥩服務員💁🏻遞上一點和牛，肉質已變色，近乎黑色，我們立即叫她幫忙換過另一碟，這時，經理💁🏻‍♂️便過來立即把它拿走，然後再遞上另一碟顏色正常的，及連聲致歉。雞翼都大隻，雞翼皮都夠脆，但是，肉質略嫌醃得不夠入味，吃起來沒什麼味道😌店舖都頗大，非常整潔，座位也坐得舒適🛋，不錯👍🏻

見食評幾好，早幾日就去試下在銅鑼灣的日本野就中伏了，本來想開開心心食餐美味生日飯，但食物質素真的好有問題，首先(1)$228的“霜降牛肉壽喜燒烏冬”，一上枱時，千祈咪被佢個好似好美味既外表到，滾起後，牛肉係吉野x好食過佢，個湯底係咸到不能接受，烏冬係“噹噹”烏冬好食過佢😓突然好回味曾經在吉野x只係幾十蚊就吃到飽哂又算唔錯既一人牛肉火鍋😍(2)$218的“石燒霜降和牛”＋溏心蛋，勁囉，和牛三塊超多肥糕，另外三塊深紅色，完全同餐牌上相片中的均勻雪花紋的和牛係兩回事，和牛肉質食落唔係韌係淋的已好欣慰，但d肉係超咸，係人生中食過最咸的肉呀，救命！仲有果兩Kai溏心蛋，味道好似滷水蛋😒(3)$108的“海萄葡角切魚生沙律”，一大餅乾旱的青瓜絲(感覺放左好耐風乾哂)，上面有幾Kai開邊的迷你蕃茄仔，切角魚生細粒到差點睇唔到佢係魚生，呢個沙律$40幾都俾多佢😓(4)$158的自選丼飯，魚生唔夠新鮮，個前菜叫”日本餐沙律”，又係果一大餅乾旱的青瓜絲，上面有手指頭咁大的一截蟹柳＋沙律醬😒唯一味道正常，係“柚子雞翼”，簡直係成餐飯的一股清泉喔🙄🤭但要讚下招呼我地的一位叔叔侍應，係幾有禮貌的👍最後埋單千幾

這間店的店舖面積頗大，座位寬敞舒適。顧客不多，所以環境安靜，店員也親切周到。滑蛋雞扒丼是午餐，跟前菜和餐飲。雞扒肉質不錯調味適中，而滑蛋的份量也很多，足夠送飯，配上木魚、紫菜絲和醬汁，整個飯的味道很好。前菜是一小碟中華沙律，稍微失色，如果是辣味螺肉或者一小片三文魚刺身就好得多了。餐飲點了凍奶茶，味道正常。同行朋友點了吞拿魚碎三文魚子丼，價錢略貴，不過吞拿魚碎和三文魚子都很多，味道鮮美；雖然不配餐飲，但店內有提供日本茶，都OK。

想試好耐既日本野，之前係隔離食野見到已經好想試，無得去日本旅行，咁就更加要食日本野滿足下自己，提供多元化種類選擇，有定食、石燒牛、沙律、鍋物、炒飯、串燒、壽司、刺身等等，絕對岩哂乜都想食既我🙈另外不得不提佢既火灸壽司實在太出色🤤入口即溶好creamy，同舊飯簡直合二為一👍🏻沙律仲比想像中好味，岩哂我胃口，而刺身就不過不失，最重要係價錢合理又好味🤩🔸煙三文魚藜麥沙律🥗 $78🔹炭燒原條茄子🍆 $68🔸炭燒大啡菇🍄 $28🔹火灸芝士蟹棒🦀2件 $22🔸火灸三文魚🍣2件 $28🔹火灸左口魚🐟2件 $32🔸三文魚刺身5件 $58🔹甜蝦刺身🦐5件 $68🔸三文魚壽司🍣2件 $22🔹吞拿魚壽司 帆立貝壽司 每款$48

呢間日本野係超級超級超級超級伏！上網睇食評同埋睇social media都覺得呢間野正正常常啲相都幾靚。去到門口見到餐廳得一半人個心已經知道不妙。嗌咗個鰻魚玉子燒，一上菜我都諗咗幾秒嗰樣係咩嚟嘅。我從來未見過啲玉子燒燒到係燶咗仲要係扁晒。裏便係得極少量微量嘅鰻魚喺裏面。啲蛋係乾到一啲水份都冇仲要係冇乜味。完全有明將嘅風格🤦🏾‍♂️ 杯士多啤梨沙冰完全係化學物溝出嚟嘅嘢飲，上面仲要沈左啲糖碎。我哋仲嗌左個魚生飯，最特別嘅係佢啲孩子有洗潔精嘅味道，完完全全係超級超級超級難食，啲飯又乾度一舊石頭咁樣。

本身我係吾鐘意寫食評既人但今次真係嬲到一定要寫今次本身係慶祝生日，所以見OpenRice 都好多好好既食評所以book左呢間晚餐我哋叫左2個set餐2個丼飯幾個小食1.石燒霜降和牛首個牛既樣同個餐牌既相與實物不符諗住味道應該吾差，但燒第一塊食係咸到懷疑人生，無論外貌肉質或口感都係連鎖凍肉舖既醃牛柳一樣，開頭係懷疑個人嘅口味，但比全檯既朋友試過，一致認為係咸得過份2.霜降牛肉壽喜燒呢個壽喜燒都係咸到全檯人都認為普通連鎖店既火鍋都好食過佢湯底係滿滿既鼓油味霜降牛應該係形容佢係係雪櫃拎出黎解凍既肥牛既意思個烏冬係好粉無咩彈性3. 2個丼飯d刺身有d溶溶爛爛同有d霉D米絕對係吾係珍珠米，口感同外貌都吾係，似中式米4.和風柚子雞翼（小食)係咁多個野食之中最正常味道吾差，好香柚子味5.厚燒鰻魚玉子燒（小食）玉子燒味道正常但玉子係同鰻魚係一夾就會分開6.海葡萄角切魚生沙律呢個沙律同我跟餐既沙律係大丁丁魚生真係小角切得10塊海葡萄係有幾條但絕對吾值108蚊呢間野伏到我本身想係果到切生日蛋糕，連蛋糕都吾想係果到食，拎走去第二到食服務生態度係幾好只係d野食真心吾得，仲要千幾蚊食d咁差既野，難得幾個朋友出嚟

今日食晏嬲到爆坐底叫左個刺身定食lunch set 同玉子鰻魚燒，從來未食過硬骨骨嘅玉子卷，啲蛋煮到老哂，亦食唔出有鰻魚味，堪稱「玉子界姥姥」！之後嘅刺身定食跟面豉湯同烏冬，連最基本嘅湯都係啖某某，烏冬唔彈牙，刺身直頭睇落啲色質都唔多新鮮，可能係吉之島買都好食過佢，連跟餐嘅熱檸水都可以飲落陣味怪怪地，以後唔會再去！完！

喺銅鑼灣想搵間平平地嘅日本野過下口癮，朋友介紹嚟咗呢間日本野。😆銅鑼灣嚟講價錢的確幾親民，當日嗌咗一個鰻魚炒飯（$158）同火炙碟魚裙邊海膽丼($158)，晚餐送沙律/湯加野飲一杯。個人認為火炙碟魚裙邊海膽丼幾出色，碟魚份量都幾多，入口即溶。海膽不過不失，無腥味，158蚊嚟講真係做得唔錯。不過由於個日太肚餓，唔記得咗影相🤣🤣原先想嗌自選丼，不過呢間嘅自選丼款式唔算多，而且焗住要揀4款，所以最後無嗌。舖內嘅座位都幾闊落，而且張枱夠大，最岩一班朋友一齊食飯吹下吹！

晚餐時店來試下，見網上d人話牛唔錯！我點了晚餐，curry 牛肋骨飯！個dinner set 包沙律或湯選其一，主食再加飲品，這個咖哩牛肋骨盛惠 $158 價錢其實唔係話好平，但諗住試下！上枱賣相都ok , 大大碗咁啦。好期待既牛肋骨，簡直徹底失望，肉質超鞋，勁牛蘇味再加有雪味，真心吃不下！諗住唔食牛，淨啪個咖哩飯算，點知咖哩汁完全唔似日式咖哩，我只可以說是咸味咖哩，沒有一般日式店的微甜咖哩味，竟然偏咸，完全失敗之作！我唔明呢碗野點解可以俾人食

呢間之前都想試，今次就同朋友食咗食物選擇都幾多，有定食、自選丼飯同埋小食餐廳環境都幾大，坐落都舒服試咗佢幾款定食照燒雞扒煎都唔錯，都幾滑配埋溫泉蛋幾好味吉列豬扒份量好足，上面有勁多椰菜而且揸得都唔會好乾浦燒鰻魚有啲失望鰻魚份量唔算好多不過佢口感有啲奇怪，咬落彈彈地有啲似橡筋比目魚定食相對比較好味佢夠魚好滑，爆曬魚油外皮都幾脆不過略嫌細舊咗啲自選多飯就不過不失唔算話好特別，不過賣相都幾靚特別係佢舊玉子整體一般服務態度有待改善百零蚊來講食物質素普普通通未必會再去

約咗舊同事加舊同學食lunch!!今次食日本野，間野個名真係叫日本野🤣.我哋今日食set lunch，冇得去日本都喺香港食返啲新鮮嘅刺身同埋壽司補返數😋我揀咗個特選壽司拼盤定食（$98）仲包左蕎麥麵同餐飲。啲壽司真係算幾新鮮尤其是係油甘魚同魷魚，入口真係好鮮甜🥰其他壽司好似三文魚，玻璃蝦，同埋吉列蝦反卷都唔錯啊👍配埋碗蕎麥冷麵夠晒飽肚😋.朋友就點左特選刺身拼盤定食（$118）我見佢有三文魚，油甘魚，甜蝦，帶子同八爪魚各兩件 睇起上嚟賣相都幾新鮮，聽朋友講食落都唔錯！👍不過佢就話碗豬骨湯烏冬就一般。加上環境同服務態度都唔錯，今日我哋吹水吹左成個lunch，好爽😆😆下次再相約食好嘢😋😋

天氣炎熱，難免想食新鮮的刺身。在鬧市當中打開openrice, 見到有間名為日本野的日式餐廳，就決定用app book 同去試下由於一入座時時間尚早，我地係第一枱客，都相信佢地係岩岩落完場再開晚市。再睇返原來佢地晚市係開1730-2100大家記得啦！上到去其實坐得幾舒服，因為台與台之間唔會太迫，去到7點開始啲客先慢慢黎，不過都唔會太嘈太嘈！ 一坐低打開menu,就見到有自選丼飯的menu,可以任簡4款的魚生/刺身。 原來都想食刺身，所以就順理成章試左。Menu都算多選擇 亦唔算太貴。重點是set 仲有前菜同飲品。自選丼都算足料同新鮮，第一次食都覺得唔差，咬落去唔會覺得唔新鮮！ 自選最大既好處就係可以揀自己想食嘅野🤪 仲有，佢有舊玉子係寫香港加油！ #明就明 We are HOng Kong 🙏🏻我地仲加左兩個小食，炒野菜同牛油粟米。粟米是正常發揮，黎到時起碼都是香噴噴和熱辣辣雖然炒野菜都係熱辣辣，不過偏咸。希望餐廳可以改善下🙏🏻🙏🏻。不過大至上，第一次係度食野同第一印象都唔錯🤝 值得再試

伏伏伏自選丼飯個碗細就預咗但估唔到大伏除生蝦係普通外1) 魚生放入口係室溫嘅溫度2) 三文魚油甘魚, 全部錯刀功+薄切3)油甘魚: 睇相就已經見到有根唔忍心咁多人俾呢間所謂”日本嘢”比人呃

_____好味指數：🌟🌟🌟抵食指數：🤑🤑🤑🤑一直有幻想會唔會有間日式餐廳叫呢個名，終於等到喇😂以後朋友問食邊間日本嘢就可以直接答佢日本野🤓喺銅鑼灣二期位置方便，餐廳空間算大而且可以提前book枱，咁食lunch就唔使驚同人迫啦✅角切魚生丼配料豐富嘅魚生丼，有三文魚、油甘魚、蟹子、蛋等，魚肉結實亦唔韌，每種魚口感不一有層次，而且選料一啲都唔馬虎。有啲餐廳會用邊角料做角切魚生飯，但睇得出呢間用料新鮮，真係用魚生食材切粒整成唔使等位喺銅鑼灣已經好難得，而且依家午餐時段有八八折，非常抵食